漁場台風

營業中

休息中

今天下著毛毛細雨，是星期六的下午3點左右，店外大概四至六人排隊，輪候時間大約15分鐘，顧客需於排隊期間先填寫下菜單。入店後，座位原來很寬敞，環境好乾淨👍🏻，有整壼的檸檬水提供😊，order大約7-8分鐘才上，等候期間可以觀賞牆上的食客評價和店家回應，及欣賞一下店家非常有心機的手工及插畫。點了2款沾麵，魚介豚骨熱食及魚介蕃茄海蝦凍食。自己更喜歡凍麵，口感比較彈牙，蕃茄海蝦湯非常醒胃😋，魚介豚骨湯好香濃，也是會上癮的味道。份量真係好大，結果2碗也吃不完，下次要點少麵少醬份量，正常版後生仔女先消化到😝不過真係好味，好正👍🏻👍🏻服務員全部都好有禮貌PS.入到店舖後先發現可以點：走蛋走叉燒或走筍的互換配搭，下次再幫襯時會醒目啲。

💛#旺角 #拉麵台風打手到場🤣🤣超級鐘意食台風不過要食沾麵要晏就 拉麵就要dinner time-🐟魚介豚骨拉麵 💰hk$78🦐 燒海蝦味豚骨拉麵 💰hk$88湯底好濃好重魚味😋蝦湯都好重蝦味😋而且仲鋪滿櫻花蝦tim麵底煙韌，軟硬到做得好好不過今日再食好似比以前幼左？🤔所有配料都好好食！最值得一讚既係我唔食筍，可以將佢轉做粒粒叉燒👍-份量真係好多🥺不過太好味我都食晒女仔記得叫少麵 次次食完飽到上心口

今日收工收得比較早🫢咁就要去食好西獎勵吓自己 朋友介紹呢一間拉麵店都幾好食 所以今日就去試吓 平時應該都要排隊 好彩今日比較早 唔太多人 吾洗排太耐😍因為天氣真係太熱🥵我同朋友每人嗌左一個拉麵🍜我果個系鯛魚白湯拉麵🍜味道真系好濃郁🤤原本我都好怕腥 但呢一個完全吾會😍朋友就嗌左個燒海蝦🦐味豚骨拉麵🍜一落枱 我都嗅到好香🤤可惜我對蝦敏感😖無得試 另外加多個特製腩肉叉燒🍖味道都吾錯 對於中意食肉既朋友都可以試下😋

旺角搵食真係太多選擇，朋友介紹食沾麵要去呢度「漁場台風」，原來位置非常近我公司，朋友話呢度成日都排長龍，於是我12點就到達，好幸運我唔需要排隊😁但我食完後出邊已經大排長龍。坐低店員非常有禮貌地給我一張點餐只及介紹沾麵的選擇，佢話如果你第一次嚟就試吓第一個魚介豚骨沾麵，聽從他的選擇我決定揀呢一個, 另外再挑選我的喜好就落單。等待的時候，我發現場上好多標語，全部都係客人寫的心意卡，而且周圍都擺放一啲卡通繪畫，如果逐個睇都有排睇。睇咗一陣我的沾麵送上，濃濃的湯底好香魚湯味，夾雜着小小魚肉，蔥同筍絲，拉麵煙靭，有半隻檸檬，半隻蛋及一片紫菜。沾上湯，真係好好味。後來知道佢哋嘅叉燒都好出名，我下次一定要試。提返呢個面嘅份量係細份，因為我怕自己食唔晒😅千祈唔好浪費師傅的心血。未去到日本，就滿足下先。

終於食到喇！係 「漁場台風」拉麵。👏👏又係一間超多人排長龍嘅拉麵店，今晚唔使排隊終於可以一試。😂😋果然有驚喜係食過最好食嘅拉麵。🥢魚介湯頭濃郁鮮香美味，拉麵質感先彈牙後軟糯，條條掛汁嘅拉麵好食都停不了！豚肉一片大大片肥瘦剛好非常入味，半隻糖心蛋充滿醬油香味好好食。😋魚介豚肉拉麵 $78 無得輸！👍👍👍👍👍🥰期望下次食沾麵

已經係老顧客🥰次次都超滿足甘走佢最平先$78仲要唔洗加一但已經係出面拉麵店架1.5倍份量開頭幾次都會叫普通，現在知到一定食唔晒一定會叫偏少但醬汁（湯底當然不變係大量）我一向就唔食蔥，會自動幫你變做椰菜會係你張單上寫明你坐咩位所以都未見過有比錯，出錯每碗跟埋兩片叉燒，一片紫菜，半隻糖心，部分竹筍，部分波菜荀有調味，超好食糖心蛋未見過有失手叉燒就比較上普通但拉麵係粗麵，煙靭又有咬口仲要甘大碗性價比超高店內環境好有特色滿滿客人架評價/圖畫店員溝通時仲會講日文好似真係去咗日本食嘢甘🇯🇵提提大家食完記得一定要攞單只要食夠三碗下次再食時就有一隻糖心蛋送🥰我通常都會同朋友分一人一半，甘大家就計埋本身拉麵果半隻有整整一隻啦

店家新推出的鯛魚湯底配上數塊雞肉湯頭裡用大量的鯛魚去煮麵線吸附了湯底的味道碗裡有紫菜　少許大蔥和洋蔥作伴半個溏心蛋點綴溏心蛋的流心程度不高比較熟成　我同男朋友那碗也是有點小失望雞肉的質地有點柴份量挺小的　大約3小塊左右另外加份叉燒薄薄的3塊　挺大的肥瘦相間　油脂香很強不過以拉麵的價錢去試　覺得少貴.

