漁之部屋 (已結業)

因為豬豬響將軍澳考試，嚟接咗佢之後再五點幾，行咗陣之後話想食嘢，但係五點幾咋喎，本身我見入面都未有咁多人，想行多陣先食喇，但佢話攰，咁唯有入去喇，不過真係好彩早入咋(下面再講)佢哋以入座時間計食2個鐘，5點半前入座就208蚊加一，一大疊食物紙任剔，刺身都有13種，三文魚就必叫喇，厚切又夠肥，玻璃蝦，好大隻，肉厚夠肥甜，但我本身麻麻哋生蝦。我就最最最BUY赤貝同帶子，赤貝肉好爽又唔un，帶子肥美又滑，呢兩樣嘢同三文魚都叫咗兩round，食到超飽，最緊要係回本推介。熱食方面都多款式，但因為好早唔餓所以試唔到好多。最正一定係金菇牛肉卷。竟然?係呀!因為佢哋牛肉唔係用啲又鞋又un嘅肉，肉嘅質素好好，有少少入口即溶嘅感覺，真係好有驚喜，值得一試。另外有啲出面比較少見嘅菜式，好似溫泉蛋、有足料嘅蟹皇翅，都好值得推薦。炸物方面天婦羅都有好多款，海蝦、鰻魚、野菜等等，比較欣賞佢哋整炸漿唔會得個死死實實，厚度啱啱好，唔會漿住個口好似食粉咁。食到6點幾，間舖已經座無虛席，出面都有人等位喇，所以好彩係早入嚟又平啲。呢餐食得好滿足，下次會再嚟encore呀。

將軍澳朋友叫我一齊食放題，見到餐牌都幾多選擇，於是就試左尼間。尼間鋪燈光都幾好，唔會昏昏黃黃，坐位算係闊落，唔覺迫，同朋友都坐得舒服。餐牌好多選擇，但因為兩個女仔個胃唔算大，所以我地揀左D有興趣既食。我地先食左D比較清淡既胡麻蕃茄沙律同埋水蜜桃沙律，想打個底先(其實都系覺特個名吸引，所以食先)相比之下，好多汁，尼個沙律令人最鐘意，就係有好多大粒既椰果，清甜又有口感，好正。至於胡麻蕃茄沙律，可能因為自己唔多鐘意胡麻，所以覺得無咩特別啦!壽司都有好多款，但因為唔想食太多飯，所以直接點左好多刺身。刺身都算係夠新鮮同厚件，特別係三文魚、大甜蝦、赤貝。大甜蝦肥美又清甜，所以我一個人食左好鬼多件。至於赤貝都幾好厚肉，平時食開個D細細粒，食唔出真味，但尼次真系好滿足。朋友話鮑片都唔錯，只系我本身唔好。如果下次黎，我依然會食好多蝦~蝦~蝦~我地都叫左唔少燒物同肉食，牛千舌、金茹牛肉卷、羊架、三文魚醬油燒……牛舌同金茹牛肉卷最好味。牛舌香味夠，肉嫩，口感都不錯。而最正系金茹牛肉卷，醬汁香濃，牛肉同金茹唔會散，食落口好yummy！望番張相時，都想再食番~最後，每人食左個免費雪糕，有好幾款口味。至於甜品，好

朋友介紹去將軍澳去呢間食自助餐！估不到竟然超級好！Good Good Good ！很多魚生選擇，又新鮮！賣相吸引！不單只魚生！連熟食都好多！羊架啦！焗生蠔都唔錯！有一陣陣芝士忌廉道仲有很多甜品選擇！最後，每人可以再叫 杯裝既 Haagen-Dazs 雪糕！我真係覺得我個肚太細啦！不可以容納太多既食物！所以，我決定每兩月都要一次幫襯

「快、正、準！」什麼都一講，就以這三個字先作總結，這間放題真可稱得上NO.1，沒有之一。親戚特意介紹，今次真係無去錯，絕對係一間有質素既放題！雖然價錢唔係平，都要$280，但食物咁既高質素、速度又快、裝修靚，仲可以食足2小時，$280就算要加埋一，我都覺得超值！環境睇相唔洗講，係靚既~放題點菜紙，例牌野，多款多選擇！點完菜，佢真係會比足份量你，唔會走你數，仲要唔係5分鐘就上齊你點既野，真係食都食唔切，唔會好似其他餐廳咁，比料打八折，上得又要慢，靜係呢兩點，呢間放題我可以話已經贏左7成。一黎就叫左刺身，見到d乾冰我忍唔住wa左一聲，成件事好新鮮好靚，食慾立刻大增！烤菠蘿特別甜！呢個肉腸同菠蘿我落左2次單，個人十分喜歡呢~反而梅子酒就麻麻地，唔夠甜，可以甜d就更好。燒廣島蠔，食返一兩隻都唔錯，雖然唔係好大隻，但d芝士味好重，好熱好鮮甜！特叫要講講爐端燒，呢間既日式爐端類，可以話係我最中意個part，一黎d肉好入味，二黎師傅烤得好脆口，肉汁都好多！

