滿滿食堂

營業中

休息中

中環食飯俾人嘅感覺就係「貴」，而且食晏時間人多，所以餐廳枱凳逼狹，但今日嚟到中環嘅滿滿食堂食lunch，除咗坐得舒服，仲要係平民價錢，食物質素高，性價比超班，啱晒上班一族嘅你啦！滿滿食堂提供相對平價嘅安格斯到貴價嘅和牛、鮑魚同帶子都有，豐儉由人，甚至連食素嘅朋友都照顧埋，有全素植脂嘅牛扒揀，簡直係照顧周到。滿滿食堂嘅牛扒同魚嘅份量亦可以自由選擇份量，由最少100g到最多嘅240g，而湯同沙律都係自助式，可以無限添加，無論係雀仔胃定大胃王都啱啦！唔知大家食石板燒，有無試過食到尾嘅時候，塊板已經唔夠熱呢？抵讚嘅係滿滿食堂非常細心，如果食到中段發覺塊石板唔夠熱，可以麻煩店員將石板更換，咁就可以確保所有嘢食熱辣辣啦！石燒雞扒加滿滿紫菜飯厚切嘅雞扒好吸引呀！因為厚身，所以店員會事先將雞扒略為煎熟，先鎖住肉汁，之後再透過石板燒至全熟，唔洗擔心會唔熟或者要燒好耐嘅問題。食嘅時候，雞扒嫩滑多汁，juicy之餘雞皮仲燒到脆卜卜，充滿口感。黑蒜油卜卜蜆黑蒜味好香呀，勁似某一款公仔麵嘅黑蒜油味，令人回味無窮。鍾意食辣嘅朋友仲可以揀泡菜或者冬陰功味添！至於蜆肉大隻清甜，蜆身飽滿，完全無沙，唔會有好多空殼，非常

自己一個嚟平日夜晚都唔使等位可能因為餐廳位置比較隱蔽 真係要附近嘅人先知道 我就係純粹喺地圖望吓附近有咩食就搵到呢間餐廳好彩呢一間係一間良心餐廳 除咗有良心之餘佢哋仲會照顧埋基層老人家做義工今次嚟我自己一個就俾咗張二人枱我 佢哋係一個人叫咗主菜之後就可以隨便用佢哋嘅自助吧我本身想叫三文魚但係佢哋冇晒或者其他海鮮其實都無 可能因為需求唔大？ 見到其他客人都係嗌肉類嘅比較多佢哋嘅自助包沙律同麵豉湯其實好高質連半熟蛋都係自助配料醬汁全部自己選擇環境乾淨一個價錢主菜連自助吧晚市來講真係冇得輸

📍滿滿食堂中環抵食鐵板牛之選💛朋友介紹中環呢間食鐵板牛午餐有唔同嘅丼飯都係$48-62鐵板牛最平$86包飯/飲品/甜品🤍鐵板西冷 $88🤍鐵板牛柳雞扒 $86今次就揀左兩款唔同嘅扒餐試下先一上枱西冷竟然有兩大件自己可以控制生熟程度另外雞扒有驚喜 好juicy好滑白飯仲要係珍珠米係中環lunch呢講呢個價錢呢個質素唔算貴唔怪得lunch hour成日排隊滿滿食堂 (中環)中環皇后大道中58-60號振邦大廈地庫

今次試咗呢間喺中環價錢比較親民嘅石板燒肉黃店💛 同好多石板燒肉店一樣，呢度都有任食自助區，分別有醬汁、白飯、牛肉湯、沙律，另外店家最貼心會提供一次性圍裙，咁就唔怕啲油會彈到自己啦😛，同埋塊石燒板唔夠熱可以搵店員換～最特別係呢度有好多食物選擇，唔同嘅肉類、海鮮都有得燒，仲有啲唔使自己燒嘅小食可以揀～呢度仲有勁多A+B嘅套餐，夾埋平過單點少少🤏 總括嚟講，我哋覺得呢間係抵食，但唔係話好食到非去不可咁，有興趣可以一▪️日本A5牛肩扒+ 石燒刺身級帶子 $150▪️A5牛肩扒有薄薄兩塊，睇落紋理唔算好靚😳，但食落都有牛味，油脂分布都算可以，呢個價錢有呢個質素都收貨了～帶子就大大粒，我哋加咗少少蒜茸粒一齊燒好正😍！記得唔好燒太耐，燒到表面少少金黃就好收手😛▪️頂級牛肩扒+美國穀飼豬梅肉扒 $94▪️食肉獸緊係揀牛扒拼豬扒🥩 呢塊牛肩扒當然會比A5差🤣，食落一塊普通平價牛，唔算特別。大大塊厚切豬扒食落就幾爽口，肉質唔嚡肥瘦適中🤤，比想像中好食！▪️鐵板黃金芝士焗蠔 $36▪️$36有4隻焗蠔，仲要啲蠔比想像中大隻肥美😱🤤，面嗰層芝士焗到好金黃好靚😍，夾埋蠔嘅鮮味真係超邪惡！

