漁匠屋

營業中

休息中

位置好偏僻, 差啲搵唔到間鋪放棄😂😂一の重丼 ($225)豐洲鮮魚兩種, 吞拿魚腩，海膽，葱吞拿魚腩蓉，牡丹蝦，三文魚籽整體好新鮮本身覺得好細碗不過食落都幾夠飽黑甕丼 ($195)甜蝦蓉，帆立貝，小柱，黑飛魚籽，黑松露醬依個最初見到黑蚊蚊好似好恐怖, 不過估唔到係咁好食黑松露味好濃 同中間嘅帆立貝田海蓉非常之夾！ 咩都唔點就已經好好味個餐仲有湯同芝士呢一個配搭都幾特別～🦁 餐廳｜漁匠屋 地址｜屯門井財街21號協邦大廈地舖

<<生在美食天堂，點可以唔識食>> <<I born in Paradise of Food，why not explore deeper?>>屯門好大又好多商場更有人係依個小地方開一間小小日本店原本以為係果種有點港式的日本快餐店點知佢係主打日本靚貨既魚生丼店這間民間小店依然保持高水準好似同成個區有點唔夾不過都幾有趣今日點左一份参之重丼食飯前會有舊芝士同味噌湯魚生係新鮮有料又厚身成個套餐感覺幾好總結木系裝飾，座位都唔太闊落貼滿魚類介紹好多人排隊要食就襯早去留位價錢真係有點稍貴要有心理準備O

黎到屯門睇完戲，上openvice見到呢間鋪路，就行去試下，因為無訂位，需要排一陣隊，排左大約15分鐘就有位了~入到去地方唔大，但裝修不錯，服務員好有禮貌，仲提醒有個箱仔可以擺袋。餐牌有好多唔同嘅丼選擇，最後我選擇左“赤甕丼”入面有三文魚，三文魚籽，飛魚籽。赤甕丼來之前有一個熱湯同一片芝士，服務員話先食芝士後飲湯，我將芝士放落口，淡淡的芝士係口中，然後再飲湯，熱湯將口中嘅芝士立刻融化，感覺十分特別！後來“赤甕丼”好快就來到，光看表面已經用料十足，整個丼都佈滿食材，每一口都口感滿足。

呢間都叫屯門名物，友人推介我食佢既lunch，話7x$好抵，但最後都係黎左食dinner，偏貴但幾有質素既～壱之重丼（225$）呢款吞拿魚腩、海膽、牡丹蝦呢d熱門既都有，另加兩款時令鮮魚，多款式岩晒我🤤北海三味丼（210$）四大粒飽滿既火炙帶子配上松葉蟹肉，鍾意食帶子既人一定會喜歡～總括尼講呢間係可以出左糧尼食一餐既晚餐，一個人/幾個人食都得，真係會令人有幸福既感覺，當係俾自己生活既一點獎勵🤣🤣

好難得地遠訪屯門，一年都去唔到一次，去之前緊係要搵定屯門有咩好食。難得一次去屯門，唔想求其食快餐，又唔想食到中伏野。見到不少好評價嘅漁匠屋，就有興趣嚟試吓。店內位置不多，下午時間來到剛好不用排隊，不過店內都滿座。餐牌丼飯款式都算多，配上湯和前菜。前菜包含海蜇同裙邊，湯好勁芝麻味。北海三味丼$210帆立貝好大粒，稍為火炙過更香，都有成4粒。三文魚子都幾大粒，唔會好咸，都算鮮。另外蟹肉都唔錯，幾香。飯方面，都夠壽司醋味，飯唔算好凍。壹之重丼$225海膽好鮮甜。蝦都算鮮甜，頭有少許腥但都可接受。呑拿魚都好香好肉味。呑拿魚蓉唔錯是日鮮魚，即係右下角白色個兩片，唔知道係咩魚，冇乜特別，半熟。油甘魚都好香，爽口。d魚生都算厚。串燒牛舌好食，燒得好香脆，亦唔會un。總結價錢雖略高，但份量算大，刺身厚，味道鮮甜。

次次經過呢間餐廳都見到門口排晒長龍聽講話book都冇得book一定要Walk in排隊見佢咁大牌就梗係要試吓佢有乜嘢咁犀利所以就揀咗日平日6:00就嚟到門口諗住唔使點排啦點知都係要等 等咗都差唔多半個鐘先有得入座.呢度Menu好簡單 主打有幾個丼同埋一啲常見小食 炸雞 枝豆 等等啦咁我哋就叫咗丼估唔到佢嘅麵豉湯 會加一片芝士店員提醒我哋先食芝士後飲湯果然味道好特別 好似幫個麵豉湯提鮮咁從來未試過咁樣嘅食法.三重海膽丼 $255上面係日本海膽 最好食😋😋😋好鮮好濃郁左面係韓國海膽 都好食 😋😋 入口好滑右面加拿大海膽 比較下晝冇咁濃郁同埋有少少腥不過總結來講覺得都幾好食海膽丼來講價錢都差唔多

