湯飯店 (已結業)

平時唔太鍾意食飯因爲覺得乾爭爭，有日見到依間有魚湯飯$40，佢menu話係冇味精添，又平又好食😍我可以從此列佢入我個飯堂list呀📝-魚湯飯可以揀兩個配料加一款菜，我就揀左鮮牛肉鮮魷同節瓜👍🏻牛肚麵$32都好食好入味呀😋-另外仲加$8叫左杯雙檸樂添🍋鮮檸+鹹檸，酸酸鹹鹹好醒胃🤤邊飲邊食，唔覺唔覺就連成個魚湯都一齊飲埋添😎依家天氣咁鬼熱，真係要返飲杯「可口可樂」當沖涼😂-不過間舖係好舊，會有蚊蟲又要搭枱，所以我下次食會prefer外賣返去食

好耐之前已經識得呢間鋪頭，佢最出名係湯飯，聽男友講呢間啲牛腩都好入味,但因為皮膚敏感就唔食牛lu。有一段時間冇食, 見到下晝唔多人就入去食個湯飯。記得對上一次食, 湯裏面都有隻小蚊滋, 點知今次仲得人驚😓我叫咗豬肉片鯪魚球油麥菜湯飯, 一上枱已經見到湯頭有隻小蚊滋, 都算喇, 不走咗佢就繼續食, 點知食到一半見到隻死烏蠅😤😤呢下真係頂唔順即刻埋單走人。d餸菜同湯底都唔錯，但係衛生真係不敢恭維，唔知係d菜冇洗定d蚊滋仔自己飛入去啦, 連續兩次都係咁真係令人好失望亦都有啲嬲☹️應該唔會再幫襯

呢度雖然細細地 但其實野食味道唔錯 尤其是湯飯既湯味道好濃好有魚味 平時想食清淡啲既時候係一個唔錯既選擇 其他茶餐廳類既食物都正常味道 做開街坊生意所以價錢都唔貴 會再去食

天氣咁凍去食碗熱騰騰既湯飯，由於午飯時間，去到呢間湯飯店要等位，等左15分鐘，入到去都幾擠迫，櫈子坐墊都是破的，看見店務員都忙個不停。點湯飯有張紙仔比你圈，就好似車仔麵咁樣，選兩餸一菜，他們說的是用真正魚湯做的飯湯，不是味精，加杯熱奶茶都係四蚊炸。我點左豬肉鮮魷魚菜心，啲菜就老咗少少，豬肉好新鮮，魷魚都好鮮味，個湯飲左暖笠笠好正，可以食曬啲飯。呢個辣椒油超正，我見有啲人食牛雜成碟倒落個麵裡面。我決定下次食牛雜。。。

唔舒服既第一日，先嚟食個湯飯。食藥都食到條利冇咩感覺，只希望快d好可以去食好野湯底用咗魚去煲，白雪雪好清甜，d湯連埋飯一齊食好正！佢落單個張紙係要揀3樣野既，兩種肉，一種菜今次就揀左魚片，田雞同娃娃菜。唔係好多地方/舖頭有得食田雞，當然要過下口癮！魚片幾多，切得夠薄，肉質屬鮮美既。田雞好爽口彈牙，不過可惜既係所選既田雞都係細細隻既，肉既份量唔多，如果可以用返d更肥美既田雞就最好不過。娃娃菜冇咩野可以彈，而且索哂d湯汁，好食

一個人食個快飯，首選當然係茶記。呢間街坊小店，午飯時間都算多人，舉目周遭食客都係麻甩佬，同我一樣，最緊要有飯落肚。呢度最出名係湯飯，不過我果日想食佬味碟頭飯多啲。雙拼飯：牛筋腩飯（$43，送紫菜湯）柱侯牛腩夠入味，比左肥腩位我，香得黎又有咬口。牛筋夠淋同入味。而全碟精華所在就係汁！連汁撈飯食簡直冇得彈，仲加左幾條時菜同紫菜湯，有肉有飯有菜，呢餐夠晒佬喇。呢間將軍澳街坊小店，牛腩用心做，定價合理，都食得過。

又係諗唔釗到食咩嘅時候，食碗粉麵就可解決一餐，喜歡幫襯呢間粉麵店，牛什出名，可選配任何部位，我至愛牛肚，仲要指明多蔥，牛肚炆得很入味，軟硬度岩岩好，份量又多，加埋醋同辣辣油，一碗實而不華嘅牛肚米就好快落入我肚裏

有時夜晚開餐唔想諗到咁複雜, 一碗湯飯就可解決晒, 形式就似車仔麵咁, 自己選鍾意既食材, 任選兩款加送一款時菜, 都係$38食物選擇夠多, 梗有岩食, 再額外加餸都係每款$8, 今次選拼係芫茜, 紫菜加豬肚, 魚湯底配以芫茜紫菜, 甜上加甜, 份量好對眼, 紫菜食起上黎無沙粒, 豬肚雖然知道係雪藏貨, 但食起上黎無雪味, 軟硬度適中, 點D豉油辣油一齊食都好送飯!唔想做大嘥鬼, 落單時同阿姐講: 少飯! 非常有彈性, 加杯凍檸樂($8), 簡簡單單又一餐, 所費無幾但滿意離開!

最鍾意幫襯小店。喜歡佢同喜歡當初既魚米家一樣：因爲佢湯底夠靚。佢個魚湯超甜，仲好白好滑！所以好喜歡係到食湯飯，將飯倒入去當粥咁食又得，分開好似飯同餸亦得！選擇仲超多！最喜歡既配搭係魚腩田雞勝瓜。魚腩同田雞都係好滑！勝瓜係令個口感多元化d，爽脆d。精粹係要有埋碟辣豉油。成件事真係一流！