漁之部屋 (已結業)

有一次午市時間剛好和朋友想吃日本料理，便到了新都城中心三期漁之部屋。我們先點了燒汁牛肉定食，日本牛肉有一種入口即溶的感覺，而燒汁有日本和風味道，牛肉份量超乎想像。然後看看餐牌發現有10蚊任食三文魚壽司優惠，便選擇試試。三文魚好新鮮，口感一流，與一般在市面購買到的不同。乍看餐牌，原來是從挪威而來的三文魚，難怪三文魚色澤亮麗，確實沒有不吃的理由，三文魚紋理平均，沒有腥味只有鮮味，確是一試之選。滑蛋豬扒定食雖然是炸物好鬆脆，但充滿肉汁，蛋與豬扒的比例恰到好處，亦是必食的選擇。

今日公司出糧，約埋成班同事去將軍澳的魚之部屋食放題，出糧兼出血。聽同事講話有長腳蟹食！超級期待呀！去到等左一陣就入得，首先整個前菜沙律，普普通通算係咁La….再要左一大盤刺身加長腳蟹，三文魚、蝦、赤貝都好新鮮、好甜，之後都再單多左一次，螺同八爪魚都OK。長腳蟹就有少少失望，BB SIZE冇乜肉，不過始終係放題，都估到唔會好大隻，有得食就算LA……之後再叫左D熟食，個芝士焗蠔有D驚喜，芝士幾香，仲可以拉絲添！九菜加左D新疆乜乜粉，幾好食！金菇肥牛都唔錯，切到一啖一件，D醬仲幾惹味。炒蜆就一般般LA，有D有少少沙，D醬有少少濃，食兩隻就要飲水。未食甜品已經好飽，不過唔想蝕，食埋個雪糕先！Movenpic既雪糕，好食！之後飽到行唔到…哈哈哈 

前幾日同朋友去左食呢間漁之部屋，聽講唔錯咪去試下囉….餐廳環境算係咁，但係D位唔算鬆動，勝在D椅有得放袋都還OK啦！同其他放題一樣，有菜單簿，睇岩就寫數量同埋檯號，款式都算幾多，有小食、串燒、鍋物，唔少得刺身、壽司，仲有主食同埋雪糕，選擇都幾多元化。講到食物方面，上餐的速度唔算好快，唔係太肚餓既話還好啦！刺身都算鮮既，份量都算足，之前試過食其他餐廳明明5個人，咁寫10都好合理啊？點知間店竟然俾得勁少…得個幾塊，呢間就反而俾得多好多，起碼寫10都有10件。個人最愛係呢碟肥牛卷同埋鐵板炒”九”菜，好鬼惹味，同班朋友Encore左兩次，真係一食難忘，唔好講笑。我自己本身唔錯中意”九”菜，但都食左唔少，哈哈！跟住，就一定要點呢碟芝士焗蠔啦！哇，真係好好食架！我地第一次叫左一兩隻試左之後，就每人再叫左兩隻，食到….哈哈！另外，仲有仲有仲有，呢個炸蟹殼都好食！入面真係幾有蟹肉味，而且份量對女仔黎講都幾夠…..必食啊！我自己都叫左兩次，勁好咬口，送酒一流！最後，又點少得甜呢品？識叫一定要叫雪糕啦！超中意食呢隻韓國牌子既Movenpick既士多啤梨味，佢同其他雪糕品牌唔同，呢隻比較酸，感覺似食緊真正既

昨天晚上，我第下次光顧這家放題，真係好少有，因為佢地做得好有heart!先講特飲，佢好多都係用鮮奶溝出黎，完全不惜公本，好味！我飲了數杯特飲，而且梅酒也很好味，酒有酒味👍🏻👍🏻👍🏻跟住order一落，三兩分鐘就開始有得開大餐，而且無漏單！份量跟足落嘅一模一樣～😁👏🏻👏🏻質素更加ok, 火炙三文魚，海膽魚子軍艦等，都係不可錯過～而且仲有大量炸蠔同埋焗蠔添！刺身仲誇張，佢地竟然有長蟹腳！二百幾蚊唔洗咁抵食下話😱😱😱走之前，比左張甜品紙，有好味嘅雪糕同雪條選擇，甜住咁走～ support!

