滄浪亭

營業中

休息中

🤎相信去得紅磡嘅都識得滄浪亭好多人都中意去紅館睇演唱會前過黎食番碗麵😋呢次小丸子同豬生黎到懷緬一下🥰大家去前記得睇時間, 因為佢哋有落場, 上次我哋已中左次伏🫠照舊必嗌嫩雞煨麵, 超級無敵大碗, 小丸子雖然唔食雞, 但都可以飲佢奶白嘅湯, 湯底仲有清甜小棠菜, 麵條腍腍的入哂湯味, 讚到不行😍😍😍再黎大排麵, 超大塊的豬扒, 口感唔乾, 同樣肉質嫩滑, 雖然係炸粉, 但完全唔厚身😎最後唔少得嘅雞絲粉皮!!!!!! 超正嘅芝麻醬, 超香濃, 仲要好杰身, 粉皮啖啖花生香!!!!! 次次食都要爭住食😋😋😋.📌 滄浪亭紅磡蕪湖街111號蕪湖居地下C1號舖.#hkfoodie #foodporn #foodphotography #hkig #likesforlike #instalike #followforfollowback #traditional #shanghai #hkfoodblogger #hkfoodstagram #foodstagram

本身喺紅磡返工行開行埋其實唔係好覺眼有間咁嘅麵店聽個名以為係食日本菜原來係取自《孟子‧離婁上》中「滄浪之水清兮，可以濯我纓；滄浪之水濁兮，可以濯我足」增添一份古老，溫婉嘅文化氣息舖頭細細間完全唔起眼不過門外就keep住有人排隊店內約有20個座位環境擺設儼如一間小客棧由兩個員工打點一切但都無話踢哂腳有條不紊我睇個個都食嫩雞煨麵所以就叫咗呢個應該係招牌嘅等咗差唔多5分鐘就上枱非常之有效率碗麵好似一蘭嗰啲拉麵碗咁大聞落去有香濃嘅牛奶雞湯味我等唔切已經急不及待要食咗先個湯濃厚黏稠飲完都唔會口渴好鮮味麵條煙韌有咬口喺幼拉麵嚟嘅啲雞粒同埋小棠菜嘅大小好適中一啖可以有雞有菜有麵雞肉都係鮮嫩滑溜無雪味小棠菜爽脆鮮甜食得我本人好開心😂同事就叫咗葱油拌麵加虎皮蛋同埋紅燒軟排麵因為太趕時間返工我影啲相全部都矇晒所以就唔擺出嚟喇😂我只可以講聞落真係好香好香好香好想食佢哋啲口水尾🥲另外食完之後發現俾人抄咗牌心情突然沉重🫠但係諗返起個麵只不過係$55其實要我比double我都願意（喺翡翠拉麵小籠包食個麵都一定唔係呢個價錢啦仲要唔好食）發動逆向思維就變咗抄牌抄少咗我$55即刻開心返☺️

🍜糖醋排骨麵💰$65🍲菜肉餛飩💰$49🥢肉絲湯年糕💰$58.⚡️上海野可以話係小女子最愛嘅菜系之一！滄浪亭其實係二次回訪，對上一次食已經係大學時期，今次再訪試下佢水準有冇退步到～.⚡️🍜糖醋排骨麵係必試之選，份量超大，排骨量驚人，不過略嫌骨頭比例太多，酸甜味道依然得宜～而🍲菜肉餛飩就饀料爆滿，食落好有滿足感；🥢肉絲湯年糕口感煙韌，湯底亦清甜🥰

最近發現咗有間餐廳，佢個名改得非常靚，以蘇州🏞️其中一個歷史最悠久嘅江南園林嚟命名。餐廳主要食淮揚菜，喺#紅磡 、#美孚 都有分店，一入到餐廳🍽️，就有好熱情嘅伯伯👴🏼招呼你。餐廳座位唔多，坐得有啲迫，大家要嚟食，就要留意吓啦💕。Menu非常簡單，有各種面類🍜、小食。今次我哋就嗌咗一碗🔴嫩雞煨麵($55)、🔵烤夫麵($53)。兩碗麵都非常大碗，而且望落非常家常！嫩雞煨麵🌟🌟🌟湯底呈乳白色🥛，飲落口有好香、淡淡嘅豆乳味，但係略嫌湯底偏稀，同埋過多🤨。如果可以再「煨」耐少少，等麵條吸多啲湯汁，收乾少少會好好多。青菜🥬、雞肉🐔嘅數量都好多，但係覺得雞腿肉偏老，而且切得太細粒。成碗麵最出色嘅係佢嘅麵條，食落腍但係唔爛😋！！烤夫麵🌟🌟烤夫其實即係生面筋經過發酵之後，再攞去炒。呢間餐廳嘅烤夫麵🍜，就係將已經整好烤夫連汁加上去麵條上。湯底嘅感覺好普通，主要嘅味道係烤夫本身嘅鹹甜味。烤夫食落，口感幾好🤩，腍得嚟又有少少煙韌。而麵條嘅質素，同嫩雞煨麵嘅麵條一樣，都好好食🤤！呢間餐廳嘅味道係非常家常嘅味道💕，冇落過多嘅鹽糖🧂，更加冇落味精。如果大家嚟嘅話，建議可以試吓食佢嘅蔥油開陽拌麵🍝！

