滾餃

營業中

休息中

駱駝漆大廈食肆林立，裏面有一間頗有名氣的餃子店，今日第一次光顧，果然名不虛傳，即使到下午茶時段人流仍然絡亦不絕。在餐廳一角有幾位姨姨不斷包餃子以應付客人需求，餃子即叫即做，即點即煎，皮脆餡多，新鮮多汁又好食。❤️韭菜豬肉餃(煎)韭菜香口，豬肉多肉汁，餃子皮雖然未至於日式餃子般薄，但有咬口而且煎得香脆。沾上少許黑醋以及配上辣菜脯伴食，酸辣味道配合韭菜味更加突出。❤️京蔥豬肉餃(煎)味道與韭菜豬肉相似，不過京蔥就比韭菜更加香口，而且味道 未有韭菜般濃烈，兩煮同樣餡料多充滿肉汁，每一啖都充滿滋味。❤️黑松露芝士豬肉餃(湯)湯底揀選了豬骨湯，豬骨味道濃郁，餃子皮軟滑，餡料加入芝士，在高溫煮過後呈流心狀態，再配合黑松露，整件餃子香氣撲鼻，味道突出又創新，但兼容度高，個人最喜歡亦大推這款餃子。❤️蘑菇煙肉芝士豬肉餃(煎)蘑菇煙肉及芝士配合豬肉有少許似西式早餐感覺，煙肉及芝士的鹹香味道與蘑菇香氣頗為配合，此組合放在餃子上，味道新穎，但又不覺突兀，喜歡創新的朋友絕對要試。❤️香茜豬肉餃(湯)芫茜味道每人喜好各有不同，若然是芫茜愛好者就絕對滿意此款餃子，因為芫茜味十足但又不會過份多，搶走豬肉鮮甜味， 建議加上豆瓣

7:25pm等位到食物上桌已是8點多，正大快朵頤時店員告知8:30pm收鋪明白工廠區收鋪時間都較早，所以明知出餐要等咁耐不如早d截單，唔駛人食得趕頭趕命各位要食晚餐最好預6點幾去食食物方面點了泡菜豬肉煎餃🥟6隻跟烏冬,另點了泰式鳳爪皮很脆但不算出色, 豬肉不太新鮮，烏冬正常，鳳爪汁調得一般, 冇咩酸味總結：不推介此餐, 另外一家餃子店‘餃里’更好。

這天晚上我約了家人去觀塘吃晚飯，經過網上的推薦，我們便決定來到這間米線店試一試，店內環境明亮和清潔衛生，店內客人是坐滿的，證明食物質素應該有一定的保證，餐廳十分細心，有提供免費無線上網，有播放音樂黑松露芝士豬肉餃($71)米線十分嫩滑，八隻黑松露芝士豬肉餃清新淡雅，非常新鮮，十分足料，蕃茄湯鮮甜，份量十分多樽裝奶茶($18)自家製奶茶奶滑茶濃，味道恰到好處，不會太甜京蔥豬肉餃($61)上海麵軟彈煙韌，薯仔軟身，用芝麻粒灑面，八隻京蔥豬肉餃是用蔥，豬肉製成，口感稔香軟彈，非常新鮮，蕃茄湯鮮甜涼拌肉鬆皮蛋豆腐($38)用來涼拌的醬汁酸酸的，令人非常開胃，豆腐新鮮和柔滑的，皮蛋彈牙，肉鬆清甜，份量十分多自家製的辣菜脯味道頗辣，十分爽口整體來說，食物的質素非常高，食物的份量非常多，食物的用料非常新鮮，食物的賣相非常吸引，價錢相對大眾化，而店員亦有良好的服務態度和積極，所以我認為這間餐廳是值得再去惠顧

小店先上了辣菜脯，顏色唔紅但唔好睇少佢，都幾辣架，有後勁，唔食得辣嘅要小心。不過份量太少了，得幾粒嚴重唔夠喉🙌🏻小店嘅餃子肉類只有豬肉，相對其他餃子店來說選擇好像較少，但對病咗要戒雞、牛嘅朋友friendly👍🏻👍🏻👍🏻香茜豬肉湯餃（8隻) $52（+$8 加米粉)大大隻😋，好香芫茜味😍，好fresh，食落冇罪咎感👍🏻。湯選擇了豬骨湯，清清地唔會搶咗湯飯嘅味。米粉外貌少少透明，反而似粉絲多啲，食落都冇咩米味，米粉還好啦👌🏻黑松露芝士豬肉煎餃 （8隻） $60因為個皮夠薄，所以煎完真係香脆而唔硬😋。煎餃好出色。😍😍😍黑松露夠濃味又不會太搶，同芝士、豬肉mix得好好🙌🏻。呢個味值得再食多次。但煎餃體積比湯餃細隻，男士好大機會唔夠飽。結論湯餃大大隻，煎餃脆香做得好好。如果只可以揀一樣，我會覺得湯餃較易做到呢個水準，所以揀煎餃🥟Ps 小店只收現金/ payme

