湘蜀人家

營業中

休息中

星期六要過海，近近地就簡左喱間位於灣仔的湘菜館。入到去，好似返到古代，有一種宮廷的感覺，幾得意！做野做到成2點，我同太后都好肚餓，于是點左3款食物，3款都係有澱粉😂 包括羊肉湯麵，雜糧窩窩頭同酸菜薯粉魚片！其中最得太后歡心係羊肉湯麵。麵條非常彈牙，湯汁鮮美，羊肉則十分鮮嫩，入口即化，無So味！湯頭裡添加了多種材料，令湯既味道更加濃郁！另外，雜糧窩窩頭係湘菜館中都好岀名。窩窩頭口感鬆軟，充滿著米香味，搭配上各種醬料和小菜，令味蕾有很好的刺激。當然，招牌菜之一既酸菜魚片亦唔錯！。酸甜口感好岩係夏天食，魚片鮮嫩，酸菜清爽，湯汁濃郁。選用的魚片也非常新鮮，質量極佳！最後，仲點左份甜品，係即整豆沙窩餅，餅皮煎得香脆，內餡則是甜蜜軟糯的豆沙，口感十分豐富。整個窩餅大小適中，一口咬下去，豆沙和餅皮的味道融合在一起，好正！大滿足。總結，喱間灣仔湘菜館的菜色豐富多樣，口味獨特，餐廳的環境都幾舒適！

入到湘蜀就見到裝修有花過心思，餐具同枱布都好特別！座位都好闊落，卡位坐得舒適睇完menu好多野都想食，兩個人食飯唔好既地方，就係食唔到幾多野，最後叫左三個餸，同個燉湯，唔同套餐都好抵食，menu都多野揀，下次多啲人黎就可以叫多幾樣試下等左陣就有得食，黑醋小排骨，個樣正正常，食落有驚喜，輕輕上粉炸過，掛汁掛得更好，酸酸甜甜，唔膩，好食！啲肉岩岩熟，好嫩，食食下份量原來都幾多，夾極都仲有鮑魚燉雞湯，好香好清甜，唔算油，入面有鮑魚有雞有瘦肉有瑤柱絲，都幾多料登登登登，酸菜粉條燉鮮魚，粉條鋪左係下面吸汁，煙煙靭靭，食到後尾超入味，上面鋪魚片，唔算好辣，就算唔食得辣既人都唔會食唔到宮保雞丁以前出街食都好少叫依個餸，不過依度炒得幾好食，雞丁好嫩好滑，火候控制得好好，連埋花生食，少少辣，好香口整體啲野都好食，又好坐，下次都可以再黎

成日聽人話食得有幾辣，有幾勁，點知原來都係講緊食邊間米線，邊個辣度，too simple,too naïve，你試左湘菜先再我講野啦，湘菜一向都係比川辣再勁多幾倍，我只能夠講，希望我挑戰得到，食完唔會兩腳自轉乖乖報到吧…👇🏻📌經 典 小 菜 -▪️ 泡 椒 爆 嫩 牛 - $108/例▫️ 呢個「泡椒爆嫩牛」辣得黎唔算好嗆喉，反而香味更加突出，同時亦feel到泡椒既麻痹感，而牛肉爆得好有水準啦，牛味濃郁得黎，口感嫩滑，出色！▪️ 麻 婆 豆 腐 - $90/例▫️ 跟住再嗌多個「麻婆豆腐」，每一塊豆腐都掛滿辣汁，食落個質感係滑到好似豆腐花果種質感，送飯真係一流。-▪️ 豬 肚 雞 - $151/小窩▫️ 最後呢個「豬肚雞」絕對係必食，湯底一入口清甜到不得了，豬肚切哂絲，好有咬口，又唔會難咬，煙煙韌韌，超鍾意；而雞件又嫩滑唔乾身，仲有D白菜仔，呢個價錢相當抵食。

