滿記咖啡奶茶

營業中

休息中

一心諗住去牛頭角街市嘅北記飲番杯完美港式奶茶，點知可能因為新年假期，仲未開，於是去隔離另一檔滿記，我估唔會相差太遠啫，如果……枱面求其咁抹，仲有污漬，我都諗住既然係街市茶記，唔好要求過高啦，問題係個伙計張义同匙直接放喺枱上，又冇用紙巾墊住，我真係唔想用唻食嘢囉。可能因為北記冇開，多人喺呢間食，結果廚房亂哂，遲唻反而食先，激死。豬扒冇北記咁好食，都算合格，湯底就普通，但北記湯底係好似出前一丁。牛扒用過量鬆肉粉處理過，冇牛肉味，仲醃到好鹹，食多一次都有腎病。奶茶合格，唔特別。結論：去牛頭角街市一定係去北記，否則去連鎖快餐店都唔會幫襯滿記。