滿泰小廚

營業中

休息中

去西貢一日遊，嚟咗佢哋嘅嘢食街，呢度好多唔同色店，主要都是充斥着泰式食店，喊到最後見到有呢間滿泰小廚店員在門外熱情招手做人入去進食，咁我就入去試吓啦，入去發現冷氣唔夠大，真係好熱好熱，只得風扇，仲要食泰式辣野真係頂唔順，所以求其叫啲嘢食下就算，一定唔會叫辣野泰式雞飯$53 ，價錢都OK，雞飯上面嘅雞亂晒籠，同佢牆上面嘅圖片爭好遠！嚇親！飯味道唔錯，雞肉唔滑，呢度嘅海南雞飯冇配豉油，只有辣汁⋯呢間舖頭咁熱，仲要人食辣野⋯⋯真係好似去咗泰國街頭⋯叫嘢食會送一個湯，不過係超熱嘅熱湯，可惜呢度實在太熱啦，仲要飲熱湯泰式乾撈粉，可以揀一個餸，我揀咗魚餅， $50 ，價錢可以。泰式撈麵第一次食，有啲似仲食撈麵，上面有個泰式冬陰功魚餅，都唔錯！不過有啲油！幾油下！整體來講價錢OK，份量OK，不過味道唔OK，同埋環境OK，太熱

同男朋友入開嚟西貢第一次兩個人嚟西貢拍拖，我哋咩都未食 lunch變咗下午茶時間了佢話入得嚟西貢一定要帶我去食呢間好出名嘅泰式海南雞飯餐廳我都抱住幾期待嘅心情由於已經過咗食晏時間，所以間餐廳包括埋我哋嘅話只得三台客我哋分別一人嗌咗一個鴨飯＆泰式海南雞飯果然無令人失望，依碟雞飯睇落平平無奇但係食落真係超好味啲雞肉好嫩滑好新鮮，肥瘦均勻 有幾嚿仲連埋啲雞皮添，我係一個從來唔會食雞皮嘅人，但今次真係好味到連啲雞皮都照食埋啲飯望落去好油膩咁，但係食落又唔會有油膩嘅感覺，而且啲飯本身已經有d鹹味重點係啲飯粒粒均勻， 撈埋啲雞肉一齊食真係一流呀！再點埋個泰式辣醬刺激味蕾 變得頓時開胃晒，雖然個辣醬對我嚟講就真係有啲辣，因為我唔食得辣嘅但唔知點解愈食愈上癮咁最後成碟飯清曬咁濟，個醬真係好難忘酸酸甜甜又有點辣，幾過癮吓隨飯仲奉送埋一碗湯係好好飲嘅冬瓜湯嚟， 暖笠笠好清甜唔會話太鹹，又絕對唔係味精湯 又有大大塊冬瓜慢慢嘆真係飲過返尋味，爽呀！

假日經過西貢呢條小巷，真係好多人。間間餐廳都坐滿人。今日下午茶時間經過呢間泰國餐廳，見到有兩個人都食緊碗雞粉，好吸引就入左去。我和友人分別嗌咗個泰式雞粉和泰式豬頸肉粉。碗粉其實唔大，都幾細碗，肉都唔多。雞肉幾好食，肉質夠鮮嫩，豬頸肉可以。湯粉的湯底好清甜，係泰式湯底味道，算正宗。枱面有幾款辣椒，我覺得加少少辣汁同辣粉更好食。不過覺得價錢有點貴，而且下午茶時段期待會有杯野飲跟但係竟然無。所以雖然食物質素ok，但性價比唔高。

西貢泰國菜玩完一日水上活動，落船就在西貢附近搵好嘢食，原本想去的泰國餐廳沒有開門就轉去旁邊另一間泰國菜。整體味道還好，環境裝修和普遍泰國餐廳差不多，屬於小店風味。因為個人太攰，能夠飽足已經好開心🥳。.生蝦 😋😋😋😋最鍾意，除了蝦之外，本人最喜歡個醬汁，少少酸多多辣！.菠蘿雞翼無食到不清楚，友人強烈推薦。.蝦膏炒蜆 😋😋😋蜆肉新鮮，但汁過甜，沒有辣味。.椰青焗飯 😋😋😋😋個飯有陣椰青的自然甜味，不錯！.蠔蛋 😋😋😋😋蠔都幾大隻，哩款好難整得唔好食。.生菜包 😋😋😋豬肉有點軟，味道麻麻。.飛天炒通菜 😋😋😋😋好食！.青咖喱雞加薄餅 😋😋😋個汁較稀，味道正常。.金邊粉 😋😋😋不太夠鑊氣，還要漏單...

