源興茶檔 (已結業)

上年轉工到上環上班，一舊同事介紹源興的奶茶好好飲，叫我一定要試，自始源興便成為我半個飯堂。早餐最鍾意腿蛋治配奶茶，午餐就係雞扒炒意或酸菜米，佢啲雞扒好入味又炸得好香口，食極都唔厭。街市環境預佐唔會坐得好舒服，但這裡(其他檔都係)事頭和食客會一齊傾計好似一家人咁，偏偏就是因為這份人情味，當然仲有好味的食物，所以經常幫襯。

上環街市熟食市場係區內上班族嘅窮人飯堂，價廉物美，食得你飽，又唔使太貴，識搵食仲可以搵到啲好好味嘅嘢食。除咗出晒名嗰啲之外(我反而好少食)，仲有好多都係臥虎藏龍。啱啱先同朋友講起喺上環好難搵一間蛋治煮得好食嘅茶記，點知今日就咁岩嚟咗呢度。叫咗件蛋牛治，實在係區內食過覺得最好食嘅 (因為本來最好食嗰間蛇竇已經冇咗，變咗呢度係最好食)。首先係塊麵包，嗰種柔軟程度，如果你唔話俾我聽呢度係上環街市熟食中心，我以為自己去咗啲日式洋食店食三文治，因為嗰塊麵包嘅質感，實在就係日式方包一樣咁軟滑！炒蛋恰到好處，大概就係七成熟，配埋碎牛，超正！入口無論由麵包去到雞蛋再去到碎牛，都係差不多嘅軟滑質感，成件蛋治就融為一體，好掂！而且師傅好窩心，整件蛋治一開四，食起嚟好方便！唔係好夠皮，叫多碟意粉，見到有紅腸，二話不說就叫個煎蛋紅腸意粉，而家去茶記想搵紅腸食真係碩果僅存！煎蛋好夠火候，啱啱好起焦有燶邊索埋d豉油汁係一絕夠惹味，而中間蛋黃仍然係半生熟有蛋汁，撈落意粉度食真係童年回憶返晒黎！今次食住呢兩樣先。

係上環附近返工，成日忍唔住就行左去食茄汁雞扒燴意粉。源興既雞扒唔肥，又多汁，上菜速度又快。雖然係邪惡嘅，但間唔中食下真係好滿足。不得不說有位侍應哥哥，成日見佢好忙依然笑容滿面，仲同客人有講有笑~輕鬆既茶檔lunch~如果lunch食既，大家要有等位或者搭枱既心理準備。不過等位平均速度都快嘅，所以如果同事一齊傾下計應該到了。話說源興除左有雞扒、仲有牛扒，豬扒嗰啲，今日見到隔離嗰碗沙爹牛米都好似唔錯。值得推薦

：脆皮腸雙蛋黑椒汁意粉 $28 本身想食乾炒意，點知叔叔話廚房個爐唔得，推介我食呢個🙈估唔到lunch hour咁多人，叔叔都勁好招呼 仲介紹我食黑椒汁😍而且不斷過黎吹水，問我岩唔岩食，會唔會太辣😂😂本身一開頭仲struggle緊要沙爹定黑椒，都係覺得微辣會惹味d haha 意粉份量絕對唔少，重點係汁醬剛剛好！最怕多到好似湯咁既，而且食太多醬汁真係會卡路里超標😆雖然煎蛋好普通，但佢係脆卜卜架！仲要有半流心蛋黃 係屋企要煎到咁真係好高難度🍳脆皮腸就太耐冇食所以想試下 都有四條咁多架😎係上環街市，真係好邪惡 我宜家好有罪惡感 嗚嗚😭😭

很懷念上環的美食，今天放假便找舊同事一起吃午餐，她們問我想吃什麼，我二話不說便選擇了源興；我先到達找了位置，始終午飯時間比較難找位置。源興的選擇也很多，坐下來後感覺愉快及有親切感。登，登！我最期待的茄汁豬排蛋飯，熟悉的味道，還是一樣的好吃，豬排嫩滑，獨特的茄汁（不會太酸和甜）加上蛋配白飯吃，就是這個味道了。再配一杯「茶走」，充滿活力的午餐。

茶檔驚喜平民雞翼 By ✪ Miss H’s ®eview ✪  本身甚少食茶餐廳，因為怕啲嘢油同多汁，好易食得好飽滯，我腸胃麻麻地...加上有時環境唔太乾淨。不過今日心情唔太好，午飯時間，冇idea食乜，周圍行行吓去到上環市政大樓，求求其其入咗呢間茶餐廳。望望餐牌，燴飯/意粉/米粉拼任揀嘅餸—扒/雞翼/腸蛋/餐蛋etc... 係一啲平時唔食嘅嘢，今日explore吓give it a go!原本imagine雞翼會係2/3舊縮晒水煎燶晒乾晒嘅翼仔， 之但係行過見到有顧客食緊雞翼，竟然係大大隻全翼，仲幾金黃色同啲汁幾靚，好啦雞翼先生您win.. 味道 8/10雞翼豉油汁意粉 $26雞翼真係幾大隻，首先一定好味過大部分茶記同連鎖快餐店，唔會炸到啲肉實同燶晒，唔厚粉唔係deep fried ；新鮮整起，個醃料個味調到岩岩好，唔覺超強味精，sides係脆脆地，入面肉嫩Juicy同啲油mix埋好正。反而有啲失望係個汁，色水靚，但係好似冇乜味，連老抽味都冇乜！有啲好奇咩構成咁深色，不過如果佢咸少少，多啲豉油豆香味、老水或瑞士汁，可以提升全個意粉—可惜依家只係提升到.........個

