湯飯店 (已結業)

一個人食個快飯，首選當然係茶記。呢間街坊小店，午飯時間都算多人，舉目周遭食客都係麻甩佬，同我一樣，最緊要有飯落肚。呢度最出名係湯飯，不過我果日想食佬味碟頭飯多啲。雙拼飯：牛筋腩飯（$43，送紫菜湯）柱侯牛腩夠入味，比左肥腩位我，香得黎又有咬口。牛筋夠淋同入味。而全碟精華所在就係汁！連汁撈飯食簡直冇得彈，仲加左幾條時菜同紫菜湯，有肉有飯有菜，呢餐夠晒佬喇。呢間將軍澳街坊小店，牛腩用心做，定價合理，都食得過。