心血來潮想係中環食燒肉 search一下發現呢間性價比好高既良心餐廳 百幾二百蚊就食到一餐美味既日式燒肉 自己用熱石板燒 鍾意食幾成熟自己話事😋 石板既存熱能力高 我地燒曬全部肉都仲係幾熱 同埋店員會問夠唔夠熱 可以換過一塊新既 就算慢慢燒既朋友仔都唔怕塊板凍曬喇餐牌上有唔同位置既牛肉俾你揀 價錢高低自己有得揀 我地揀左一份150g既A5牛三角肩肉同埋一份同樣係150g既A5西冷 前者油花多啲香滑啲 後者肉味濃啲 我地鍾意前者多啲🥰 仲有包埋任食沙律 🥗麵豉湯🍲流心蛋🥚 燒肉汁同配料都唔少選擇㗎 可以要白飯 紫菜飯或者咖哩飯強烈推介滿滿紫菜飯 成檯都係嘢食 食完超級飽同滿足☺️ 我地分別叫左支Asahi啤酒🍻同埋一杯手搖熱薑檸蜜另外 餐廳除左定期會做義工探訪老人家之外 仲捐錢幫助烏克蘭🇺🇦既難民 有愛❤️ 支持支持

我諗中環返工既 一定有去這呢間滿滿食堂，佢本身做開石頭燒既，即係可上面有塊排，然後就自己從生到熟，本熟佢o個種，石頭燒就中午到夜晚都有得食，中午食性價比喜高 60蚊就可以俾你 好有儀式感地將塊牛扒慢慢整熟再配 一碗珍珠飯，完美。其他呢間野個門口好 隱蔽，一條細細既樓梯行樓去 ，好彩門口有個，洗腦式音樂引導你入去啫，即係好似Donki咁o個種，今日呢我就點左個38蚊 餃子春捲 拉麵，你無睇錯 係38蚊，然後我再加左8蚊 加多左個沙律吧，沙律吧呢下我真係要講，呢8蚊係一定要加，因為佢沙律吧真係好正，有無限 泡菜 流心蛋 海帶 青爪 蜆肉 生菜沙律 供應，去到記得要加呀，呢度都真係我既食堂來

公司係附近，平日lunch都好多人，所以通常揀平日收工或者星期六lunch 先去食。中環黎講，食日式石燒真係抵到爛。食過唔同配搭既套餐，頂級牛肩扒必點，有100克或200克揀，肉質都幾好。上次黎就食左個200克，食唔哂好彩有同行朋友幫口🤣今晚終於就試左和牛西冷，放上熱石度燒，啲牛油慢慢咁滲出來，香氣四溢。西冷油脂分佈平均，肉質軟滑👍🏻 之後再追加左一口牛粒同滿滿牛扒，咁同和牛比當然就有啲失色（所以無特登影相🤣)不過相對無咁油膩。呢度所有餐都包自助沙律巴，湯，同飯。平時多數叫紫菜飯，今次試一試個咖喱飯🍛，唔係好甜既日式咖喱，上面重有啲漬物，加上一隻半熟温泉蛋(都係自助任攞🤩)，呢餐點會唔飽🤣

本來想食另一間餐廳可惜那餐廳已結業抱著失望的心情看到滿滿食堂的廣告板😂就走了進去一進門被主題曲cheer up 😎即時開心返見到餐牌仲開心超值推介 真超值！$56/ 100g 肉+白飯+自助沙律（包括溫泉蛋）+湯任飲🫣 想再平啲 佢仲有一個餐 $38@ 一樣有飯有湯 近年 第一次真的覺得有餐廳定價太低了因為太平 所以會叫 200g 肉😂真比 個人認為女仔100g都夠食小食都平得過份$10/薯條🍟另外都試左佢個鐵板餐$78@ 平過大家樂根本唔駛汁，五花腩同牛脷已經好好味🥹因為太平 所以加左$5 要紫菜飯/咖哩飯呢兩飯 好味到唔駛要餸都食得哂😅想再強調 諗唔明溫泉蛋點解可以唔駛加錢任拎😅味道無得頂如果要彈 美中不足係冇得添飯囉🥲湯 唔太咸 是家的味道 二人食到滿滿的飽 感受到幸福感受到可以選擇價錢的自由大食就自己加上去細食$38+10%就落到樓是自由的氣息想說一聲：多謝款待🙏🏻

