滬小館

營業中

休息中

上海菜最愛清清淡淡尢其係我最愛小籠包肉汁鎖左係入面；小籠包的皮入口軟滑有種溶化既感覺,湯汁絕對清新冇味精肉嫩上癮食完再想食雲吞超滑彈牙蝦隻新鮮入面有薑絲養身湯味清甜,零味精上湯食落就岩岩好啦最緊要餐送豆漿飲品抵到爆👍👍加配手拍青瓜及一款小食只需8蚊👏👏👏再整多個煨麵豬軟骨超嫩滑入味岩哂鐘意食清淡菜既你😍😍地址？要先問啦haha

一個人突然想食上海野就上openrice揾。見到有套餐，可以食多d唔同款野食價格又相宜就揀呢間。環境光猛企理，坐低睇menu發現無餐，有d失望。不過單點價格都算平，小食都在$40以下，熱炒$50 上下。點了小食三拼$58及小籠包$30/4粒。醉雞滑但肉太瘦，就是有酒味的瘦肉不推介。鎮江肴肉乾身，素鵝汁偏甜，小籠包不過不失，但夠熱是抵讚。份量少，不過也是一貫併盤也是如此。其實單點都差唔多價錢，單點反而會抵d整體來說不過不失，價格相宜，適合突然想食解饞既低價之選。

第一次嘗試四川擔擔麵，不算辣，湯地濃郁結身，好好濃嘅花生醬嘅味道。佢寫話辣，但實際無咩辣度。麵身較幼，口感彈牙，不過之後浸得耐就有D淋，份量足夠，食到後面有D膩，因為花生醬味真係好夠，齋麵會比較Dry，本身麵入邊有一塊肉碎。豬趴就普通啦，麻麻地。朋友叫嘅呢份炒麵味道麻麻地，無咩特別，唔太推薦。環境見到係有設計過，裝飾得幾modern，鋪頭只收現金。

2021年6月29日 晴今晚又同男朋友去完金魚街, 就到附近食個dinner 🤓呢間小館之前都想試, 今次終於試到la首先黎杯有機鮮豆漿 $10, 凍ge, 幾好飲, 都有豆味。鮮肉小籠包 $30, 小籠包皮薄多汁, 好食 皮蛋豆腐 $28, 呢個係冷盤黎, 豆腐都滑, 但皮蛋可以再多d。 配埋個汁正啊雪菜肉絲湯年糕 $48, 年糕夠淋又唔會過淋, 個湯就咁飲會咸, 但係配埋年糕就 arm arm 好 乾扁四季豆 $39, 白飯+$8, 豆炒到好香, 好惹味, 送飯一流埋單 $163, 冇加一, 幸福滿足

星期日訓到自然醒，本身大好心情行街，LUNCH想食餐豐富少少，點知就比呢間滬小館搞壞哂心情。🥢蔥油香雞 ＄39份量好小，味道算正常，但食落太甜。🥢開胃酸菜魚＄58唔係講笑，食酸菜魚多年，呢個絕對係我人生中食過最難食既酸菜魚！！用鯰魚柳整，肉質發哂脹，又腥又臭，湯底酸到盲公開眼，點解甘難食都可以擺上枱😡仲話開胃，今次真係反哂胃，同對比餐牌張圖真係超級伏！貨不對辦🥄酸辣湯 ＄25料係足，但味道係零分，得酸字，而且係好強烈既陳醋酸味，努力飲左幾啖放棄。另外叫左開洋蔥油拌麵＄36、上海油燜筍＄30味道普通，總結係真係好耐好耐未試過食一間餐廳黑面，想食完快快走，酸菜魚同酸辣湯真係極品，完全唔明白點解甘既質素可以出餐，難道煮果個/老闆無試過菜？真係好難接受到。好地地一個星期日搞衰哂，旺角區兩百蚊既LUNCH，仲要只收現金，呢個質素真係不得之了。