灣仔呢間湘川菜，食物新鮮高質，有地道風味😍星期六下午去食揀咗個二人餐，相當豐富。午市仲要免茶芥😉🔸精選貳人套餐$458🔸涼菜兩小碟、招牌水煮一款、自選小菜兩款、金凰米飯🍚兩碗、燉湯2盅/冷熱豆漿2杯/各款汽水2罐▶️涼菜：大妻肺片、 涼拌兔耳尖夫妻肺片有麻辣香味，而且少少爽口口感，幾好食😋涼拌土耳尖酸酸地微辣，做開胃菜唔錯。▶️招牌水煮：鮮鴨血黃喉揀咗水煮鴨血黃喉，開頭都怕好辣，但係店員話呢度嘅水煮已經係小辣，可能適合返香港人口味，所以我覺得味道唔錯，唔會辣到入唔到口🌶️😋鴨血吸晒啲湯味辣辣地，而且入邊仲有薯粉好好味派🤤 黃喉非常之爽口，好正！其他配料有萵筍、秀珍菇等等。▶️自選小菜兩款：揀咗麻婆豆腐、糖醋魚片。麻婆豆腐豆腐非常嫩滑，除咗辣味仲有麻香味，有少少肉碎，撈飯非常一流。糖醋魚片新鮮炸起，非常香脆，外脆內軟，糖醋汁剛剛好。▶️飲品揀咗兩個凍豆漿，豆漿充滿豆香，唔會好甜。餐廳環境充滿中式裝修，環境雅緻舒服😌食物充滿地道風味，高質好味。

朋友來灣仔找我食晚飯，佢好鐘意食湘菜，於是提議去食辣辣川菜—湘蜀人家，店內裝飾和餐具都充滿四川特色；我們點了2人套餐，有涼菜2小碟、招牌水煮1款、自選小菜2款、2碗金鳳米飯和燉湯2盅 ($458)涼菜：夫妻肺片和涼拌免耳尖，這個好開胃，木耳好爽口，另外夫妻肺片帶點微辣，喜歡😍燉湯：有雞腳、菇和瘦肉等；鮮甜、份量足，冇味精👍招牌水煮：鮮鴨血黃喉，黃喉好爽口，而鴨血索晒啲精華係入面，好入味，還有薯粉、荳芽、菇類等；份量都唔少。我想講這個麻辣度剛剛好，適合唔食得太辣嘅我，真係好爽😆小菜：糖醋魚片，魚片好大件，外皮炸得酥脆可口，魚肉質地鮮嫩，口感唔錯，而糖醋醬汁香甜可口，唔會太酸，好開胃😍小菜：黑醋小排骨，排骨炸得好脆，係啱啱新鮮炸起嘅，肉質亦唔會炸得太老，而黑醋汁調味剛好，酸甜適中，值得推介👍

係灣仔接朋友收工，朋友介紹大有廣場的湘蜀人家吃川菜，價錢合理，食物質素也不錯。環境裝潢很中國風茶杯印有中國臉譜，非常有特色。小編點了一個精選貳人套餐 $4581️⃣涼菜二小碟有夫妻肺片和涼拌免耳尖，味道又香又辣，麻辣開胃。燉湯2盅每盅都放滿材料，燉岀一盅濃濃香味又甜的燉湯。2️⃣招牌水煮任選一款（牛肉，梅頭肉，鮮魚片，，鮮鴨血黄喉，毛血旺，酸菜粉條鮮牛肉，酸菜粉條鮮魚）小編選了酸菜粉條鮮魚，份量十足，魚肉滑嫩彈牙，湯底酸辣適中。薯粉煙銀彈牙，餸飯一流。3️⃣自選兩款小菜🌟黑醋小排骨酸酸甜甜味道的確是中菜特色之一，入口也是酸酸甜甜的，聞著都會流口水🤤排骨算是多肉，不會整條都是骨。🌟宮爆雞丁雞件不算大件，但勝在入味。兩個人吃，分量剛剛好👍🏻餐牌如下。

川菜係一個自己最愛食既美食，今次係openrice搵到依間叫湘蜀人家既川菜餐館，一於去試下！一到門口已被店內既裝橫吸引住，坐入去，猶豫馬上穿梭到古代江南地方，不自覺地覺得自己係一名文學士，講野都文鄒鄒起上黎.叫菜時差啲忍唔住叫起「店小二」，請寫幾個下酒菜！哈哈😆由於友人食唔到辣野，最後叫左兩個炒野加甜食！食川菜，點少得一杯鮮豆漿👍👍👍以下兩道分別係京蔥爆羊肉同溜肥腸，鑊氣好夠，羊肉不羶，京蔥加肉既配搭冇得輸！溜肥腸微辣，一啖後又急不及待再黎一啖，滑不溜口，一級正🤤🤤🤤最後點可以少得啲甜食，豆沙窩餅好正，皮簿得黎夠煙韌. 紅糖糍粑更加唔洗講，兩個字……..好食🤤一間值得推薦比大家去試既川菜館👍👍👍