星期日嘅滄浪亭竟然唔洗等位，實在太好啦～除左嫩雞煨麵，其他麵食都好吸引☺️獅子頭有咬口，肉唔會太肥，滲出陣陣陳皮同冬菇味；上海幼麵口感滑溜煙韌。燻魚香脆，香口之餘甜甜的好開胃，好鍾意鹹中帶少少甜味嘅豉油湯底。店員會比隻碗裝魚骨，又叫我地小心熱，相當細心。兩碗麵嘅份量都好足，之前食過個人覺得嫩雞煨麵會濃味少少，菜嘅份量會多啲。雖然餐廳座位較少，但晚飯黎講性價比好高‼️

呢間小店一直人氣高企，終於等到有日落雨冇咁多人黎食可以一嚐嫩雞麵風采✨可能因為落雨關係，呢次淨係排左5分鐘左右就入到去～叫左兩個item，分別係香菇嫩雞麵同雞絲涼皮嫩雞麵個湯真係好香好滑，超級鐘意😍但如果下次再黎，我會揀番普通嫩雞麵🤣🤣🤣而雞絲涼皮我係有少少少少失望🥲40幾蚊但個portion係一隻碗隻咁🥲雞絲又唔算特別多，性價比真係唔算高🥲同埋值得一提嘅係，佢地嘅杯裝豆漿(影漏左)真係幾好飲✨Revisit? :Yes🌸

如果愛得及時需要勇氣，不如就先從食在當下開始練習🤓終於的起心肝，趁閒日放假，走嚟黃埔尋找學生時代回憶嘅味道💫仲記得以前成日會喺香酥雞菜飯同嫩雞煨麵之間，選擇困難症發作🤣🐔嫩雞煨麵 $55奶白色嘅湯底又香又甜，隱約好似有啲腐竹味，忍唔住一啖接一啖咁飲😋 小棠菜同鹹雞粒畀得相當慷慨，食到最後一箸麵，都仲有唔少菜粒雞粒，可惜雞粒有少少嚡，要扣分🤨🐔香酥雞 $38本來係打算堂食香酥雞菜飯，再外賣嫩雞煨麵走，但原來已經冇賣菜飯了😢 Hang咗一陣機之後，決定都係兩款食物都叫，費事再心掛掛🤪雖然香脆又多汁，但調味偏淡，要點豆瓣醬食，而且炸漿同以前唔同，感覺有啲失望☹️

早一兩年食過，覺得唔錯…專登特登過去再食多一次…去之前打個電話俾佢哋我：請問今日開唔開？男：我聽得電話緊係開啦（語氣極差）心諗：難道我接通之後要即刻收線嗎？咁樣做生意法？死得啦！

入紅館睇show前，諗住碰下運氣睇下滄浪亭使唔使排長龍，可能當日落雨，6點去到係唔使排隊既! 又唔使同人搭枱 🫶🏻 滄浪亭名物<<嫩雞煨麵>>$55幾乎個個都嗌一碗，佢既奶油味勁香，d面又岩岩好，不過要襯熱食，淋左就冇咁好食，面同雞既份量都好多，但女仔可能食唔哂。好抵食! <<糖醋排骨>>$50勁大碟，CP值好高，炸得好香脆，好似韓式炸雞咁!<<蜜汁烤夫>>$36第一次食，少咸，配面食就岩岩好，口感唔錯! 呢種街坊小店真係買少見少，人情味好濃，店員真係以客為主，見隔離枱嗌3杯豆漿，佢會提佢地買枝裝更抵！Encore: ✅✅✅✅✅

見網上面其他人話佢地嘅嫩雞煨麵同糖醋排骨麵好好食，所以叫左…但只係不過不失，嫩雞煨麵味道淡！糖醋排骨麵亦無特別！🤷🏻‍♀️而且最重要係環境太擠迫跟本唔適合放咁多張枱…🫥同埋唔知係唔係夏天有蚊螆喺度飛嚟飛去！加埋冷氣機滴水…成個環境坐得超級唔舒服🤦🏻‍♀️同埋我哋有人仲食緊碗嘅野，個店員就即刻嚟收晒啲碗碟….總之成個環境好唔舒服🫠唔會試第二次

