滿記咖啡奶茶

營業中

休息中

我係幫趁隔離粥舖，有個阿叔可能嫌我坐張枱阻住佢啩，佢係我身邊行嚟行去時，有一次踢到我張櫈，我成個人郁一郁都未話佢，但佢就鬧我話我唔坐埋d，我都忍唔住話我都未話你，你反而喺度話我？當然佢係就咁行開唔理我啦，因爲根本就佢自己燥狂，之後就另一個阿姐過嚟做和事老。都痴線架，熟食市場係咁迫架啦，咁多間一定要幫趁你架，唔係幫趁佢就無啦啦借勢鬧人本來趁天氣唔熱諗住多d上嚟食，但呢間永遠唔會食😡😡😡😡😡

同同事一行6人，誤打誤撞去咗呢度食晏，因為電梯上去最近路口，唔係食粥，就係呢間阿姐好快張大枱2位食客調走，空張6人枱比我地價錢算平，平均炒粉炒麵都唔駛$50，凍飲都係加$1但可能廚房較細，出餐好慢，每碟差不多隔10分鐘先出到另外調味幾重手，幾個同事都覺得好咸，我碟星米直頭食到鹽粒同埋兩個同事叫炒河，一個食完，另一個又未到，追單第一個阿姐話起緊鑊，跟住另一個阿姐過嚟話頭先冇曬河粉，咁頭先果個用咩起鑊呢？不過$50都唔洗，一分錢一分貨啦！

唔通真係豬扒先食豬扒麵? 但呢度個個都食豬扒麵喎?!🤣🤣初頭行入嚟，感覺污糟邋遢， 個職員仲要我坐廁所門口， 簡直嬲嬲豬到一個點。 後來先發現個廁所冇人去，個心都安樂一啲。 我食咗半個鐘，得一個人入去， 仲要只係入去洗手，1分鐘 都唔洗就出咗嚟。我見個個都食豬扒麵，自己都叫返個啦! 雖然個樣麻麻地，但係個豬扒又真係幾好食喎!最後奉勸大家一句冬天食冇問題，但夏天食最好著泳衣嚟因為真係好熱， 未食都一身臭汗味，呢度完全沒有冷氣。😜😜😜最後當然要講下啲職員有冇禮貌啦! 但其實個職員前後都唔講唔夠三句嘢，冇咩好評價。

一心諗住去牛頭角街市嘅北記飲番杯完美港式奶茶，點知可能因為新年假期，仲未開，於是去隔離另一檔滿記，我估唔會相差太遠啫，如果……枱面求其咁抹，仲有污漬，我都諗住既然係街市茶記，唔好要求過高啦，問題係個伙計張义同匙直接放喺枱上，又冇用紙巾墊住，我真係唔想用唻食嘢囉。可能因為北記冇開，多人喺呢間食，結果廚房亂哂，遲唻反而食先，激死。豬扒冇北記咁好食，都算合格，湯底就普通，但北記湯底係好似出前一丁。牛扒用過量鬆肉粉處理過，冇牛肉味，仲醃到好鹹，食多一次都有腎病。奶茶合格，唔特別。結論：去牛頭角街市一定係去北記，否則去連鎖快餐店都唔會幫襯滿記。

響附近返工，來吃午餐，上海粗炒原全是30年前吃的品質及味道，（因為而家茶餐廳用曬鸟冬炒，根本唔係同一回事）粗麵有𡁻頭，豉油汁夠香夠入味，咸甜適中，蕃茄豬扒飯也不錯，夏天愛吃酸辣湯云吞加2條越式春春，鮮蝦大大隻，西多煎得香脆，南乳雞翼夠香（菜牌冇，見街坊食，先知有好嘢）而家轉咗工，唯有星期六收工後尊程去幫襯了！

十月十二日 (星期六)剛搬到附近，還是頭一回來到這熟食中心說真的，這裡環境不是太理想找一家最多街坊幫襯的食店試試，找到了滿記這裡的午市套餐十分抵吃廿多元便有交易，還有飲品附送，不可要求再多喇雞扒炒蛋通粉，最好吃的，是通粉真的煮得剛好，彈牙入味雞扒也不錯，是薄了一點而影響了口感，肉味還是挺香濃的炒蛋，有點過熟，還是可以接受的另一碗，是沙爹牛肉煎蛋米粉牛肉入口煙韌，配以沙爹醬挺惹味的米粉再稔一點便更好了常說，茶底好，無論檸檬茶或是奶茶也會好喝這裡做到了，一熱一凍，同樣不錯難怪，正當其他食肆只有幾位食客，這裡總是滿座的!

十一月上旬‧陰天牛頭角街市其實有不少不錯的小排檔，可惜Openrice已拒絕本人加新食店多時，又是那一句，唯有這裡有咩都寫咩。有滿記就寫滿記，其他的就留在別的地方再寫。下午來，吃的是下午茶。餐蛋沙爹牛米線再加杯熱咖啡都只是二十元，在今時今日來說是便宜價的了。餐肉煎過，兩面微脆，當然不錯。蛋煎得流心，而沙爹牛肉沒有什麼味道也太滑身了一點。米線爽且微韌，淥得好。熱咖啡香濃，有水準。吃得飽飽，真抵！