滿樂中菜 (已結業)

為左呢個餐廳，我第一次係openrice留言。3個禮拜前我特登預訂18號7點食中秋飯，有老有嫩成十個人，一切都好順利。點知今日（17號）4點收到餐廳打黎，話用餐時間改做兩節，頭段要7半交枱，仲叫我地早d到。我話當初訂枱從來無提過，仲要而家先通知，臨時臨急點book到枱。個侍應哦哦哦左幾句就收線。我知做生意係重要，但有無諗過咁做對你地唔重視嘅客人影響有幾大？就算你地野食再好味，都相信我唔會再幫襯可以嘅話，我會俾負星。

朋友邀請在「戲曲中心」大劇院觀賞「賀國慶迎中秋」表演，欣賞演出之前，在「滿樂中菜」享用點心茶聚。滿樂蝦餃皇、蟹籽北菇鮮蝦燒賣王、蟹柳菜苗餃、豉汁蒸排骨、即燒手切叉燒腸、韭菜鮮蝦水餃、川味紅油炒手、燒腩肉、豉油皇炒麵。除了豉汁蒸排骨比較一般，所有點心都很有水凖，值得推介是燒腩肉，五花腩肉嫩滑味美，最讚賞是脆皮，甘香鬆化令齒頰留香。另一款考牌菜式是豉油皇炒麵，豉油皇味香郁，麵夠乾身，麵質彈牙，味道又度適中，很有高水凖的炒麵。好友曾分享過我的食評，看到楊枝甘露糕的照片感覺很吸引， 道明今次要來嘗味，可惜餐牌已更新，無緣一嘗楊枝甘露糕滋味。隨着兩個多小時的茶聚完結，我們一行五人往大劇院。

朋友生日想食中菜，我就book左呢間係戲曲中心既中菜試下，估唔到有驚喜👍🏻環境好大，d位好闊落 坐得好舒服😌估唔到食物都好有質素杏汁豬肺湯好好味，杏仁味好香最有驚喜都係佢既燒味，叉燒夠哂淋口感一流，燒肉個皮都好脆，肥瘦適中其他食物都above average ，個麵同金銀蛋莧菜都好好味朋友生日叫左個壽包，好得意，個紅豆溶都好好味，又唔會太乾同埋呢度既職員都好attentive，又有禮貌😊落單上菜都算快👍🏻

位於西九龍中心戲曲中心的准一洒樓，係放縱星期四今星期的選擇。這個潮式馬友肉質鮮甜結實，加埋普寧豆醬更加帶出鮮味，味道一流👍🏻。為食鬼上身，開始一路食、一路食….這個粥都幾好OK的。這個好香口，只是狂食馬友和再加份粥，開始有點飽😅這個是全餐的焦點，但之前貪心咗，太為食，已經食到七七八八咁飽，只品賞了少量蟹和肉餅😜。總結今餐飯是美味的，只是有成員表達個蟹蓋蒸肉餅太貴。但以蟹的質素和肉餅的水準，我覺得是合理的。

放假同屋企人黎開西九文化區,晚餐又唔想係商場同人爭等位,上網見到呢間好評就試下啦～裝修好別緻,員工都好好服務態度,安排左個靚位比我地餐具都配合返成間餐廳,好有翡翠的感覺睇落高貴一致脆皮燒腩仔佢個皮真係脆,入口即化肉偏實淨,少肥多d肥會滿足d鯧魚片泡粥呢個係一碗份量,好大碗,魚片爽口嫩滑芫茜味重避風塘炒膳球一上台超香口,味道落係炸漿到,膳肉滑身有膳皮膠質,惹味同時有2種口感,唔錯,停唔到口瑤柱蛋白炒飯上面滿滿炸瑤柱,脆口配上恰到好處的蛋白炒飯,幾有層次估唔到呢間中菜都幾高質可以再試

誤打誤撞搵到間有水準嘅中菜館，係地方唔太就腳，不過都有港鐡直達。唔好以為響戲曲中心裡面就係同戲曲有關，其實一啲關係都無，《滿樂》係一間環境幾舒適，食物水準幾高甚至有驚喜嘅中菜館，所以下次有gathering 都會建議嚟呢度。🥢椒鹽九肚魚⭐️⭐️⭐️⭐️呢度嘅椒鹽九肚魚係開邊炸嘅，口感香脆得嚟帶點軟熟，但無損九肚魚本身味道，非常好味。🥢芋蓉香酥鴨⭐️⭐️⭐️⭐️⭐️好少地方有得食，芋蓉夠香夠細滑，而鴨肉就薄薄一層响底部，食落完全唔會覺得係鴨肉，因為唔會有韌嘅口感，如果鍾意食芋角嘅人一定要試。🥢肉碎豆腐煲⭐️⭐️⭐️⭐️即係紅燒豆腐但瓦煲上，一煲都有好多豆腐，豆腐非常香滑，而肉碎惹味得嚟又唔咸，撈白飯一流。🥢濃湯杞子花膠浸時蔬⭐️⭐️⭐️⭐️⭐️呢個上湯浸時蔬，係我呢一生人食過最好味嘅時蔬，通菜鮮嫩爽脆，杞子超甜又大粒，而花膠就普普通通變咗配角，仲有上湯鮮甜到可以飲添。