😋性價比高日本料理😋依間日本料理因為食材關係吾係成日開。但每次開我都忍唔住食。今次試餐牌最貴既和牛海膽丼，望到餐前師傅即時製作，飯底有調味料，鋪上滿滿新鮮和牛後即燒得香味撲鼻，再放上兩種不同日本海膽，超級新鮮，最後上面有粒生蛋，搞拌開配和牛，撈飯都好好味。

聽說紅橋有間以新鮮日本刺身而聞名於整個屯門的食店，小妹知道假日一定無可能食到，於是每次平日放假就會趁機睇下有冇機會搏一搏去品嘗下。誰知原來平日都難以拎位，晚市午市都一樣座無虛席，一係過了下午一點已滿座，兩點休場，一係老闆娘話飯已賣哂…..結果，小妹下決心一定要試一次呢間屯門美食之一的小店，於是中午十一點九就到達，應該不會再有試不到的理由吧，原來成間店只係坐到十六人，唔怪之得每次都咁難拎位啦⋯⋯十二點入座了，嗌了一個午市雜錦魚生丼和一個黑丼，另外再嗌一個小食忌廉餅，每個丼都佩送一碗湯同沙律，湯裡面海帶怪怪的，滑嘟嘟，口感怪怪的，丼的份量其實好小，但女仔食的份量偏多，食了一半已經有點濟，由於黑丼的墨魚醬好多好濃，蒜🧄味亦好濃烈，食的時候已經食唔出自己食緊咩餸，忌廉餅唔特別，下次可以唔洗再嗌。原來呢間日本料理聞名的就係幾款顏色丼飯，價錢相宜，但很有特色，如果下次再有機會食，會嗌番嗌溫泉蛋雜錦海鮮丼，比黑丼好食

壽司飯的專門店，開半句鐘車來到屯門也是值得的。在車上已開始幻想有幾好味，但係又唔知會否在公假到來要大排長龍呢？泊好車就一個箭步向目標出發，踏至門口時發現還是在「準備中」，故此先留下姓名及聯絡電話號碼，再往四周逛逛，也順道在附近的一家BYOB coffee 買了杯Americano 爽一爽！之後就馬上回去漁匠屋，入座去享用一頓美味的午餐，我們在假日特別menu內都看到各款極其吸引的壽司飯，但係最吸睛都是黑甕和三國海膽，兩款都各有特色，三國海膽來自日本、加拿大及澳洲，鮮味十足，但始終是日本的一款最靚！而黑甕的黑魚子混入帶子和蟹肉則較重口味，但是仍是海水鹹味中的一份鮮！我們也多點了一份燒牛舌，香口但沒什麼令人驚喜！總而言之，這家的壽司飯真的到家，選材亦十分上乘，愛吃壽司飯的朋友一定要來試一口哦！

係屯門睇戲，於是係附近搵間日本野食，搵到尼間食丼飯所以就入去試下。店內位置不多，咁啱係開鋪時間左右所以唔使等就有位，坐係bar枱位，可以望到料理師傅親自炮制料理。打開餐牌有多款丼飯選擇和小食，嗌了一個参之重丼，有三文魚，帆立貝，鮮魚同甜蝦四款刺身，再另外叫了一客燒牛舌。前菜給了一塊芝士和湯來做開胃菜，味道還好。燒牛舌先到，兩串八塊，份量剛好，厚度適中，一啖一塊牛舌，燒得十分香，非常好味。丼飯亦隨之而來，刺身份量不會少，塞滿碗面，裏面的飯調了味，不會單調，配搭刺身一起吃，十分鮮甜美味。整碗丼飯份量不多也不少，食材新鮮，服務也很好，價錢見人見智。

依間攞獎既日本料理吾係浪得虛名，每次食都有驚喜。前菜係海帶湯，乳酪味芝士。 食完好開胃。酸汁廣島蠔🦪，擺盤超靚，係一蠔殼形狀既盤，好大粒，食落少少酸但蠔味好夠，好爽滑。海膽吞拿魚拖羅丼飯🍱，係飯上面放滿吞拿魚拖羅，再鋪上滿滿海膽醬，再上面放上新鮮海膽，誠意十足。 吞拿魚拖羅經過處理，食落去入口即溶既感覺，超容易咬開。 撈一撈飯，每啖都食到海膽醬。 小編推介😋三味丼飯🍚 係蟹肉🦀，燒帶子🦪，三文魚子。 睇相就知帶子超大粒，仲有4粒甘多，表面燒到脆口，裡面仲保持刺身口感，一級棒。 蟹肉同三文魚子都比勁多，可以撈埋每啖都食到，連飯都加入調味，吾洗再另外加鼓油都好夠味。 蟹肉好香，三文魚子咸咸地，撈飯食好正。 小編推介。😍Openrice: #VictoriaChan1008#漁匠屋 #酸汁廣島蠔 #海膽吞拿魚拖羅丼飯 #三味丼飯 #蟹肉 #燒帶子 #三文魚子 #海膽 #吞拿魚 #拖羅 #丼 #oichiii #relax #lunch #happy #life #openrice #youtubers