🎵滿滿滿滿食堂…🎶未到門口已經聽到「滿滿食堂」首主題曲🤣 好歡樂，但等外賣一路聽住真係超洗腦，會忍唔住哼埋一份🙈佢哋雖然係主打石燒牛肉，但其實午餐menu幾抵食，因為中環都無幾多間食到$48-$62包埋熱飲嘅午餐！而且餐牌上嘅選擇真係好多，下次諗唔到食咩又可以再嚟食下其他款😋•🥢 醬油豬軟骨併帆立貝雜錦丼 $58呢個都係午餐set之一，飯份量唔多，但都係正常便當size，女仔都夠食幾飽嘅😌 豬軟骨幾大塊，肉嘅部份咬落好腍，唔會好乾/嚡，而且好入味🤤不過啲軟骨位就仲有啲啲咬口，唔係炆到變啫喱狀嗰種～仲有3隻帆立貝，但味道比較淡🤧 比較普通～ 另外有啲配菜，款式有別於一般丼飯，有海帶、紫菜，蛋絲、蟹籽、生薑，但因為唔係魚生飯，好似有啲唔夾🤔•🥢 黑松茸鮮菌滑蛋包飯 配頂級燒豚肉五花腩 $68呢款就係大餐牌上面嘅全日款式～ 一打開就聞到好香黑松露味，菇味濃郁又唔會蓋過蛋味🤤滑蛋都幾滑，而且好厚身！ 呢款飯仲可以揀一款醬汁，朋友就揀咗燒汁，原來係直接淋喺白飯上面，但份量唔多，味道都幾淡～燒五花腩都算肥瘦均勻，口感有啲似炭燒豬頸肉咁有啲咬口，而且有炭烤味，好香口😋 但有啲啲油膩～•🥢 愛玉蜂蜜綠

🍤 T305 天婦羅炸蝦雜錦丼 $38💯 評分：🌕🌕🌕🌕🌗 (4.5/5)💬 天婦羅炸蝦有兩大隻，炸得既酥脆又香口。碗入面仲有好多酸薑，酸酸甜甜咁幾開胃，而且啲飯嘅份量亦都十分足料，性格比非常高。😋🐮 T101 安格斯窄身西冷 $60💯 評分：🌕🌕🌕🌕🌗 (4.5/5)💬 話就話係窄身，其實佢嘅厚度絕對不容小覷，仲厚身過你隻手指公！雖然筋就多咗少少，不過勝在牛味都幾濃郁同埋夠晒多汁。至於跟餐嘅3塊煙鴨胸嘅質素亦唔錯，放上石板度燒一燒佢更加好味！🤤💙 FB：滿滿食堂

去中環做野諗住幫襯良心小店，價錢係好平， 加左服務費之後都係平。但態度同服務真係好惡劣，係想快d食完走人果隻。首先去到只有一人等外賣，堂食係一個人都無的。帶位時帶眼鏡既男服務員係張menu掟落枱，我叫左餃子拉麵，食物質素無野想講，幾十蚊無諗過要好食。（但餃子係凍 無溫度既，要浸落湯先食到，同埋無餃子汁，但態度太惡劣我都費時問 算了）🙂只係上哂菜見枱面無筷子，問佢「唔該 想要一對筷子」。四眼哥哥講低4個字「筷子後面！」就頭也不回走左🌚 咁後面其實都無寫自助，又收左加一🌚OK啦我自己拎。之後問個女士應該係經理咁，「麻煩可唔可以要杯水」。 都係覆你「水係果到自己拎」。唔緊要我唔飲OKAY。其實係疫情已經更加難做生意，但成間鋪都無客本身又收加一，係咪可以態度好少少？！等黎過既人會再番黎呀總括黎講除咗價錢同係良心店list入面呢到係無其他優點，我第一次黎，但一定唔會再幫襯 個麵都無食哂 淨係想快d走😮‍💨