媽咪鍾意食餃子，特登帶佢過海嚟試下人山人海餃子舖，睇落貨真價實， 由入場到走都係坐滿客人鍾意佢哋可以選擇雙拼，一次試多d唔同口味煎餃 雙拼餃子皮煎到焦香，內裏仍然肉汁豐富蒜心鮮蝦豬肉餃 拼 韭菜豬肉餃前者 淡淡蒜香味配上原隻鮮蝦，鮮蝦彈牙香甜後者 滿滿好香的韭菜湯餃雙拼黑松露芝士豬肉餃 併 泡菜豬肉餃，加$3有蕃茄湯底前者 淡淡黑松露香味， 中間呈流心狀態，芝士溶在口中後者 泡菜拼豬肉味道特別，唔辣雞絲粉皮粉皮幼細，雞肉絲配上香口芝麻醬， 消暑解熱檸檬紅茶，自製支裝奶茶 甜度剛好，透心涼

滾餃價錢💲: $60/ $64 (雙拼10隻)好味程度😋: 4.3/5服務🍴: 3.7/5環境🗾: 3.4/5性價比🥢: 3.7/5回頭率😚: 4/5-好一陣子無去食餃子了。今次來到觀塘呢間好多好評的餃子店，星期日唔開，平日都好多人去食。一入到去已經見到好多姐姐係到包餃子啦！平時有時都見到佢地的餃子會係團購到出現。但即整一定好食d！-✅✅煎餃✅湯餃湯餃同煎餃上面，我個人比較中意煎餃。湯餃選擇左豬骨湯，淡淡地，食完唔會好口渴，但唔特別個湯底😳反而煎餃煎得armarm好，有脆邊脆底，同時保留到餃子皮部分的煙靭感，唔會變左好似炸，都好香口😚-✅✅蒜芯鮮蝦/ 黑松露芝士✅泡菜/蘑菇煙肉芝士餃子口味我地湯餃煎餃都係要左雙拼！一場去到就要食曬佢🤪分別叫左泡菜、蘑菇煙肉芝士、蒜芯鮮蝦、黑松露芝士，全部都係d比較特別的口味。佢地的餃子大小適中，皮偏薄同晶瑩剔透，可以見到d入面的餡料。入口亦都好滑溜。-蒜芯爽脆小小辛香，包落餃子到味道好突出惹味🤤 同埋蝦肉都好明顯大粒。黑松露芝士真係超濃松露味道，同埋芝士唔會過多☺️泡菜味道都好出，但略嫌味道太搶。蘑菇煙肉芝士都唔錯的，有啲似食緊蘑菇煙肉芝士衣服🤣fusi

今日發現咗駱駝漆大廈一個食好西快靚正嘅地方💛💛💛💛店舖唔大 但係感覺都好乾淨企理煎餃我哋叫咗蘑菇煙肉芝士豬肉餃比我想像中好食，個皮炸得好脆啱啱好 又唔會太乾。 😆最難得嘅係入邊真係分別食到蘑菇 煙肉 芝士 豬肉 各自嘅味道 ， 並不是只係食左一團野落肚 😅湯餃就叫左雙拼，蒜芯鮮蝦豬肉餃同埋香菇粟米豬肉餃 另加蕃茄薯仔湯佢個蕃茄薯仔湯完全係家的味道😍😍 唔會太濃太淡 啲薯仔煲到溶溶哋 好健康好天然的樣子🥰 d 餃又係好正特別要讚蒜心鮮蝦豬肉餃 蒜心爽口 蝦新鮮 加埋個湯勁夾👍🏻👍🏻香菇粟米豬肉餃都好正🙌🏻香菇🍄‍🟫味好出份量好足 性價比高👍🏻淨係略嫌餃皮厚左dd, 包完有太多地方係散出黎嘅皮😅其他野真係好好菜脯都好食 😋我覺得比起好多有名氣嘅餃子店更正更出色💛

