滿屋廚房 (已結業)

-今日又帶小朋友去愉景新城玩，呢到有好多食肆，lunch時間都唔洗等位。之前食過呢間嘅tea覺得幾抵食，咁今日就試下lunch-叫左兩個餐，海鮮牛骨湯河粉同公仔麵，海鮮只有兩隻青口，兩小隻蝦同兩隻魷魚仔，海鮮好普通冇咩味，河粉比較碎，麵都唔好食。牛骨湯偏淡唔夠濃唔係咁夠味。餐可揀什菜湯或者沙律，我地揀左湯，湯細細碗，偏鹹。-飲品叫左小冰，但朱古力都係好淡，無咩味。-66蚊一個餐唔好食又唔抵食。-見到個髒髒雞蛋仔，個名同幅相都幾吸引，22蚊又唔貴就試下，面頭果d應該係朱古力粉，加左d朱古力醬，重有d脆脆喺面，口感好豐富，好好味。食完手同嘴都係髒髒的。

如果想安安靜靜地食一餐晚飯，這裏是一個不錯的選擇。星期一晚同朋友兩個人去咗呢度食，服務態度非常好， 食物質素方面就普普通通。我地見平日夜晚都只係得五單生意，希望佢哋做得住喇。6吋Pizza 真係超級細， 如果只係為咗試試味，真係一個不錯的選擇，味道算ok。 墨西哥薄餅過蘑菇味好重，黑松露味我就完全食唔到。芝士薯條拉絲豬排算唔錯， 但係要趁熱食。意粉味道就真係好普通，可以試其他。飲品方面，薄荷朱古力值得推介。我就因為要飲熱嘢而買咗一杯柚子蜜，覺得非常之唔抵。堂食滿250蚊仲送一隻16gb嘅usb手指

行過見到幾靚就忍唔住行左黎食牛肝菌忌廉汁意大行粉份量偏少，但味道濃郁，不過對男仔黎講未必飽意粉軟硬適中，吸收到忌廉汁嘅味道巨峰梳打，普普通通咁冇乜特別自己就覺得太甜

今晚一個人喺愉景新城食飯 但又唔係甘肚餓 就搵左呢間有得食all day breakfast既👻👻 個餐都係60/70幾蚊左右 都算okay咁wo🤔 個餐有成八樣嘢 都幾多款揀呀 個炒蛋都炒得幾滑幾香 應該加左啲忌廉或者奶炒嘅👍又有煙肉又有徳國腸👻 CP值都算幾高！如果個菇有埋白菌就仲好啦😻😻😻餐廳既environment好childish好cheerful 適合帶一家大細黎食飯👻 見佢仲有兒童set tim😂😂果然係愉景新城既餐廳😂

原來這間餐廳有小食架，我們買了雞蛋仔，即刻整的，等左一陣，用紙盒裝的，雞蛋仔是公仔樣子的，好可愛的，味道也好好，又夠熱，好香蛋味，仲有朱古力味，原來可以加配料的。幾特別的啊！！

在荃灣練習之後~去了愉景新城逛了一下(其實只是去借一下廁所)剛好廁所就在Fullhouse附近，而當時應該是在做朱古力味的雞蛋仔真的超吸引好不好很遠也能聞到雞蛋仔的香氣!!!!不過還是先去廁所要緊XXD出來後就見到男朋友拿著號碼籌了(真心第一次這麼快手!)那一刻我是有少少感動的(?)大約有3台機在操作，不過職員就只有一個所以速度不會很快，但還是可以接受的雞蛋仔全部即叫即制，所以到拿手時一定是剛做好的要是放久了的就沒意思了~等了一會，終於叫到我們的號碼了!用一個小紙盒裝好，稍微感覺有點不太環保但朱古力的香氣不斷傳來，已經將這個問題放到最後了(?)這家的雞蛋仔，最大特色，應該是她們的特制雞蛋仔模全部也是她們自家的代言人XXXD很可愛對不對XXXD小朋友大朋友看了也會很開心，包括我~外表先加1分~當然，它的味道和外表一樣，也很好朱古力味濃，但不甜，內裡也有溶了的朱古力吃的時候雙重感受！這個暫時是吃過的朱古力味雞蛋仔之中最好吃的一個！已經決定下次會再吃！！

