漁之部屋 (已結業)

生日喇！慶生活動離不開食、食、食，第一回大佬請食飯選址「漁之部屋」，唔好意思因爲太開心太多美食實在無閒拍照！記憶食了很多東西都不錯，黑椒牛舌 - 超大超厚故口感十足。燒菠蘿 - 香甜多汁。清酒大蜆必食 - 採用大蜆肉質肥美鮮甜惟獨不夠清酒味。回本重量級雪糕，一人一支 Haagen-Dazs/Movendick， 我就選擇了後者鍾情雲尼拿味毫不吝嗇的刺身，厚切大件鮮甜肥美，Order 源源不絕沒有減料沒飛單，抵讚呢件雙魚戀真係情比金堅，充滿油脂三文魚粒被吞拿魚包圍著，配上菠蘿同食口感過癮！原隻龍蝦及黑松露鮑魚凍食，是按人頭分配，爽甜味美。日式甜點水晶玄子，要伴糖漿同食，質感爽彈。

講真，平時好少食放題，驚食飽後個肚又會大了一個碼。不過今日老婆突然話想食放題，見好耐無食，就就下佢啦。之前嚟過漁之部屋，抵食夾大件，又好多選擇同好味。早啲食平啲，又健康啲，所以我哋食5:30pm，兩個鐘。嘩，6:00pm就全場爆滿，真係好多人。一開始梗係食魚生先啦，款式又多又新鮮。我就覺得最好食係赤海蝦同三文魚。赤海蝦又爽又彈牙，仲好鮮甜。三文魚，就勁肥美，又厚身，啖啖肉，口感豐富。日式蟹籽沙律真係好好味，青瓜絲好爽口，沙律醬同蟹籽嘅份量都啱啱好，好正。老婆最鍾意食日本粒粒蕃薯，佢真係叫咗好多，粒粒都好甜。焗蟹殼係另一推介，熱辣辣，又好足料。呢到嘅甜品選擇好多，而且細細件，可以食多幾款。總括嚟講，二百幾價錢有咁多選擇，質素又好，真係去邊到搵，下次食放題都會再嚟呢間。

我同好多香港人一樣，都係好中意食放題，貪佢可以食到唔同種類嘅食物，好滿足。呢度放題6:45入座，星期一至四，每人都只係$268咋，唔算貴，星期五六日同公眾假期加多$10。星期一至四仲有買6送1優惠，真係勁抵。牛肉火鍋都係超正呀，湯底香濃，牛肉又好鮮嫩，最正係啲菜，入曬味，真係值得一叫！食放題無理由唔食刺身啦，每樣8塊吖! 我推介大家食牡丹蝦，好膠口，好新鮮，超正。另外，識食一定要食芝士焗蠔，好creamy呀，熱辣辣，隻蠔又好新鮮，好濃蠔味。金菇牛肉卷都係唔錯，夠晒味。

周末放工，決定去將軍澳食吓日式嘢，鎖定目標~漁之部屋。細細間日式料理店，午饍時間有好多客人，我哋兩點几嚟到，輕易入座。Lunch時段除咗放題之外，亦有多款set lunch選擇，識食嘅，當然揀人氣丼飯喇~1.蒲燒鰻魚丼: 呢個丼飯，認真大件夾抵食，出面食個鰻魚飯，閒閒地都過百蚊，平極都七、八十蚊喇！呢個丼只須56蚊，就包埋沙律、飲品及雪糕糯米糍，抵到爛！鰻魚肥美，好有魚脂香，令人回味！米飯口感軟熟，可惜醬汁較少。2.雜錦魚生丼: 呢個刺身丼十分豐盛，有鮭魚、拖羅、墨魚、帶子、北寄貝、牡丹蝦、玉子、巨型蟹棒、海膽、鮭魚籽等等！每款刺身仲係鮮甜味美，口感豐富 ！78蚊個刺身丼，有齊沙律、味噌湯、飲品及雪糕糯米糍，encore之選！加10蚊有小食~3.黑松露吞拿魚壽司三件: 黑松露味濃郁，吞拿魚味道夠香，肉質厚實，令人無法抗拒！4.廣島炸生蠔兩件: 炸得香脆，生蠔就一般貨色。飲品較差，尤其熱柚子蜜，好少柚子，完全唔甜，似滾水多！橙汁好啲，似果汁先生。本來打算order築地三色火炙丼定，可惜賣晒，下次一定要嚟試試……