🍴精選二人套餐458 蚊🍴夫妻肺片🐷有牛肚 牛脷 好彈牙 麻辣汁好入味 凍食好惹味🍴涼拌兔耳尖好爽口既木耳 應該係近好邊邊位 木耳帶d蒜味同辣香 好爽口 好味小食🍴酸菜粉條鮮魚🐟酸菜足料 成碗湯煲到有 d黃色 有辣椒入味爽口薯粉 魚片好多 好軟淋 酸汁夠哂入味 正🍴泡椒爆牛肉🐂泡椒等 d酸辣味 有葱花 木耳 洋葱調味 牛肉用左滑牛 好入味🍴黑醋小排骨🐷小排骨咬落去食得出炸得香脆 入面豬肉彈牙 juicy出面個黑醋汁好香濃 黑醋味香 食落開胃 🍴白飯兩碗 燉湯兩盅湯係茶樹菇豬骨 雞腳 好入味香甜#川菜 #酸菜魚 #黑醋骨 #芽菜 #泡椒 #牛肉 #燉湯Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#湘蜀人家灣仔莊士敦道181 號大有廣場2 樓218 號鋪~~~~~~~~~~~~

要選一家既可以吃川菜又可以吃湖南菜的，就要數這家【湘蜀人家】了。餐具全部都印有四川嘅變臉面具，好有feel ！兩人的套餐有水煮魚/牛 /兩個冷盤/2個炒菜配例湯/白飯*2配飲品前菜有夫妻肺片和涼拌免耳尖，正常發揮，俾大家開開胃，迎接之後嘅主菜～水煮牛肉好好味！牛肉夠滑，仲有索晒辣嘅薯粉、荳芽、菇類，份量好足，配料上一啲都不失色。對於湘川菜，辣很重要，有的餐廳的辣是會讓人不舒服，但這家的辣吃起來是很香很舒服很爽的！麻婆豆腐豆腐嫩滑，湯汁也濃稠，麻麻辣辣的好下飯糖醋魚片魚肉煎得香脆，肉質鮮嫩。糖醋醬汁香甜可口，與魚片搭配怡到好處。酸甜適中的口感令人胃口大開，回味無窮凍豆漿必叫，可幫助中和辣😂原來這間餐廳有包廂，消費夠三千就可以，餐牌有咁多菜式選擇，將來多人聚會或公司活動，又多一間可以考慮！

早幾日啱啱同朋友食咗川菜，咁畀第二個朋友見到我朋友圈啲相，所以今日又有人約我食湘川菜啦，今次嘅地點係喺灣仔嘅大有商場。唔知食咩嘅時候，一見到有2人餐，咁就唔使客氣啦。今日呢個精選二人套餐$ 458有1. 涼菜“夫妻肺片” 和2. “涼拌兔耳尖”3. “招牌水煮鮮鴨血黄喉”4. “糖醋魚片” 和5. “大盤花菜”6. 米飯二碗7. 燉湯二盅。夫妻肺片是一道以牛肉為主嘅川菜，配以牛心、牛舌、牛肚等牛雜，麻辣鮮香有啦，又好入味，唔錯；兔耳尖不是兔兔吖，係涼拌黑木耳來㗎，涼拌汁調較得好正，黑木耳又糯糯軟軟的，非常好食的一個前菜；呢度嘅水煮有勁多選擇，好少見吖，分别有嫩牛肉 、桂花魚、水煮鲜魚片、黃骨魚、毛血旺、跳水田雞 、梅頭猪肉片......我哋就揀咗“ 水煮鲜鴨血黄喉 ”，第一次食㗎，黃喉好爽脆，鴨血好滑嫩，必須推介。至於2個小菜，2個燉湯亦中規中矩。

天氣熱， 想食辣的開胃菜， 就揀咗呢一間喺灣仔大有廣場餐廳門面、內部裝修，都非常有中國特色四川口水雞例牌份量算多，略嫌有點油但係夠入味宮保雞丁味道偏辣有腰果、洋蔥、蒜頭、雞肉老成都擔擔麵比想像中辣咗少少，不過有花生香味面底係中式拉麵炒土豆絲落咗一些辣椒去炒，感覺非常惹味最後再叫多份炸饅頭啱啱炸起饅頭…香脆… 冇麵粉味點埋煉奶，真係令人回味 好似叫咗好多嘢，可能因為太肚餓嘅關係菜式又非常開胃，最後竟然真係全部食曬

