源記燒味粉麵茶餐廳 (已搬遷) 新店位置

其實我住呢間分店對面，我真心好嬲，話說佢咁大間鋪，放晒外賣紙係門口，又印晒歡迎外賣既字眼，但我試過早，午，晚，宵夜嘗試叫外賣都被拒絕，佢地仲要好惡咁講”唔送外賣！“，繁忙時間唔做外賣我了解，但全日都繁忙？我試過落去拎外賣時見到根本無客！忙麥？最重要係我試問每次叫外賣都超過$100，唔係三文志一件，唔係好明囉？相反嘉連威老道既源記每一次都會送，試過有一次嘉連威老道既源記問番我點解唔叫金巴利道既源記，我話“人地話唔送外賣”，結果連佢地都“吓”完再冷笑一聲。

今日要同同事出去做野，去交D資料，咁午餐就系出面解決喇，我地都唔知附近有咩好食，就一邊行一邊揾，行到源記燒味粉麵茶餐廳時，見到有人系度排隊，同事就話好似呢間都唔錯，就入去試下。飯點時間等左五分鐘左右，餐廳都唔算好細。鴛鴦奶茶，感覺無咩特別，但味道都算可以，茶味都算濃，奶味都幾醇香，有D苦澀味。炸雲吞好香脆，還過炸得好似有D老，如果時間炸得再短一點就更好食喇。見店鋪寫住招牌系牛腩，咁就梗系要點個牛腩試下系咪真系招牌菜喇，牛腩雲吞麵，分量都算多，仲有青菜，好多牛腩，性價比好高。首先試下D牛腩先，煮得好入味啊，又好淋，雲吞餡有一只完整嘅蝦，都幾新鮮，湯底都做得唔錯，下次經過都仲會過嚟食。

今天和同事到這家茶餐廳午餐,全因香港茶餐廳特色, 就是 <快>好適合打工仔女.講真, 所謂1小時午飯時間, 扣除等LIFT, 等位, 等上菜,真正坐下食野的時間所剩無幾. 甫一坐下, 便已經想好點哪款食物.點了牛筋河.皆因門口的有牛腩牛什檔位,看到牛筋很吸引, 所以今天只點這個河.牛筋河上來了.啡色的湯底, 浸著白色的河粉和飽滿的牛筋,湯底有著點點腩汁味, 但嗒真D, 係落左D特別野, 看來陣間要飲好多水!!! 大家明啦!!!!!!!!河粉OK滑, 連同腩汁湯底一同品嚐吧. 牛筋教人想起骨膠原.牛筋仲要係煮至啡色了.入口又腍又滑, 相信經過長時間的炆煮.好難得遇上漿口粘牙的牛筋! 很快的, 已經消滅了牛筋河.唔知加飲品係咪半價.BODY REPORT:之後要飲好多水.  

果日經過尖沙咀諗住入去食個下午茶叫左件奶油多。 結果見到件奶油多有少許牛油，少許奶，件多士完全唔覺有暖嘅感覺，但收費十四蚊件。其實收費貴無所謂，但品質實在要有啲要求。我平時喺唔寫食評，今次都要評論吓。

出去一整天，已經沒有氣力繼續逛，晚餐上了友人家打電話叫外賣就算。友人叫了墨丸牛肚粗、牛腩牛筋和凍檸茶，而我則叫了牛腩牛筋河，合共$127。食店外賣超有效率，9:15pm下單，還沒到9:30pm已經送到門口，超快。牛腩牛筋河牛腩肥瘦適中，肉質軟腍入味；牛筋軟身黏口；河粉有點軟，不夠爽口；湯味道香濃，不會過咸

每次返香港，其中一餐一定會選擇牛雜河。這間的牛雜河可以說是“快，靚，正”。牛雜很入味，且五香味濃，尤其牛膀非常甘香。湯底都很讚，濃郁牛雜湯，這碗湯河如果加少許紅醋及辣椒油，簡直是一流絕配。

上星期六是長週, 要返工, 真的十萬個不願意在星期六上班喔!習慣星期六早點到尖沙咀嘆早餐, 呢日決定去源記....叫左個义燒公仔麵+熱奶茶, 盛惠$25义燒麵D义燒太廋了, 切得又幼, 味道一般! 個麵尚算可以, 個湯底幾清, 唔太味精, 食完唔算好口渴.個熱奶茶幾好, 茶味比奶味重少許, 幾厚身, 只是略為嚴杯奶茶唔夠熱, 隻杯唔熱熱奶茶評為7.5/10

