滔滔甜品

營業中

休息中

小編最愛西環甜品店🤍-💛黃色商家-🍨叁元豆花 ($38, 8時前 $35)呢個小編每次嚟都必嗌，好足料而且口感好豐富，首先豆腐花唔會太甜，口感滑溜，芋圓夠煙韌軟熟，而且好多粒得嚟仲好大粒，黑糖珍珠夠彈牙同埋黑糖味濃，至於紫薯西米嘅紫薯味都好出，而且比較軟熟，口感好豐富~小編另外揀咗牛奶雪糕，面頭仲有少少黑糖漿，食落就好似飲緊黑糖珍珠鮮奶咁🤣呢間喺元朗都有分店，不過小編食嚟食去都係西環呢間，其他甜品之前都試過係幾好食，而且幾足料，好推介大家去試吓~-味道 10/10服務 8/10環境 9/10回頭率 10/10總評 9.5/10人均消費 $38💰-📍滔滔甜品西環水街1號地下E舖(其他分店:元朗康樂路8號康樂廣場地下9號舖元朗又新街40-48號榮豐大廈地下E號舖)#米食甜品 #米食西環 #米食元朗#hkfood #hkfoodie #hkig #hkeat #hkgirl #hklifestyle #foodiegram #hkrestaurant #香港美食 #香港餐廳 #食評 #thefoodieinitiative #internationalfoodiesunite #foodad

之前喺元朗食過呢間幾出名嘅糖水舖👍🏻食過返尋味嚟西環分店再試過🤣店內裝修行懷舊冰室風📼除咗芋圓系列 仲有好多中式糖水選擇🥮無論係老中青都會有心水甜品揀👵🏻👦🏻👶🏻味道同元朗分店差唔多 好滿足🥰佢嘅配搭同味道係其他糖水舖食唔到👍🏻👍🏻💜“豆花紫花園”($39)配料:仙草,芋圓,黑糖水晶,蜜紅豆,紫薯雪糕首先最重要嘅芋圓 非常煙靭彈牙👍🏻唔會係雪到硬梆梆嗰啲冰鮮芋圓亦都食到紫薯芋頭番薯味嘅分別🤤最最最鍾意食嘅就係佢嘅黑糖水晶🤩🤩口感爽爽的同雪糕一齊食非常滿足紫米加上紫薯雪糕非常非常夾！💜豆花嘅話就正常發揮啦🤣💛愛玉紫玉園 ($39)配料:愛玉芋圓黑糖水晶蜜桃紫薯雪糕愛玉嫩滑好食！配上半溶紫薯雪糕都幾夾👍🏻但係蜜桃就明顯食得出係罐頭嘅🥫如果介意嘅朋友就可以叫返第二款啦🙈下次會想試埋其他中式糖水！

之前食過元朗分店…今次經過西環都買左碗返屋企試下…個人比較鍾情西米露…所以今次叫左椰汁西米露..有好多西米..同埋份量都唔少..整體感覺上次元朗既好食D...本身我都鍾意食甜野…但尼一碗西米露對我尼講都有D太甜..

“仙草紫草園”($39)以前得元朗先有嘅滔滔甜品開多咗幾間分店其中一間仲要開喺我屋企附近😍所以間唔中都會落去食個甜品😝呢道甜品以港式同台式為主款式都算多,每次去都食揀唔同嘅甜品食😙今次叫咗個冰烤紫薯雪糕系列嘅仙草紫草園配料有仙草,芋圓,黑糖水晶,蜜紅豆,紫薯雪糕滿滿嘅配料好豐富而且好夾😚平時唔太好紫薯雪糕嘅我都覺得好好食😋大家去開西環都可以嚟試吓😙滔滔甜品西環水街1號地下E舖

本身以為係直舊式中式糖水舖，但睇一睇餐牌，發現除左舊式糖水外，還有一啲新式嘅台式糖水。其中試過三元豆花，馬蹄清心爽，紫薯雪糕豆花都好好味!! 糖水夠味又唔會太甜，材料豐富滿足不同口感，另外都可以根據個人喜好加配不同配料。特別係期間限定嘅玄米茶雪糕，茶味香濃，口感濃郁幼滑。而個人特別喜愛嘅係加配嘅清心爽，食每種糖水都一定會加配，口感彈牙又唔會好膩，好好咬!! 但係包涵芋圓就爭啲，如果鐘意粉粉口感嘅人士可能會啱食。糖水份量亦都大碗，價錢非常經濟，介紹每個朋友去都必讚，係可惜地方細啲，但係難得嘅好糖水舖!!

西環食完拉麵，仲有少少quota，於是行去水街跟手食埋個飯後甜品🙊 見到鋪頭裝潢走懷舊路線又無乜人，一於去食😎朋友好快就揀咗💕即製蛋白杏仁茶 $27，一上枱好香杏仁味！ 而我呢個芋圓控，就揀咗💕叄元豆花，有豆花➕芋圓➕地瓜圓➕黑糖珍珠➕紫薯西米➕愛玉 $38（8時前$35）😝 勝在每樣都有，非常足料！不過可以再選擇就品可唔會配搭愛玉，配雪糕開心啲😆====================推介度：❤️4/5CP值：👍🏻4.5/5好味指數👅4/5====================

滔滔甜品聽過好多次 知道元朗果間好出名 不過都未試過今次經過呢到附近,  晏晝時間 3,4 點鐘, 冇乜人 好多位店內環境唔大 座位少少逼 不過都坐得舒服嘅我地嗌左 叁元豆花 同  椰果檸檬愛玉叁元豆花 d 芋圓幾好食  珍珠都煮得好彈牙 好有咬口仲有球雪糕 不過雪糕就不過不失啦 冇咩特別椰果檸檬愛玉食落幾清新 酸酸地甜甜 同d 愛玉都幾夾夏天食都幾開胃 椰果就正正常常 冇咩特別呢到d甜品都幾多款 所以都睇一陣先揀到食咩而且價錢唔算貴 普遍都係30-40蚊左右 下次會去其他分店試下!