近排食沾麵、拉麵食上癮😆😆😆走到各區試唔同嘅拉麵同沾麵，請大家拭目以待😌😌今次同大家介紹嘅係位於旺角快富街嘅麵檔😍😍其實我係睇網上啲片而去嘅，睇吓佢有冇介紹錯先🧐🧐🧐話說今日打風，諗住唔使排隊，點知去到都要排隊，排咗大約20分鐘，都接受到嘅入到去係好傳統日本拉麵檔嘅裝修～好多野睇嗰款呢🤪🤪今次我就叫咗呢款我覺得佢本身碗麵嘅賣相就一般啦😅😅但嗰個沾麵湯底就真係真心正😘😘😘😘食完你係好想一啖接一啖，但又唔會太濃，好口渴嗰隻👍🏻👍🏻👍🏻因為我都好怕太咸而好口渴嗰個感覺🤣🤣呢個係自家製篙，超好食，如果我個胃有位，我一定會再嗌多個～佢係完全冇嗰啲《噏》味，我唔知大家明唔明我講咩😂😂，因為食篙最怕食到嗰個《噏》味，佢仲有陣鮮嘅味，再加上啲黑椒，簡直錦上添花❤️❤️❤️❤️好期待下次我再去試埋其他湯底，我會好想試埋佢個拉麵🍜4:30前喺食沾麵， 4:30後去係食拉麵大家記住啦！😎😎😎

Ramen Taifu from Tokyo has an interesting concept - only serves つけ麺 dipping noodles in the daytime and only ramen in the evening. I am more of a ramen than tsukemen person but this time when I past by around 1.30pm, there was no queue outside so let's give it a try.Generous amount of noodles. The noodles were al dente. The broth was good, not too salty but thick enough and flavorful. Charsiu was tender and nicely roasted. The egg was also jammy and we'll marinated. Service was good.

星期日喺旺角搵食…記起Sunny介紹，一於去試吓先今日真係好熱…排隊排到入後巷，硬食冷氣熱風口都幾難頂⋯⋯排咗半個鐘頭終於見岸，職員會出嚟派紙仔點單先～門口有部扭蛋機，但係身上冇2個5蚊，所以冇扭⋯⋯入到去舖仔唔算大，但係好有氣氛～其實幾欣賞呢個點單過程，聽吓你坐低唔使等，你嘅order就放喺你面前～中午得沾麵食，開淨我個辨～海蝦味好濃，反而食唔出蕃茄味麵質爽口，好掛湯～裏面有啲肉粒，肥瘦層均佈，甘香。另外叫咗好出名嘅筍，係好有黑椒味嘅，不過覺得偏淋…另外叫咗嘅豚骨沾麵，好重魚介味，味濃總括嚟講係出色嘅…不過下晝口渴情況都幾嚴重😅

前牌同朋友去旺角行街，朋友建議食呢間出名嘅拉麵，話拉麵通沾面都好正，於是我哋就好瘋狂咁樣喺同一日兩個唔同嘅時段試晒佢地🦦-魚介豚骨拉麵湯底以豚骨做基礎，配有半隻糖心蛋、蔥、紫菜、筍、豚肉。拉麵軟硬適中，非常彈牙，而且份量十足，湯底亦都唔會油膩，喺香港食到嘅拉麵來講屬於中上，會再嚟食佢個拉麵～～💜-魚介豚骨沾麵相較之下，佢個沾麵就有啲令我失望😵‍💫唔知係咪因為我叫多醬關係，個湯底非常之鹹，我朋友叫正常醬都係覺得好鹹，可能係沾面比較重口味？？而且面唔夠掛汁，有啲失望

漁場台風係企鵝妹心目中數一數二嘅拉麵店，星期六夜晚去到等左大半個鐘先入得，大家排緊隊嗰陣可以玩門口部扭蛋機，會扭到唔同獎品架!⭐️燒海蝦味豚骨拉麵 $88 (8.5/10)湯底係超級濃郁嘅蝦湯，仲有櫻花蝦鋪晒喺面，啖啖都食到🦐。麵質煙韌，硬度剛好，而且有分150/200/300g，配合到唔同食量嘅大家，嗰日幾肚餓嘅企鵝妹叫左200g都食唔晒😂食量少嘅女孩子應該150g都夠晒lu~~⭐️增量叉燒 $25 增量筍 $10(扭蛋贈品)叉燒肥瘦適中，有輕輕炙燒過，不過應該冇咩調味，要擺落拉麵配埋湯食筍真係好抵，原價$10塞滿左成個細碗，仲有少少黑椒調味👍🏻🐧企鵝妹食後感:成間拉麵店有好多日本漫畫做牆身裝飾，好似去左一轉日本地道拉麵鋪咁🇯🇵拉麵調味啱晒企鵝妹，濃郁又唔會死鹹，佢地中午係有沾麵架! 下次會再去試🥰🐧企鵝妹推介指數: 8.5/10