我食得比較清，所以點左個清燉牛𦟌麵。份量比較小，清湯配牛𦟌是分開上，清湯只有陣陣牛肉味，真心覺得不錯，牛𦟌只有三、四片，但係好「淋」好滑，麵是我喜歡的上海幼麵；另外，試左個沙薑豬手，都唔錯。感覺上是比較適合女士的份量。

叫了四碟菜，味道很好，會下次再幫趁。每樣都細細碟，好好，可以食多幾款。有蔥油雞。。香香滑滑櫻花蝦炒蛋。。夠火喉時菜特別推介--芝麻混醬菜肉餛飩少少spicy, 好野味

去到小店當然明白俾現金啦！但毫子都係現金，點解唔收呢？我張單剛好一百零一蚊，甘我有兩個五毫子加埋咪一蚊囉，點知佢好堅持唔收，最後找九十九蚊俾我呢下真係覺得人係生既，條款係死既，點解唔轉下呢！點都好啦，整體野食算可以，價錢亦都叫做合理啦呢個小籠包係熱既，仲有有肉汁，食得出肉有鮮味，唔會放左太耐，都係用心製作生煎包唔錯，煎到個底金黃色，入口有種香口而不油不膩真係估唔到呢個湯偏油同咸，都係湯有湯煮，肉有肉上，麵就一般啦。

一年多前黎食過，已經中左伏，事隔一年多，貴人善忘，見到上海野，就食個quick dinner...點解！點解我要重滔覆轍！🙃糖醋骨我極度懷疑係罐頭肉，凍既，d肉梅曬，祖紅色既稀汁。。。dog food 都好咪過佢唔信就試下🤭上湯大餛飩D皮已經滾爛曬，入面眉肉係梅爛肉，不過仲有味既！適合冇牙人士，老人家及嬰兒食用酸菜魚簡稱係代表作！龍脷柳魚塊，啲辣同酸完全蓋唔到佢嘅腥臭味！嗅落仲好押（尿騷味👍）雖然以上呢三個餸都係好恐怖，但係都仲有兩個餸係正常嘅，一個就係「小籠包」，一個就係煎完出嚟個賣相好靚嘅「鍋貼」如果我係因為價錢而幫襯，就係自己貪平，羅黎衰，可惜我係無睇價錢，一心想食小籠包而衝左入去🤢呢個價錢仲想點！係我錯，計性價比，唔應該有要求。。。

肚餓到不得了，隨機入左間餐牌睇落正路嘅上海菜，menu上選擇都幾多!2點半係下午茶時段，慢慢坐滿左餐廳。三絲春卷上菜時熱辣辣，食落一d都唔油，裡面係椰菜、菇同紅蘿蔔。雖然餡料清淡但我覺得好好食。呢碟唔算濃味，索汁唔算多，一般。呢碟直頭好似得豉油味咁...海蜇亦比較硬身。呢碟炒年糕比想像中細碟，但實在係唔太好食，本應有咬勁的年糕被炒到極軟身，沒有了軟糯質地。味道全靠黏住到雪菜，否則是沒有味道的。呢個飯算ok，粒粒分明，有dd油不過可接受。

去附近買嘢同整D跴，經過間嘢，忘左一眼，本來想去對面買嘢飲，點知講下講下入左去食嘢了。佢嘅下午茶選擇少，不過好在都啱食。上海店，叫嘢食都一定要選上海麵啦！not bad 夠彈牙，不過同餐肉蛋唔太夾，但麵質救返成個配搭。最出色，莫過於佢個銀絲多士外脆內軟，配奶醬，真心回味嘅。而呢個南翔小籠包係店推介，咁當然都試下啦！又確係唔錯喎，都係即時返熱。 送豆漿或紫貝天葵山楂茶，豆漿淡到無朋友，山楂有D酸味，都可以嘅。卅零蚊，雖然有茶價，但絕對合理抵食囉。