朋友啱啱新居入伙，嚟到將軍澳House warming。打完麻雀就梗係拍下Patpat，落樓下食，可以繼續大食四方! 行咗一陣都唔知食咩，見到漁之部屋，有放題食，好似幾吸引喎。又咁啱係平日，唔洗等好耐，可以入去食餐勁。😀😀😀前菜就梗係食螺肉，開開胃先啦！螺肉夠凍，又彈牙又入味！正！👏👏食放題無理由唔食刺身嘅！真係好新鮮呀，仲好肥美！😻😻食完刺身，食返啲熱嘢先。呢到嘅炸物都唔錯，新鮮炸起，熱辣辣㗎，脆漿又唔會太厚，好香脆。隻雞翼都好味呀！🙊🙊 另外，牛舌好有驚喜，真係好大塊，認真厚切。燒得啱啱，唔會太老，加埋上面嘅黑椒，真係好好味呀！👅👅最後，甜品都有很多選擇，最大嘅驚喜係，有我最.....鍾.....意....嘅Movenpick！！😘😘

上星期訂了晚上七時用膳，一入餐廳已察覺侍應木無表情。滿心期待有質素的食物，但部分食物等了一個半小時才到，另一部分漏單。將落單紙交給侍應要等數分鐘，侍應通常詐看不見。問侍應拿筆order 食物也等了10分鐘，又要再問過。站在門口的接待員態度最差，黑面又只站在門口看手機。整晚就是等食物出來，最快到的只是飲料。魚生熟食味道不錯，但沒有order 的食物又被帶來，不知是否整多了就隨意給客人。這間服務質素真令人失望，再沒下次。

小弟的生日飯局陸續有來，今晚就和家人在住所附近的日式放題餐廳慶祝，這裏已來了幾次，選擇原因一來在住所附近貪其方便，二來食物和服務不錯，所以今次也來這裡食。除了一般的刺身、壽司及燒物等選擇外，我就鍾意其炸榴槤，size不大，一粒一口，外脆內裡充斥榴槤香，是我心水之選❤。除了食物，逢生日者就有一件芝士蛋糕，但我並不是想講這件蛋糕，而係想講他們會關掉全場的燈光(是全場啊!!!)，侍應奉上一件插了爉燭的蛋糕，然後不斷播放不同語言的生日歌(📣是不斷的播放! 可能唔記得關掉🤣🤣)， 要全場嘅食客同你慶祝生日，我覺得好好笑，不過感覺還是很好的。最後，每位客人也有haagen dazs雪條，而且食不下的話，更可外帶回家呢! !

拖羅腥而有根，油金應該紅色的部分卻是灰色的，你能想像有幾新鮮？興幸食落唔腥，感謝主。全部燒的肉類如柴皮，牛舌是很厚但好似無燒過就上枱，感覺是全部昨晚燒定然後番熱拿出來，鯖魚聞都腥，真係好失望，沒有下次。侍應面如死灰，夠未？唉。 唯一可以再落單的是左口魚邊壽司，完。

呢間嘢食過幾次，放題都食過。呢次就寫下佢嘅午餐食評呢個牛肉便當🍱好好食d牛肉好味過吉x家多多聲，全部係瘦但出奇滑，d汁好味，令我驚訝係居然有配三塊厚厚嘅三文魚刺身，十分肥美，好新鮮😍😍👍🏻鰻魚滑蛋撈烏冬，每次黎呢度必食超好食，呢次條鰻魚好似比以前細左，唔緊要，依然好好味，鰻魚肉質非常好，d蛋汁加鰻魚汁好滿足呀！另外仲試左鰻魚飯，冇影到，味道都唔錯，不過冇蛋汁好似普通左d黑松露牡丹蝦吞拿魚丼我本身唔太鍾意食吞拿魚，黑松露都唔太欣賞😂（黑松露有一pat都幾多），所以覺得呢個飯麻麻喇，最想食火炙丼居然賣曬，好sad lo，下次一定要食到🙃極上刺身盛加錢轉左蕎麥冷麵除左吞拿魚我唔太鍾意之外😂其他都好好刺身好新鮮，最鍾意三文魚。其實呢個餐最唔抵食，不過算啦，下次醒目d叫其他，蕎麥冷麵撈上紫菜感覺特別清新。地獄湯叉燒烏冬，個碗超級大個😂跟餐配埋沙律同蘋果汁，其實都幾豐富下。塊叉燒太韌，湯底唔太辣，整體OK。另外試左豬軟骨烏冬，個人認為較出色。.呢度有加一服務費，店員做到手忙腳亂，我認為需要加人手喇，有d店員好似唔太so客人咁。整體而言好滿意，下次再黎會試多d新嘢。其實好難有伏，大家放心。

漁之部屋主要係做放題，但平時中午都會有d 好抵食既lunch set, 今次都唔係我第一次幫襯午市限量定食除左呢個menu, 另外仲有一張超多選擇既lunch menu, 最最最特別既地方係一人加$10 可以任食三文魚壽司，但係今次我無加，所以都無影到築地三色火炙丼定食（$56)定食有味噌湯 沙律同甜品，仲包一杯飲品，其實好抵食個三色丼唔錯，面頭有一大塊芝士，d 魚生ok 啦，底下d 飯全部都混有蟹子同玉子，唔會齋食白飯咁dry

