滄浪亭

營業中

休息中

滄浪亭係以前喺紅磡返工嗰陣其中一個食堂，舊地重遊估唔到佢已經變咗一間人龍店‼️而且十個有九個都係嗌嫩雞煨麵‼️.仲記得頭幾次去食滄浪亭都係嗌餐牌較上位置嘅大排麵、糖醋排骨麵等等，直到有一次嗌到嫩雞煨麵簡直係驚為天人🫨佢哋嘅上海麵同一般食到嘅唔同，麵身比較幼細同滑身，食落好順口，熬到奶白色嘅湯底非常濃厚，湯面薄薄嘅雞油簡直係錦上添花，雖然咁講好似好誇張，但係我嗌過青菜煨麵，個湯底真係完全2種Level‼️而且雞唔鞋，菜依然翠綠，隔咗幾年嚟食仲係咁好味😋

見到一直有好多好評 所以今次講過紅磡就順便黎試😋去到唔駛排隊麵一到左即刻想試下個湯有咩咁特別 大家都讚不絕口🧐🧐因為見到話嫩雞麵個湯加左牛奶 所以都好期待😆飲落係濃郁偏creamy個隻（唔係杰身嘅）但係個人就未去到覺得好impressive🤔雞感覺有dd雪藏味唔係好嫩wor🤣麵我覺得可以爽口d就更好 上海麵偏淋反而我覺得糖醋排骨麵above expectation😍糖醋調味我幾鍾意 淋係排骨上面唔會好多唔會搞到排骨唔脆 仲係熱辣辣👍🏻配個湯底係清淡啲嘅 反而無咁濟！😙

必試嘅嫩雞煨麵真係正到癲!個湯底加咗牛奶,香濃到飲完連最尾一啖都唔捨得剩!啲菜絲爽口清甜,配埋濃郁嘅湯底,食完連湯都想飲晒!麵底份量大大份,夠晒彈牙,完全冇令我失望!🥢糖醋排骨都係一絕!外脆內嫩,醬汁酸甜適中,炸得香脆又唔油膩,真係冇得彈!可惜諗住試獅子頭,點知早賣晒喎~😅 飲品嗌咗杯豆漿,香濃溫潤又唔會太甜,完全係手工製作嘅質素!要講價錢嘅話,人均$60左右,以呢個品質同份量嚟講真係超值!💯溫馨提示:想食獅子頭記得早啲去!隔離位都話好好食㗎!😆

去開黃埔，搵搵附近有啲咩好西食，見到呢間上海野評價唔錯，所以就由黃埔站行過去大約8分鐘左右，去到叫完野食先知只收現金，員工叔叔話幫我比住先叫我下次先比返佢，因為唔好意思又唔就腳下次黎找數所以就多謝佢冇食走左。兩個星期後又有機會再去，特登去幫襯返，因為上次太感動，所以再去支持呢間小店 💗店內職員都係叔叔阿姨，佢地都好友善，一坐低都即刻比茶你，見佢地同事之間都有傾有講，氣氛融洽 。最後我傾計話多謝佢上次咁有人情味，佢話原來已經有幾個人都係食完冇現金比，話比佢下次找數，但之後都冇左人影！ （睇到既記得返去找數啦👀）之前睇食評講到員工態度咁惡劣，但原來係好有人情味🥹🫶🏻講返食物，因為我自己一個食唔到咁多，只叫左個糖醋排骨麵 ⬇️排骨好大碟，都好多肉，一啲都唔偷工減料 👏🏻外皮炸得薄而酥脆，糖醋醬黏身惹味🤤麵係幼身，湯底較清，可以中和返糖醋味 ⬇️ 配埋杯暖豆漿，唔會太甜又大杯食完仲要聽到隔離枱突登走去讚話炒年糕好好味，有機會要試試🤩💡最後店員叔叔話為左大家佢整左個Ailpay (冇記錯的話）等大家方便比錢啊🤩🥰💭 總結：小店營運好唔易，有人情味食物好味更值得支持💪🏻

滄浪亭價錢: $68/ $58/ $22好味程度😋: 4.3/5服務🍴: 4.3/5環境🗾: 3.3/5性價比🥢: 5/5回頭率😚: 4.3/5-成日都好多人講的滄浪亭，相隔好多年，我終於再去了！味道依然好好食又抵食，老闆態度又好。仲發現除左個個都食的嫩雞煨麵，糖醋排骨仲有驚喜😂-✅✅糖醋排骨麵。呢個排骨好好食🤩炸得酥脆！真係排骨來，每粒都有骨，但唔難損，唔會有碎骨🤓最好食係個糖醋汁，比得好多，甜酸味好足好濃，偏酸maymay好開胃。會忍唔住不斷食！個麵雖然見到個湯底好似好清，但加d辣醬都好有味😉不過排骨仙子重點‼️-✅✅嫩雞煨麵。呢個係個個來都食😂 最好食係好似好清淡但又唔係好淡，完全唔會無味。個湯底用雞湯同落淡奶做，入口好順滑，帶啖啖奶香，有啲濃醇的感覺。入面超級多小棠菜同雞肉粒，好豐富。上海麵唔會煮到軟patpat，仲保持到一條條。冬天會好想來encore😚-✅✅豆沙春捲。唔係好油膩，有2條4舊☺️ 炸得香脆，個皮又唔厚。入面的豆沙餡好滿，唔甜！紅豆都香🫘-2個人飽都d麵都淨左啲，超大碗！呢個價錢🥹小食的糖醋排骨都好多…係一定要再去再去的小店！！

