滷府 (已結業)

生酮滷水 加入鬼馬元素絕對值得一試嘅外賣滷水店自選慢煮滷水拼飯揀咗豬手同滷水雞 兩者滷得入味 係偏甜嘅滷水派 完全冇死咸嘅味道🥹 必加麻辣汁 微辣但好過癮🤤以為係連骨豬手🐖 點知已經切到一片片啖啖肉 豬皮爽口一啲都唔肥膩推介滷水雞😋😋 雞嫩仍保留多汁 講明係生酮系列 梗係有椰菜花飯同青瓜意粉兩樣都做得好出色 有先調味但絕對唔會蓋過菜本身嘅味道🥬 一啲草青味都冇😍 份量好慷慨 cp值高呀仲有其他配菜 滷水素鴨同滷水蛋絕對係高蛋白質低脂之選😌🤤

太古坊附近多了好多食肆, 依間滷府都屹立咗好耐下今日再去買外賣才發覺, 原來多咗好多新花款:有新酮系列, 鵝油飯, 麻辣我梗係叫個滷水鵝飯$68, 再加豬耳$12, 鵝肝$18, 原來仲可以+$5有埋麻辣混醬滷水鵝依舊食到好濃郁嘅滷水味, 鵝肉軟滑, 今次仲加埋麻辣汁, 簡直可刺激味蕾, 層次感更豐富😋😋豬耳煮得夠淋, 而耳骨仍然爽脆, 真係好正👍🏻不得不提鵝肝, 加$18就有好多件, 好抵食, 甘香可口, 推介必點之一😉跟飯送的滷水旦同豆腐皮味道亦唔錯, 不過, 我最欣賞嘅就係佢地嘅咸酸菜, 少咸,少酸, 少辣勁好味, 被我發現可以+$3追加架。下次我一定一定一定要追加之得啦🤪🤪

之前lunch有食過呢間，最近經過見佢有生酮系列，係椰菜花飯！係呢頭附近支持生酮餐單嘅先驅！真係無見到其他餐廳有呢樣野！平時义燒燒味一定係配飯，但又多汁又油加埋飯，對普通人都唔健康啊！同埋整椰菜花飯係巨麻煩！會切到發脾氣！切到放棄！師傅就喺門前嘅玻璃入面切野，等嘅時候完全唔會無聊，睇住佢整。特選滷味飯有豬五花腩肉，紅腸，豬耳同墨魚嘅全日套餐，每樣野都有4舊。幫我揀埋唔洗諗，直接轉生酮組合，有椰菜花飯同翠肉瓜麵，真係零罪惡感！墨魚好爽口，豬耳勁有咬口。再加份鵝紅，平時好少見，都未食過。飯本身仲跟半隻滷蛋，腐皮同酸菜。幾好食，淋咗醬油都唔係太咸，其實個餐蛋白質夠多，就算無飯無澱粉質都會勁飽！香港人好多時都食唔夠蛋白質，太多澱粉嘅惡劣飲食習慣主導。

返工午飯時間在鰂魚涌當然是買外賣，這間外賣店主打滷水，當然要試一試點了一個滷水鵝片飯，可以升級要了鵝油飯，另加了鵝腸作小食，唔洗5分鐘可取，非常有效率賣相擺盤都整整齊齊，非常吸引鵝片 - 鵝片份量比想像中多，絕對對得住個價錢。鵝片滷得非常入味，鵝香四溢，帶點脂肪來喇份外好味鵝腸 - 口感十分爽脆，滷水也十分入味腐皮卷 - 是千層腐皮卷，一層包一層，很香豆味鵝油飯 - 很少地方有得吃，鵝油帶有濃香，混著白飯來吃十分醒胃這間外賣點的滷水十分入味出色，食物質素高，絕對可再幫襯！

餐廳位於鰂魚涌，還算方便，鄰近地鐵站，這裏是主打潮州滷水的店舖，潮州滷水絕對是一種考功夫的料理。這次我挑選的就是豬手和滷水豆腐，豬手外皮帶點爽脆，最重要不油膩，肥瘦適中，經過長時間烹調，口感一流，絕對是伴飯良物。另外，滷水豆腐方面吸收了滷水汁的精華，外皮帶點鹹香，內裏十分軟滑。令我最驚喜的就是潮州滷水底汁，帶點香料的味道，最重要不太鹹。性價比十足，價錢合理大眾化，買回家加餸，絕對是一個不錯的選擇。