周末下午很多人來吃放題而我就食定食午餐！叫左個壽司定食黎到發現同餐牌上寫既壽司款式五同亦無expect到會變左火灸壽司好彩都係我鐘意食既款D壽司幾新鮮 賣相又五錯 而且落足料 加分！本身我對烏冬無咩好感 所以無期望甘多但烏冬竟然出奇好食 係個湯好味 烏冬五會爛 好多鋪頭會整到d烏冬爛同碎但尼度無沙律亦落左好多芝麻醬 總括而言 會再光顧！

漁之部屋係咁多間放題黎講係最好!點解有呢個說法?因為佢地食材選料方面係好好。通常食材選料好唔好第一時間係睇刺身，佢地刺身陣味好鮮，其實刺身陣鮮味已經唔洗點醬油之類，只會COVER左鮮味。提到刺身沒得唔提手卷同埋壽司啦。真心，佢地壽司整得好好睇，就咁睇都好好食，牛肉真係要推介下，真係多汁，汁既味道又幾好食!手卷我就留到最後，用黎最後整飽自己用，但我叫個個饅魚手卷都唔錯，飯同饅魚個比例都岩岩好，飯唔會過多。佢個炸物真OK架!落左幾次單都KEEP到個水準!!!炸蟹柳個D炸皮依然唔厚!!仲有芝士年榚真係好香，食唔停!!叫左好多!!!識食真係呢間最好!

夏天太炎熱了,實在太想食凍野,最後決定試下呢間朋友中口啤不俗的放題.由於去到己兩點,最後沒有試放題了.只吃了午餐,如好吃再試放題也唔遲啦午餐選擇也頗多,我也是一貫的壽司加烏冬.是次吃了櫻壽司定食配烏冬.午市套餐可以用10元換幾款食品或加10元任食娜威三文魚壽司.由於唔太餓,所以沒有加點額外食品了.壽司食定有以下食品飲品:選了巨峰提子.有味子味也唔,味也唔算太假沙律:罐頭水果加幾片生菜,OK啦!壽司:哪威三文魚:三文魚魚油豐富,近腩位不俗油甘魚:大片又夠香.虎蝦:唔夠新鮮.太腥.那個汁也唔夠辣北寄貝:無乜味道希靈魚:太酸,唔太啱口味蟹籽:夠多,但好易出水...三色小卷:無乜特別了飯唔夠醋,也整得太散,夾起也好難..真打烏冬:熱湯配大量麻油,又太甜,唔喜歡...烏冬夠彈牙,可惜那個湯唔合我口味.我覺得如果配冷烏冬味道更佳...後記:唔知點解食完之後,滿口腥味,魚生味道唔突出.食完發覺不如想像的好吃.有點失望啦  環境唔錯,服務仲好好...或許下次試下熟食如何吧!

平時放題多數去旺角，但每次食完都要搭返車返將軍澳，真係巧遠。住將軍澳的朋友介紹話這間放題不錯，加上又係寶琳，擇日不如撞日就一家試試。環境光猛，不過座卡位會鬆動D。我地食5：00pm～7：00pm，限時兩小時，所以爭取快d落order.遞單後食物都好快上菜，印象中好似冇走單，讚!刺身：基本款式都有，帶子好鮮甜，全部都好厚切，但三文魚冇咩鮮味較淡。追加：天婦羅蝦，羊架，凍朱古力奶(飲左3杯，巧滿足)基本上食到左1.5小時都已經飽得7788。又近，價錢算平，下次都可以再食。

住係將軍澳，呢區冇咩放題食，最近從朋友得知新都城新開左間放題！當然急急一試啦！先嚟round刺身，很新鮮，我最愛三文魚，厚切，勁正！仲有油甘魚都很新鮮，其他刺身例如哈，也好正！total嗌左兩round，哈哈！之後食壽司，一推火x系列都好好食，爆很岩岩好，又吾會一夾就散，不錯。我地仲食左d小食同炸物，全部都滿意，但要推介牛舌，好正，夠厚身，外脆內嫩，一d都吾un，外面有少少咸，很惹味！整體嚟講，食物味道中上，服務態度也不錯，沒有點漏單，會再次幫襯！