[利申：全自費］食之前已經bookmark咗好耐，食完之後明白點解咁多人推介。個嫩雞煨麵係難得食完會wow一聲嘅美食! 奶白湯底飲完一啖又一啖，加上切好嘅雞粒同菜，成碗嘢非常窩心﹐間唔中心掛掛又想再特登過去食。煨麵份量係超大，建議share再加個小菜。糖醋排骨都好好味，炸得剛剛好。雞絲粉皮就正正常常。環境就好逼要搭枱，食嘅時候一路聽到職員好燥，有人排隊問句大嘅要等幾耐都比人串，如果友善少少就更好。美孚間分店都食過，兩邊出品味道一致。

紅磡呢間滄浪亭之前喺網上面見有人介紹過，而且特別推介佢嘅嫩雞煨麵。今日過開嚟呢邊就試咗。呢間食店舖頭細細，我兩、三點嘅時間過到嚟，唔算多人，唔使等位。今日點咗嫩雞煨麵同豆漿，豆漿味道正常無乜特別。至於個嫩雞煨麵都幾大碗，雞肉同埋啲麵好多，而且仲加咗啲小棠菜喺上面，未食都覺得佢好健康。可惜試完之後覺得不似預期，嫩雞嘅肉一啲都唔嫩，而且有啲‘鞋’。至於個湯底有奶味，個人唔太喜歡呢種味道。呢餐唯一覺得ok嘅係個麵，煮得啱啱好唔會太腍。總括黎講，呢個麵唔係好啱我個人口味，應該唔會再試。😐

入面得好少位，等候時間耐，見個個都要搭枱。用餐嗰陣好易撞到隔離位，如果想坐得舒服啲就唔建議黎。同埋啲員工有少少趕客feel, 有種迫你食快啲嘅感覺。另外，網上啲人吹捧得好勁，所以我係好期待黎食的。可惜，食物質素比預期低左少少，冇啲人講得特別好食。嫰雞煨麵就係得大碗呢樣野可以值得一讚，啲湯、麵同雞係同其他餐廳差唔多質素，平平無奇，冇咩特別。上海餐廳黎計可以有其他更好嘅選擇，不過整體黎講還可以，但係唔會特登再黎。

滄浪亭的奶白色煨麵家喻戶曉，無奈我每次見到長長人龍都會立即敗走。今次的起心肝，排隊排了45分鐘，終於一嘗這份傳統滋味。———————————————————————點了最受歡迎的嫩雞煨麵。一見到這奶白色的湯底已令我食慾大增，果然湯頭未有令我失望，有雞味有奶香，濃郁得來又未會太重味，就算喝下整碗也不會口渴。麵質方面未有煮得太爛，仍然保留少許麵條原來的韌度，十分掛湯，每一啖麵都吸收了湯的精華。另外雞肉粒和菜粒亦非常充足，充分吸收了湯的味道，唯一可以挑剔的是雞肉未夠嫩滑，略嫌過老。另外還點了糖醋排骨。排骨炸得非常酥脆，但不會有油膩感覺。糖醋汁酸味較重，十分開胃，而且醬汁份量適中，足夠讓每一件排骨沾上之餘，也不會過量令排骨的脆度減低。———————————————————————今次試了這店的兩道名菜都沒有讓我失望，難怪即使店內地方狹窄，用餐空間比較擠逼，亦無阻它多年來的高人氣地位。

成日睇紅磡美食youtube片一定會介紹收藏咗三年，終於有機會試到啦🥹四個人星期日晏去，竟然唔使等位即刻order咗三碗嫩雞煨麵、一碗獅子頭麵▶️ 嫩雞煨麵 ($58)上枱熱辣辣，好大碗湯底奶白色，清清地帶牛奶香味🥛鹹中帶甜，飲落幼滑細緻麵係幼身上海麵，有啲彈牙，唔會太易斷🍜而且幾掛湯雞肉粒份量超足，用上新鮮切粒雞肉，又腍又嫩🐔帶適量脂肪同皮，一啲都唔鞋口白菜同雞肉份量差唔多🥬咬落清脆爽口，係健康嘅味道呢碗麵真係冇得彈🤤一口白菜雞肉連帶湯底入口好幸福最後忍唔住特登飲咗幾啖齋湯底🤍-食完好明白點解咁出名，名副其實好食難怪枱枱都一定叫「嫩雞煨麵」服務幾好，有禮貌又親切☺️係環境細，得幾張堂食座位1:30鐘開始要排隊，唔好意思坐耐$58/碗足料有驚喜嘅大碗麵，非常值得湯底味道令人念念不忘，屋企難以「複製」👍🏻絕對值得試同再幫襯*p.s. 原來嫩雞煨麵可以走奶🤣但味道上一定冇咁好食，會變得好普通*

