影片
開飯介紹
在旺角起家的港式火鍋餐廳，湯底有滋補及香辣口味，另有多款海鮮料理及惹味的粵菜，價錢豐儉由人，讓你聚餐時可按需要作不同選擇。
繼續閱讀
營業時間
今日營業
12:00 - 05:00
星期一至日
12:00 - 05:00
以上資料只供參考, 請與餐廳確認詳情
有關獎賞計劃
餐廳位於尖沙咀天文台道附近，地舖門面樸實，沿樓梯落到下一層就別有洞天，每枱都附有一部電視機可以隨意轉台，睇波追劇都滿足到，不過最重要嘅係主打嘅椰子雞煲，即刻睇下有幾好食！🌕招牌椰子雞鍋（半隻雞） $248大推‼️招牌椰子雞煲完全不加一滴水，湯水非常清潤香甜，絕對係食過返尋味❗️雞煲嘅湯汁全部來自椰皇同椰青內嘅椰子水，加埋半隻文昌雞同椰子肉、馬蹄等放入鍋內，開火煮至大滾後再熄火焗五分鐘即可食用。雞肉嫩滑多汁，而且帶有甜味，食曬全部雞肉都唔會覺得膩；湯水由兩個椰子一個椰皇煲製而成，味道有幾香甜可想而知，幾時飲都係咁係無得彈，秋冬天飲就更加滋潤！🌖新鮮第一刀（新鮮豬肉片） $178豬肉片完全無豬羶味，薄薄一片只要輕灼幾秒就食得，肉質都幾嫩，而且唔肥膩，如果可以有得揀半份，食多啲其他野就更好。🌖手打四寶丸 $88四寶丸分別由蝦滑、墨魚滑、鯪魚滑、牛滑制成，個人比較推薦前三者，用料實在入口彈牙，牛滑感覺就較為鬆散，偏向似山竹牛肉嘅口感，有喜好嘅可以唔叫拼盤直接叫單品，但如果人少嘅話拼盤都係不錯嘅選擇。🌖手包鮮蝦雲吞4粒 $44雲吞可選八粒或者四粒，size 都幾大，餡料嘅蝦肉份量唔少，不過雲吞皮就較厚，可以厚啲先可以包得住咁多料😂。🌖皇帝菜 $38皇帝菜唔會太老，就算菜莖部份都唔會有渣。
繼續閱讀
🔸餐廳環境寬敞明亮，入口處設有靚麗的花牆和草泥馬裝飾，有個打卡嘅好地方。內部設有多個獨立卡位，用餐時唔會感到擁擠，營造出輕鬆愉快的氛圍。整體評價為4/5，非常適合社交聚會。🔸服務服務質素良好，員工熱情友善，餐廳提供QR碼點餐系統，上菜速度也相當迅速！顧客可以輕鬆選擇自己喜愛嘅食材同湯底，讓整個用餐過程更加方便。服務評價為4/5。🔸食物食物方面，滾爺火鍋提供多款新鮮食材同特色湯底。其中最受歡迎嘅係招牌椰子雞鍋，使用新鮮椰子作為湯底，味道清甜，雞肉鮮嫩多汁，非常適合喜愛清淡口味的食客🤣此外，仲有美國安格斯牛肩胛、手打四寶丸等高品質選擇。每道菜品都經過精心製作，保證新鮮和美味。整體食物評價為4/5。
繼續閱讀
天氣開始轉涼，又嚟到打邊爐嘅季節。鍾意食椰子雞嘅我哋今次專登揀咗間出名食椰子雞鍋同火鍋嘅餐廳，一次過滿足晒兩個願望。打邊爐又點少得醬料，餐廳提供嘅醬料有多款不同醬料選擇，大家可以悉隨尊便配搭喜愛嘅口味。 椰子雞鍋 ($248) - 呢個絕對係餐廳嘅招牌菜， 首先要讚吓佢真係非常足料，落足四個椰子，用嘅係泰國椰皇椰青。雞件則用海南文昌雞，非常有雞味。個湯入口非常之清甜，充滿椰子香味，雞件嫩滑，絕對係必食之選。澳洲純牛筋丸（$68）- 呢個非常有驚喜，牛筋丸非常彈牙爽口，入邊肉汁豐富，牛味濃郁，必食推介。 手包韭菜餃（$40） - 韭菜餃足料好味，皮薄餡多，口感一流。餐廳環境闊落好錯，通風系統做得好好，各種食材質素唔錯，鍾意食椰子雞及打邊爐嘅朋友可以一試。
繼續閱讀
椰子雞煲熱潮一向都係港人北上的其中一潮拜之選，早幾日去試下，真心推介必食佢地個招牌椰子雞煲，原全神複製，以🥥椰皇椰青水作湯底，不加一滴水，湯底更加入椰青肉、馬蹄，令湯更加清甜，配以🐤文昌雞開火滾後再焗五分鐘。雞肉彈牙嫩滑juicy，好適合秋冬🍁打邊爐都以滋潤一下！🐮食完彈牙嫩滑雞當然要點邊爐入點當然係牛肉，當了難牛肩胛，牛肉油花充足，煮幾秒即可，入口，牛肉嫩香油花滲出，牛味沖著味蕾，好味道。🍡手打四寶丸其次，點了手打四寶丸，包括牛丸、墨丸、豬肉丸及鯪魚丸，手打處理非常彈口。🥗蔬菜盒椰子湯底到了最後仍然非常清甜，不建議大家點太濃味的蔬菜，點了唐生菜，非常新鮮，輕輕淥一淥，掛上椰子湯，都非常清甜。請勿靠近👍👍🫓炸響鈴響鈴是每次邊爐必點的，雖然不是新鮮而炸，但係涮幾秒，就是因為配上那椰子湯汁，不會太膩，非常配答。
繼續閱讀
天氣凍左好多!!! 又係食我最鍾意既椰子雞火鍋既日子✌️最近已經食左幾次椰子雞😂 真係食極都唔厭😋 湯好飲、雞肉好食😋 最鍾意椰子雞個種清甜既口味！飲完都唔會覺得好油膩！👍·🌟招牌椰子雞鍋（半隻雞）🥥🐔$248 三個大椰青加埋椰肉、珍珠馬蹄，湯底清甜，文昌雞雞皮爽口，雞肉嫩滑😋 半隻雞但份量好多！兩個人食都好飽！滿足！👍·🌟手包鮮雲吞$44、手包韭菜餃$40滿滿的餡料！皮帶少少厚度，有點咬口😋 雲吞裡面塞滿爽口彈牙既蝦，調味剛剛好，唔會太鹹😋 韭菜餃都好食，裡面有啲肉碎，好香口！·🌟脆鯇魚片 $88 有啲厚度，建議煮20秒以上。外脆內嫩的最佳口感，搭配醬料更美味😛 ·🌟甜粟米🌽$28椰子雞火鍋必備甜粟米！清甜既椰子雞湯配上甜粟米更上一層樓！😋·🌟龍口粉絲 $18粉絲也是食椰子雞必備的，將啲湯汁精華索曬😋 粉絲食完又唔會太heavy✌️ 作為最後的ending很完美！·人均：$250+·評分🪄 (滿分5🍑)味道：🍑🍑🍑🍑環境：🍑🍑🍑🍑性價比：🍑🍑🍑🍑服務態度：🍑🍑🍑🍑🍑回頭率：🍑🍑🍑🍑·📍 滾爺火鍋 (金巴利道) (尖沙咀)尖沙咀金巴利道58-60號金碧閣地下A號舖🚇尖沙咀B1出口步行7分鐘
繼續閱讀