影片
電話號碼
23630218
付款方式
其他資料
當面支付
以上資料只供參考, 請與餐廳確認詳情
當日星期一，媽咪中午約了一班疫情前至今無見幾年嘅朋友到太古城飲茶，所以，她不想煮晚飯，提議走到屯門良景廣場新開的中菜館 <湘川滬>，還叫埋住附近的大表姐一起5人行晚飯！爸爸媽咪約 7:00 先入座，無需等位。餐牌第二次幫襯正是冬至做節！媽咪又懶得煮飯，所以，又走來這裡食，順便叫埋大表姐！散叫點菜，大致上相同菜色，另點了鱔瑚！我媽咪一來論盡，二來茶杯設計上闊下窄易倒瀉！ 媽咪不小心倒瀉我杯茶，枱布、我條裙、手袋、手袋內的手機套都濕哂！恰巧！傳菜阿姐經過見到，轉頭拿了一塊摺好的枱布給我墊枱！食到尾聲，有位女店員可能見到媽咪是長者，便問她要唔要鴨骨？拿回家後，媽咪玩手撕鴨，還有好多肉呢！4人套餐 優惠價 $938 原價 $1,148水晶肴肉、蒜泥白肉、海蜇、青瓜木耳水晶肴肉：頂頭的啫喱凍，入口好似是啫喱質感，口味是酸香醒胃的黑醋，令人開胃！蒜泥白肉：對我來說有點辣，粉皮晶瑩煙韌！海蜇：充滿麻油香味，口感爽脆帶嚼勁！青瓜木耳：酸香醒胃又清爽！淮山螺頭燉唐排 平均每人可飲兩碗仔，我們5人都一致認為湯水重口味！配料包括：豬肉、排骨、雞腳、杞子...等，都幾多料！松鼠海鱸魚媽咪目測大約一公斤，足夠我們的份量！這道菜式多功夫又複雜，所以，媽咪一定做不到！ 香脆的外層，鎖住魚汁及保質，酸甜惹味，色香味倶全！還有松子，都不能錯過！北京填鴨師傅刀功好，把片皮鴨片得好薄，薄如紙的薄餅皮包住﹐鴨皮配上京蔥、甜醬別有風味！小籠包我是等他們食剩唔食，我才食，外皮已變硬一點！內裡的肉汁依然豐盈！花膠鵝掌生菜膽鵝掌炆得夠腍！蝦蟹菜粒炒飯炒飯炒得乾身香口！木瓜雪耳糖水清甜滋潤！高力豆沙即叫即炸，香噴噴熱辣辣，口感鬆軟，因應個人喜好而自行加上適量糖粉，內裡的豆沙餡雖然唔多，卻是恰到好處！否則會覺得好膩！
繼續閱讀
樓下良景商場新開了間茶樓《湘川滬》，聽講早晨孖寶套餐很抵食，一於來這裡試下飲個早茶先，早上人很多，需要拿票等位，等左十幾分鐘左右，就有位了，安排了我們坐在卡位，不過卡位設計非常狹窄，真係再肥啲都入唔到呀！🤦🏻♀️ 還要被安排搭枱，前後左右坐定定都動不了，留單情況嚴重，明明我來先，對面野食黎晒都未到我地，一問之下先發現未落，這裡的冷氣完全不夠，飲杯茶便開始出汗了，原本想好好嘆個茶，越飲越焗速，食到身水身汗，最後變成想快快食完即刻走人，完全沒了去飲茶的意義🤦🏻♀️
繼續閱讀
2025年首家被列入黑名單的餐廳——《湘川滬》午餐在良景商場覓食，經過《湘川滬》，看到門口餐牌上的午餐客飯居然有「炒鱔糊」吃，便被吸引進去，除了「炒鱔糊」，我們還點了我最喜愛的「上海粗炒」及「炸銀絲卷」。「炸銀絲卷」表皮炸得香脆，可惜內裡的麵包也被油滲透上，變得非常油溢。由細吃到大，都是第一次吃上這麼差的炸銀絲卷🙄當我們到收銀枱反映的時候，收銀員沒作回應，表現出好像聽不到的樣子，繼續看單子。可能真是聽不到吧！我就再跟她說多一篇，這次她終於回應了，她竟然這樣說：「同廚房講都冇用，係咁架啦！」，這種態度回應，完全顯示出這店不接受反映及改善，真係無言。這次經歷，讓我們對這間餐廳非常失望，決定將列入我們的黑名單。
繼續閱讀
見佢新開，想住2個人試下是日星期日就嚟2點。見唔係好多人等就想住試攞票既時候已經見佢A票2人枱係同一個號碼過左10分鐘。個號碼都完全無郁過旁邊醒目，2個人都攞3人票！然後見到佢B飛三人枱不停咁入去本身都以為無咩問題。等多陣點知佢B票3人枱叫到冇人入都要繼續嗌！人哋3個人即刻攞票即刻入去原來唔係計攞票時間！係計人頭。問店員係唔係唔會嗌店二人枱？定無二人枱？先至話卡位搭枱你入唔入旁邊2個老人家啱啱攞票2人枱即刻入左去見個卡位都幾迫就唔打算搭枱佢話咁唔撘枱就無辦法都叫做幫左2位老人家唔使等就有卡位坐，舒舒服服唔會試吓下一次了。因為無必要了反正良景好多野都好服務又好食雖然我未食過，但原本佢公司宗旨都做唔好『真誠相待，以心比心』。。
繼續閱讀
天水圍果間真係由細食到大 真心水準高 服務好依排良景開咗間 去咗食lunch座位迫就間間都咁上下😂可能始終地理的問題 這間附近都是屋邨 嘢食同服務方面都無咁高質？！唔知呢～反正嘢食同平時食開嘅唔太似嘢食質數似普通茶樓咁上下 如果可以揀嘅話 會寧願食返樓上嘅茶樓記得響天水圍食過個酸菜魚 真係幾好食依間…可以用無味來形容 連個色水都唔係好得魚係幾滑嫩 但湯底無咩味道 酸菜更加係唔掂🥟小籠包入面好多湯汁 依個係ok嘅🐟魚餅 食得岀溝左好多粉…
繼續閱讀