滿園韓國料理 (已結業)

很夠沒吃過韓菜了﹐平常是會去銅鑼灣或是尖沙咀的但是公眾家期一家人就一起出門。 太后想去紅磡﹐吃完飯後可以「順便」行街﹐我做小的還有甚麼可以說呀! 咪唯有令大家覺得佢地想食韓國野囉! 完來紅磡多的是好東西吃但韓國餐廳並沒幾間。差不多2:50才入座﹐侍應生和經理就立刻remind我地廚房3點鐘會落場所以3點前落到order就可以了。要了兩個一人前燒烤餐: 一份豬肋骨($58)和一份牛肋骨($66)﹐ 再另叫了泡菜豬肉餅﹐ 炒年糕和泡菜炒石窩飯。入座後不久便送上六碟前菜﹐當中最平凡便是大豆牙﹐泡菜入味鮮辣﹐薯仔夠淋﹐甜甜的很好吃﹐豆扑就是是甜辣的亦很惹味很適合下飯﹐西蘭花很香但多油和過咸。燒烤餐肉質不賴﹐亦沒被化學品洗禮﹐牛肋骨有4大塊﹐豬肋骨就有5件。 兩者都醃得很入味但我比較喜歡豬的多一點﹑亦較為便宜。有一大碗飯和牛骨蘿白湯﹐其實女仔就絕對夠飽既。再來便是泡菜石窩飯: 泡菜切成小塊和洋蔥粒﹑蔥粒﹑豬肉粒﹑海苔一起炒再而韓式辣豆醬調味。炒好後再配上半熟太陽蛋~ 這個很美味﹐豬肉粒入味鮮嫩配料香口小辣。炒年糕: 比起韓國街頭賣的淡色和多水﹐味道亦有些不同。當然在街上吃到的沒有加入蛋絲﹑什菜和

之前睇過呢間的食評都ok, 所以爸爸節去呢度食返餐, 點知食到一肚氣! 一行5人, 叫咗5個set lunch, 餐牌寫明每個餐跟2碟前菜, 一黎待應就拎咗5碟前菜黎, 等咗一陣, 唔見佢有動靜再拎埋另外5碟前菜俾我地, 問個待應, 佢竟然話我地同你加大咗個前菜, 所以係得5碟, 問佢有冇得refill, 佢又話冇! 但係眼見其他枱, 2個餐, 足4個前菜, 咪又係同我地個d一樣咁大碟, 好有欺騙成份!! 待應態度已經唔係咁好, 拎湯黎仲倒瀉咗d湯係枱都唔埋! 上晒d餸, 又唔俾飯, 隔離枱一個餐就有3碗白飯, 個待應知道俾錯咗隔離枱, 見人地食緊都要攞返2個白飯走! 態度簡直一流!!!雖然d野食不過不失, 但係一定唔會再去, 一次已經好夠, 免得又食到一肚氣!

之前睇過呢間的食評都ok, 所以爸爸節去呢度食返餐, 點知食到一肚氣! 一行5人, 叫咗5個set lunch, 餐牌寫明每個餐跟2碟前菜, 一黎待應就拎咗5碟前菜黎, 等咗一陣, 唔見佢有動靜再拎埋另外5碟前菜俾我地, 問個待應, 佢竟然話我地同你加大咗個前菜, 所以係得5碟, 問佢有冇得refill, 佢又話冇! 但係眼見其他枱, 2個餐, 足4個前菜, 咪又係同我地個d一樣咁大碟, 分明昆人!! 待應態度已經唔係咁好, 拎湯黎仲倒瀉咗d湯係枱都唔埋! 上晒d餸, 又俾飯, 隔離枱一個餐就有3碗白飯, 個待應知道俾錯咗隔離枱, 見人地食緊都要攞返2個白飯走! 態度簡直一流!!!雖然d野食不過不失, 但係一定唔會再去, 免得又食到一肚氣!

黃埔某大型百貨公司大減價, 一於同老婆去shopping一番, 不過之前梗係要醫下個肚先~一向都覺得呢頭冇咩好食, 咁就上openrice睇下有冇滄海遺珠啦, 就比我發現到呢間韓國餐廰.位置算係遠離左黃埔o既中心, 十二點先開始營業, 我地去到o既時候剛剛開始. 因為門口冇寫, 首先梗係問下有冇set lunch提供先啦, 因為好多地方禮拜日都冇set lunch. 不過呢度有, 而且都幾經濟, 分兩個價錢, $48 & $58. 我同老婆就點左什錦飯同豆腐什菜湯鍋.先送上來的是前菜四小碟, 水準一般, 最好味係甜薯, 而我最愛o既泡菜就麻麻. 跟著上的是什錦飯, 材料跟一般的石頭飯一樣, 不過用大碗上而唔係用石鍋. 加入附上的甜辣醬拌勻, 味道不錯. 豆腐鍋則甚有驚喜, 起初以為材料以豆腐為主再加入什菜, 但面前的根本就是一個迷你的海鮮鍋, 而豆腐只是配角而已. 味道方面小量辛辣, 但有相當清甜的鮮味, 而材料就有蜆, 魷魚, 蝦仁同青口, 絕對是意外收獲.可能係假日關係, 直到下午一點還只有一, 兩檯客人. 呢度絶對係一個可以悠悠地享受一個假日午餐的好地方. 值得一提是星期六/日還