經過紅磡見到好多人排隊原來係美孚名店滄浪亭嘅分店店鋪唔大只得4張4人枱同一張雙人枱所以如果唔夠4位就一定要搭枱不過仍然坐無虛席叫左必點嘅嫩雞煨麵大排同軟排骨麵嫩雞煨麵果然名不虛傳入口好香濃牛奶味雞粒超多都唔鞋口配細麵好好味紅燒軟排麵湯底同樣香濃軟排骨其實係豬軟骨燉煮得超淋超入味大排係大豬扒炸粉輕薄豬扒嫩滑做小食一流！店家熱情幽默滄浪亭係間人情味小店

小店座位不多, 只有4張4人桌和1張2人桌。下午茶時段, 人流依然, 剛巧靠牆有空位, 入座時中了頭獎, 頭撞到鏡面裝飾, 大家入座時都要小心。樓面店員頗風趣, 會與客人互動。食物價格相宜, 選擇不少, 是次光顧目標清晰, 選擇困難症沒有發作。1) 嫩雞煨麵 $552) 豆沙春卷 $22嫩雞煨麵算是小店名物, 奶白色的湯底加上足量的雞肉和綠色菜蔬, 單是顏色已很吸引。湯底以奶烹調, 順滑美味, 一滴不留, 喝後不渴。雞肉切丁, 肉質較有咬口, 稱不上很嫩, 但也不乾不柴。菜蔬份量不少, 切碎至雞肉大小, 入口清爽。麵條彈牙掛湯, 份量多, 足以飽腹。豆沙春卷入口熱辣辣, 春卷炸得脆口, 不油膩。豆沙份量雖然不多, 但甜度剛好。相對於坊間的豆沙鍋餅, 雖然餡料都是豆沙, 但鍋餅的外皮較硬, 感覺春卷的脆口更加搭配, 更加美味。

個個講起上海嫩雞煨麵應該都會諗起滄浪亭今日我都想食嫩雞煨麵 黎到呢度星期六午市 都要排下隊 我諗5~10分鐘左右turnover rate 都好高老細做嘢爽手快脆 又細心俾大家睇下餐牌先蜜汁烤夫味道偏甜 木耳爽脆烤夫看起來是手撕的 做法正宗嫩雞煨麵雞同菜都足料乳白色帶有點奶味既湯底 配上上海麵唯獨味道偏甜 醉貴妃帶有一點點酒香 非常大隻嘅雞翼大到覺得自己食緊雞脾細隻d 可能會好啲 糖醋排骨麵排骨炸得非常酥脆 糖醋醬汁好好味唯獨是上海麵既湯底偏甜整體而言 食物份量都幾多眼見好幾台客同我哋一樣 都食唔晒而作為一個上海嫲嫲的孫兒 也許我是食慣家的味道 覺得呢度既食物overall 偏甜咗啲

呢間上海小店位於紅磡，人氣一直高企，決定今日去試一試🤓 店舖唔大，大概5張枱，環境唔算闊落，但呢個就係小店特色👍🏻 未到門口已見人龍，夜晚8點到達，大概等左30分鐘有位了😌 雖然是小店，但有多款菜式選擇，花多眼亂，樣樣都想試👉🏻👈🏻 最後叫左2碗麵同一款小食🌟雞絲粉皮呢度嘅雞絲粉皮用碗載住，同平時食開嘅好唔同，特別係個芝麻醬，芝麻醬自家製，濃濃的芝麻香，因為比較杰身，所以每條粉皮都可以沾上芝麻醬🤤 雞絲和青瓜份量十足，非常開胃🙂⭐️嫩雞燴麵每次食上海菜我都必定嫩雞煨麵，呢度嘅嫩雞煨麵最出色嘅地方係個湯底，湯底是奶白色的，食落有點像忌廉味又帶點奶味，味道濃郁，好好食！雞肉有點鞋身，但無雪味，可接受，幼麵勁嫩滑，好滿足！🌟燻魚麵燻魚好好食！唔會過乾，份量都算多，有幾舊大大舊，但食嘅時候小心有骨，反而湯底略咸，建議唔好飲晒所有湯😜另外，老闆好親民，態度好好，果然係富人情味嘅小店！決定下個月再黎幫襯🤤

好鍾意食佢嘅面，獅子頭，糖醋排骨等等都做得好入味，一試就愛上食佢，尤其是佢嘅麵同湯底十分香濃質地又唔差。最鍾意食上海嘢，啲餸都好多添。唯一就係可能舖頭有啲細，通常要等一等。