湘川滬 (+WOO嘉湖二期)

營業中

休息中

上海菜越來越少了，大集團式的新派始終吃不慣，尤其家有正宗上海媽媽。還在疫情下，又是晚市首輪，不用等位直入，坐卡位，好舒服。食物夠份量，有水準，向來不喜鍋貼，也可吃兩隻。不可不吃臭豆腐。提提你，蔥油餅不是扁扁如薄罉果類，係好似Fountain Cookies咁o既。食到要打包，都係六佰幾，平過酒樓食小菜，一定會有下次。

昨日去左銀座湘川滬，多年前去過葵青劇院幫襯過，好食，首先，諗住叫個醬茶乳鴿，個名大概係咁，冇貨，叫左個bb鴿，叫左幾支啤酒先，再叫酸菜魚，蟹粉南瓜豆腐，小籠包，甜品叫個椰汁燉雪燕，兩個人食，叫住先。乳鴿正常，個酸菜魚，落單唔夠5分鐘已經出菜，有冇咁快呀，味道一般，但個蟹粉食落去好腥，同個侍應反映，但食完餐飯都冇過黎，再問侍應，佢話係咁喎，死喇，做左5-60年人，食過蟹粉多次，都未試過，你試都未試，就話係咁，咁叫佢搵經理出黎，經理攞左入廚房，隔左一陣出黎，話幫我取消，到個甜品出黎，太太食落口，第一時間吐出黎，我立即試下，似係奶制品放左一個星期變左嘅臭酸味，經理攞左入去，出黎又冇埋我張枱，到我埋單，兩個菜係有取消，但你個經理係咪要同客人交代下呢？咁嘅出品，咁嘅服務態度，總之唔會有下次啦

天水圍食店認認真真不算多，銀座吃個飯都會有點苦惱。帶著家人吃當然是吃中菜，不想不斷重複在酒樓解決，所以選了間湘川滬來吃。這間吃過幾次，都還不錯。可惜這次扁皮鴨賣光了，不然會叫來吃。滬食，當然少不了小籠包。皮不會厚，餡料都夠也有點湯準在裡頭，合乎一定水準。紅油抄手，一樣餡料很足。不會太辣又夠惹味，合香港人口味。水煮魚，是整整一大條。裡頭配料都足，魚肉也嫩，味道也足，很不錯。最後叫了個糖水，椰汁味足，上邊的燕窩也不少～爽。

近排雖然武漢肺炎開始受到控制，但可惜政府仲未取消限聚令，所以最多只可以四人用餐，而我哋為免遲啲武肺再度爆發，所以決定提早慶祝母親節，四個人照食住先慶祝母親節當然要有飯有湯，呢個四寶海參瑤柱羹賣相同味道都有d 似碗仔翅，雖然係咁但都尚算足料。呢個醬炒年糕軟殼蟹有少少似fusion菜，好少見中菜會加入軟殼蟹作為材料，軟殼蟹味道一般但份量都唔少，而年糕就炒得幾好。清炒河蝦仁賣相相當精緻，蝦肉咬落爽口彈牙，而味道清淡岩岩可以中和返醬炒年糕軟殼蟹嘅濃味。瑤柱賽螃蟹入面除了蛋白以外，仲加了真正蟹肉，令蛋白擬似性更好。竹笙素燴

難得一家人溫馨外食最近一直困在家，真的沒什麼機會齊齊整整在外邊吃飯，難得家裡有人生日，便預約了一間中式茶館食飯。紅油抄手，醬汁不少，味道酸辣適中，皮不厚肉夠飽滿。水煮魚，是熱騰騰的，吃完也不會太多油於面，這點夠細心，魚的肉質也滑。小籠包有湯汁裡頭，餡料也足，吃著不錯。蘆筍絲切得絲絲的，炒得清甜可中和其他惹味中菜。酸甜蝦仁有驚喜，蝦仁炸過但炸皮不厚，醬汁酸酸甜甜很香口，蝦肉仍彈口。整體這次外出很滿足，難得一家人出外吃飯感覺很好。