香港人工作辛苦，今個星期，終於可以解脫！ 老闆話去將軍澳食放題，鬆一鬆，食番餐好野。心情當然十分激動啦，老闆話食放題，系放題啊！9點幾入到去，場內近乎坐滿人，好彩仲有3個位留番比我地。尼間野刺身多選擇(唔想打太多字，直接睇下張點選紙)叫左一輪唔同種類既刺身，肥厚甜蝦、厚切三文魚、爽口北寄貝好岩我地口味系，而我最LIKE就係黃黑色既希靈魚，超級爽口。可能平時壓力太大，化悲憤為食量，一次過食左好多件。刺身選擇好多，應該總有一款岩食，除非唔好刺身。唔鍾意食生野，就可以食下燒物，我就叫左幾輪金茹肥牛，啲燒汁好滋味，又唔會散開一舊舊，一舊放入口都得。平時老媽子都會系屋企整金茹肥牛我食，但今次食既金茹肥牛真系正好多，特別在於醬汁。鐵板燒韮菜值得食下，一份都幾多下，叫一次就夠啦！尼度既燒物都好多選擇，千祈唔好同一款叫太多啦，所以可以留肚，食下其他。老闆叫左好多壽司，佢一舊又一舊咁食，好似好好味咁。芥末八爪魚壽司同蟹柳壽司都好食，芥末八爪魚爽脆，口感唔錯，加上芥末，咬完之後D辛辣湧上來，刺激味蕾，而蟹柳都食得過。飲左兩杯柚子茶，柚子味淡，岩晒清清舌頭的味。今餐食左好多野，真系爽哂~服務都唔錯。

偶爾在這吃lunch,,覺得食物味道不錯的~平時見晚市放題都有好多人等位於是和友人一行2人來試試這裡的放題質素一如以往,,刺身是放題的重點個人認為這裡的刺身不算很鮮甜,,不過也沒什麼雪味中規中矩帶子大隻厚身,,可惜鮮甜味不夠突出!!赤貝也很爽口!!不錯~天婦羅的粉漿不算太厚,,味道OK~值得一推是燒牛舌!!不會韌,,也有牛味!!紫心香芋年糕的香芋餡不會太甜,,煙煙韌韌!好味!限定甜品是movenpick雪糕暫時未試過放題食movenpick這牌子的雪糕較甜~個人認為很好吃!!

勞動節放飯當然係勞動吓，今日舊同事約咗上去佢屋企打個靚牌。打打吓都夜晚8點幾，諗住叫k咩c外賣上嚟，但好似又唔係咁抵。朋友就話不如落樓下食放題。放題?正呀喂，勁耐冇食，舉腳質成。呢間漁之部屋響正寶琳站前面冇幾遠，地點都易搵，同舖頭前面都幾多人排到等緊，會唔會walkin冇位，好彩都有，不過要等到9點3，仲好喇，9點後時段仲平啲添(238位，9點前係258)，呢個價都ok喇，話晒都係公眾假期。帶我地埋位個待應都幾好禮貌，仲提我地可以放嘢落張椅下面(個設計都幾好喎)，我個人幾鐘意個環境嘅，室內燈光好夠，樓底都幾高吓，望落係舒服啲嘅，而且人多起上嚟都唔會好嘈雜，傾計好似要嗌交。一開波拿拿聲剔咗啲刺身先，因為驚上菜耐，有13款刺身揀，除咗自尾本身唔好油甘魚同希靈魚，其他都想食。不過第一輪都係保守啲剔咗三文魚，帶子，赤貝同八爪魚先，同拿拿聲交左單。根住原來好快就上枱喇，呢個時候其他點菜單都未寫好，真有效率。刺身quality真係唔錯，三文魚油脂分佈幾好，入口有油香而且滑口，無雪味，確實細心，帶子厚切好肥美，又係抵食。赤貝夾口鮮味，呢款真係唔係度度有得食，而且係好食喎。另外推介埋玻璃蝦，都係正，八

其實好耐之前已經聽過呢間放題,因為佢原身係日本餐廳,而唔係食任食,放題,佢轉左後,我都未食過,早排聽屋企人講話呢間野D食物都唔錯,幾多款,價錢又唔貴,仲唔洗特登出去旺角同人迫,因為係屋企睇埋套電視先出去,去到都食宵夜時段,兩個人加埋一,$502,呢個價錢食到呢個質素其實真心抵,鋪頭唔係話好似旺角果D有一層甘大,呢個算係鋪頭細細既放題,食物有刺身,燒物,鍋物,SUSHI,甜品,汽水啤酒,雪糕,雪條,炒野,炸野,天婦羅,SALAD等,相信十個有八個人都係會叫左魚生先,魚生都幾多種類,有三文魚,牡丹蝦,吞拿魚,假鮑片,魷魚,帶子,赤貝,八爪魚等全部都好新鮮,唔錯唔錯,SIZE,厚度正常,焗蠔,好CREAMY,唔腥,芝麻雞翼好好食,無咩雪味,自己食左3隻,鹽燒雞翼,係原隻雞全翼,平時我麻麻地鹽燒雞翼,因為覺得無咩味,不過呢間燒得唔錯,都幾入味,手卷入面D料好少,如果多D就好啦,因為一啖就食哂D料,小食八爪魚,螺肉,中華沙律,好凍,好似岩岩溶雪甘,羊架,唔算太SO,SIZE都唔算細,燒得幾好,食左一個卷物,唔知係老公叫錯左,有D水果係入面,我覺得麻麻地,湯烏冬,份量都幾多,彈牙,湯底OK,鐵板粟