鰂魚涌海光街附近有好多食店，其中一間係專做外賣的滷水店，店舖細細但滷水選擇非常多，見到窗內掛著的一隻隻滷水雞鵝就流晒口水。🔸慢煮特調滷水雞(半隻)雖然寫住係半隻，但份量十足，整整一大盒！完全唔似係半隻份量。 味道方面雞肉因慢煮的關係，肉質幼嫩，滷水味道剛剛好不會死鹹，個人認為幾抵食。🔸墨魚+紅腸好怕食墨魚會好韌難以咀嚼，這個不會有這個問題，而且是軟中帶爽剛剛好。紅腸是個人非常喜歡的食物，見價錢不貴便加了，份量比想像中多之餘而且表皮有微微煙燻味，加上滷水汁的加持，非常美味。        地方細細但食物乾淨衞生，店員非常細心，如我點了滷水雞和墨魚紅腸，為免兩者味道放在一起會有影響，特意詢問是否需要分開，抵讚。

行經滷府，見到招牌有隻老虎，幾型格有氣勢，望入去可以見到色澤均勻嘅滷水鵝，都幾靚仔新鮮，仲有大大隻嘅滷水腎，肝，掌翼等，好吸睛🤩 好耐冇食滷水鵝，就買盒外賣返家同屋企人share食。慢煮滷水鵝片飯 $88鵝片鮮嫩柔軟，滷得入味，唔會蓋過鵝肉鮮香味，鵝皮爽滑，不錯。加$5要了麻辣滷水，唔會太辣，不會和滷水味互搶，都幾特別。另外仲比埋滷水汁你調味，唔夠嘅自己加，仲有酸酸嘅醋汁比你點滷水配料，味道提升去另境界。每個飯都有半隻滷水蛋，千層腐皮幾重豆香，同脆卜卜嘅鹹酸菜一齊食，幾醒胃。😋仲有個外賣包裝都幾型，店主都幾有心思。

係鰂魚涌放工行過海光街，見度有個大大既招牌寫住"自家制鵝油飯"再望入廚窗就比佢d滷味食物吸引😻見今日早左放工，就加料慶一慶佢先!!! 店有套餐及自選滷水拼飯，可能店員見我好迷網，就主動介紹每款套餐既食物配撘🤭；聽完就決定點左"特選滷味飯"，因為大部份滷水嘢我都喜愛食😝 我問店員套餐既份量，佢話夠一人份量，由於本人太鐘意食紅腸&豬耳，特意再追加左呢兩款同鵝肝❗️ 行返屋企只係10分鐘，打開外賣依然熱! 一打開蓋，己經聞到鵝油飯既味道.... 先食一口飯，入口甘香可口，油飯軟熟，食到底都唔覺有油膩! 豬五花腩肉能清楚見到每層的肥瘦，入口沒有肥膩感，送飯一流；墨魚有滷水既香味加上有咀嚼的口感而不覺韌，我最喜愛❗️紅腸表皮有煙燻味而且緊繃脆嫩，相當的美味! 豬耳既皮和軟骨都清晰可見，入口又柔韌又脆，食起黎相當爽口，而且鮮香不膩，真係唔係間間滷味店都做呢個口感!! 另追加既鵝肝甘香鮮味，入口有淡淡既煙熏味，所以食唔到D鯹味，而且內裏還有柔嫩口感，不錯。滷府仲有生酮飲食，想食得健康D，套餐可以加5蚊轉椰菜花飯同翠玉西瓜麵!喜愛食辣既朋友，亦可加錢轉麻辣滷味~.

午膳時間想食下滷水店既食物，今日去開鰂魚涌海光街附近就黎試下，滷水食物外賣我可以慢慢返去嘆門內玻璃睇得一目了然掛著大大隻嘅滷水鵝這店滷味種類都好多慢煮滷水鵝肉 鵝油飯 $88 雙拼滷水鵝肉是慢煮 味道好夠好入味鵝肉切細件味道香，鵝飯不用另加錢有半隻滷水蛋及豆腐配有滷水 同酸汁 店員推介鵝飯,完全唔覺得油,仲好滋味滷水鵝底層嘅滷水豆腐好入味鵝肉鮮香味而且每件肉質嫩滑，皮夠爽滑滷水墨魚滷水墨魚爽口彈牙而且好咬牙，香氣十足店員服務態度非常有禮下次再去食先滷府 (鰂魚涌)鰂魚涌海光街7-9號龍景大廈地下5C號舖

今天在鰂魚涌工作，離開時經過滷府，被他們的滷水味吸引著，想起先前曾光顧過一次，印象非常不錯，於是入內再買晚餐回家。入到店內，order 了一個特選滷味飯，店員介紹現在推出了生酮組合，即是走白飯後，改配生酮椰菜花飯，及生酮翠玉瓜麵，於是加$15 轉配試吓，另外又加了滷水千層腐皮，及鵝腎各一份。特選滷味飯有豬五花腩肉、紅腸、豬耳、墨魚、半隻滷水蛋，及千層腐皮，食物款式多，除了千層腐皮有三件外，其他都有四件，份量十足。整體滷味醃得夠濃味，非常地道不鹹，每款都吃出廚師的心思。至於生酮組合，椰菜花及翠肉瓜都是我的至愛，爽口新鮮，吃得健康，確要比個大like👍🏻

