滬小館

營業中

休息中

忽然好想食上海菜😍, 叫左蟹粉🦀小籠包, 雞絲🐔粉皮, 豬扒🐽擔擔麵, 上湯菜肉🥬雲吞, 手撕包菜, 等左一陣豬扒🐽擔擔麵送到, 份量都唔少, 上湯菜肉🥬雲吞, 粒粒夠大只都好多粒, 雞絲🐔粉皮, 份量少左d, 食d擔擔麵, 有d花生醬🥜, 食落幾香, 唔會好油, 豬扒🐽食落有d味道, 唔會好淋亦唔會好老, 咬落都無成口油😜, 算幾好食😋, 雞絲🐔粉皮試左味, 不是比日式芝麻醬, 食落都幾香, 好食😙, 菜肉🥬雲吞咬落去好大舊饀👍好豐富好足料, 蟹粉🦀小籠包熱辣辣送到👍蟹粉🦀太珍貴, 食到少少咸味, 小籠包咬落去有d湯汁, 唔錯😀😉, 再來手撕包菜, 雖然有干辣椒, 但食落唔辣😍👍啱晒喜歡食菜的我😜, 都算質素唔差的小店, 有下次😁

點咗蟹粉撈麵、小籠包、鍋貼....味道幾好，包子肉餡夠鮮，薯絲蝦夠香口，價錢公道。惟其中一位服務員態度好差，問佢攞幾杯水，佢黑面回應話等等，等咗一陣再同佢講，佢又黑面話「等下啦，咁急！」食餐飯要受佢氣，態度極趕客。☹️☹️

前一個星期五晚，見到下鄉道新開咗間上海菜唔係上海菜，不論不類嘅餐廳，叫什麼雲海一線! 點知食到女友小熊跳哂制變T銀線! 命令我第二日要食翻餐好嘅上海菜!"第二日我要上堂喎.....""咁星期日啦! 延遲一日的話..... 你請!""好好好.... 奴才知道.... 太座息怒.... 太座息怒.... "星期日要去旺角，於是滬小館就成為不二之選，起碼食過幾次無伏味!由其係蟹粉小籠包，已成為必食，每次都無失望，今次亦唔例外，小籠包湯汁滿蟹味濃，見到小熊食小籠包臉上泛起一絲絲笑容，就知道佢怒火全消啦!寫到哩到皮肉上突然泛起不少雞皮!滬小館擔擔麵都出色，麵條彈牙湯底花生味香濃，但豬扒太乾身，所以今次要求豬扒唔好炸咁耐，即時鬆軟 Juicy 好味!小熊亦都食到泛起笑容，我又泛起不少雞皮!唔太喜歡食青瓜，但配上海蜇頭又出奇地好味，海蜇頭口感好正因為超爽!埋單都唔過二百蚊! 小熊又食得開心! 超爽!

過來一圈, 望下依條街有乜嘢好食, 門口見到有午市套餐, 好似幾抵食🤭, 望下d紙仔, 有小食配一個餸加白飯, 亦有散叫, 亦有一個小食配一個🍜麵甚至炒飯🍚, 好多款都想試😅最後揀左糖醋🐽排骨配菜肉雲吞🐽🥬湯🍜麵, 另外加3元配豆漿, 等左一陣豆漿送來, 飲一啖夠凍又唔甜👍👍, 再送來糖醋🐽排骨, 雖然係叫小食, 但份量都唔少, 亦也送來菜肉🥬🐽雲吞湯🍜麵, 份量也不少, 飲啖湯先, 有輕微雪味但可接受, 食口麵, 正常味道唔係特別突出, 叫合格😜再食菜肉雲吞🐽🥬依個又ok, 味道唔差🤭再試糖醋🐽排骨, 依個有驚喜, 煮得味道好好食👍👍再飲埋豆漿好滿足😍🤩60多元一餐, 今時今日算好抵🥰

首先想講我對上海嘢其實冇咩好感，因為硬係覺得又濃味又炸又高脂；但耐唔耐當自己cheat day叫下黎食係開心嘅。呢度係食到8899先影，因為完全唔記得咗好嘢食要影相先嘅道理that’s why今次好似影到啲嘢好少咁，但係其實佢實際上份量很多我覺得佢個糖醋排骨係有驚喜嘅，因為通常我叫外賣都好少叫啲好油嘅嘢（就係怕凍左會又一層脂肪凝結，響食物上面賣相唔係太好睇）但呢度嘅嘢食我覺得係真心out of expectation. 炒年糕個實物其實好樣過我張相好多，軟硬適中，啲雪菜唔會死鹹爛鹹；花雕雞入邊啲雞係熟嘅，同埋個味道啱啱好唔會太咸，酒香味濃；之前叫過佢個紅油抄手，舊肉非常之大，真心食個抄手已經飽咗大半

去開太子，心血來潮想食碗擔擔麵(又唔想去黃大仙)。N年前食過呢間一兩次，嗰陣時雖然唔係好好味，不過都ok可以啦。點知今次：-- 個湯底基本上無味，得少少辣味 😩-- 豬扒又乾身又硬。-- 啲擔擔面係咪比以前份量少咗？🤔-- 生煎包唔夠肉汁。$80(豬排擔擔面 = $55生煎包 = $25)，絕對冇，下次，唔推薦人幫襯，唔會再俾佢搵笨 😖PS. (舖面兩個阿姐) 隔離枱問阿姐攞杯水，好耐好耐好耐都冇。門口步兵哥哥等外賣，我食完佢都未攞到。