好味的母親節放題上菜快，服務不錯魚生新鮮，天婦羅&燒物又熱又香羊架又香又滑烏冬冷食熱食都勁滑有movenpick 雪糕&Dryers 雪條送將軍澳區無得輸 

聽朋友話，將軍澳開左間放題，當然想去試食，看看洋準如何。晚場費用每人230幾，同老銅的放題價差不多。叫左梅酒飲，酒味不算濃 ，適合酒量淺的我飲，飲左一杯就夠啦！仲有好多其他野飲，樂天芒果汁，忌廉鮮奶等等，要慢慢試飲，留住個肚，食其他食物。我同老媽落左好多野食，刺身，燒物，甜品等。刺身都多選擇，盡量試下不同魚生，三文魚夠大塊同新鮮，老媽食了不少，我就偏好帆立貝，有鮮味，而且滑滑的肉質，令我食不停，蝦，墨魚都唔錯。刺身算是值得大叫幾番。再叫左啲燒物，但我同老媽都怕熱氣，叫左啲多水份既燒物，例如菠蘿，紫心蕃薯仔，青花魚等，多汗，味道又正。我最鐘意食蕃薯仔，細細粒，易入口，而且唔難消化，菠蘿多汗，又甜。之前系其他地方食放題，都試過食蕃薯仔，但啲薯仔就無咁甜，尼間啲薯仔系正既。餐台準備埋細匙羹同叉，等食完主食，可以試食唔同既甜品，之前見人介紹桂花糕好味，就試食下，都真系唔錯，有桂花香味，老媽都鐘意食，都食左個雪糕先走。整體食物都系好味，服務都算好。

今日一行5人黎咗食午餐, 係小妹第一次58蚊嘅lunch set, 有烏冬 有沙律 有我大愛嘅軟殼蟹沙律隻玻璃蝦真係好鮮甜好味指數: 不過同事們加咗10蚊三文魚任食本人就覺得麻麻...三文魚本身算新鮮, 但切到紙咁薄下面又有舊大大嘅飯, 一個人想食一枱人都要叫, 感覺上都幾唔抵不過每人喜歡嘅都唔同呢個啱晒大胃同事snowrate: 9/10 (性價比真係唔錯...唔計三文魚的話...)

住o左係寶琳幾年，真係覺得寶琳冇咩食，一係就要走去坑口或者將軍澳站，再唔係就要出觀塘，死城一樣。其實呢間放題店開o左一段日子，前身做壽司店時我食過service真係麻麻又唔係好食，所以都猶豫o左一陣，不過屋企人話試下就搏一搏啦。呢度刺身都算ok的，件件都厚切，落order叫幾多件真係上幾多件。呢度d燒菠蘿同燒蠔都不錯，我就麻麻地蠔都encore黎多隻，如果改為帆立貝我就肯定食多幾隻。雪糕方面好彩唔係牛奶公司而係MOVENPICK和DREYER'S雪條，好有誠意呀﹗因為近，所以揀o左9：00黎食，平日＄228算係幾抵，而且好少漏單。食放題食壽司其實好蠢的，但屋企人要點就冇辦法，不過味道ok，而且無因為係放題而縮水，壽司款都算叫要有的都有。天婦羅有六款，當然有蝦，粉漿都ok唔會太厚，而且唔算多油，不過都係天婦羅南瓜比較好吃。我食得最多就係水蜜桃沙律，係蝕蝕地啦，但我好鍾意食水蜜桃，所以就不自覺咁點o左三次。連埋日式中華沙律都有5款，其實胡麻藩茄沙律都好食的，不過冇影到相。糖心溫泉蛋唔係度度都有得食，特別係放題，因為功夫多，呢度竟然有。其實好我憎日式放題但成日放d韓式飲品，咁做得日式放題扮都