好似好耐冇去駱駝漆大廈食嘢，今晚放工唔煮飯叫老公陪我去，去咗睇完大廈水牌決定食餃子。韭菜豬肉餃（煎）配上海麵，湯底係蕃茄薯仔湯選了要煎餃（8隻），煎得金黃香脆。好大隻，餡料足，多菜少肉，韭菜好香好嫩好juicy。湯底健康清淡，好多薯仔，略嫌蕃茄粒比例較少，可能蕃茄已經煲溶晒。上海麵口感煙靭。香菇粟米豬肉餃（湯）配米線，湯底都係蕃茄薯仔湯，呢碗d餃揀咗用湯上。同樣點了8隻，一樣咁大隻，餃子皮薄滑，粟米配豬肉爽口清甜，仲有啲冬菇香味。味道比韭菜餃清淡。唔係煎，冇咁香，個人都係鍾意食煎餃多啲。蒜芯鮮蝦豬肉餃（煎) （10隻）$68呢碟有10隻，餡入面既蝦唔係碎蝦肉，接近全隻，食落有蝦味，餃外身微焦煎得香脆，唔油，唔錯。另外，值得一讚係嘅佢嘅豆漿，跟餐每支$8唔算貴，飲落好有豆味，膠樽上，飲唔晒可以拎走。

泡菜豬肉湯餃:這家餃子店的招牌菜式,餡料鮮美多汁,餃皮恰到好處的厚薄,煮得恰到好處。泡菜為餡料添加了一抹酸甜,加上濃郁的肉香,令人回味無窮。一口咬下,汁水四溢,令人回味無窮。蔥油麵:麵條Q彈有勁,配上爽脆的蔥段和淋上的蔥油,香味撲鼻。醬汁入味但不會過於鹹膩,增添了麵條的風味。作為一道簡單的配菜,卻能讓人難忘。蘑菇煙肉芝士豬肉煎餃:餃皮金黃酥脆,內餡飽滿多汁。蘑菇、煙肉和芝士的結合,為餃子添加了豐富的口感層次。每一口都能感受到食材的新鮮與美味。這家觀塘餃子店的每一款餃子和配菜都是相當出色。無論是經典的湯餃,還是創意十足的煎餃,都能滿足食客的味蕾。強烈推薦給喜歡餃子的朋友。

觀塘駱駝漆大廈好多食店選擇，今天想吃簡單點，在下午茶時間來到9樓的滾餃🤩下午茶有4隻餃子/煎餃配飲料的套餐，不過因為中午還沒吃飯，所以我直接點了8隻的雙拼湯餃。雙拼湯餃-蒜芯鮮蝦和韭菜豬肉湯底是很受推崇的豬骨湯，有玉米的甜味，我還特意點了多蔥😆蒜芯鮮蝦餃是我每次必點之選，新鮮香甜的蒜芯配上原隻鮮蝦口感十足，韭菜豬肉也是湯餃經典配搭。煎餃雙拼-黑松露芝士和京葱豬肉360度煎到金黃色的香脆煎餃，感覺有芝士的餡料應該也是煎餃比湯餃更配。煎餃的烹調時間稍微久一點點，但很值得👍🏻餃子下桌後更會附上自家的辣菜脯，配合黑醋和豆瓣醬🤌🏻🤌🏻🤌🏻好吃！

終於食到呢間觀塘人氣餃子店‼️已經心思思想食「滾餃」好耐。今晚同家人來到食晚餐，好開心🥰🥰 店舖入面都有好多人，咁岩有座位可以入座💁🏻‍♀️⭐️ 黑松露芝士豬肉餃 | 湯餃 | 10隻 | 豬骨湯這道餃子外皮薄而有彈性。有濃濃的黑松露香氣，但芝士味道就唔太突出。每顆餃子都包裹著豐富的豬肉內餡。搭配豬骨湯一起享用，湯頭味道鮮甜，好正呀！⭐️ 芝士粟米豬肉餃| 湯餃 | 10隻|蕃茄湯這款餃子加入了粟米和芝士，帶來了豐富的口感和濃郁的奶香味道。內餡鮮嫩多汁，每一口都充滿了鮮美的粟米和豬肉香氣。搭配蕃茄湯一起品嚐，湯頭酸酸甜甜，口感濃稠。好飽好滿足。⭐️ 泰式無骨鳳爪泰式無骨鳳爪帶有微辣和微酸的味道，搭配上獨特的泰式香料，好吸引。鳳爪的質感爽嫩多汁。📍滾餃 觀塘開源道60號駱駝漆大廈第三座9樓K室