女店員態度惡劣 就算幾好味都唔會再幫襯 何況味道普通本身以為佢係老細 所以可以咁串 原來唔係 好似唔憂無生意咁我食既其間有食客打黎問佢營業時間 佢答完人收左線就係度鬧個客唔識上網睇咩之後又講哂粗口鬧其他員工我叫左個燴雞面 一個乾伴面一個醉雞翼兩杯豆漿食完拿拿聲走人 老細你比幾多錢請人賣廣告都無用啦 請埋d倒米員工

回頭度🍪8/10｜人均消費💰~$50-100🥬#crispy_健康外食-🤍嫩雞煨麵 $57湯底好清甜 好奶嘅感覺😋飲落冇味精 但又會令人一飲再飲雞肉好滑 份量又夠多🐥將雞肉同菜切細粒 可以吸盡湯底個味麵質都唔會好淋 而且掛湯🍜將家常嘅雞煨麵整到咁好食 真係唔簡單😍-味道🌕🌕🌕🌕🌑抵食🌕🌕🌕🌕🌑

第二次黎，依然好食叫咗嫩雞煨麵 $57+1隻醉雞翼 $15再加春卷 $30冇味精，好好食🥰好食🥰好食🥰（不講太多，因OpenRice 要求80字，純粹加字）👆🏻

香港好難搵好食上海菜，朋友就推介呢間俾我。中午時段去所以人特別多，餐廳環境非常狹窄，而且如果係兩個人食嘅多數都要同人搭枱。我哋就係兩個人去，之後就有兩個陌生人同我哋搭枱，唔係打對錯 係要坐四邊，所以真係有啲尷尬。🍜嫩雞煨麵 $57湯麵份量非常大，而且好足料有食唔完嘅菜同肉，入邊啲雞粒一啲都唔韌，而且菜唔會煮到腍晒仲係爽口。重點係個湯真係好出色，食到停唔到口。同其他餐廳一般嫩雞煨麵味道唔同，個湯係奶白色，有奶香味同雞湯味好濃郁，好似係落咗啲煉奶所以好creamy。🍖糖醋排骨 $52排骨份量好多，而且炸得好酥脆，但係又唔會好油膩。糖醋汁酸酸甜甜配搭埋一齊唔會覺得太漏。唯一就係骨頭比例太多，不過整體都好好食。🐔雞絲粉皮 $40本身對呢個雞絲粉皮冇咩太大expectation，因為間間食過味道都差唔多。但係食完之後真係出乎意料，個芝麻醬非常出色，花生醬味超香濃，而且醬都比得好足，唯一係啲雞絲有啲乾。餐廳環境逼夾，唔好預咗坐得好舒服咁食，不過整體味道真係好唔錯，會寧願坐逼少少都想食到佢個嫩雞煨麵。有機會下次試吓其他小食同麵。

最近來紅磡, 也會光顧滄浪亭的嫩雞煨麵, 是次也預留了位置, 要回味一番。接近16:45, 小店並無顧客, 以為可以享受寧靜的時光, 怎知不消一會, 即有兩枱客人入座, 寧靜的時光瞬間即逝。一如以往, 點了一碗嫩雞煨麵和一客豆沙春卷, 雖然加了價, 但是是合理的幅度。1) 嫩雞煨麵 $572) 豆沙春卷 $22嫩雞煨麵份量依然不少, 奶白色的湯底加上足量的雞肉和菜蔬, 甚是吸引。湯底以奶烹調, 順滑美味, 喝後不渴。雞肉切丁, 肉質較有咬口, 稱不上很嫩, 但也不乾不柴。菜蔬份量不少, 雖沒上回那麼多綠色的菜葉, 但入口清爽, 相當不錯。麵條掛湯, 但略嫌有點軟腍, 加上冷氣略微不足, 邊吃邊冒汗, 影響食慾, 感覺有點飽滯。豆沙春卷炸得脆口, 不油膩。豆沙份量雖然不多, 但甜度剛好。小店只收現金, 點餐後亦沒有記賬的單據, 故習慣結賬前先行計算消費總額, 取定所需現金才往收銀處結賬。店員告知消費金額為$8x, 但根據自家計算, 總數應是$79, 雖然店員隨即多番道歉, 但令這次消費蒙上不好的體驗, 亦慶幸自己有事先計賬的習慣才沒有多付費。