呢間一直都好想試，特別係紫米露因為唔係好多甜品店都會有呢一類糖水不過佢3:30先開，次次去都未開咁啱經過就入咗去揀咗凍嘅紅豆紫米露有啲特別係佢啲椰漿擺喺上面杰杰地，撈埋一齊味道好正都幾足料，有紫米、紅豆、西米口感唔錯，而且唔會好甜價錢親民又好食，一定會再去而且老闆幾親切，會主動問好唔好食但係呢間舖頭比較細，得三四張枱裝修都幾懷舊啱啱開鋪都幾多人食，同埋勁多外賣建議平日去會好啲

係西環食完飯食得太飽就去左行左陣先返屋企，中途想食甜品就搵左依間係水街既「滔滔甜品」，會四圍搵食既話，去過西環既對依條街應該都唔會陌生，因為條街都有幾間幾出名嘅舖頭。入返正題，去到「滔滔甜品」都見到有幾個人等緊位，加上佢舖位其實都算幾細，所以佢應該同隔離餐廳合作，可以入隔離餐廳坐低食野。入去之前要叫定食咩先，見到menu有個冰烤紫薯雪糕系列，講到係必食咁所以就叫左「仙草紫草園」。等左大約5分鐘就已經有得食，見到個雪糕同芋圓都非常吸引已經忍唔住要即刻試下個紫薯雪糕，個雪糕都幾creamy同埋真係有好香既紫薯味，最緊要係真係有一粒粒紫薯既口感，半溶既時候食撈埋啲芋圓食真係好好食🥲配埋黑糖水晶同紅豆成個感覺係絕配，大家經過既時候一定要去試下！個人評分（滿分為5）味道：😉😉😉😉😉環境：😉😉😉員工友善度：😉😉😉😉CP值：😉😉😉😉

好鍾意飯後食個甜品💕黎間賣傳統中式和台式糖水台式比中式好味🧐有仙草凍 愛玉 珍珠 芋圓等選擇個人最鐘意食佢嘅紫薯雪糕😍出面好少見到黎個口味 唔太甜 而且真係食到濃濃紫薯味😋但係淨係嗌紫花園系列先有得食😭 今次就嗌咗個祖傳椰子糊🥥好少喺出面見到就諗住試下椰子味都好濃嘅🥰但個人就覺得水準一般🥲同埋甜咗少少😅

係西營盤食完晚飯, 又指定動作買甜品返屋企分享原來經過過咁多次, 大食妹都冇試過呢間滔滔甜品<雜崩冷檸檬愛玉>媽媽貪新鮮, 嗌咗碗雜崩冷檸檬愛玉嗌嘅時候其實唔知有啲乜嘢, 出到嚟賣相都幾靚, 有西瓜、哈密瓜、珍珠、檸檬同愛玉, 算係幾足料<木瓜雪耳燉桃膠>大食妹就嗌咗比較養生嘅木瓜雪耳燉桃膠, 同樣都係料多, 木瓜、雪耳同桃膠都比較爽身, 同大食妹食開嘅黏黏版本完全唔同<鮮雜果西米露>鮮雜果西米露同雜崩冷檸檬愛玉嘅生果好似一模一樣, 聽老竇講中規中矩, 可以接受

我的他食完飯心思思要食甜品，嚟咗屋企附近嘅甜品店☺️老實講我都係第一次嚟🤣點咗2款糖水，一中一西🥰黑糖珍珠檸檬愛玉$28。酸酸檸檬味加黑糖甜味，再加上細細粒珍珠，味道都唔錯幾清新，小珍珠幾煙韌，但我略嫌愛玉唔係好夠濕潤🤪祖傳椰子糊$24。我的他好鍾意中式糖水，佢見「祖傳」，就話一定要試吓😏呢款味道都好一般😅似係椰汁西米露走西米🤣同其他一般嘅糖水舖嘅西米露都係差不多味道，所以感覺有少少失望😅但整體感覺都可以，下次可以試吓其他款式👍

以前細個食甜品只有滿記同傳統糖水舖....但都唔會令人食到上癮。滔滔既叁元豆花係久唔久就會諗起， 然後就會心思思想食既嗰種。唔係住附近， 所以每次都堂食。 最愛佢既芋圓同地瓜圓， 不過得十粒左右， 如果可以多少少就好了。

又到香港的夏天， 熱到無胃口...但呢到既甜品就唔同了， 消暑住品👍🏻每次到西環必定會來食一碗，最愛有咬口的芋圓同地瓜圓🥰雪糕的甜味配埋豆腐花真係剛剛好...唔會死甜如果屋企附近都有就好

份量多，味道一般，價錢合理。1. 店面超級狹窄，坐得勁唔舒服，佢比嘢食隔離枱嘅時候，我個人需要貼住枱面，佢就喺我身後遞比隔離枱嘅客人。2. 夜晚九點多食甜品時間，我碗野仲有三匙就食完，佢都要走嚟講句:麻煩食快啲，出邊好多人等緊。明明我已經全程默默食，途中冇玩手機，好努力咁食緊碗野，林埋尾都要俾人叫食快啲。隔離枱兩個大陸女人傾咗5分鐘都未落單，又吾見佢催人快d落單？食物質素同埋態度仲有環境都缺一不可，呢間野冇下次。