兩個人游車河去到西貢，見尋日先食完海鮮，所以今日揀左間泰國野食。二人嗌咗3個餸食，⭕️豬肉生菜包⭕️不過不失，肥算多，食落滑d冇甘乾身，不過就有d肥膩...⭕️青咖喱配蒜蓉包⭕️都係正正常常甘，冇咩大驚喜，但都好味嘅，有少少稀，如果可以再濃d就更加好啦！❌炒蜆❌本身滿心期待呢道餸，因為都中意食海鮮類，包括蜆。但一黎到食第一粒已經覺得好淡，冇乜味。再食第二粒，依然係冇乜味，d蜆肉仲要梅梅地，諗住可能係自己上去唔好彩，再食多粒啦，點知都係一樣。於是呢道餸，我食左三粒就冇再食過了。連朋友都話真心難食...

今晚與外藉朋友係西貢揾泰菜食，隨便走入呢間餐廳，點知食物質素令人失望！首先，馬介休炒通菜，味道不錯，其實都幾難整得難食。之後，泰式柚子沙律$75，材料係柚子加洋蔥，啲柚子唔新鮮，加啲醬汁溝埋就以為Ok⋯⋯唔得囉！最後，泰式宮廷蝦，呢味菜令人極之失望！落單前問阿姐係咩嚟，阿姐話係用泰式醬汁整嘅大頭蝦，$188⋯⋯點知係得四隻炸過嘅開邊蝦，啲蝦唔新鮮，然後將溶咗嘅芝士淋上面，再加幾粒雜菜（紅蘿蔔粒及青豆），真係得幾粒！最衰無影相😤！我問阿叔芝士係泰式煮法？似西式多啲喎！阿叔尷尬咁答「係！」間餐廳都咁去對待我哋香港人，好過份！我哋以後都唔會再去食！

東陰功 平平凡凡 唔太辣又唔太酸第一次食係用蝦仔柚子沙律汁唔好食 柚唔係用泰國柚子麻麻哋青咖哩蝦幾香椰味不過不失但又係蝦仔蠔仔蛋嚴重唔掂濕濕爛爛咁口感好差而且勁咸泰式金邊炒味道酸甜屬於濕 冇鑊氣但可以接受辣椒肉碎炒飯都ok冇特別好唔好食 其實話唔好食又唔去到話難食但係又講唔上係好食囉！而且所有嘢冇乜鑊氣，份量有啲小全部埋單$527

已經係第二次尼幫襯，喺小巷餐廳之中算係坐得比較舒服，唔係坐到同隔離枱痴住咁無骨鳳爪沙律酸酸地好開胃，雖然見到啲辣椒但又唔係好辣，中意食辣嘅人應該會覺得完全唔頂癮 😂沙嗲串燒（半打）有雞豬牛揀，三款我都試左，同朋友一致認同雞係最好食！其實三款都唔錯，燒得啱啱好仲有肉汁，個沙嗲汁冇花生粒但都幾香。全晚最滿意！飛天通菜好普通，好多水，面嗰層菜冇乜味，要點下碟底啲汁就好啲。不過菜係新鮮嘅，都唔會炒過熟見到好多枱都有叫嘅泰式雞飯，非常一般。。。雞肉滑但同油飯都係冇乜味，個雞醬辣辣地幾醒胃。$52 個飯會送碗例湯，其實係抵食嘅

西貢市條巷仔咁多泰式食肆，千揀萬揀...揀著個爛燈盞 ！當日去到點咗兩碟 ：香草辣椒肉碎炒河同埋 蝦膏炒雜菜。 首先 佢上錯菜。攞咗碟唔知乜嘢牛肉炒河上嚟 。我老婆唔知, 食咗少少, 我發覺唔對路，叫佢埋黎睇睇，佢即刻攞走 ！好了，之後真係攞咗碟 肉碎炒河上嚟 …但河粉完全冇味， 一味得個辣字！ 所謂肉碎，其實係切碎一條條嘅牛肉！ 之後上埋蝦膏炒雜菜 ，仲‘衰，我完全食唔到蝦膏味囉！ 同普通雜菜加泰式醬炒冇乜分別。 兩碟嘢加埋一百四十元(假日每碟加一元) 貴都唔緊要，但最慘唔好食！ 呢類咁既食肆 只能夠開在遊客區 。因為佢預咗人哋只係幫襯一次！咁嘅質素 係絶對唔會有人返轉頭再食！