睇完食評滿懷希望想試吓喺戲曲中心呢間中菜，知道價錢偏高但希望好食就好。點知啲小菜極度普通份量超小但價錢勁貴，性價比超級低，食到相都費事影，絕對不會再幫襯。1. 胡椒蝦得四隻，$198，無特別。2. 唔記得乜嘢芋頭餅，林patpat, 芋頭又唔夠香3. 椒鹽魷魚，一般大排檔好食9倍4. 燒腩仔例牌- 最正常5. 金銀蛋白菜仔 - 普通6. 冬瓜盅 - 一個冇盅嘅冬瓜盅，味道超淡料又唔係多買單$13xx多謝，求其一間酒樓好食過佢

從來都無去過戲曲中心，今日難得陪兩老去行下， 順便嚟試下呢一間中菜廳， 之前朋友食過話幾好食， 所以都有啲期待。餐廳環境好有氣氛， 座位都好闊落， 上等菜館嘅格局， 乾淨好整潔， 感覺舒服， 可以慢慢傾下偈。叫咗招牌嘅片皮鴨 半隻$380， 真係新鮮燒出嚟， 燒好咗之後 ，侍應會攞上枱畀你睇下， 熱辣辣 脹卜卜好飽滿， 睇見已經流曬口水 之後就會喺你面前， 一片一片咁樣砌出嚟， 見到啲肉汁都流緊出嚟， 皮香肉嫩， 係食過嘅片皮鴨數一數二嘅好味，呢個值得推介。胡椒蝦 $198 都好惹味， 辛辣味適中， 不過略嫌有啲少都幾貴。蟹肉蒸肉餅 ， 好特別既一個， 肉餅吸收曬蟹嘅香味， 送飯一流。總括野食好多都好特別， 適合一家人嘅聚會， 不過價錢就比較貴啲。

今日來到西九文化區東側的戲曲中心影相，拍攝完畢就去了滿樂中菜食晚飯，「滿樂中菜」意指「滿心快樂」，這裏佔地8,000呎，內設260個座位，樓底頗高，空間感十足，而用餐區內特別訂製的藤椅，適合與家人好友一起共渡溫馨時刻，品味細緻中式佳餚。一坐下，侍應就端上了一小碟前菜佐膳來到滿樂中菜當然要試他們的招牌蜜汁叉燒蜜汁叉燒 (小份) ($98) - 叉燒色澤鮮亮帶焦香，肥瘦適中， 外微脆，內多汁，肉質細緻鬆軟，味度甘香，配上蜜餞黃豆，入口煙韌，有豆香海皇三絲羹 ($188) - 大分足料，三絲羹有蝦、帶子和魚肚，魚湯濃郁，蝦肉爽口，不錯。鴛鴦胡椒焗中蝦 ($198) - 用瓦煲上菜，可保留溫度，混合青胡椒和白胡椒，椒香撲鼻，原隻大蝦，厚肉肉質紮實，辛香微辣襯托出蝦肉的鮮甜。招牌金瓜炒米粉 ($148) - 米粉配上南瓜，我也是第一次吃，没想到兩者這麼夾，招牌菜就是份量多，材料豐富，除了有南瓜，還有蝦，蝦乾，豬肉一起炒，炒得很有鑊氣最後來一個甜品，杞子桂花糕和楊枝甘露，為這頓飯作結。附上菜單

之前禁堂食後，諗住去支持下食烤鴨，佢話剛剛開返未黎貨，今次去食，訂咗6點半，諗住咁早應該唔會賣晒，點知佢話俾人訂晒，咁即刻話唔諗住做walk in啦，連signature都冇得食，其他食物，基本上都好普通，除咗環境同烤鴨外，其他基本唔值咁價錢，一心準備食烤鴨，冇烤鴨選擇，又唔諗住山珍海味，只好選基他食品，好艱難先選到幾道菜，說實話，味道不差，但也不是太好，只可說是一般，不過不失，也不值得專程到這裡用膳，以後可以不去。

有幾次喺戲曲中心睇粵劇都末試過喺一樓嘅，今晚心思思來試一試。 入面都幾寬敞，裝修同成個戲曲中心格調好和諧。 比較鍾意食香口嘢，揀左一個啱囗味嘅二人套餐； 前菜都好好味！拍青瓜，啲汁酸酸甜甜唔會好辣，青瓜爽脆！避風塘炒鱔球蒜粒好惹味有少少辣，鱔球厚肉脆口！造得好唔錯！椒鹽九肚魚軟滑魚肉有質感唔會水汪汪咁好香脆，餸酒一流！香橙骨肉質好鬆軟，啲汁唔會過甜，少少酸好清新！食完都唔覺膩！瑤柱豉油王炒面好香嘅豉油好入味！炒得好爽口！加埋炸到脆脆嘅瑶柱好香口！幾個小菜同炒麵都咁好味，依家店嘅廚師好出色！甜品一樣咁出色！下次來戲曲中心睇戲一定唔會再錯過！