鄰近太子B2出口，旺角返工周不時都會黎西洋菜南街食lunch，呢間上海菜幫襯過幾次，抵食好味。套餐有小食主菜配搭，每次可以試多幾款野食。前菜成日會嗌雞絲粉皮，麻醬+粉皮好開胃。野食保持一貫水準，小籠包皮薄鮮甜、酸辣湯&水煮魚足料又香口(小辣唔太食得辣既都食到）、豬排擔擔麵都好入味值得一試，麻醬同豬排都好香好入味。遲下都想試下酸菜魚同水煮牛。午餐黎講算抵食，份量足夠。待應落單出菜都好快手，方便我地上班族，會經常黎幫襯。

經過諗住試下呢間上海嘢，叫左下午茶set，炒年糕、炒米粉、桂花糕點知超好食又抵，性價比極高👍👍👍，下次會試下堂食，同埋肴肉，其他招牌上海嘢，十分推薦！🥰🥰🥰

上週末和朋友去花墟買花，路過見到呢間買緊上海野，門口啲poster都影的好靚，其實我平時超級鐘意食上海點心，特別係小籠包，生煎包，今次抱著試一試的心態品嘗，真係喜出望外我冇失望，小籠包真係好好好好食，熱辣辣，D皮又好薄，肉汁好多，仲好鮮甜，擔擔麵都好好食，好濃湯底，呢間鋪D點心水準OK架，最關鍵價錢又唔貴，我食得好飽100蚊有找，真係好抵食，如果下次有機會來旺角度我都會再黎幫襯！果日拎的野多，就冇影相！下次試下晚餐！

新年D餐廳水準變差係正常吧.... D員工放假返鄉下人手又少咗，好多餐廳唔開，結果營業果D必然忙咗，所以..... 都係去D平時水準唔錯嘅餐廳幫襯有D保障!滬小館幫襯過幾次，今次新年時段經過見佢地有開門營業，見堂食有位，於是推門入去幫襯.點咗蔥油雞，豬扒擔擔麵走辣，上海生煎包同蟹粉小籠包.首先見到佢地無返鄉下有開門已經開心，更加開心係水準無變，蟹粉小籠包仍然蟹味充足，生煎包餡料足，擔擔麵仍然有濃郁花生味，炸豬扒仍然較乾身唔夠 Juicy! 唯一變咗係蔥油雞，雞肉唔夠嫩滑，食落有渣.不過.... 以新年嚟講，表現已經叫好好.

服務態度極差，年三十因為有下午茶套餐，然後個中年女侍應在餐廳大聲呼喝說施捨旺角太子的窮人，因為新年還有下午茶，另外，下午茶餐牌上邊明明說有奶茶，而叫的時候，侍應不耐煩呼喝直接說沒有奶茶只有豆漿，要飲就飲唔飲就算，食餐飯買起手，另外香港人未窮到食餐飯都要人哋施捨囉，同埋如果講下午茶嘅話麻煩貴舖睇吓譚仔嘅下午茶先再講嘢啦

今日同朋友路過西洋菜南街，見到呢度有一間食上海菜哋poster好吸引人，所以好想食。張檯上邊有228蚊二人餐推薦，228有ABC揀，我想同朋友試一試，哇！水煮魚分量超大，仲有蜜桃咕咾肉揀，酸酸甜甜好好食，絲網鍋貼好特別，都好好食，2個人食得好飽，終結下今日用餐經歷好美，抵食，下次路過會再來

下午茶 豬扒擔擔麵 豆漿 尖椒皮蛋 酒釀丸子不嬲都好鍾意食湘川滬的食物，今日來到這裏，一入到去見到四圍氣氛都怪怪的，然之後寫好點餐紙＇之後叫店員過嚟收，我以為自己叫錯人，店員全程冇回應地用眼尾睄住咁行過嚟，用搶的方式一手搶走我張點餐紙。心諗我係唔係得罪咗佢，然之後一路食一路發覺有人入嚟全間餐廳都好安靜，而佢對其他食客態度亦都係非常惡劣，我就心裏放心，明白他應該不是針對我，放心晒，因為好驚佢會係我食物加料跟住啲食物嚟啦＇發現賣相都非常普通擔擔麵好濃，應該係用咗好濃嘅味精湯炸豬扒應該係用已經熟咗嘅豬扒返炸，有點乾，皮蛋流心唔錯，正常水準，最後酒釀丸子，任何酒味都食不出來～

出菜慢，人手不足，每枱都有出唔齊嘅單未有餐具，提醒店員數次都沒有跟進，接著店員發脾氣指向廚房叫客人下次自己過去拎食物方面，主菜質素普通，不過不失點心方面資表尚可

路經旺角是但入左間上海菜，點左一份入下份茶雞絲粉皮，酸辣湯 錕飩，豆漿。首先最差係服務，店員全程西面加態度差，好似爭佢錢咁，食個野啫唔係咁呀！第二 份量比較迷你，大家樂／大快活都多過佢。由其係個 酸辣湯雲吞，係正常湯碗既一半份量，仲要得3粒錕飩，實在太多了，份量係比輕食量者。第三 食物質素雞絲粉正常味度，皮係滑爽。酸辣湯偏稀，料夠，但都夠酸同辣既 ，普普通通。錕飩肉正常味，皮比較韌，正常水餃大小。總結：成為43元，食物普通冇突別，唔算難食但唔係好飽，要食多個M記包先，完！