是日一行二人黎搵午餐食，知道西貢都幾出名呢類東南亞餐廳，店員又招呼我地入去，所以入去試下。睇左陣餐牌，最終點左兩客雙拼既泰式雞飯，我食泰式雞肉牛展飯，朋友就係泰式雞肉魚餅飯。一落完單未上飯前，店員先會先俾左例湯我地，雖然唔知咩湯，但飲落幾好味，而且都唔太係味精湯既味。有同朋友交換到啲餸黎食，先講朋友果魚餅，冇咩特別，都係煎香左既泰式魚餅既味道。到我自己果泰式雞肉牛展飯。先講果飯，係海南雞果隻油飯但少左香茅味，因為我唔中意香茅味，所以覺得呢款油飯超好食，唔會太油，撈到果味岩岩好，夠香。啲牛展炆到好入味，即使冇上面果汁都夠哂味。雞件好滑，而且好中意佢果泰式酸辣醬，好惹味，我點哂成兜甘滯。整體黎講，食物唔錯，招呼都幾熱情。間唔中食下呢啲碟頭飯都幾好。

每次嚟西貢食嚟食去都係鐘意嗰幾間，滿泰小廚係其中一間覺得有水準嘅餐廳，次次都會叫泰式雞飯同鐵板蠔仔蛋。泰式雞飯永遠冇失望，雞肉差唔多去晒骨，夠滑又有雞味，飯都好香，應該係加咗雞油。蠔仔蛋啲蠔份量多又剛剛好熟，雞蛋亦好香滑。跟飯同蛋一齊上嘅泰式醬汁唔洗點已經好好味。今晚第一次叫粉，鹹豬肉雞粉，鹹豬肉夠晒香口，雞肉同雞飯嘅一樣出色，鐘意個粉嘅口感，好味佢哋嘅蝦片我都覺得好好食，嚟親都會買返包返屋企做零食

多年來味道冇變過，現今社會真係買少見少，入得滿泰十個有七個都係食雞飯，跟飯既冬瓜湯都係一樣咁好飲，個飯有好香既雞油味，跟一碟仔泰式辣醬，真係無得頂！另叫左碗雞濛，湯內有芫荽、冬菜同埋芹菜，又香又好味，連啖湯都飲埋，同埋每次都會叫椰青，夠哂冰凍！

去完三星灣 體力所剩無己。。兩條友用最後既意走拖住個身去覓食 補充carb 同 proteins兩個二話不說都嗌海南雞飯 同 咸豬肉海南雞食 再搭碟炒通菜 都係$15x 🖤海南雞飯個油飯好好食呀，唔似得上次咁🖤海南雞豬飯嘩 男朋友碟野都正到爆脆卜卜豬肉 雞又多醬汁每冷都vd多

今晚去完大清游水，諗住落西贡食餐好野，點知中了大伏，去左呢間扮泰菜嘅港式餐館。見到門口D相都好似 ok就入去。我叫了2碗泰式牛丸河。碗粉一D泰式香料味都無，只有如滚水加葱和冬菜粒的湯底，同本地街市牛丸河無分別，唔好食。你唔識煮泰式，就唔好叫自己泰式啦! 最離普我碗有4粒牛丸，我個女那碗只得2粒，我問個呀姐，佢話每碗有3粒( 咁多 )個女果粒係我碗到，咁如果果粒係隔離枱某人果碗到。我係咪叫呀女去人地到筆番果粒牛丸之後一句唔好意思都無另外，再叫了泰式雞反和泰式海鮮沙律，都是十分差，完全無良心之作，俾多多錢寫善稿都無用，無下次

黎西貢你太肚餓焗住食野都仲有好多選擇，何苦辛苦自己。我自己由細細個開始幫襯呢間食海南雞飯，因為個瓣汁真係好好好好食，第2度到依家都食唔到，啲雞肉仲係用手撕，幾特別。但近呢幾年開始，啲雞肉係越黎越小，其實幫襯甘耐，都唔係話要你街坊街里啲野食要大碟啲。只需要你一視同仁就可以。但你真係一視同仁，一視同仁甘小雞肉，講真你加價因為通漲係合情合理。無人質疑你加價，但你離譜到一個飯得十條雞肉仔，就真係接受唔到囉～食海雞飯真係只係食飯咩～做生意可以俾小小良心嗎？係有好多人會趁假日黎西貢開心下食下野，生意無懮，但有必要做到甘嗎？依家已經賣緊50蚊碟飯。好希望老闆你見到呢一側留言，唔好只睇到食客既讚美，好好改善一下自己出品。