一直想搵間好食又抵食嘅中菜廳因為男朋友好鐘意食中菜 而我。。好鐘意食北京填鴨🤤所以我地決定今晚去食湘川滬 一次過滿足大家胃口佢地以湖南、四川、上海三地名菜作招徠入座枱面一碟木耳蓮藕作前菜 一啲都唔Hea非常有心思北京填鴨當然唔少得 份量超多😂超滿足烤鴨外皮鬆化香脆 油香滿溢夾埋京蔥同青瓜可以中和油膩感我地叫左二食 鴨肉拎左去做炒鴨絲 好香好惹味佢地嘅五福小籠包我都極力推薦🏅非常有驚喜皮薄餡靚 脹卜卜好多汁 真係樣樣都做到足一籠有5款味道 分別係酸辣味，松露味，蟲草花味，蟹粉味同原味我食左松露味 松露菌香濃郁迫人 味道喺吞尖縈繞 裡面應該仲加入左芝士 用齒頰留香黎形容最適合不過如果你同我一樣係松露迷😌必須一試！另外仲有食左蟲草花味佢嘅湯汁入口就好似飲緊淡淡住家湯咁 清甜滋補另外個啲味道由男朋友一口包辦😂佢都讚不絕口如果只想食其中一個味都可以分開叫瑤柱蛋白炒飯嘅瑤柱份量好多 啖啖都食得到瑤柱味但我就比較喜歡有菜粒😂會比較有咬口味道冇得彈但我就覺得差減啲口感失色左少少鐘意食中菜或者一家人食飯想滿足屋企人唔同口味湘川滬就一應俱全 啱曬大家要求☺

呢間中菜館名字就叫湘川滬，取至於湖南、四川、上海嘅地名。🌄 所以一嚟就可以食曬三地嘅地道美食，試下水準如何先。⁣⁣⁣🤤⁣⁣⁣小籠包（$36）［好味度：8/10］⁣⁣⁣⁣⁣⁣⁣正所謂「越簡單嘅嘢，越難做出水準」，要試下一間上海菜嘅嘢水平，就一定要試吓小籠包。🧐 雖然賣相上好似冇乜特別，但係竟然比想像中更好。😀 佢嘅皮真係好薄，但係又唔穿，小心啲就唔會篤爆佢。😉 而入面真係有超大量嘅湯汁，再加豬肉相對較肥，口感就更加飽滿，真係唔錯。⁣⁣⁣👍🏻⁣⁣⁣醬炒年糕軟殼蟹（$138）［好味度：8/10］⁣⁣⁣⁣⁣⁣⁣估唔到作為一間中菜館，都會有啲fusion啲嘅嘢食喎。😯 呢個醬汁雖然有啲偏鹹，但係夠曬惹味，正正可以彌補番年糕本身冇味嘅地方。😆 而且估唔到個醬汁同軟殼蟹都好match㗎。😌 軟殼蟹總共有三隻，切開後總共有六大嚿，一啲都無偷工減料。😌 每舊都充滿蟹肉，而且外層酥脆，內裡蟹肉鮮嫩得嚟又多汁，真係好豐富。⁣⁣⁣🦀⁣⁣⁣星級步步高陞高力流沙奶皇（$60）［好味度：7/10］⁣⁣⁣⁣⁣⁣⁣呢個高力入面唔係豆沙，而係奶皇，感覺幾有創意。🤩 而且係即叫即製，新鮮熱辣的！糖粉另上，自行加幾多都得。😗

限聚令實施後，我都好少同我屋企人出去食飯，今日難得同爸爸媽媽出去食飯，所以就搵咗天水圍比較高質嘅中菜廳食晚飯，估唔到酒樓都差唔多全場滿座先叫咗個湯羹濕濕口先，湯羹感覺有啲似碗仔翅，但材料都係比較上盛，例如有切成一條條嘅海參絲、冬菇、筍等等，湯羹預先加咗少少胡椒粉，成個味道會比較突出呢碟蝦仁嘅數目實在相當多，唔好提佢好似白恰咁款，其實相當入味，蝦仁爽口彈牙，送飯一流鍾意食齋嘅朋友一定唔可以錯過呢款有竹笙、小棠菜、各種菇類煮成嘅齋賽螃蟹喺呢度必點嘅小菜，蛋白嫩滑，配埋一絲絲嘅蟹肉，真係食唔停口，所以最後我竟然買咗兩碟軟殼蟹配上海年糕都係我第一次嘅新嘗試，軟殼蟹係經油泡過，識落比較香口