去開觀塘買d寵物用品，知道附近都好多隱世小店，於是就試下呢間大獲好評既水餃子店。雞絲粉皮（ ⭐️⭐️⭐️⭐️⭐️）未食餃子之前，叫左一道開胃小菜，原本以為細細碟，點知上菜時份量十分多，而且可以見到雞絲多到滿瀉咁，超級高性價比。味道方面，麻醬香甜，青瓜新鮮爽口，雞絲亦都夠滑，配上涼陣陣粉皮，十分開胃。雙拼水餃：香菇粟米豬肉餃 + 京葱豬肉餃 / 番茄薯仔湯底（ ⭐️⭐️⭐️⭐️⭐️）好鍾意佢特製的蕃茄湯底，食得出新鮮嘅蕃茄塊，甜甜地唔酸，薯仔都有好多件，煮得好粉好有薯味。餃子好大隻，10隻真係夠晒食。餐廳有建議邊款適合做湯餃，邊款適合做煎餃，因此大家都唔洗怕唔配合湯底喇！餃子食材新鮮，粟米爽口，香菇唔會有陣霉味，豬肉亦彈牙有肉味。餃子皮厚度適中，食落好有口感！蔥油撈麵（⭐️⭐️⭐️⭐️⭐️） 好鍾意餐廳份量十足，加少少錢就有大大碗的撈麵，仲要好好食，蔥油非常香口惹味，包裹住每一條麵，麵亦煮得剛好，軟硬度適中，面頭撒上紫菜同芝麻賣相吸引！雙拼煎餃：蒜芯鮮蝦豬肉餃 + 黑松露芝士豬肉餃（⭐️⭐️⭐️⭐️⭐️） 煎餃同樣出色有驚喜！好鍾意餐廳將煎底朝上，避免塊皮沾水氣變稔，十分細心！煎底非常脆口，餡亦好多汁，鮮蝦原隻上，爽口彈牙！黑

見呢間有咁多🥟選擇，決定一試。揀咗「香菇粟米」🥟拼「泡菜」🥟，見到D🥟比較大隻，所以只叫8隻先，好彩冇叫10隻，因為食到第8隻已經好飽。皮薄餡靚，配上豬骨湯底，唔知點解D味道有啲似椰子雞湯😂，幾好味👍🏻，如果要蕃茄薯仔湯，要另加$5。朋友叫咗「蒜芯鮮蝦」，佢極力推介。係餐廳入邊有4位姐姐坐埋一邊即場包餃子，我哋坐喺隔籬枱，見到啲🦐好大隻，下次一定要親自試吓。

好多人都大推的觀塘餃子！終於lunchtime有時間去試下～叫咗黑松露芝士，餃子皮薄，煎餃唔算好多油，食落唔油膩黑松露味道都香，配芝士真係一流！會再encore！

今次經朋友介紹之後來到了觀塘十分有名的餃子店，品嚐一下自家製的手工餃子，餐廳位於觀塘最有名的駱駝漆大廈，這裏雲集各式各樣本土美食！京蔥豬肉餃子確實是一道令人垂涎的美食！這道菜以京蔥和豬肉為主要食材，搭配餃子皮包裹成餃子形狀，京蔥的香氣非常迷人，它的味道獨特而清新，能夠為整道菜增添一種獨特的風味。京蔥的嫩葉和脆莖都可以作為餡料的一部分，增添了餃子的口感和香氣。其次，豬肉作為餡料的主要成分，賦予了餃子豐富的肉香和口感。優質的豬肉細嫩多汁，能夠與京蔥完美結合，讓整個餡料更加美味，加上廚師自家研製的豬骨湯底令餃子恰到好處.這道菜以香茜和豬肉為主要食材，搭配餃子皮包裹成餃子形狀，內餡鮮嫩的絕妙口，香茜是一種具有獨特芳香的香草，它的味道清新而迷人。香茜的葉子富含芳香油，能夠為整道菜增添一種獨特的風味。將香茜切碎後加入豬肉餡料中，還能讓餡料更加豐富.蒜芯蝦肉煎餃外皮香脆，令人回味無窮、配上清新的青瓜也是最佳的配搭了.