源記餐廳 (已結業)

咖喱牛腩飯咖喱又唔香又唔辣最大獲係個白米飯好似過期嘅米又硬 又臭 中伏 凍檸檬茶少甜啲冰勁少滑蛋牛肉飯係冇滑蛋的 只有蛋汁而且個牛肉係冇醃過完全冇味 估唔到可以難食到咁樣不過價錢就都叫做係實惠 兩個飯都係百零蚊

#breakfastforlunch, #cheapeat, #sheungwan, #茶餐廳I wasn't excited to come here... but I'm in the nearby area and wanted to find a place I hv not yet write a review... came here long time ago so kinda hv an idea what to expect.maybe my memory isn't as good as before... this is totally not as I remembered. I am quite impressed with the service, selection and the portion...

只收現金。服務態度：早餐時間自己搵位，執枱效率較慢。水餐具紙巾會點餐後奉上，但男侍應就落單時好似無耐性咁。環境方面：4人，2人卡位有十多張，中間有數張4人圓枱。卡位較窄，坐得唔係太舒服，店具較舊，感覺清潔度不足。食物質素：沙爹牛夠味，牛肉較仍保持口感 ，大光面就一般，有點淋（就算叫咗唔好咁淋都無用），雞扒個樣好似番炸十次咁，皮都巢晒，都唔知係咪昨日賣剩，上要仲要有一條鋼絲擦。性價比：中等總結：應該唔會再有光顧啦，太不衛生。好味指數

叫左是日快餐，馬拉盞金菇雞柳炒公仔麵😩完全冇味.冇熱度好似隔夜冷飯菜😫冇馬拉盞味道。金菇同雞柳凍的，乜味道刀冇。公仔麵好似炒左一半，一半不炒咁，根據一早炒定同冇用心去炒，求求其其，縂括講，自己炒嘅即食撈麵仲好過啦。果杯熱咖啡，勁難飲，又澀又鞋。只飲左一啖唉！上環區地段，竟然有咁低質素餐廰。沒有下次。我一直覺得，現在的香港廚師沒有以前的人那麼用心去做餸，他們心態好像返工放工。唔去試吓自己煮嘢的味道！

今日同屋企人出黎行街，行行下好肚餓就是但入左一間餐廳🍴，奶茶🥤幾乎我要每日一杯先夠咁就叫番杯熱奶茶☕️再加個淨雲吞。熱奶茶☕️（HKD 18): 嘩，水滾茶靚真係咁解，成杯奶茶☕️都超熱，飲一啖，奶同茶比例參半，是我最愛嘅黃金比例😍茶吾會有澀味，加埋奶中和左茶本身既澀。飲落舒服😌淨雲吞 （HKD 55) : 份量都算大， 有成十粒，粒粒飽滿，每一粒都皮薄餡靚，每一粒都有一隻鮮蝦 🦐，仲要用胡椒粉加以製成，特別重口味，吾錯。總結：得閒飲杯熱奶茶☕️都值回票價雲吞美味 加埋蔥花乾蒜 味道更提升

同一班朋友收工吹水傾計食宵夜，都係去冰室同茶餐廳多，貪佢有時有得睇波同埋可以坐得耐啲。二玄機餐廳呢間連鎖店老字號我相信大部份嘅人都食過。佢招牌咖喱真係不得了！辣中帶甜，甜中帶椰，係會令你越食越開胃既一個咖喱汁，佢配任何既肉都會好好食，我就通常食咖哩什扒飯配凍檸茶，食完又係非常之滿足，個餐仲會送個湯，真係飽到返屋企即刻去訓着！而我朋友識嘅就係黑椒牛魔王飯，有牛脷牛肚牛扒配一個黑椒汁又係幾好味真係大件夾抵食！

其實茶餐廳好少會寫食評既 但係呢個炒米粉唔知咩事佢炒得咁好食，所以都要寫下。馬拉盞炒米粉 話說食左個late lunch, 7點半講真都未餓，但係就陪爸爸食，所以叫左個炒米粉，食一半就算。點知唔食由自可，一食點解可以咁開胃？好香，啲米粉好幼，唔似出面炒粉油淋淋，所以食晒。咸魚蒸肉餅爸爸叫左個飯餐，好足料，即叫即蒸。飯又香又熱。成餐都好食。

今日去左上環果邊整d野，咁就隨便揀左間茶記食，叫呢間都好似幾多人食就入去試下。呢度有lunch set同其他套餐，今日比較餓就揀左雙扒飯。飯既份量係偏細，不過都夠飽既。 肉份量反而ok wor。 黑椒味唔夠濃。奶茶幾大杯，但略嫌唔夠濃味。

