源品車仔麵茶餐廳

營業中

休息中

星期六、日，總會到一到大坑源品車仔麵，食我最愛的腸粉車仔麵(豬大腸，香煎午餐肉，蘿蔔，魚旦 + 腸粉底)，佢地 d 蘿蔔好好味😋，午餐肉係即叫即煎👍。最重要緊係唔少得杯熱奶茶(茶香又滑)👍👍。還有他們出名的蛋牛治(烘底)、奶醬蜜多(麵包是甜的有提子), 花生醬滿滿的，非常香口😋食飽飽😋非常滿足。人生就是這樣，簡簡單單就最開心😄😄珍惜香港仍生存的食店(車仔麵）

大坑食肆林立，是日，衝著源品車仔麵茶餐廳而往。想一嚐，大坑唯一的車仔麵。車仔麵餐一麵三餸$45，包凍飲、熱飲、汽水或豆漿一杯，另加餸則每款$9。車仔麵餸約有20款，分別是魚蛋、魚皮餃、咖哩魷魚、香腸、紅腸、芝士脆皮腸、東風螺、煎蛋、滑蛋、牛腩、香煎午餐肉、豬腸、豬紅、豬皮、雞翼、雞翼尖、蘿蔔、齋卜、冬菇和時菜等，與坊間大致相同。除了車仔麵外，見其他食客有的在吃各式多士。小妺要了一碗魚皮餃、齋卜和香煎午餐肉粗麵$45配凍檸茶。乳白色湯底入口清淡，幸不太鹹，喝罷，喉嚨也不會有乾涸之感。粗麵、魚皮餃和齋卜普通貨色，不作詳評。香煎午餐肉則蠻有驚喜，夠大塊，又夠厚身，且煎得極為香脆可口，食味也甚佳。凍檸茶甫見茶色，已知不對勁也﹗呷下，不是錫蘭紅茶的味兒，檸檬也不是好貨色﹗

大坑有好多特色既野食，今次食平民路線-車仔麵。配料要了白蘿蔔，時菜和東風螺，撈幼麵。蘿蔔真的好甜好入味；東風螺係非常少有的車仔麵餸，所以試試，味道不錯又唔un 。我朋友叫了辣魚蛋，食得辣既人必試，好辣另外，叫了奶茶，茶味好濃又唔澀。下次再黎想試下奶醬多，相信係配奶茶既最佳拍檔。

今日嚟到大坑搵食！茶餐廳、拉麵、甜品通通食過晒，今次就食車仔麵啦！上次經過呢間車仔麵店見到勁多人喺門口等位已經好想試，可能今日去到已經係3點（營業時間係6:30am - 4pm)，所以唔駛等位。$45一麵三餸，仲包冷熱飲品，喺大坑真係無幾多間咁抵食！今次叫咗個東風螺、豬腸、辣魚蛋、魷魚幼麵（原本想叫蘿蔔同豬紅，不過賣晒😔）。老細極力推薦奶茶，好，就叫杯試試啦！車仔麵用甜甜地嘅豉油汁撈，以上嘅餸都好入味😋😋😋。個凍奶茶真係唔錯，茶膽夠濃，飮到尾都唔淡（註：我叫咗少甜，無叫少冰），下次嚟都要再飲！👍👍👍

車仔麵貴為香港的名物, 粗製濫做之多, 實在達驚嚇程度.....一天早上, 我哥帶了我來這車仔麵茶餐廳, 你沒聽錯, 我們來吃"車仔麵"做"早餐"!!!45蚊有3餸, 早餐來説並不便宜, 但我愛它"正氣"!少食一天麵包、餐蛋麵、三文治, 可以很爽!本人叫左魚蛋/魷魚/東風螺配米粉令我吃過返尋味當然主要是東。風。螺! 深啡色的它們已入味, 小小辣, 晨早食甘有咬口既餸確係過癮!連平常的米粉在這裡也是偏嫩偏滑的, good!另外也影了我哥叫的"車仔腸粉"!顧名思義, 係3餸撈腸粉餸不多説, 腸粉滑! 汁像豉油, 帶小辣幾惹味!可以一提他們家的奶茶也不錯後記是此店的伙記(也許是老闆), 一眾都非常親切友善貼心, 好食物+好人是現今食肆需要學習的方程式!

與好友車遊於港島區，遊到大坑。就下車找東西吃，行到京街，有間門面比較普通的車仔麵檔(源品車仔麵茶餐廳)。而門口寫著有五十年歷史，我們就抱著好奇的心態入內試吓！舖內環境一般，但很整潔。我們坐下，有位帶帽子的伙計向我們介紹有什麼出名的食品……(態度非常友好)但比較長氣。我就叫了3餸車仔麵、魷魚、大腸、豬紅和粗麵加熱奶茶。而我的朋友叫了蛋牛治多士底加熱奶茶。要大讚的是這杯熱奶茶，茶香不帶澀，入口香滑、令人回味。值得一試！車仔麵原來是没有湯底，是撈麵加了他們特製的豉油汁，都好好食、但本人覺得豬紅比較咸了少許，整體滿意。可以再讚就係蛋牛治多士底，鬆脆好味，一啖奶茶一囗蛋牛治、非常配合。使我們急不及待再叫多一件！這次車遊、隨意、滿意的一天，下次一定再來。