10- 05- 2008為左慶祝母親節, 一家大細黎到喱到食韓國燒烤裝修環境當然比東X門, X陽苑好好多啦我地一行七個人, 叫左牛拼盤, 豬拼盤, 海鮮拼盤, 牛骨湯, 煎餅首先係前菜, 同韓劇一樣, 有齊咁多款, 有辣有吾辣, 都幾好味之後黎煎餅, 喱個煎餅真係勁好味!!!! 入面有D蔥花, 類似魷魚粒ge野, 加蛋去煎食落好香口, 好快就比我地清左啦然後就係主菜, 牛牛拼盤, 豬拼盤, 海鮮拼盤樣樣都好大碟, 好多材料我地好忙咁一邊燒, 一邊食, 哈, 好似冇停過手咁, 每碟都有洋蔥圈, 拎埋落去燒都幾好食跟住係牛骨湯, 好大塊牛肋骨, 飲落去其實有d似胡椒湯, 好好飲吾好以為煲過湯ge牛會吾好食, 喱個係出奇地好食, 好林, 一句講晒 "正"我地屋企因為有幾個男人, 吾可以冇飯落肚, 所以叫左四碗白飯, 都幾大碗, 係珍珠米最正係跟湯上, 湯係蘿蔔湯, 跟飯一齊食好好味!!!! 吾怪得韓國人鐘意用湯撈飯食完之後個個都好飽, 每人都只係$120, 相比起出面個D任食韓燒, 真係好抵食又坐得舒服, 環境又好, 不過係難搵D, 問十個, 有九個人都吾識喱間野另外不得不提佢地ge服務態度

光顧日期︰18/2/2008 1.30-2.30pm人數︰9位點選菜式︰8個$58午市燒烤套餐, 1個牛尾煲昨天跟舊同事在黃埔吃午飯，選擇「滿園」是因為它標榜的無煙燒烤設備，結果所有舊同事還是擔心油煙味，一致選吃免燒的$58午市燒烤套餐(已燒好的)。前菜︰份量極少。雖為每個套餐兩碟，但每碟僅為豉油碟份量，如，每碟半邊豆腐卜有兩至三個「單位」。好味，但好小家。雞、牛、牛脷︰「滿園」標榜所有食物不含味精。但所有食物味道極濃。牛脷切成略厚方塊，上面灑過黑椒，口感還算OK。雞和牛味道合格，但上菜時郤像已放涼了好一陣子，考慮到售價時立即感覺麻麻。烤肉放涼了並非誇張。因為吃至尾聲時還未有飽肚感，第8個燒烤(牛肉)餐是最後分開點的，牛肉上枱時熱騰騰—原來QC品檢落差如似大。$58午市燒烤套餐——僅僅合格(有指定信用卡可獲九折)

他們的午餐是每月轉一次款的, 每次有五種選擇.也有燒烤套餐, 但因為熱氣所以叫了午市套餐炆牛肋骨, 有兩款前菜, 加一碗飯, 一碗蘿蔔湯, 都幾好飲的.牛肋骨d汁有少少甜, 肉質淋, 食起上黎無難度, 好食.而且碟頭唔細, 炆牛肋骨的配料還有粟子, 紅棗, 一大塊冬菇, 面頭鋪d蛋絲.因為我地兩個人, 有四碟前菜, 大豆芽麻麻, 陣味有d怪; 甜薯仔最好食, 入味又淋淋地; 泡菜ok, 味道唔算好濃, 但對熱氣的我就剛好了; 白菜仔無乜特別, 不過不失.我地又叫左杯熱竹庶水, 清甜滋潤, 不錯.午市套餐$58, 竹庶水$12

三個人吃飯，想試試這間韓菜館。來時正好是二時半，正是午餐及下午茶的分水嶺。拿著兩邊的餐牌研究，原來各有捧場客，就要了烤牛肉套餐、煎涼瓜餃子、泡菜牛肉窩仔麵及味醬豚肉生菜卷。雖然是午市加下午茶，也是來足八碟前菜的，幾認真。泡菜鮮辣，如果有多一點酸味就更平衡。糖漬薯仔太腍，硬身一點會更好吃。其餘的也沒有什麼特別，齊數都算交足功課；烤牛肉套餐包湯、飯及肉，只是65蚊，都不算貴。湯是蘿蔔湯，淡淡的，如果可以下多一點黑胡椒就更好。牛肉質數不差，腍滑之餘又不韌，醃得微甜，當然沒有用化學品招呼過，滿意。米飯也是烤肉套餐的重要角色，這裡的也不錯，軟熟有飯香，加上燒肉，已是一個份量剛好，而水準又不錯的烤肉午餐了。煎涼瓜餃子幾乾身，吃起來脆脆的，似炸的還多過煎的。可幸涼瓜餃味道不錯，冬天吃大蒜豬肉餡，夏天吃這個涼瓜餡，幾合時令；泡菜牛肉窩仔麵辣辣的，吃得令人冒汗。泡菜下得夠多，拉麵條亦夠彈性，有咬勁，想不到這個下午茶餐的水準，也不錯；個人的是日推介是味醬豚肉，味醬是韓式辣豆醬，用上切片的五花腩肉去炒，肥豬肉爽口，辣豆醬又冶味，難得連作配的生菜片也鮮嫩，夾進數塊生蒜片，味道及口感都是非常好。當然，這味味醬豬