天水圍唔係冇嘢食嘅，但係要坐得寬敞啲，有茶飲比老人家開心下嘅就冇乜。依間總算係合乎心水，味道又唔錯嘅餐廳。土匪鴨，食咗幾次忍唔住要推薦，土匪味道十足，配合鴨肉嘅肉質，冇雞肉咁膩。蟹黃豆苗，豆苗細嫩就一定嘅，蟹黃醬都調味得幾好，香口又有肉絲。湯水都係必須嘅，竹絲雞加蟲草花，夠潤，足料到個雞都可以食哂。清炒萵筍絲，清甜易入口。干鍋大腸，最正係蔥蒜十足，仲有配料可以食。大腸乾淨，有油脂香，食落又唔會太漏。依家防疫時間，出去食都要睇下環境，就腳程度加口味不俗，令到我地一個月都嚟一兩次😂

一星期一次 落街入貨嘅日子又到喇 😅😅行咗幾個鐘 啲嘢又重，真係攰呀 😢😢見到隔離 湘川滬晚市有75折 😬😬二話不說 ，即入！店員好有禮，嚴格遵守1.5米嘅準則 👍仲好細心為我哋量度體溫添 來食川菜當然要食代表嘅菜式啦😝😝天府水煮牛肉，好大鍋，份量很足🤣紅噹噹見到都開心😍😍唔會太辣㗎喎，反而多咗一份麻香 ，牛肉唔會醃得太淋，反而有口感 ，仲有好多粉絲同芽菜㖭 ，好辣嘅朋友一定要點呀 😍😍重慶酸菜魚片 魚片切得夠薄 ，仲有大量粉絲同酸菜，下飯一流呀👍👍魚片亦都非常之嫩滑，不過略有少少骨 杭州醬鴨係另外一款代表菜式，唔係周圍有得食㗎 🤤🤤呢度就整得相當地道，好惹味，煙燻味 好濃👍👍入口已經聞到 辣辣地飲番支啤酒就一流啦 😌😌醉雞 賣相唔錯喎 ，整得幾好 ，甜甜地！不過個人口味就覺得酒味淡咗啲綜觀來講都好好味，折完之後，人頭百零蚊，相當抵食😬😬

役情以來都甚少外出食飯，老公 突然話好掛住置富嘉湖 湘川戶 川燒蝦球帶子😅😅好啦就滿足下，佢約埋阿爸阿媽一齊出街食啦😬😬地方夠大1.5米絕對冇問題，非常之有紀律啊，員工都帶曬口罩和量度體溫👍👍有驚喜呀😝😝主餐牌七五折，正呀！川燒蝦球帶子～足料之選，蝦球超大隻爽口彈牙有鮮味，帶子同樣大粒，稍微炸過，非常嫩呢😊😊我就最鍾意杭州醬鴨～滋味之選,煙熏味很香濃，鴨肉紮實好有口感🤤🤤天府水煮牛肉 ～重口味之選，夠麻夠辣，牛肉份量多，又夠嫩，大量芽菜和寬粉，很地道的川菜代表👍👍花雕醉雞～必點自選，酒味不太濃，反而多一份酒香，甜甜地，雞肉嫩，吾錯😬豆沙鍋餅～上海嘅甜品代表，即叫即做，滿足各樣菜式都唔錯，店員服務亦都好有禮貌！男經理好好人呀🥰🥰仲有七五折真係好抵食😌

身為天水圍人一定去過銀座，吃過湘川滬。湘川滬裝潢像菜館，菜式以湘、川、滬菜為主，價錢較一般酒樓便宜，食物卻更為地道好味。防疫開始，大家都比較少堂食，今晚慶祝嫲嫲生日決定去湘川滬吃晚飯。入座會查體溫及限四人座是基本操作。除了點菜紙上的優惠菜式，大家還可以看菜牌，選擇比普通酒樓更多更全面。小籠飽小籠飽子每隻大大件，皮厚度適中，湯汁超豐富而鮮美香口，肉餡較綿絮富肉香。3x元來說，是認真抵食划算，必來一籠。水煮桂花魚以不超過二百元食原條水煮桂花魚，價錢超值。水煮湯汁麻辣惹味，辣度適中。魚肉片肥厚滑嫩，魚片底墊薯粉芽菜，好味又飽肚。四川擔擔麵麵底及肉碎份量多，麵條質感像上海麵，彈牙又煙韌。湯底不算辣帶濃厚花生醬，香濃鮮味。土匪搶鴨入口帶濃濃花椒及乾椒的辛口，鴨肉酥軟香嫩，豐富濃郁醬汁附在鴨件，香潤惹味。蟲草花鮮人參燉竹絲雞麻辣過後喝一碗鮮甜雞湯，清新中帶人參香，低油低鹽但料足味香。總括來說，湘川滬可以說是銀座性價比最高的茶樓，天水圍人必吃有格食店。