今天去逛街，在湾仔大有广场里，看见一家美美的餐厅，原来是吃湖南和四川菜，心想反正都要吃晚饭，就来试一下。餐厅设置得很漂亮，有点少数民族风，看到餐具上都是京剧的面譜，很有特色。再看看餐单，菜式丰富，美轮美奂，我们不太能吃辣，店员告诉我们，可以少辣可以走辣，非常灵活的经营方式。那我们就放心点菜，葱爆牛肉，糖醋排骨，蒜蓉炒津白，还要了個豆沙窝餅。吃湘蜀菜大概就是这些吧。这里的座位非常舒服，我们一边喝茶，一边欣赏窗外的雨景，这里的装饰，头顶的灯笼漂亮极了，有点像走马灯，每个都用书法寫上湘蜀人家四個字，这个名字在广东话听起来非常亲切，因为【湘蜀】，广东话就是【相熟】，就是很親近友好的意思。 我们点的菜很快上桌，葱爆牛肉又香又嫩，糖醋排骨酸酸甜甜， 蒜蓉炒津白好大一盘。三个小菜份量很大，不吃米饭都足够飽，而且我们还有一个甜点，豆沙窩餅，这一餐吃得很满足，很舒服，服务也是一流的，下次再来試其他的菜式。

今晚同事一齊去咗湘蜀人家試下佢哋嘅川菜。一開始我哋都有啲擔心會唔會太辣，不過好彩佢哋調校啱啱好，唔會太辣，啱晒香港人嘅口味。我哋嗌咗好多菜，其中夫妻肺片係我最喜歡嘅一款。肉質鮮嫩，醬汁香辣，非常開胃。京蔥爆羊肉都好好食，羊肉嫩滑，蔥香味濃郁，加上啲辣椒，最緊要係佢唔騷。糖醋魚片都好出色，魚肉鮮甜，醋味同糖味都啱啱好，好有層次感。土家酸菜粉條燉魚都好好味，粉條軟滑，魚肉入味，加埋啲酸菜，真係好開胃。毛血旺係川菜裏面比較出名嘅一道菜，味道非常重，唔係每個人都可以接受。不過我哋都好鍾意辣，所以食得幾開心。天府炸醬麵都好有特色，炸醬醬汁味道好濃郁，配上麵條好好味。紅糖糍粑都好特別，口感軟糯，糖味香甜，非常適合作為甜品。湘蜀人家嘅川菜非常出色，味道濃郁，料理精緻，賣相亦十分吸引。誠意位就係有調校過辣度，令到我哋可以食到小辣嘅人都食到川菜^_^

今日嚟到灣仔大有商場，呢一間食川菜嘅餐廳食晚飯，我哋嚟到個時間都比較早，由於今日早收工嘅關係，我哋大概都係差唔多6:00度到達，所以人流都未算話最多，亦都唔需要等位 好快就可以入去！今次比較推介嘅食物，首先有黑醋小排骨，問咗侍應姐姐🤓🤓餐廳首先以半煎炸方式將排骨慢慢炸到金黃，再加入黑醋炒香！豬肉做得非常入味，而且做到又林又滑嘅效果，朋友同我都非常推介呢一個小菜！忍唔住食完一舊又一舊，下次亦都想試吓喺屋企整呢一個菜😙😙😙 另外都想介紹吓佢嘅四川涼粉，佢加入咗唔同嘅香料，同埋用咗香油，每一條都索哂香料嘅辣味，其實食起嚟都非常正，有四川嘅味道，每一條涼粉都爽口彈牙，配搭上都做得非常好🙂😀！另外叫咗一個小蔥醬油炒飯，每一粒飯都炒得分明，而且做得非常乾身，個人嚟講比較鍾意佢嘅調味，唔會做得太鹹，調味非常適中，食完唔使話係咁飲水😜😜😜 炒飯嚟講亦都非常有鑊氣，值得讚！最後我哋仲叫咗每人兩杯豆漿，舒緩吓食咗咁多辣嘢🤣🤣🤣 總括嚟講，用餐都非常愉快，有機會會再返嚟幫襯同推介比身邊嘅朋友👌🏻👌🏻👌🏻👌🏻👌🏻👌🏻

附近睇show，所以約咗朋友嚟食飯先，大有廣場都算係呢一區嘅地標之一，方便易搵茶芥 $15/位幾款茶可以揀，我哋揀咗鐵觀音，店員建議焗耐少少先飲會更出味涼拌土豆 $53薯仔絲爽身，但略嫌偏鹹咗京蔥爆牛肉 $108牛肉質感嫩滑，除咗京蔥，仲加咗莞茜，多重香味水煮鮮魚片 $196唔算好辣，如果食得辣可能覺得唔夠辣添，我唔食得太辣，就覺得啱啱好，嫩滑鮮魚片，鍋內仲有少少木薯粉白飯 $18豆沙窩餅 $58即點即製，窩餅外層夠脆，豆沙甜度啱啱