今天掛了一號戒備信號，陣陣的暴雨下出門應朋友的邀請一起晚飯，幸好選點是在戲曲中心的"滿樂中菜"，由港鐵柯士甸道F出口步行至戲曲中心一樓也不用露天，風雨交加下也沒有影響行程。 第一次到這很有新鮮感，藝術氣氛濃濃的環境，建築物線條優美。 這家滿樂中菜廳內以蘭花工筆畫作裝飾非常優雅秀氣！半圓形的綠色梳化卡位很舒適！ 待應推介了幾款抵食精美套餐給我們，最後選定了一款……餐前小食~前菜~凉拌青瓜，酸甜微辣醬汁十分入味和爽脆未有半點草青味！夠醒胃！和味香橙骨開胃酸甜蜜味的醬汁夠惹味，骨肉鬆軟啖啖肉！椒塩九肚魚九肚魚軟淋淋的魚身，肉質比較難處理，是個功夫菜。這九肚魚肉質新鮮，炸得金黃鬆脆挺身！避風塘炒鱔球金蒜粒甘香惹味，鱔球肥美彈牙！金瑤豉油王炒麵麵身乾爽，醬油鮮味加上面層經炸致金黃酥脆的瑤柱夾着一起口感爽脆。桂花子糕糕的質地爽滑清甜！這家中菜味道美，環境清雅！性價比高！不錯！

今晚去咗西九文化區東側的戲曲中心內一間中菜館「滿樂中菜」食晚飯餐廳面積足足有8,000呎，裝修以中式園林為藍本，簡潔又清雅；而餐椅是「藤椅」，據說是特別訂製的我們叫了4款食物，包括：1️⃣ 蜜汁叉燒 (小份) $98🐖 蜜汁叉燒 肥瘦參半，肉質軟腍，焦邊有少少脆口，非常好味😋2️⃣ 鴛鴦胡椒焗中蝦 $198🦐 鴛鴦胡椒焗中蝦 ，蝦肉爽口彈牙，濃烈嘅胡椒香味滲入中蝦內，味道唔錯3️⃣ 招牌金瓜炒米粉 $148🎃 招牌金瓜炒米粉 份量充足，米粉配上香甜南瓜，又有彈牙蝦肉、椰菜絲、肉絲及蝦米等配料4️⃣ 海皇三絲羹 $188海皇三絲羹 味道都唔錯

预訂了今日12:00午餐，到達後女待應如常帶我入座，剛正想就座之制，那麼女待應就說，用餐時間只可以1.5小時，我即時反應話，我經OpenRice訂位，訂時並無這個限制說明，到入座才限制，極不合理，我經常幫襯，都未試過要限時用餐，那位待應只敷衍話，有時會講有時不會講，這樣做法，只管自己生意，绝無服務質素，極之憤怒，所以即時離去，轉去別處用餐。之前冇客日子，就無時限，今日可能多了些客人，在客人訂位時不知情下，到埸時才要求設定限時，極之無理，這是趕客之道，管理層應要正視及改善。

近日疫情漸退，朋友久休復出，相約到人跡罕見、充滿文化氣息的戲曲中心吃個午飯。滿樂中菜位於柯士甸站上蓋，地鐵E出口可直達。位置偏遠，成就寧靜的環境。環境 : ⭐酒家外面環境清靜、雅致，內裡卻是另一個世界。看相片，懷舊的設計，杯碟及茶壺都用上如翡翠色的搪瓷，加上舒服的梳化椅，令人充滿幻想，彷彿可讓人回到電影2046的拍攝場地。可惜，現實是，四周嘈吵如茶餐廳，座位迫夾，人手嚴重不足，令我剛入座已對這裡印象大打折扣。😵服務: ⭐這夥星是給一位高瘦的男侍應，他很幽默、有禮貌及主動。👍另有一位嬸嬸，她傳菜時，手套碰到我的杯邊，以至濺出一大杯水，她只說了一句”對不起”便想離開，我即刻要求她幫我換一隻新杯，她換完即走。最後，我們要自行找其他人來清理。😖食物: ⭐⭐⭐12:30到達，大部分特色點心經已售清，幸好其他點心都是好吃的。最好吃的是燒腩仔👍👍👍，肥瘦均勻。炒麵則淡而無味，材料不足。👎💥 總括 : 價錢合宜，若為食物而來尚可，我則不會再來，因這裡的環境及服務實在非常趕客。