妹妹生左bb ,有時間就去買bb 用品，荃灣愉景新城最出名，行完仲有大把餐廳食野，見到滿屋真係滿心歡喜，好多卡通人人物好可愛，未食已經心花怒放多多公仔好吸引小食拼盤，有魚餅，遮蝦，即整都幾好味炸雞沙律，好脆，啖啖肉喇沙，我最愛，湯底好濃好香，連湯清薯條好肥，好脆，仲有2款醬料連雞蛋仔都有圖案夾食，多餡料雞翼都ok 海南雞飯吾係油飯，扣分麗粉，好得意，似湯粉，好濃味，要加湯甜品好精緻，吾算好甜，好滑紫薯批，我無試，好少食 紫薯，不過朋友話吾錯。賣相都ok 成枱野食都係百令蚊，真係可以encore 👍🏻👍🏻

好耐冇嚟過愉景新城啦，最近去咗親子餐廳Fullhouse Kitchen食晚飯，強烈推薦。除咗環境適合帶小朋友嚟之外，我覺得都好啱三五知己嚟食飯，因為好抵食，樣樣都係幾十蚊兼大大份！點咗小食沙嗲雞串(6串），雞肉燒得剛剛好，完全唔乾，沙嗲醬仲有少少花生碎嘅口感，好惹味！開頭以為呢間係西餐廳，點知都好多東南亞菜式，見到連喇沙同海南雞飯都有得食。點咗海南雞飯，雖然雞肉份量唔多，但勝在肉質嫩滑，完全唔嚡，而且唔會太鹹或者太油膩。雞皮薄薄一片，咬落微微帶爽脆。醬料有齊三款，黑豉油、辣椒醬同薑蓉。辣椒醬酸辣醒胃，蘸少少更加吊味。唯一需要改善嘅地方係雞飯無咩雞油，我嫌太過健康呢。見到蛋糕櫃嘅西餅好精美，我哋就點咗一件柚子蜂蜜卷蛋試下，估唔到好好好好食！！！！呢款係季節限定，蛋糕好鬆軟，食落有清爽滋潤嘅柚子蜂蜜嘅香甜味，味道好清新。入面嘅cream亦好輕盈，好有水準，$22我覺得都抵食呀。

很久沒有來過愉景新城了，這天在某店舖大出血後，就和男友打算吃得經濟一點。留意到這間裝潢可愛的『滿屋廚房』，起初以為是兒童天地，原來是主打東南亞菜式的餐廳！看一看餐牌，飯麵每樣都只是幾十元，價錢非常親民，一於一試！餐廳是自助形式，需要自行去收銀處下單，因此不收加一服務費。而二人餐$188不用加一就有兩份主菜、兩碗餐湯、煙三文魚/雞扒凱撒沙律、兩個甜品，簡直抵食到癲！煙三文魚凱撒沙律煙三文魚厚切，份量多，沙律菜新鮮爽脆，多士粒及煙肉碎下得好慷慨，還要加上雞蛋，誠意十足。南瓜湯南瓜味濃郁天然，質地香滑濃稠，不會太稀，飲得出真材實料。主菜選了滿屋招牌喇沙，份量十足，材料毫不欺場，非常豐富，有蝦、青口、魚蛋、魚角，當然不能缺少豆腐卜，吸收湯汁精華，美味非常。湯底也不錯，椰味十足，如果海鮮鮮味再濃郁一點就更好，不過以這個價錢來說，已經非常不錯。另一主菜選了東南亞風味拼盤，有泰式魚餅、越南蔗蝦及金絲蝦卷。泰式魚餅味道正常，未算驚喜。金絲蝦卷水準甚佳，彈牙的蝦肉被香脆鬆化的薯條絲條條包圍，外脆內軟。 蔗蝦蝦肉鮮爽彈牙， 隱隱食到甘蔗的香甜。一頓圓滿的晚飯怎能缺少甜品？原先以為只有兩件小蛋糕，想不到竟然