🍾環境🍾當日係平日嘅6點半 小編去到已經排長龍啦...🥲大約等咗40分鐘就可以入座⏰店面位置唔算多🪑所以等候嘅時間可能因為咁而比較長⏳但係每個位置嘅空間好充足 坐的好舒服😌裝飾同埋佈置方面真係好靚😍真係覺得自己去咗一轉東京呀!!😆除咗裝飾之外 牆上面仲有好多唔同嘅漫畫、客人嘅回饋同埋漁場台風嘅回覆 ⚜️🎍🎐🖼係依家佢唔到旅行嘅期間去一去漁場台風就好似去咗旅行咁呀!🇯🇵🏯🍜🤓服務🤓頭先講到等待時間都有成40分鐘 但係係等嘅時候員工會比點餐紙我地📄係等嘅同時嗌埋野食🍜員工隨即會係過多陣嘅時候收番點餐紙👨🏻‍🍳入座之後好快就會有野食到🥹相信係佢地收咗點餐紙就會開始準備食物😉小編發現佢地會好細心咁記低變為客人食咩 🤯到時準確咁上菜😋😋小編都發現到有啲留言話女仔黎食嘢唔記得帶橡筋員工會主動借比佢 真係好貼心!!♥️😋食物😋🌟沾麵只會係午市提供, 包括魚介豚骨沾麵、魚介豚骨焙煎黑芝麻沾麵、魚介豚骨番茄海蝦沾麵👨🏻‍🍳🌟拉麵只會係晚市提供, 包括魚介豚骨拉麵、燒海蝦味豚骨拉麵、鰹魚味豚骨拉麵、沙甸魚味豚骨拉麵👨🏻‍🍳🌟可以選擇麵量、醬汁量同埋有冇蔥👍🏻🌟配料方面+$10增量筍, +$10增量紫菜, +$

堂食時間放寬，終於可以再去呢間喜愛嘅拉麵舖。首先佢哋裝修同其他好唔同，棄傳統日式設計走日本動漫風，成個場都甚至連告示都同漫畫表達。雖然佢哋播啲動漫歌，我呢個阿姨嚟講會覺得嘈咗少少，不過拉麵都係食一陣啫，唔會坐個幾兩個鐘咁嘛。我鍾意食啲帶蝦味嘅湯頭。今次照舊點咗一碗燒海蝦味豚骨拉麵。櫻花蝦味道入埋湯頭，味道更甜美。雖然日本拉麵啲湯頭卡路里好高，但我都唔理咁多，會飲埋湯。呢間麵條較一幻粗，但一啲都無影響掛汁。麵夠熱、叉燒大塊、肥瘦剛好。麵條有三個份量選擇，女仔200g都已經好夠食好夠飽，特別大食嘅男士可以叫夠300g。 麵本身會跟半隻蛋。多出嗰隻係之前已經去咗三次，憑單換嘅贈品。溏心蛋整成點，就已經大概知道拉麵舖嘅水準。佢哋啲溏心蛋幾好食，夠入味又唔太熟，所以我係會keep單。（除咗紫菜，跟麵嘅其他配料係可以轉，換咗贈品又唔想食太多蛋，我會轉走跟拉麵嗰半隻蛋，皮膚差嗰排，我就會將筍換走之類。）佢哋跟日本拉麵舖做法，日唞賣沾麵，夜晚先賣湯麵。沾麵又係好好食，有機會晏晝去幫襯再寫。

今晚好想食拉麵🍜，見呢間台風好似人氣唔錯，想黎支持下，試試佢🤤💡都預返啲時間排啊！今次都排左30分鐘左右架（約7點開始排）本來都想試佢沾麵，但原來⚠️沾麵要12:00-15:30先有得食想食既朋友要留意了！💡所以叫左兩款拉麵：鰹魚味豚骨拉麵湯底味道：比較重炭烤？鰹魚乾味，而且湯口感係有啲沙既感覺，味濃啲燒海蝦味豚骨拉麵湯底味道：相比之下比較鮮味，有啲櫻花蝦增加口感🍜麵質：粗幼適中，可以煮耐啲軟身少少，但覺得麵似乎唔係好掛湯，唔算入味🍜配料：筍係好好味，值得加多啲，紫菜都係鍾意佢可以將配料轉配🍜份量：真係叫少麵都夠唔少野架👍🏻