溫莎堡 (已結業)

公司喺附近，所以都會係平時LUNCH/早餐打鄧地方。係好多選擇，真係多到坐底10分鐘都未必揀到戈日食乜好，但係就真係唔係太乾淨。親身經歷有個呀姐放（我其實想形容為"掉"）啲碗碟喺個餐車度，之後啲唔知係水定茶定汁（總之一定係唔係乾淨水）彈晒落身度，頭又有腳又有，真係好黑仔，佢仲話「水尼架咋水尼架咋」... 但又因為公司附近無乜咩好食，就唯有間唔時都食下.. 但係就會搵個地方坐係唔近佢戈幾部餐車.. 有一樣要讚嘅，係佢啲燒味係幾好食，不論係油雞定叉燒都係正嘅。