這幾天因為侄兒開始長牙，發燒多天，弟婦全天候照顧侄兒導致沒太多時間休息。侄兒今天情況穩定，媽媽說她代弟婦班，我帶弟婦去家附近吃飯，好讓弟婦小休片刻。弟婦說一直想吃蒜泥白肉，我就完成她想吃蒜泥白肉的心願。蒜泥白肉份量蠻多的，底下還墊了晶瑩剔透的粉皮。蒜頭打成泥，再混合辣油調配，這種蒜泥淋在白肉才夠味。白肉肥瘦相間，爽彈不油，完美度破表。蟲草花小籠包皮薄餡飽滿，除了小籠包上有蟲草花點綴外，裡頭肉餡亦有大量蟲草花，真材實料。小籠包含有湯汁，趁熱吃才能品嚐到小籠包的最鮮美點，肉餡豐沛的肉汁，清甜的蟲草花，超合我的味兒。黑松露雞柳炒帶子上桌時香氣撲鼻，濃郁的黑松露在食材吸附著，雞柳十分軟嫩，帶子呈現美好的色澤，適中熟度，是最佳的狀態，襯托出帶子的甜味。芹菜有著蔬菜的清脆，腰果脆口，形成多層次的口感。蘿蔔絲酥餅賣相很療癒，一圈一圈看起來酥度一百分。咬一口蘿蔔絲酥餅，酥餅相當鬆化，內餡蘿蔔味濃厚，蘿蔔絲保有水份，酥餅脆度與滑順兼備。烤北京填鴨上桌時店員會先讓客人確認是原隻烤鴨後才有所動作，也許是「相機食先」太流行的關係吧。看著店員俐落的刀法，我們讚嘆不已。烤鴨片好後，店員立即送到烤我們面前，好讓我們

瘦編早前係三月底去左天水圍嘉湖嘅依間「湘川滬」，係集一間有齊湘菜、川菜同江浙菜嘅中菜館。最近實施左防疫措施，湘川滬都推出左啲晚餐外賣自取set。今次就介紹下我之前食嘅野，俾大家參考下。👍🏿-韭黃炒鱔糊：肉嫩鮮美，無腥味，黃鱔本身營養非常豐富，而且好滋補，有益氣補血，非常推介。香炒回鍋肉：係傳統四川菜， 用上好肥嘅五花腩，好正好開胃。招牌小籠包：外皮厚薄適中，肉餡有肉的鮮味，質感鬆化有咬口，都有好多湯汁係裏面。😋-甜品揀左個擂沙湯丸做收尾，外皮軟綿煙韌的外皮、黑芝麻內餡香甜滑溜，外面嘅一層黃豆粉都好香。餐廳嘅員工好nice，服務周到，等遲d疫情過左之後，黎依度飲茶都幾好。☕️-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4) 回購評分▶️🌕🌕🌕🌕🌗 (4.5)-➡️ 湘川滬 (天水圍)📍 天水圍天恩路12-18號置富嘉湖二期2樓216A及F舖-

天水圍是個自成一角的地方，卻有很多不同的美食， 一間叫湘川滬的餐廳是一間不錯的食川菜店。這店位於天水圍天恩路1置富嘉湖二期2樓。這店座位十分寬闊，坐得令人舒服，而且店員亦十分殷勤有禮。大堂亦顯得相當有氣派。我們點了口水雞，重慶農家焙魚，上海粗炒，甜品點了酒釀丸子。口水雞相當惹味，上面的辣椒不會太辣，即使不能吃太辣的朋友也可以食到，也能帶出雞的鮮味，作為前菜非常適合。上海粗炒，有油香，面條帶點煙韌，這麵食有層次。重慶農家焙魚，用火爐焙著魚，肉質結實彈牙，魚皮有QQ的感覺，花椒香料能使這道菜更惹味。最後甜品我們點了酒釀丸子，滿滿一碗，暖暖入心，酒釀好香桂花味，丸子煙煙韌韌。總結：湘川滬是一間有水準的川菜館，座位亦坐得舒服，鍾意食川菜的朋友值得推介。