愉景新城大裝修數年，總算正式完工，全新 D-Park 俾我嘅感覺係更Family，無論 Tenant Mix以至日常的活動，都是更Family。 今次，我就同太太去左一間好Family嘅餐廳食晚餐 ~~ 滿屋廚房。 半自助式的快餐，揀選座位後記住枱號，到 cashier 落單時提供枱號，等一陣，就有專人把餐送上。 平日愛吃快飯的我，來到滿屋廚房也點選了一個快飯的經典 - 葡汁焗香雞扒飯 (HK$62)。 外貌不錯，只少吸引到外貌協會成員之一 - 我太太同這碟飯拍了幾張沙龍。 對我來說還是味美第一、飽肚第二！ 個人就非常欣賞那片雞扒，大大塊之餘，外皮炸得脆口，咬落仲有滿滿肉汁湧出，不錯！不錯！ 汁方面，是我喜愛的椰香，芳香濃郁，而且幾乎足夠混合整碟飯，是我最愛的比例。 還有那咖啡，+$12 就有一杯馬來西亞榴槤咖啡，滿屋廚房的出品，榴槤飄香，非常正！ 還有Pizza與太太同享，雖然很少在Pizza專門店以外的餐廳揀選Pizza，不過，見這裡的Pizza口味選擇多，一時好奇便揀左一個細的 6” 千島海鮮薄餅 (HK$42) 來試試。 坦白說，Pizza 的質量與專門店相比還有點點

雖然，BeautySearch 有一個設備也算相當齊備的廚房 (只少到過我家的朋友都是這樣說)，但其實，BeautySearch 入廚的機會卻很少，因為我是個出色的『無飯煮婦』。 而且，我家附近有一家《滿屋廚房》，提供各式各樣東南亞美食，加上價錢相宜，在這裡開飯，不是比自己入廚更方便快捷又超值麼！ 環境方面，餐廳亦相當寬敞，屬半開放式，一家人食飯就最適合。 這兒屬半自助式的，揀選座位後，只需記下枱號，再往 cashier 落單，落單時提供枱號，等一陣，便有專人把餐送上。印象中，香港的餐廳較少推行這種模式，不過，早前就有一間大型連鎖快餐店於晚間時段推行相似模式，或許日後將成為新雛勢！ 這兒的半自助是需要客人自行斟水的，不過，我相信大部小朋友也樂此不疲，因為有這麼樣可愛的水機，斟水？無難度啦！ 店內還設有出售滿屋廚房家品及精品的 Corner，點餐後，不妨在這裡逛逛，或許會有意想不到的收獲喔！連那可愛的水機也可購買喔！ 食物方面，既可散點亦可選套餐，這夜便點選了二人餐與蝦子餅共享。 怡保雞絲撈粿條，BeautySearch 還是第一次吃粿條，外型有點像河粉，搭配上雞絲、鮮蝦

