溫莎堡 (已結業)

今次又喺葵涌附近工作完成工作後又嚟到呢間葵涌溫莎堡茶餐廳不過今次過咗食飯時間後去只係得返下午茶價錢非常之實惠仲有大電視睇揚州炒飯配料豐富香噴噴有叉燒，蝦仁，滑蛋，生菜之前嚟過食炸髀口感唔錯價錢都幾好

我同朋友工作完喺葵涌附近見個肚有少少餓見到呢間茶餐廳就諗住入去嘗試吓下午茶人都幾多因為係即叫即炸嘅關係所以等咗20分鐘左右下午茶都有好多款式全部都好平我坐低後叫咗炸雞皮配薯條凍檸茶我朋友就叫咗炸雞扒薯條

試過好幾款小菜有好有唔好好嘅夠獲氣夠濃味 例如魚香茄子煲 麻辣粉絲清遠雞南乳支竹火腩煲四川肥牛中式牛柳粟米魚塊唔好嘅有鹹魚雞粒豆腐西檸雞白飯冇錯 係白飯一啲飯味都冇 仲好碎好削好多茶餐廳都唔係好著重白飯呢一環但其實真係好影響 扣好多分

公司喺附近，所以都會係平時LUNCH/早餐打鄧地方。係好多選擇，真係多到坐底10分鐘都未必揀到戈日食乜好，但係就真係唔係太乾淨。親身經歷有個呀姐放（我其實想形容為"掉"）啲碗碟喺個餐車度，之後啲唔知係水定茶定汁（總之一定係唔係乾淨水）彈晒落身度，頭又有腳又有，真係好黑仔，佢仲話「水尼架咋水尼架咋」... 但又因為公司附近無乜咩好食，就唯有間唔時都食下.. 但係就會搵個地方坐係唔近佢戈幾部餐車.. 有一樣要讚嘅，係佢啲燒味係幾好食，不論係油雞定叉燒都係正嘅。

要明白 喺工廠林立嘅地方搵嘢食都難🤔🤔🤔有間餐廳食得落食得飽其實就夠 😶😐😐唔好要求咁多啦😬😬今次就嚟咗溫沙堡試下 lunch hour 都唔係好多人 可能落雨嘅關係 大家都寧願叫外賣😪😪我叫咗個海南雞飯 味道就普通 係食得落嘅嘢 但就唔好expect 會話好好食 😂😂同埋啲雞好似有啲生 中間有啲血 我都唔太敢食哂 🤭🤭🤭有樣好嘅係lunch 會送個湯 ☺️😊☺️😊等你可以度過冷氣好凍嘅進餐過程 🥶🥶🥶

牛肉炒面變炒河; 豬扒意粉變牛扒意粉, 意粉完全冇汁; 星洲米冇味冇色又濕, 叫走青就勁多青; 垃圾中嘅垃圾, 仲要收得貴, 呢D鋪頭仲想有人幫襯都難。。。。。。。。。。。。。。。。。。。。。。。。。。。。。。

望下個飯，足足高2cm ! 成個型都附合個飯盒既cuvee，足料抵食 楊州炒飯有d濕，唔多求好食，只求飽肚都唔錯！仲有杯凍奶茶，不過不失下午茶時間只係40蚊！ 荔枝角返工既人可以試

這日和朋友一聚後想找地方食下午茶，路過此處就在此一試沙律雞扒包($25)，份量幾大，包夠厚，新鮮又香，雞扒肉質都幾嫩滑， 又夠厚，好惹味仲有好多下午茶配搭，下次再試下先。

來到新工作地方找尋食店醫肚,這左右是甚多茶餐廳，最後選了這食店試試，入內坐下從餐牌的午餐選了個越式雞扒飯，雞扒炸得出奇地脆而香口，還超大件，確實難得以茶餐廳的價來計，跟餐有杯凍奶茶，甜和茶味也足夠。

外賣了一份xo醬金菇肥牛炒烏冬  唔平 工業區都收$54元. 他X的師傅畢業未架;肥牛炒成牛肉干, 還沒有放金菇, 又勁多油, 去考個中廚證先啦!唔好再害街坊 , 我自己炒得都好食過他.

今晚9點40分去到，叫左個干抄牛河，黎到d河粉係硬既，牛肉係凍既，跟住叫我埋左張單先，收左我45蚊，先發現原來收10點，唔想做生意嗌我走嘛，比碟垃圾黎，有無攪錯呀，真係好過份，我永遠唔會再幫襯。

今日趕住去HKTV， 未食晏， 諗住開完會先食，點知去到個陣尚早，見到附近呢間餐， 又正好兩點半，咪坐低求其叫咗個下午茶， 殊不知不叫由自可，一叫傻鬼左， 我叫左個雞扒撈丁，個雞扒好味到真係冇朋友，又脆又香，淨係收你廿五雞，絕對值得推介， 完

幫老細叫外賣, 因為我地公司12點半食飯, 所以叫12點20分送到, 呢家餐廳做開我地生意咁多年應該都知, 但不料最後竟然12點45分才到, 而且打電話追的時候店員的態度極差!! 老細還說食物的味精很重, 而且飯已經凍左!!呢次真係嚴重對呢家野失望, 以後都唔會再叫!!

要在總廠辦事，中午也得吃點東西醫肚，才有力氣繼續下晝既工作，但葵興一帶實在缺乏有質素的食肆。醒起老總推介過附近的溫莎堡，即管前來一吃。十二點幾去到，還未算很多人，獨自來食也不太難搵位。但留意到，客人是陸續入座的，好在早一步到。在快餐餐牌中隨意來一款，有雞扒蛋撈丁。雞扒沒有一陣雪味，咬落也算嫩口，不明白為何雞扒要配薑蔥，但用來撈麵，也不錯。雞蛋還可以，至少不會太熟，蛋黃汁也是撈麵的良品，如果邊位可以脆一點，會更好。凍奶茶同樣對辦，夠滑又有茶味。

事發在於22-09-2011下午叫外賣時發生,餐廳名稱(温莎堡,地址在葵涌健康街2-6號飛亞工業中心地下9-12鋪,電話2428-6622)---本人叫了一個(京都炸醬肉絲炒伊麵)食到1/3左右居然發現炒麵上有煙頭,事發後打電話去餐廳投訴..她們都肯交把飯盒換回(但因為事件嚴重,希望有關部門跟進事件)因有可能關係到環境衛生,環境污染,食物處理不當等等