諗住食完飯先睇戲, 但係又唔知食乜好, 經過見到有間韓國嘢諗住try 下啦.唉.... 我地叫咗個石頭飯同拼盤(雞牛羊豬都有重有兩隻蝦,同魚), 味道就真係麻麻啦, 蝦d肉重要係梅.個飯就重差. 唔會再去.埋單都要四佰幾蚊. 原來用DBS係有DISCOUNT, 但店內完全係冇任何提示.

揀左呢度食生日飯，因為朋友話都ok一行八人，因為遲到ge關係，有3位朋友等左半個鐘左右。經理好好人，見佢地坐係度等咁耐，免費請佢地食左4碟小食先。我地叫左1個二人餐，1個4人餐。因為可以試多D唔同ge肉。燒烤ge肉都ok ge，不過覺得冇咩特別，如果想韓燒ge，去返任食個D會開心D。全餐飯最有印象ge，就係個牛尾湯，幾好飲，D味好濃。另外個度D飯好似特別好食，朋友話可能係韓國米。食完飯，就係食蛋糕ge時候la........經理好好人，係上蛋糕之前，送左一個炸ge甜品俾我地。唔知叫咩名堂，只知外面係芋頭，入面係南瓜，味道ok，好唔好味都唔重要，係個service令我地個個都話會再返黎食。食得飽飽，除返開(唔計生日個位)，每人$150，價錢合理。

端午節出街食飯好過自己買餸煮,街市樣樣都好貴,去到黃埔花園僅有嘅韓國菜食,自己都差不多四五年未食過.見到餐牌都幾貴,起手都八＋蚊起,叫左什錦燒烤併盤..二百幾元,炒韓式粉絲..百元,生啤兩勺,共百ニ元,頭盤只跟五款,冇飯湯跟,再加碟牛肋骨肉百二元,同之前幾年完全不同,頭盤略小,但不過同一位靚仔待應要求都加多一两碟比我,態度亦很好.食品方面份量略少,味道ＯＫ,而大舅大讚羊扒好味但覺得韓國菜越來越貴,價錢直迫日本餐.

近幾日去黄埔做嘢！每次都見到呢間韓燒坐滿人咁(大約８點)！尋日去到終於有位，所以試下！入到門口有位女侍應笑住咁問我幾位後，帶咗我哋去窗邊位，感覺唔錯！之後叫個拼盤有牛肋骨、雞、豬、羊同蝦等，兩個人食，份量剛好！味道仲唔錯添！另外雖然嗰時好忙,但係D侍應嘅服務態度都好好,有笑容,有禮貌！一定會再去！

今日同朋友試試這間韓燒, 心裡期待著比任食自助餐更優越的質素. 當踏進大門口,我們說兩位, 一個金毛侍應便黑口黑面,詐傻扮聾, 另一個才施施然點我們到路口位坐.他們給我們一本厚厚menu, 當我們他有沒有set dinner時,才不知從那裡拿給我一張set dinnner menu! order 了一個二人餐, 有牛,雞,豬燒烤一碟(唔係各一碟, 係夾埋一碟), 有牛肋骨煲(幾好食), 另有飯+湯+橙. 牛肉有牛味,但質素普通, 豬扖,明顯是百佳牌雪藏質素, 最離譜是雞肉, 臭臭地+酸味.是役埋單320, 食到好飽,一肚氣.今生來世都唔會食第二次

Have lunch there, I ordered a Set Lunch <牛肋骨飯>....好好味....亦都好夠飽呀....

昨夜叫了一個二人套餐, 有頭盤四小碟, 都ok, 略嫌泡菜太多醬. 可選三類肉, 牛脷好味, 雞翼醃得唔錯, 另外仲有魷魚都好好味, 每樣有四件, 對於細食的我已經好足夠. 另外還選了海鮮煎葱餅, 個名應該改做蠔仔煎葱餅, 唔食蠔的會有被騙的感覺. 最後的甜品是芋頭西米露, 芋頭唔夠淋. 總體表現不過不失, 我最欣賞的是那裡的抽煙系統, 食完韓國燒之後, 都冇一陣油煙味, 這還算是第一次