同好友到港島車遊，遊到大坑，看看有什麼好食，行到一間車仔麵店(源品車仔麵茶餐廳)，門口寫著有五十年歷史。咁就入去試一試。店舖環境一般，我們坐下一會兒有位帶著帽子的伙計，向我們介紹舖頭有什麼好食……態度非常禮貌。我叫了車仔麵，豬紅、大腸、魷魚和粗麵(3餸1麵)同熱奶荼，而我朋友就叫了蛋牛治多士底加熱奶茶。熱奶荼果然頂瓜瓜，茶香没冇澀味，入口香滑，令我們讚不絕口。而我碟車仔麵都幾特別是没有湯的，原本是撈麵加了他們的特製的汁料。大腸好入味，魷魚爽口，豬紅本人覺得咸了少許，整體配合非常好！可以再讚是蛋牛治入口鬆脆，Good！Good ! 最終我們再叫多一件回味品嚐。下次一定會再來！

早餐又去大坑，原本想食粥，但人太多，去了對面源品食車仔麵，餐牌寫住有五十年歷史，見人人入去都係食車仔麵，又試一試先。我點咗午餐肉，豬紅，魚旦米粉。朋友點了豬皮，豬紅，魷魚同油麵，源記最突別係車仔麵冇湯，即係車仔撈麵。餸大大份，我冇要咖哩魚旦，所以魚旦比較淡，其它幾好，午餐肉一定唔會出錯，仲要係厚切，又煎到得香口，正。個人認為撈米麻麻，撈油麵應該會好味啲，加埋奶茶，一個好開始!

食完呢間源品之後，連平時冇寫開食評既我，都要特登開個ACCT黎寫。食完呢間既第一個感覺係"一定冇下次"，係網上查番原來呢間源品係格離順興既前身。因為一個人既關係，去到唔駛等位。(如果兩三個可能要等10幾分鐘或者更耐)呢個餐廳既做法係點都盡量俾位你坐先，但其實佢地根本唔夠人手去應付咁多客人。我由下晝1點半坐低，叫人落單都叫左三次，由落單到野食黎等左最少20分鐘。你話多人要等耐D都可以接受，但係有咩理由我對面同我同時落單既人食完我碗面先上到，遲過我落單既人D野食黎我都未有野食!?我覺得佢地樓面同廚房既系統都好混亂更加激氣既係，係我等左十幾分鐘既時候，我叫個侍應幫我跟一跟張單，佢同我講"第二碗就係"，結果等第6,7碗先係。如果做唔到就寧願你唔好講。仲未完，我明明冇叫野飲，佢係張單度就唔知點解寫左"+6"，係忙中出錯？其實你叫個客等咁耐，就算D食物幾好食都扣左好多分啦。D食物質素係OK既，1個面底加3個送32蚊就唔算平囉。同埋間鋪既走廊窄到行唔到。落單既時候要格好遠咁叫。處理得好既話可以幾有親切感既，但呢度完全做唔。廚房3個人(2個煮面,1個負責飲品)，2個侍應睇哂全場，由帶位落單上菜都係佢地

12年10月21日晴報介紹的源品車仔麵茶餐廳~為卡大坑~今日放假都幾多人去~咖啡魷魚好香!老闆早上4點便會起身整嫁~好喜愛呢度的大腸和魚蛋~好好食~老闆人好好, 額外送了油面給我們食~!!^_^還有一杯超級濃味的熱檸茶, 係我飲過最濃茶味的一間!

不知不覺間，已經讓自已放了大約半年的長假，好讓自己休息充電一番。十月就要投入新的工作崗位，暫時未知道新的工作環境會是怎樣，不過也抱著戰戰競競的心情迎接新挑戰。這半年間，我不停出外覓食，來得最多的應該算是大坑。曾幾何時，我在中央圖書館工作受訓一段短時間，也曾踏足那裡與人吃過午餐，對這裡的印象也不太深刻，蓋因當時的我不太懂吃，還記得有一次吃過順興的碟頭飯，不太記得吃過什麼，印象真的模糊，但肯定的是順興無疑。若干年後，重次踏入大坑。來得最多的必定是炳記茶檔與順興車仔麵茶餐廳。前者的奶茶是我飲過最好的，但昨天去過中環的蘭芳園，馬上被踏走心中一哥位置。他們用的卻又不是黑白淡奶，卻沖得既茶濃且香滑，我想沖茶阿姐歸功最大。唯一可惜的是出名的豬扒麵，每次來總吃不出出前一丁的麵質，真的懷疑朝早的後生仔同下午的老伯伯點樣煮麵，煮得最好的要算是臭臉老闆同埋四眼瘦阿叔，這兩個人才能煮出出前一丁應有的品質。前言說得太多，說回源品。話說最近來的時候，發現順興搬出做大排檔，舖頭改名為源品，細佬同阿妹做飯，大佬做車仔麵，各人做回拿手好戲。前陣子有一段時間，他們一時休一時開，重新開的時候混亂無比，細妹不停在說這個方法不

想嚟呢度1次過ko滑蛋飯同車仔腸粉好耐..............終於搵到腳............aug 26, 12............3人來early lunch...........友人比我早到,話比我聽好似拆咗夥喎............舊舖位址,只供車仔麵.........睇埋個餐牌就發現到.........招牌打算要改名咁.........叫咗 :1) 車仔腸粉 (hk$40)-我11.30am到..........已有4個人排緊...........因為process1個客都幾耐............所以都要等咗1x分鐘-底揀咗腸粉,因從未試過車仔餸配腸粉 ($8)-再揀咗蘿蔔,豬皮,魚蛋同跟前面幾個都有叫嘅東風螺 (@$8)-先食索咗汁嘅腸粉,質地竟然帶點彈/挺.........有點似米漿混有陳村粉嘅構造咁........個人覺得怪怪的.............同平時食到入口腍身嘅慣常腸粉唔同-而4個餸中,東風螺入味又惹味,有點咬口,而蘿蔔亦無渣,清甜,豬皮很入味,魚蛋就正常-餸比腸粉好味,不過食完之後個幾鐘就覺得極度口渴............要即刻去買嘢飲.