中午烈日當空下由屯門市中心行左差唔多20分鐘到呢間小店，但一d都無阻我覓食嘅決心。小店只有十幾個位，見review 話成日都要排隊所以一早打電話去book，我地當日book好早嘅timeslot所以尚未full house。我地order 左弍の重丼同壱の重丼。除左昆布湯之外仲好特別有餐前煙燻芝士，味道都唔錯！好耐冇食魚生嘅我見盛滿魚生嘅弍の重丼端上果一刻有刹那的感動！澧洲鮮魚好新鮮味道較清。赤身呈鮮紅色，厚實而鮮甜。司傅話今日嘅海老比較細所以配多左隻甜蝦比我💛Yeah可以試多款刺身執到啦！海膽不過不失，最鍾意個蔥吞拿魚腩蓉，魚腩脂肪比例較多，超香超正！丼飯已預先加入甜醋，黏同軟度適中，丼飯整體十分高質！壱の重丼有兩款澧洲鮮魚、吞拿魚腩、牡丹蝦、海膽、蔥吞拿魚腩蓉同三文魚籽，想試多幾款刺身嘅朋友可以試吓！再加左份炸蟹肉忌廉餅，雖然蟹肉味唔重但勝在creamy 得嚟又唔係好滯，口痕之選！Menu-

有時想食日本野，但唔知食邊間好，都會黎漁匠屋食個丼飯🍚😋如果想食嘅話，建議book定先，因為店舖嘅座位唔多，平時walkin都要等一段時間😖平時黎多數都會食1.壹之重丼想試下新野，今次就叫左6.赤甕丼($180)首先，會上一份芝士同一碗湯芝士好講個人口味，唔係每一個人都輕易接受到芝士嘅味餐廳採用依隻略帶煙熏味嘅芝士，配合清湯，可以醒醒味蕾，為主菜做好準備😋今次係坐bar枱，可以睇到師傅製作過程見到師傅放左好多飛魚籽，完全唔孤寒😍但之後，就有小小不安啦😭見到師傅將三文魚，三文魚籽同好多唔同嘅調味料撈埋😢雖然menu有寫住辛口但無諗過係咁嘅做法😢😢因為落嘅調味料太多，每一啖都會食到好重嘅麻油，炸蒜，實在太重口味啦😭連三文魚嘅味道都食唔到依個丼飯唔係好岩個人口味，但平時食嘅款式絕對唔差，下次都係食返平時食嘅好了🤣

原來紅橋如此多好西宜家先發現有間咁高質既刺身丼無book位 膽粗粗walk in以為要等好耐幸運的我唔洗等✌🏻坐bar枱 望住師傅處理食材好似去左日本咁前菜 煙燻芝士 湯個芝士好食 個煙燻味同芝士味都係容易入口配上清湯 感覺幾特別酸汁廣島蠔(食得太開心唔記得影)本來我就唔食生蠔但見之前大家都話依個蠔整得幾特別就試下的確個酸汁係幾好食而個生蠔又唔會有怪怪腥味仲幾甜 配上特製酸汁係幾好食壱之重丼依間d刺身真係幾新鮮然後d魚又幾厚切又無食到有筋鮮甜味美秘傳海膽醬燒鮪魚丼滿滿既海膽醬同一片片甜甜地既海膽加上炙燒吞拿魚腩仲有燒完之後岀黎既魚油加埋飯全部一齊食係超級香但又唔會覺得好油膩好食

💛漁匠屋·因為我哋其實都唔係好知屯門有咩好食 所以我地喺某社交平台見到好多人推介呢間就去咗啦😌😌·壱の重丼$225佢呢一個其實比我想像中細碗 我覺得男仔一碗其實未必夠飽🙊🙊不過因為嗰日我哋食野之前去咗happy hour 已經食咗啲嘢 所以我哋就咁嗌多咗啲小食😎我覺得佢啲刺身唔錯嘅 但係佢個飯真係有啲黏 而且調味重手左 所以有啲啲鹹 口感一般🤔不過佢隻蝦超甜 而且都彈牙既🦐個吞拿魚腩都唔錯既 油脂好好 可惜係佢有一舊有啲筋 之後佢個油金魚同海膽都唔錯既 如果個飯處理得好啲一定仲正🤤🤤·芝麻雞翼$48 l 炸日本雞皮餃子$58佢個芝麻雞翼都炸得幾香口嘅 而且都幾大隻🐤至於佢個雞皮餃子就真係超級邪惡 佢出邊嗰個餃子皮全個都係用雞皮做嘅 所以真係超肥仔🤭🤭不過雖然佢係原塊雞皮 但係唔會話太油膩 都幾特別 大家有興趣可以試吓😈··📍屯門井財街21號協邦大廈地舖