大部分放題店都集中係旺角一帶，作為將軍澳友就當然寧願係自己區食啦!!!真係好多人，不過都正常，因為係服務果到又真係幾好，又好禮貌，又冇落錯過單野食係好快到整 佢最後仲會有雪條送!!!佢地成個設計都好有特色，包括埋食物，佢地連裝食物個盤都有乾冰，好有感覺!!!去返食物果到先，刺身好似三文魚切得夠厚，大隻甜蝦又大舊，有大啖肉既滋味仲要係超有鮮味壽司真係好正，每舊都係，飯又粘口有微溫, 幾有水準!!!另外,牛舌都幾好味，每食一啖又多汁，肉質易咬，食到呢種牛舌真幾有風味雞軟骨同蝦都唔錯，食往同朋友吹下水幾適合!!!成餐200左右算幾合理!!

晏晝去食 去到舖頭 都幾多人 仲有人係出面等位嗌餐個時 個男服務員態度認真唔多掂 無eye contact 都算 仲要黑面 真係唔知想點 你似客人多過我似 同另外個兩個朋友都o 晒嘴... $51加一 北海道海鮮拉麵 有學生證有得食平d 隔離既加州卷幾好食 沙律ok 啦 但係拉麵個湯太多油-- 蟹柳幾好食既 蝦就一般般 麵就太多啦 飽到個肚就爆下面個兩樣餃子拉麵同滑蛋饅魚飯都ok 既。。拉麵一般啦 黎依度嗌番d饅魚飯 之類個d會穩陣d

朋友成日話將軍澳有間放題好味 , 今次終於可去試下啦! 食完又真係值得推介一下。就好似花之戀既三文魚肉都好厚，成舊食物個口感同鮮味超好食，食到呢一到已經好滿足啦！壽司既種類都好多，要咩都有。我覺得刺身真係每一樣都要試下，因為佢每一樣鮮味都好足！買相討好 好似甜蝦，三文魚，吞拿魚，魷魚咁，又厚肉，又冰身，超好食。仲有佢連熟食都幾好個羊架都好值得俾人推薦，因為一來佢個肉質好鮮嫩，容易咬。二來佢肉汁超多，正！最後想飽肚，可以叫個拉麵黎食，因為佢個湯又好飲，個麵質又彈牙，可以去試下食。仲有燒菠蘿既汗甜甜地，可以解下渴，又可以試下叫。價錢二百幾蚊左右，態度都好好都唔錯 不過個場大D仲正 但都算物有所值

朋友成日話呢間食放題時間長價錢又合理，所以齊齊去食午市放題！三文魚、油金魚刺身新鮮好味，可惜只食到第一次落單既油金魚，第二、三、四次落單都無黎到！南瓜及蕃薯天婦羅粉薄夠脆！蟹子沙律、水蜜桃什果沙律，因沙律醬大多而影響味道！秋田一品鍋味道普通！櫻之戀人，食前賣相令你手指郁動，飯少料多好味！神戶牛舌，第一次食牛舌嫩滑頂呱呱，再次order燒得冇咁香口有點失望！即磨咖啡香而濃味！雪米糍任食，每人還有Dryer雪條一條！

頭先去漁之部屋食晚市放題，我地2位成人＋3位小童（最大8歳，125cm高），女店長話唔可以3個小童，同時有優惠，要收3位成人＋2位小童，因為公司規矩，我地覺得唔合理，要求投訴電話，女店長回答「我話得事，要投訴同我講」，明明係3位小童，但不能享有小童價錢。單張寫晚市放題，小童星期一至日，任何時段都係＄138，但爭拗最後，女店長話公司保留最終權利，我地覺得㥛不合理😤

朋友話成日見漁之部屋排哂長龍，我諗應該唔會差得去邊到，所以就book位去試下。佢既刺身同壽司真係幾好食架。叫左好幾次，都停唔到口。三文魚好有油香，吞拿魚同墨魚肉又厚，大頭甜蝦又大大隻咁，而且味道又新鮮。壽司同手卷既味道都正 尤其手卷既紫菜微微地脆，加佢料同飯個比例又岩岩好，唔會太多飯。壽司味道更加合人口味，好似辣味三文魚，辣味又刺激人胃口，食幾舊再試其他就一流。牛肉壽司陣牛味又幾香，總括黎講真係幾好。佢其他熟食品質又ok wor!!! 好似個芝士年糕咁，脆脆地既口感又幾煙un，陣芝士味幾濃郁下。仲有魚乾既口味幾香，醫口痕一流。同埋環境又唔錯，除左唔夠闊之外，光線充足同服務唔差 出食物幾快下今餐真係唔錯 所以佢排長隊都係有原因，味道各方面都唔錯，錢都係二百左右！