放題最吸引既地方肯定就是多選擇啦!而尼間野既餐牌就吸引左我去食。 打開餐牌最後一頁，真係估唔到佢連甜品都好多選擇，一啲都唔寡啊!望見甜品啲名都幾開胃下~~ 必食刺身放題梗系叫左新鮮刺身先，一食刺身知真偽，三文魚厚切無咩腥味、帆立貝肉質鮮甜幼滑，真系無得頂，八爪魚片都好爽口。刺身可以話系放題必食既一環，而佢無令人失望，值番個價既!!!推介熟食熟食都唔少，一樣令人食過有讚無彈。首推系蕃薯波波，香脆既外殼加埋香甜既紫薯涵，好睇又好食。另一推，是燒菠蘿，燒菠蘿最忌既系用酸菠蘿，燒完就難以入口，而尼次食到既燒菠蘿系香甜多汁，不過要小心啲食，一口咬落去時，啲汁就會泌出黎，所以最好就準備定紙巾。再一推系芝士沙律焗蠔，酸甜味道令人意外鐘意，值得試一試。 燒物方面，仲有鹽燒海蝦、雞軟骨、牛舌等等，算系多款式。 菜食方面，唔少得有炒野菜，不過不失，而枝豆都大大粒，味道清淡，用黎消消重味都好。最令人驚訝系有鐵板炒韭菜，十分罕見，味道都唔錯，可以一試!食到飽晒，都要試下唔同款既甜品!如果食用時間可以再長啲就更理想啦!上菜時間可以再跟緊一啲。整體黎講，間野既食物都算係咁!

本身好鍾意放題，貪夠抵，但最怕得少少野食揀，同一樣野食得多都厭啦。之前經過開寶琳都見過呢間放題，睇個menu都OK多野揀，但walk in幾次都話要9點先有位，心諗真係咁多人食？終於上星期有日同班FD睇完戲都8點幾，就排下呢間啦。我本身對魚生要求唔係好高，唔好腥就得架喇，叫親都係三文魚、吞拿魚、帶子果D。今次魚生勁大陣仗，我就食左先講，第一目標當然係三文魚，厚身又爽口，之後試吞拿，好多地方既吞拿魚都有陣腥味，好在呢間D魚都算OK，入口冇腥味，都幾新鮮。帶子同鮑片都係水準以上，我本身唔係喜好者都覺得值得一叫。壽司係魚生以外既放題必點，我個人比較喜愛火炙。生野一round就夠，之後就叫熟食填肚。我既favourite係燒物，呢間既燒菠蘿夠juicy，一咬就濺哂D汁出黎，正！緊接住就係芝士焗蠔，一睇個樣就覺得芝士焗得好靚！但係蠔先係重點，好驚洗唔乾淨食落有沙架嘛，不過呢隻食落都好夠味，唔會話俾芝士搶哂味，仲有蠔汁啜到。最最喜愛既料理係羊架，上菜果陣仲食緊之前果D，過左陣先食呢味，仲驚會凍左UN哂，估唔到用鐵板上，真係keep到個溫度，仍然好好咬口、羶得好好味！最後埋尾梗係要食下甜品，有Dry

剛好在將軍澳探完親友，家人說想去吃放題，可惜將軍澳一向少有放題店，剛好查到這家店就決定去試試了！跟很多放題店一樣，這裡主打是日式菜色，例如刺身、手卷、串燒、炸物等，當然也少不了沙律、前菜、鍋物等，種類是不少，不過我們四人胃口有限，還是不能吃盡所有菜色，不過我自己就大愛雪糕甜品的部份，有MOVENPICK和DREYER'S雪條，好味，哈哈！食了這麼多菜，個人覺得刺生味道不錯，感覺都算新鮮，而且出菜時數量也不少。像是我們，一開始就點了蝦、赤貝、吞拿魚、鮑片，一來就是一大盤，難道我們下筆太重了嗎？（笑）看看圖片就知道了，擺盤也不馬虎，不過也像是要有一定的點餐數量才有靚的盤。這麼多款之中，個人覺得甜蝦、三文魚和帆立貝這三款味道最鮮，而且也是飽滿有肉的選擇。另外，手卷選擇不算多，但其中有款是紫菜內包雪糕，感覺非常有趣，我還未試過這樣Mix and Match的，口感是幾特別，不過味道就⋯⋯⋯得個甜字啦！其實雪糕的甜味已蓋過紫菜的味道，我想這都是創意料理，讓大家過過口癮吧！？還有串燒和烤物都不錯，但我個人最喜歡的還是焗蠔，口感幾CREAMY，而且烤過的生蠔也不太有腥味，我還ENCORE再吃了三四隻