今早上嚟《上環市政大廈熟食中心》覓食,刻意行到最後排，發現有間《源興茶檔》，見未幫襯過，又試試啦。餐蛋一了配凍檸茶，餐肉冇煎香，煎蛋還可以，外面煎得香而內裡保留有蛋汁，出前一丁亦處理得不錯，有咬口，唔會腍。凍檸茶，茶味不算香濃，埋單$28，整體算係可以接受啦。

心血來潮來到上環街巿食個早餐，本人對大埔街巿內的美食情有獨鐘，心諗上環咁多美食，街巿檔應有一定水準。可惜，事與願遺，差太多了。他们家的奶茶跟奶水没兩様，米線冧到夾唔起咁濟。最后埋單31元，比出面街舖還要貴，但食物水準差很多。

十一月十四日 (星期一)繼續我們的追擊上環街市系列是日沒有選定目標,來到就走進了這家茶檔這裡吃的是燴意粉,炒意粉等等是街市版的意粉屋耶?雜錦包括火腿,雞扒,豬扒和煎蛋雞扒和豬扒份量各半塊,咬落有點"嚡"口沙嗲汁太稠,外觀不討好但味道尚可,至少能為意粉帶來額外滋味意粉煮得過稔,大大影響口感炒意粉的汁有點豉油味,頗香口的意粉炒得不錯,很入味,而且少粉碎,吃得頗滋味兩條腸仔加一隻煎蛋,最簡單不過的配搭,很家庭的感覺份量較少,男士可能不夠吃以下是追擊上環街市第一至三回,供大家參考:

晨早蕩至上環一帶找早餐吃,想起上環市政大廈的熟食中心,姑且看看有邊間茶檔可供小弟坐一坐,飲杯茶,吃個麵.結果,在源興茶檔找個位坐下.要個例牌早餐,沙爹牛通加熱奶茶,煎蛋都沒多一隻,盛惠$22,同土瓜灣白宮比,$16一個早餐有雙蛋,有沙爹牛通粉加奶茶,都算幾大差距.不過,一個上環,一個土瓜灣,根本不同世界.奶茶用玻璃杯上,茶味偏弱,奶味較強.沙爹牛肉份量不多,反而湯就差點多到滿瀉.沙爹味本身已不強,被湯底溝淡之後更加食之無味,牛肉比梳打粉醃過,得個彈,沒有肉味.想起吃罷還要附上$22,唉,早知的話,回到白宮吃早餐也未遲.

本來打算去文武廟/太平山街那頭找食的. 不過適逢是尾牙, 公司交帶的事交由同事仔辦理, 自己要等埋個call先閃得. 那順路順便沒有了. 行出公司便要特登黎到上環, 在上環街市落車後, 天頭凍又未有力量行上山, 就不如街市找找看. 慣例繞場一週, 想找家食點心的, 一間已經食得多, 一間下午點心已經收爐, 咁點算呢. 街市茶記吧. 上環街市設計好特別, 不是一行行的設計, 而是一個個亭, 一個亭四個檔, 再加上旁邊凹位檔, 所以, 要找一個檔, 唔熟地頭的真的要繞場一週. 而源興茶檔正正是在街市旁邊的凹位檔.天寒, 總是食點暖胃的好, 但不想吃飯, 意粉亦不感興趣. 加$$ 原來可轉公仔麵, 火腿燴公仔麵吧. 要試一家茶檔, 最好從簡單著手. 火腿, 是很久沒有食過的煎香火腿, 看見因為油煎令火腿稍為凸起的小氣泡, 不過, 唔夠燶, 3塊火腿燶少少香少少更佳. 公仔麵呢, 說是燴麵, 但感覺像撈公, 不過那甜而濃的豉油汁令平凡的公仔麵, 添下色彩.奶茶, 果然是滾熱辣的奶茶, 在寒冬的日子, 此等奶茶, 雖不能令人精神一振, 但絕對能駒走身上的寒氣. 用上黑白淡奶, 夠濃香, 夠奶味.

2008-10-23以為呢度有廿幾蚊o既炒公仔麵, 點知俾呢度o的牆o的過期價錢+唔清楚寫法fake 晒要炒公仔麵, 得, 加$8要了最平的$24 炒o野 ─ 鮮牛蛋炒米粉味道平平啦, o的牛唔"那", 有細細隻太陽蛋, 炒得乾身, 不過比其他炒o野要等耐o的但唔鹹已經非常之好

勝香園未開番，早年想飲杯熱鴦又要周圍撞。忽然醒起上環街市都有好幾間街檔，趁是日星期五沒有OFB，就來試一試新地方。景記已試過，就行入最埋邊的源興。例牌是奶油多、鴦走少甜。油多烘得唔湯唔水，熱但不脆，油多過奶，吃落還有點膩，麻麻地；鴦走就幾好，始終叫得做「茶檔」，奶茶咖啡是主打之一。埋單13蚊，抵食，難怪在熟食市場的最埋邊都有不少人幫襯，不過就人皆一支煙。