今日同閨密去荃灣行街，行過見到間餐廳裝修好靚好多公仔，就坐低醫下肚，原來唔止環境，食物都好出色啊！！餐廳係荃環愉景新城，由地鐵站出口行過去十分鐘左右就到，位置方便又易搵店舖裝修以卡通公仔做主題，童真嘅佈置好吸引小朋友嘅目光，經過門口都忍唔住回頭望多兩眼店舖門口放佐一個大大嘅蛋糕櫃，擺放佐各款精緻嘅蛋糕，真係好想每款都試一啖餐廳環境出色，食物質素同樣值得一讚餐廳係用半自助式經營，要先到收銀處點餐，侍應服務態度認真抵讚菜式、甜品各樣都解釋得好詳細，晚餐有set dinner 二人餐選擇，有湯、沙律、主菜、餐飲，跟埋甜品，價錢先188，咁抵緊係揀呢個啦先嚟一個南瓜湯，入口滿滿嘅南瓜蓉，質感細滑，夠晒creamy每啖都散發出濃濃嘅南瓜味，最重要嘅係，夠熱度啊再嚟一個煙三文魚沙律，份量好多，大大碟沙律將我地嚇呆煙燻過嘅三文魚帶有陣陣咸味，肉質結實，煙燻味濃與清新可口嘅沙律配合得天衣無縫，醒神開胃主菜印尼炒飯，上菜時熱辣辣，即叫即炒，份量都幾多，炒飯材料有蝦、雞肉、肉碎等，飯上面舖上佐一大隻太陽蛋同幾塊蝦片，最欣賞係飯炒得好乾身又不油膩，炒飯用既秘製醬汁甜甜辣辣，食完一啖又一啖再嚟個大大份娘惹咖哩

今日約佐朋友食飯，就去佐大家都方便既荃灣試新野，朋友就介紹佐一間佢成日行過都想試既餐廳，原來當初吸引佢嘅，係個餐廳既環境😳！？「Full House Kitchen 」餐廳係愉景新城入面，係荃灣地鐵站沿著指示牌大約行10分鐘左右就到，超級方便。去到既時候，呆左一呆，餐廳既設計真係好靚好特別👍🏻👍🏻入面既公仔設計造型真係好入型入格，值得一讚❤餐廳係用半自助式營運，要到前台點餐，侍應體貼細心，逐樣食物都解釋得好詳細，環境加埋服務比人一種好溫馨嘅感覺，吾講住，食野先餐廳有set dinner 選擇，朋友同自己都唔大食，包哂有湯、沙律、頭盤、餐飲同甜品，兩個人先188，加埋一都係200蚊多少少，咁抵就試呢個啦☺☺先嚟一個湯，我地揀咗南瓜湯，本身就對南瓜湯印象麻麻，因為試過坊間餐廳做嘅南瓜湯太甜，反而今次既南瓜湯感覺有驚喜，飲落去感覺到湯既材料直接用南瓜打出黎，有質感又吾會太甜，用心之作👍🏻沙律方面，就係煙三文魚沙律，上菜既時候，兩個人都呆左，份量好大，好擔心食唔晒，煙三文魚咸得黎又不失三文魚嘅鮮味，配搭埋新鮮開胃既沙律，一流👍🏻👍🏻餐廳服務好好，好快就上齊晒食物，都未食完個沙律，主菜既pizz

本身好少去荃灣,放工去真係比較遠,不過約左朋友買BB仔用品,順便去一去食個飯呢個商場真係好大,所有餐廳都好闊落好可愛小朋友最鐘意超多位沙律普普通通雞旦仔好得意,好脆,多款口味,而且唔貴石榴青瓜,好清新,青瓜味較重,石榴味比較淡芝士PIZZA,細細份好足料,多料有口感卡邦尼意粉,都算多汁,唔會太濃郁朱古力蛋糕,賣相同出面蛋糕店有得比味道一D都唔差,好香濃朱古力味tiramisu好重酒味,咖啡味,香滑易入口同小朋友食OR同朋友食都好選擇,真係又平又舒服

係呢間野點左一個tea set咖央西多+咖啡 and 朱古力蛋糕+凍薄荷朱古力。total $74。平係幾平嘅，但係食物質素就……嘿嘿首先來左個特濃朱古力蛋糕，食落去好膠，個口感唔似蛋糕。冇特濃，得少少朱古力味，之後來埋凍薄荷朱古力同咖啡，個薄荷朱好似水咁又係冇咩味， 個咖啡真心覺得難飲。最後來埋個西多，嘩！算係成餐最正常架啦。隻温泉蛋又係冇蛋味，好似食緊啲大陸X雞蛋咁。個沙律就唔好提。總括成餐左平就冇可取之處。