趁食晏由荔枝角搭地鐵過黎上環搞啲野。時間咁炆，只可以求其搵間野快快趣食個晏。於是就入左呢間係地鐵站出口隔離既源記。因為撞正食飯時間，所以人好多，當然我一個人實會搵到位搭枱。其實餐牌上都多選擇既，所以都望左陣，同時已經比侍應兩次追問食咩。而我最後就叫左個常餐叉燒意。叫左之後又有第個問我寫左野食問。都幾煩下。諗住食常餐都穩陣既，不過黎到見到啲叉燒都冇乜食欲，因為瘦得過分呀。多士得個半塊。四草野都唔可以話合格問心個句。不過都係咁架喇。仲想人地比幾多你係呢區。叉燒食落真係又瘦又乾。炒蛋都還可以。今次經驗以後就算趕時間都唔會幫襯源記。

食早餐時發現杯檸檬茶入邊有隻大蟑螂，好彩我未飲時已發現，服務員想毁屍滅跡拿走，離譜，本身食物質素已麻麻，連衛生最基本的都末做到，大家要光顧真系要睇清楚先放入口，後來早餐我都唔敢食了

一個星期總有兩三日在上中環工作，都會周圍尋找美食，專家話每天最重要的一餐就是早餐，所以我從不吝嗇食得豐盛啲。源記多次經過都過已不入，今次剛好去恆生銀行辦完手續落樓下順便食個早餐。源記推開門入內一陣陣潮濕發霉味；可能剛剛落雨關係吧！地方稍大好多卡位燈光光猛，但枱面痴笠笠好污糟服務也十分差，感覺自己身在路邊小攤檔。去到茶餐廳早餐必點沙嗲牛肉公仔麵；食一口已放下筷子，感慨現在香港真的好難吃到好吃的沙嗲牛公仔麵了，罐頭牛肉完全沒有牛肉味肉質霉麵又偏硬，沙嗲汁非常非常咸極重味精，餐包又乾又硬不值一提腸仔味道怪怪的偏咸，炒蛋唔滑，最好係杯熱檸水

去開上環 一出地鐵站就見到呢間餐廳 所以就決定坐低食個午餐。餐廳餐牌上選擇唔少 中西口味都有！見到廚房出面掛住外觀唔錯既燒味 就叫左叉燒燒肉飯黎試下 叉燒同燒肉既口感都唔錯 而且燒肉無骨 可以啖啖肉咁食😂而且上菜快 可以好快有野食 飯既份量亦算多 唔會食完好似無食過咁😂整體黎講都算唔錯👍🏻午餐黎講大部分都係$50-60 價錢係中上環都算係公道 而且包埋野飲。坐耐啲又唔會俾人趕 下次會試下佢地既牛腩 聽啲侍應講 牛腩好似都係佢地既招牌菜🤔 第一次食都算幾好👍🏻

公司下午茶終於試新嘢好感動佢下午茶既選擇都係大路嘢，唔知食乜好既情況下，就揀左公司三文治+凍檸樂罐可樂如果係雪凍就更加好啦凍檸樂正常發揮啦，都好少有乜特別份公司三文治好足料唔知係乜食慣難食既下午茶，一打開見到咁似模似樣既下午茶，覺得好安慰😭😭😭雖然烘左底，但可能放太耐，所以都已經淋返炒蛋份量好多但塊芝士無乜芝士味，溶返少少會更加好沙律醬都略嫌少左啲，食食下有啲乾相信堂食應該會更加好📍超主觀+有偏見評分 (5為最多)📝📃hunger(食物🤤/🤮): 中規中矩📃anger(感覺🥰/🤨): 中規中矩📋hangry(整體🤬/😟/😛/🥳/😍): 還可以😛

一人午餐系列 - 上環源記茶餐廳 我覺得地理位置上，呢間餐廳可算是在中上環，對正電車路，好方便，好易搵。 叫左個咕嚕雞球午餐，有野飲跟，只係$52。我覺得係中上環食到60$ 以下既午餐，我已經覺得幾唔錯。 上菜好快，等左5-10分鐘到左右，我相信係即刻整，因為我見到幾碟一齊上，而且整碟個溫度都係好平均,好夠熱。個咕嚕汁都唔錯，好濃。雞都好滑，咕嚕雞球多到我食唔哂。呢到唯一個唔好就係，冇八達通，我呢排食既茶餐廳好多都有八達通，方便好多。

因為中環返工關係，食埋個早餐先番工，上環食早餐選擇都幾多，見呢間平時都幾滿座，咁就一於試下啦，今次係第一次光顧上環源記。其實佢個價位大約HKD 30 元起，係中上環既地區黎講已經唔算貴。而且選擇都幾多。行入餐廳揾個位坐，都未坐低晒，侍應哥哥9秒9問食咩，之後我見個蕃茄豬軟骨通粉咁大張圖就知係推介就點左。唔夠一分鐘就上菜了。嘩，望落真係好普通，一食落個羅宋湯湯底好杰，而且好重蕃茄味，對於我呢種食開重口味既人黎講，湯底入面有少少辣味係好正既事，豬軟骨仲正又入味，不過唔算好諗，軟骨好爽脆，食完仲可以飲埋個羅宋湯底。