滷府出名係食滷水，今日就試咗佢幾樣滷味，仲試埋佢嘅麻辣汁！佢嘅麻辣汁送飯一流！同大家介紹吓！🤩慢煑滷水鵝肝都只係$38一隻咋！平時喺打冷舖頭食，都要$50到，仲要鵝味唔重，但這間的鵝肝，鵝肝味很濃烈，加上佢嘅麻辣汁，配飯正！🤩滷水鵝腸鵝腸爽口，我鍾意佢入面唔算好多肥膏，因為平時喺出面食，我會咬走入面嘅肥膏，搞到冇乜嘢食，🙈🙈🙈好彩佢預先處理咗😛😛🤩滷水鵝腎好爽口，亦都醃得很入味，厚薄亦都切得適當，非常有口感，再配埋個麻辣滷水汁，真係可口。送埋青瓜絲食真係一流。不得不再讚一次，佢嘅麻辣汁好好食，只係加$8就有埋佢嘅青瓜絲同麻辣滷🥳🥳🥳

今日悶悶地不想煮餸，朋友建議我買呢間嘅滷水，他說好多街坊都會買佢嚟加餸，我就用$100來加餸。遠遠看去，店面光鮮整潔，招牌清晰，食物種類也不少。滷水五花腩五花腩每一件都肥瘦均勻，而且份量好足夠。食落入味，肉質爽滑，是用上好肉來熬製的👍🏻👍🏻真係估唔到！相信老闆賺得不多，但卻賺咗我哋嘅口碑。滷水腐皮卷呢個真係好味，好入味，而且腐皮嘅質地好爽滑。呢個係平價菜式，但係做得好出色。下次有機會一定是下佢既鵝掌！其實仲想是試鵝油飯，但係都係要椰菜花飯健康啲😝

滷府 (鰂魚涌)鰂魚涌海光街7-9號龍景大廈地下5C號舖今日我又去最出名嗰間（滷府）滷水店買滷味食啦，好多街坊排隊買，滷味品種好多，樣樣都滷得好入味，滷水味濃香噴噴，一隻隻掛餉櫥窗入面嘅滷水鵝，好吸睛。買了一個滷水鵝例牌$168滷水鵝擺設靚，好入味，鵝皮滑捋捋，鵝味濃，肉質鮮嫩可口，飲番罐啤酒🍻慢慢嘆。滿足晒🥳🥳🥳仲有滷水鵝底層嘅滷水豆腐，超入味，豆腐好香滑，好餸飯，汁都撈埋。正😄😄😄

今晚去朋友屋企食飯，唔可以兩手空空，就決定到港鐵站附近的滷水店買餸加料。叫咗三個餸，包括慢煮特調滷水雞、滷水墨魚和滷水雞蛋。從外表睇，全部食物都色澤均勻，相信店家有好好控制滷汁同烹調時間，每一件都非常入味，又唔會過鹹。慢煮特調滷水雞 (半隻，$78) - 通常雞都唔係傳統滷水店的主打菜式，但呢個慢煮雞好有驚喜。個雞無血水，但同時雞肉非常滑，好嫩口，又夠入味。十級推介，份量十足，連雞胸都好滑好嫩。滷水墨魚 ($20) - 咬落好軟熟，一啲都唔硬，仲有少少彈口。滷水雞蛋 ($8) - 非常鐘意食蛋的朋友，對呢個滷水蛋激讚，因為真係好好好入味，實屬難得，煮得好出色。另外，好鐘意間鋪頭的職員有禮貌，環境整潔光猛，可以睇清楚食物之餘，確保衛生乾淨。

品嚐傳統滷水味道鰂魚涌滷水外賣店，外賣加餸之選🌟套餐仲做緊特價，由$48 起，好抵食！店內廚窗掛住幾隻油光閃閃✨，深色好大隻嘅滷水鵝，見到都流口水🤤滷佛爺 👑 （套餐包飲品🥤）成碗滿滿的🌟 入面包括有鵝髀🍗、鵝肝、鵝腸、鵝腎、鵝蛋（不過是日鵝蛋賣哂😅，轉左雞蛋🥚）鵝髀🍗好大件，肉厚唔太肥，鵝肉嫩滑🥰，滷得好入味；鵝肝厚切，綿密粉潤，浸出淡雅滷香。 鵝腸同鵝腎都夠爽脆。 另外仲有豆味香濃嘅千層腐皮，及自家製鹹酸菜，出便食唔到㗎，伴滷水飯就最啱😋 整體滷水香味優雅，唔太重又唔太油，好味又健康👍🏻