一入店就聽到侍應好熱情咁樣講「23134‼️」（らっしゃいませ)唔講，仲以為自己入咗證券行定係紐約交易所。不過，轉眼入座，懷住興奮嘅心情個侍應好靚仔😍個侍應好靚仔😍個侍應好靚仔😍很重要所以要講三次食放題，最緊要唔好空肚食，所以特登叫咗一熱柚子蜜，暖下肚，提升戰鬥力，然後開行火力進攻刺身！就好似進攻大隻仔侍應一樣。時下興骨膠原，好多日本女明星飲熱飲之前都會加的蛋白質粉、蒟蒻粉、骨膠原粉等等...呢間餐廳都好追近潮流‼️登登！非常特色的白紋伊蚊柚子蜜你無睇錯。為咗增加客人的免疫力，提升蛋白質吸收，餐廳非常用心，引入日本のムシゆず、真係好美味しい都未飲已經有好強嘅飽肚感，之後乜嘢都唔想食，淨係見到杯嘢飲都夠晒飽啦！真係估唔到香港見有咁細心嘅餐廳，為客人嘅身材咁着想，連得飲到特別調製，令到客人唔過分攝取卡路里，認真健康又美味嘅呢！真係值得一讚嫁呢！

今日去將軍澳, 見到有日式放題, comment 好似吾錯, 所以入去一試。 先來一盤海鮮船, 最難得有蟹腳, 重要係任叫, 我食咁多間日式放題未試過。每枱都有的的松露飽魚, 味道吾錯。其他都有燒物, 鍋物等, 坦白講無乜太大特别. 最特別係最後可叫一杯 movenpick 雪糕, 算係最滿意的了。

放題不算新鮮事，但將軍澳有放題倒是頗新鮮。價錢比旺角便宜一點，不過食物選擇一樣多。先來一盤刺身拼盤，大路的三文魚、甜蝦、帶子、希靈魚等等基本刺身都有，質素新鮮。數量也足，跟足落單填寫的數量，沒有漏單的情況。海膽不算多，不過軍艦壽司味道不錯，賣相亦精美。熱葷選擇都好多，味道都不錯。左上的羊架入味之餘不騷，每件都大大塊的。右中的串燒沒有特別，算是一般般。不過天婦羅就炸得不錯，蝦天婦羅和蟹柳天婦羅都好食。

將軍澳出名全部都係連鎖食店，要搵d特色野都幾難，今次拋低草根姐姐，去左間日式餐廳試一試見到men都幾抵食，$56一個定食，連餐湯，沙律同甜品築地三色火炙丼定 ($56) 個飯上面舖上一片🌿，外加用火🔫燒燒佢，睇落都幾吸引半熟魚生飯😍食落都有好多材料嫁，海膽味道普普通通，不過以呢個價錢嚟講都算交到貨😏三文魚籽唔會腥，而帆立貝就高質少少，加上有燒到熟熟地嘅三文魚同赤身，整體上不錯😋火日黑松露牡丹蝦吞拿魚丼定 （$56）另一個叫左全生嘅組合，壽司飯微暖，可以睇到雖然黑松露得好少，但牡丹蝦都幾新鮮🍤仲大大隻嫁，另一重點嘅吞拿魚就完全無腥味又無乜筋，一碗內有好鬼多片厚切嘅吞拿魚呢太正了!!總結性價比係高嘅👍但跟餐嘅湯好淡呢😯甜品都預左係雪米糍，但係個雪米糍晨早就放係枱面，食個陣都溶哂啦😔呢點可以改善下，不過以價錢同質素嚟講整體上真係好抵食 ✌✌🙌

午市放題228加一， 之前好多食友介紹咗！ 我只係講重點 攻略！ 刺身壽司同埋爐端燒係一定要食嘅。 刺身唔多講自己睇相， 一般啦！略嫌凍咗啲， 食完唔會想re-order。壽司、爐端燒非常之好食。 必食：海膽壽司、越南虎蝦壽司、帆立貝壽司、 串燒雞軟骨、牛舌、鴨舌， 食到滯就食燒菠蘿！ 焗蠔都ok，不過太滞喇。 建議完全唔好食鍋物，費事嘥咗個肚亦都唔好食……芝士年糕非常之有驚喜， 小心流出嚟嘅芝士 令你變孖潤腸甜品可以唔食！到結帳嘅時候會送你雪糕，嗰個就係必食啦！ 飲得酒嘅話，可以試下巨峰提子酒放題係食到三點鐘嘅。因為食物上枱比較慢，如果你係可以長時間喺度食嘅話都幾ok。