影片
以上資料只供參考, 請與餐廳確認詳情
招牌菜
食評 (28)
一間在瓜灣位置偏僻既街道上，估吾到搵到如此美味，樂口福，只係一間小小既店鋪，欲令我有一種不得不試既感覺。上面掛住一個紅底黑字既樂口福招牌，而入面裝修陳設係成個正方形形範圍，就好似一間小型既茶記一樣，店員親切有善，令我感覺到好舒服。食物類別眾多， 我地一行七人都點左好多菜炒咕嚕肉：中上，豬肉內裏夠ＪＵＩＣＹ出面層皮比較厚令到有脆口，係個汁太多吾夠乾身芝士蝦丸：超正大粒之餘裏面，蝦肉彈牙入面有一少粒熱辣辣容左少少既芝士，正！炸魚片頭：炸得好鬆脆而有魚味， 出面點左類似辣粉做點綴， 正！啤酒浸蜆：幾得意，蜆肉新鮮，湯底特別， 啤酒易揮發， 所以啤酒味比較少，反而好香葱花味辣椒味胡椒湯牛坑腩：胡椒湯濃香， 蘿白同牛坑腩亦好夠林！木耳絲：凍食有咬口炸小棠菜：比想像中好味， 出面炸嗰層比較薄身，裏面既蝦滑夠味而彈牙，點醋食一流黃金鮮魷：夠香口，好濃咸蛋皇味， 最緊要係鮮魷新鮮酒浸鮑魚：酒味好出， 亦有些甜，配合新鮮既飽魚既鮮味係幾正特濃花鵰蒸蟹配烏冬：另個招牌菜，個花鵰真係好濃， 一上台就聞到陣陣酒香，而花蟹煲得好夠火喉，所以蟹既肉味再加上蟹膏已變成華滲哂落個湯入面，（因為甘蟹肉不多蟹汁已入哂湯） 令到個湯好鮮甜，再配以稻庭烏冬吸哂Ｄ湯汁佢，正！荔枝酒：自家制釀既荔枝酒， 聽講話釀左好幾個月先會夠味，酒香散出好濃荔枝味，但飲落去係酒沬出Ｄ，荔枝少Ｄ， 亦有適當既甜味，好似仲有梅酒，但吾啱季節未有機會試。基本上整體都十分滿意， 期待再黎食過
繼續閱讀
如果沒有INTERNET, 我相信我不會找到這店, 亦險些錯過了一間有誠意的食肆.看過有不錯的食評, 但因地方問題, 總遲遲未有一嘗. 終於趁2兄妹的生日飯, 就來個了斷吧!好不容易終找到位於街市內的"滿口福"門面不算甚為特別或出色裝潢, 但好如何? 如要這些, 何不到美心集團旗下的更為恰當嗎?食店食物出色就已經是重點了一進店內就看到每枱放著一個我覺得幾親切的擺設, 都列上位數時間及姓氏. 時間尚早, 老闆就坐過來跟我們寒暄, 老闆亦很健談, 同時又介紹一下他們的特色食物.此店有小菜亦有火鍋, 這晚我們選擇了火鍋, 坐久了, 再四看週圍, 發現有自家釀製的酒.急不及待叫上一支花鵰酒嘗嘗, 不太嗆, 蠻舒服, 可能這酒夾我吧! 原來這裡會按時令釀不同的酒, 像這時又開始弄這桂圓酒了.... 真的來早了.....趁材料仍未上, 先來一個麻辣皮蛋頂一頂肚先... 很香麻辣味道, 不算太辣, 皮蛋有糖心, 伴著蔥榨菜一起吃, 都幾配, 只嫌榨菜咸了一點點叫了一個蕃茄牛坑腩湯底, 清新的蕃茄湯再加上滾起的牛坑腩油脂, 我真的肚餓了!叫了本地牛, 黑豚肉, 四寶手打丸, 田雞..... 不能盡錄, 但只可以在這裡講以上的材料都新鮮到不得了, 原因就是它的地理, 旁邊就是街市, 蔬菜肉類都是老闆親自挑選, 怎可能不好像田雞一樣"新鮮到震呢!?"尾聲, 個湯底吸收晒日月精華, 一家要叫一些好像"海綿"一樣的食物吧!沒有時間的限制, 不需要什麼桌上禮儀, 不需要什麼就住就住.... 這才是吃得痛快! 這才是這店的真正價值