要喺中環搵到個平過$100 又好味嘅午餐 真係唔容易 經過見到呢間滿滿食堂有午餐之選大優惠 就吸引咗我試一試啦🤤餐廳喺地庫 所以要行條樓梯先入到去 大約十二點左右去到 唔駛等位就坐低咗 見到隔離嘅石燒肉嗞嗞咁吸引 就同友人一人一個石燒肉餐啦🥰鹽漬三文魚扒+超嫩石燒雞扒食呢個一定要好小心 因為雞扒上檯嘅時候已經喺石上面 所以彈油嘅情況都幾嚴重 雖然餐廳有提供圍裙 但係手臂位置都係會彈到 有幾吓都彈到隻手好痛🥺 不過雞扒肉質都真係幾嫩滑 三文魚扒都幾夠味 送飯就啱啱好😼安格斯窄身西冷西冷都幾大塊 要自己放上石燒 不過塊板唔係幾夠位 唔能夠一次過煎晒兩塊😮 所以都有啲擔心塊石會唔夠熱煎埋另一塊 我會建議先煎比較厚嘅嗰一塊先 食落嘅肉汁都幾多 彈油嘅情況需要冇雞扒咁嚴重 但仍然如常會出現 另外大家可以去出面嘅自助吧 攞你鍾意嘅醬汁 滿滿燒肉汁配西冷就比較夾啦😝飲品 甜品咖啡奶茶冇得揀熱既 所以嗌左熱檸水同凍咖啡 凍咖啡同黑糖布甸都好甜 唔係幾好味🥲我建議餐廳應該要圍返張紙喺熱石燒嘅四邊 因為彈油嘅情況都真係好嚴重 但係食物味道係唔錯嘅🙈

之前都試過佢早餐嘅炒滑蛋，整得幾好味，夠滑仲要有黑松茸鮮菌，簡直係今次就試下午餐，透過外賣平台叫佢送埋過黎 (難得唔使再做外賣仔)午餐有多款選擇，我就揀左黑松茸鮮菌滑蛋飯，揀芝士汁，套餐嘅配料就揀左唯一一樣唔熱氣嘅食物，五花腩，另外包一杯熱飲開蓋，賣相係好靚囉，仲要個配菜有三塊五花腩，好大塊，五花腩塗上日式燒汁，好好味，咬落亦唔會太韌。滑蛋亦都好味，什菌亦都大舊，切得幾厚身，黑松露味好濃，但就搶左芝士汁嘅味道，變相冇左芝士味但整體都係唔錯嘅外賣嘅碗都唔係普通發泡膠，係好靚嘅日式設計，幾特別。同事叫左呢個天婦羅炸蝦燒雞扒飯揀左是日餐湯，賣相亦唔錯，炸蝦有兩條，都算大條好可惜，天婦羅做得唔好當中蝦係中間好細嘅部份，炸皮就較厚，敗筆同事亦唔太推薦整體黎講，60幾蚊一個午餐都唔錯啦，話晒喺中環區wo

係中環行完街，搵唔到野食，咁岩見到佢路邊有大大個牌做下午茶優惠，所以去左試下。叫左一個下午茶熱石燒鹽漬三文魚另外叫左個午餐 天婦羅蝦雜錦飯三文魚係熱石上，自己放上去煎，舊三文魚勁肥，彈到周圍都係油，好難搞，不過都幾好食，唔錯，但就無乜醬汁點。炸蝦飯飯炸蝦都叫做新鮮炸起幾脆，都唔錯，但所謂雜錦就好流，得一堆配菜墊底，無一樣野係主角，即係我兩條仔炸蝦⋯⋯⋯由於太趕時間求其影下就算，整體味道不過不失，都ok ke，下午茶黎中環平平地咁食一餐都可以，唔錯。職員服務有待改善，佢唔係唔理你，佢回應同速度都好快速，但就係黑口黑面好惡咁，如果比個微笑，作為客人會無咁難受，雖然我知佢好攰，但我唔知係咪阻佢收工咁。

之前我相約幾位好朋友在中環聚舊，有朋友提議在（滿滿食堂）石燒晚膳！當晚合共四人，石燒➕自日助沙律bar,埋單每人＄100元，認真超值！這次比之前不到一星期，我與太太在中環大館參與市集巡禮，市集完結已經傍晚，於是我們再到（滿滿食堂）吃晚飯！點餐如下：1. 石燒牛柳扒.2. 石燒牛肩扒，3. 榛子仙草咖啡，4. 仙草奶茶，套餐包埋自助沙律bar. 無限添加白飯➕例湯，當日例湯：椰子蘿蔔牛肉湯，非常椰香清甜！石板超熱，牛柳扒及牛肩扒超霖，沙律bar温泉蛋加點醬油好味！ 埋單每人＄100元，太太大讚超值之選！