出街唔知食乜好。咁岩經開呢間食上海菜又唔太貴，望落食物都岩食，所以就入去試下啦。我地7點半左右到，見到餐廳入面都坐滿哂客人。但得兩個員工，見到佢地好忙好忙，又收錢，又執枱，又出野食。我地係出面等左15分鐘佢地先搞掂叫我地入去坐，不過都好有禮貌嘅！入到去自己食乜就劃係紙度，唔洗人手落單，環境都乾淨簡潔，食物好快就到枱。葱油拌麵：個碗好大，麵份量就正常啦，嗅落好香葱油味，有小小蝦米係上面。拌勻之後就可以食啦！食入口啲麵好淋一pat咁，個麵底唔好食，啲麵質素較差。豬扒擔擔麵:豬扒已經切好有4件，唔算太多粉，醃得幾好食！擔擔麵小小辣，個汁較稀無花生味，較遜色。麵底一樣唔好食，一patpat嘅。鎮江肴肉:一份有10件，無特別驚喜，一般生煎包:點左2件，幾好食喎！即煎咬落去有肉汁，煎得好香，個底一啲都唔燶。蘿蔔絲酥:一份3件，真係即點即炸。賣相就一般，不過食落都有驚喜嘅。好熱好熱，食入口唔多酥，有小小硬，應該係店家自己包。入面餡料唔算好多，個味就偏淡，不過都可以嘅。落單，上菜連食，大概30分鐘搞掂😂，服務就無咖啦，個樓面只係見到一個員工，佢都超忙，所以我地食完就走啦。

中午剛好路過，就試了油燜筍、生煎包和蘿蔔酥，味道真的很一般，雖然價錢不貴，但生煎包皮厚，肉汁不多，蘿蔔酥也是皮厚，餡料味道淡，筍也老。很難得會令我忍不住要評價不好吃店。

兩個人也不太肚餓，就點了以下三款食物：清燉牛腱湯麵：麵條和清燉牛腱分上，麵條不會因為泡在湯中而變得過軟，這安排很好。先試一口湯頭，頗為清淡，當湯喝尚可，用來吃麵就太清淡了。麵條軟硬度適中，分量也算足夠，但牛腱則不成，首先是有點柴，像煲湯之後剩下的湯料，而且份量太少，只有薄薄的三四片。重慶紅油菜肉抄手：抄手很大隻，可惜煮得有點過了頭，外皮太軟而且有點鬆脫。內饀份量很大，但味道偏淡，加上醬汁辣味不足，味道也偏淡，我們請店員給我們烏醋伴着吃，才比較好一點。鮮肉小籠包：這是三款食物中最好吃的了，雖然皮不算太簿，但內裏湯汁充足，味道也不錯，就是用來沾小籠包的醋味道太甜。店子似乎人手有點不足，雖是午市時段，樓面也只得一個店員，為顧客量體溫、點菜、上菜、收錢和收拾盤碗，也只有她一個人在忙，不過服務尚算令人滿意。

這下午茶，有醉雞，有擔擔麵，有豆漿，才三十九元，抵食。又是個吃過早餐，沒吃午飯，到外面辦事的日子，路過這條街上，見這上海小館子門外的易拉架上圖文兼備地寫著「百搭套餐」和「下午茶套餐」的介紹。「百搭套餐」相對地貴，我就不考慮了，「下午茶套餐」的 A+B組合，加上免費的「豆漿」，全部都是 $39，價錢便宜，選擇也多，正是我今天的茶。從 A的六款前菜選擇中揀了「招牌醉雞」，雞有三件，骨少肉多，皮光肉滑，酒味雖非甚濃，也不會索然無味，味道都算適中，及格。也從 B的六款主食中揀了「老重慶擔擔麵」，這擔擔麵份量不少，味道過得去，但芝麻味有點不足，不夠濃香，辣度也可再加一點兒，吃來會更加暢快。一碟醉雞，一碗擔擔麵，還有一杯解渴豆漿，四十元還不到，這頓抵食下午茶可真相當抵食呢！