繼續閱讀
早一個月前跟朋友慶生，他指定要去這間食店飽吃一頓，我真是孤陋寡聞，好日也不去土瓜灣，不知這間私房菜式的地鋪餐館－滿口福。店鋪位於橫街，但事後我問幾位地膽也知那幾條街也有很多好嘢食；鋪細細可容4至6枱客。我們一行6人訂了座，又預留了幾味好菜，上菜特別快。第一道是花雕蛋白蒸蟹，只聽名字也知道是易煮難精的一味。蟹要夠鮮，一大朝從魚商拿的好貨養著至煮前；火侯要足，蒸得剛熟肉很嫩；酒的選擇與份量要適當，酒味很重但沒有蓋過蟹味 (後來知道為何選酒那麼好了，後文有答案)，反而與蛋清交融著的花雕蟹汁帶出更鮮甜，結果只有：一滴不剩。 再來是熱門菜，生炒排骨。這個不算是我吃過最好的一間，因外脆內不鬆，應該是用新鮮豬肉卻不是最好的位置吧。值得一讚的是味調得很不錯，感覺到是用上好的醋來弄的汁。清蒸肥美西星班；魚老實說，確認下單的時候聽價錢有點嚇到 (貴了些些)，朋友生日沒法子，餐館說也沒法退，照樣試試吧。有驚喜，不少館子都用海鮮在食客的喉嚨割一大刀，此魚是值這個價錢的。很鮮很滑，蒸得很不錯，豉油重味但不搶味，可是魚味不太足，是這些年的魚回塘了？好久沒吃過這個，南乳炸雞。這裏的炸雞是要帶醬吃的。炸得香口，醬咸了點，正好下酒。還有女友最愛的砵酒焗蠔，很香很香，那蒸上來的酒氣、剛熟的桶蠔，令人滿足。另一重點是鍋點的紫洋蔥，吸收了所有精華，加上紫身獨有的甜，無得頂！此店的特色除了食物外，還有酒！是自家釀製的梅酒、荔枝酒 (用55度高梁釀製的)。剛剛說花雕選得好就是因為這個，這店會全年合時地釀酒，聽說還有桑子酒。梅酒是送予友人生日的。 這次真是有食神，滿口福！看見網上的評論大都集中在這店家的火鍋中，這次決意為它大平反。小菜也很精緻，值得一試，不過最好帶多幾位朋友，可以試多點東西。
繼續閱讀
今次D朋友要再回去幫襯火鍋, 重早幾日訂定海鮮, 靚魚. 飯前食辣辣皮蛋及芝士蝦丸....今次就試蕃茄火鍋湯底, 材料新鮮, 好好味呀!! 飯前小食芝士蝦丸 - 爽口蝦丸入面有流心芝士, 熱辣辣一食d芝士溶晒出來, 蝦丸又爽口! 超正! 皮蛋撈 - 糖心皮蛋+自家製炒辣椒油, 糖心皮蛋係店主自己去買, 辣辣哋好野味! 掛住食都無影相. 象拔蚌刺身- 好新鮮, 鮮甜, 食出絕不是冰鮮過手打四寶丸- 店主介紹係鎮店之寶之一! 大廚即叫即做! 材料好新鮮, 好特別係墨魚丸,蝦丸好爽口原條鮮石班魚刺身- 刺身切得好薄又靚, 條魚好新鮮, 用來打邊爐配蕃茄煱有意外驚喜, 湯底變了蕃茄魚湯底 ! 超甜 !!美國桶蠔好肥美 – D蠔相比其他火鍋店靚好多, 肥美新鮮, 我哋4個人可以食2碟！仲有本地牛肉 - 好靚牛肉, 都係忘了無影相!! 其實我哋食了其他好多, 價錢中等啦, 但材料新鮮都值得! 果度門口可以拍車, 都方便! 我最鐘意有好多不同酒可以揀!! 我同D Friend一定會再去! !
繼續閱讀
從朋友口中介紹，地點不是旺區，但門口及附近有好多車位，方便揸車一族。招牌推介花彫蟹，但我有d要求，所以轉食花彫瀨尿蝦，啖啖肉，當然價錢較蟹貴。我最欣賞食完瀨尿蝦之後d花彫汁加個杜庭烏冬，d海鮮味滲哂入去，超正！
繼續閱讀