星期三中午約一點半左右坐低叫左碗麵，一碟油菜及一盒外賣。麵及油菜質素都很滿意，不會太咸。 覺得幾好食。難怪真係咁多遊客黎食。午飯時間人比較多，通常都要搭檯。而我係餐廳印象最深刻就係對面檯個女仔食完野之後唔記得拎返部電話，個有著制服既收銀就講左一聲之後，交左俾一佢另一個無著制服既女仔，之後個無著制服即刻跑出去搵返個女仔返黎拎返部電話。之後個客真係好好彩真係拎得返部電話。。我諗如果係其他茶餐廳。。應該唔見左啦！難得有員工咁誠實及很有禮貌，食完俾完錢都會講句多謝。所以第一次寫食評都要俾佢既～

是日晚上七點多，工作剛完成，肚子餓我得很，唯有道附近茶餐廳，只有兩個人，都不知吃什麼好，因為真的很疲累好，像吃不下飯類了，於是我點了一個牛三寶有，牛肚，牛筋，牛腩，雖然要百多元，但未道非常好，那些牛肚非常入味，牛腩非常林，而牛根亦有咬口，特別在茶餐廳有這樣的質素，真是十分驚喜！！ 這個真是本人的超級推介

行左全條金巴利道，由於是晚飯時間，全部餐廳都要等位，结果行到街尾，先見到源記吾駛等，因為肚子太餓，我兩便走進去。點左炒四季豆及椒鹽骨，上菜速度頗快，先有足料例湯，雖然知道是味精湯，但味道卻似老火湯。椒鹽骨夠脆，椒鹽份量夠，肉質仍然嫩滑，非常惹味。炒四季豆份量亦多，味道夠，而肉鬆配搭得宜，伴飯一流。

常在網上看見「男人的浪漫」一詞，其實浪漫從來都可以自製，能一人獨享兩碗「源記」，我覺得都是挺愉快浪漫的事啊。「金牌牛什河」$25點了走肺，剩下牛肚及肥腸，兩者都炆得入味，牛肚有嚼勁，牛腸則爽滑，各有各的好滋味。「五香切腩河」$25另一愉快浪漫的 comfort food，來「源記」必吃。切腩肉味濃，旁邊的位置帶半肥，令牛腩整體不會如柴皮一樣。吃時記得蘸點辣椒油，會更好提味昵。

見源記有下午茶炒粉麵套餐，點了一客XO 醬海鮮炒飯+ 熱奶茶。($38)XO 醬海鮮炒飯冇咩XO 醬味，XO醬一向以惹味見稱，但係呢個炒飯唯獨久缺左呢份惹味。飯炒得幾乾身，亦都唔會太油。不過料好明顯夠，只有幾料蝦仁仔同埋蟹柳粒。熱奶茶茶香唔夠，入口亦有啲酸味，亦都沖得唔夠幼滑。服務一般。水準算過得去，但係以呢個價錢黎講尖沙咀有更加多好的選擇。

12月8日, 出尖沙咀想搵下牛腩牛筋粉麵食, 老字號有保証小店就無喇, 反而搵到間主要做遊客生意乜都有得食咁滯嘅源記茶餐廳頂住檔先!::: 牛腩米 ::: $25牛腩米望落白雪雪, 但係湯底都加咗d腩汁所以都有d味. 牛腩頗瘦, 但肉質都算一咬即散唔會韌~ 加埋d芫茜蔥花算係一碗唔錯嘅牛腩米架喇!::: 牛筋河 ::: $25牛筋都幾普通下, 勝在夠多, 河粉好油膩, 多到唔係好食得晒… 可取嘅就只有個湯底, 腩汁味豐富, 清甜得嚟又唔會好味精味.一路食見到隔離左右都有唔少遊客走入嚟開餐, 有d仲要拎住本旅遊書入嚟點菜添! 唔通源記出名到連旅遊書都推介? 不過觀乎附近嘅食肆同源記相比, 呢度嘅食物唔差價錢又唔算貴, 最重要地理位置方便, 又難怪咁多自由行捧場客嘅~

於2月1日同女友行街街，到晚飯時間啦，經過見到源記，E......好耐無食過啦，咁咪入去食吓牛腩墨魚丸河，分店始終係分店，牛腩味道唔及以前原店既好味，而墨魚丸一啲都唔好味

要說的當然𣎴是西環正街知名糖水舖「源記」，而是尖沙咀的「源記粉麵」。「源記」在尖沙咀有數間分店，堪富利士道、金巴利道、金馬倫道均有其足跡，它在粉麵界也算頗有知名度，皆因除了牛雜出名了得外，伙計的態度也是出名奇差，大家要有心理準備。「牛三寶」($36)此乃本少爺之心水組合，五香湯底配淡口河粉尤其合適。牛腩是切腩，切得大件，難得肉質軟腍不鞋口；牛筋炆得相當入味，有像吃花膠般的黏口度；牛肚爽脆不韌﹐配辣椒油吃特別滋味。這裡的牛膀、牛腸等均頗馳名，喜愛濃味及牛內臟的朋友不容錯過。