漁家

營業中

休息中

太耐冇踏足筲箕灣東大街, 原來平時同同事食lunch嘅飯堂已經轉咗另一間餐廳, 新開咗呢間日式居酒屋。餐廳環境整潔企理, 牆上掛上了當日菜式精選推介、特價菜式。呢度除咗有多款串燒, 仲有數款刺身、小食、酒類飲品等...【三文魚】HK$58刺身很厚切, 滿足口感。【赤蝦】HK$68肥美爽口有鮮味。【照燒台山蠔(半打)】HK$88蠔肉有鮮味, 茨汁甜甜地, 夾集多款配料包括青紅椒、洋蔥、蔥粒等, 口感、味道同樣有層次。【蒜蓉牛油煎台山蠔(半打)】HK$88蠔肉雖然唔太大隻, 但經牛油煎過非常惹味juicy, 夾埋蔥粒同埋炸蒜食, 更為香口; 仲配有脆蝦片, 送酒一流!【粟米天婦羅配明太子蛋黃醬】HK$58粟米沾上炸漿炸成一件件, 不會過於油膩, 口感鬆脆, 咀嚼時清甜粟米粒爆汁, 配上明太子蛋黃醬, 味道更提升。【雞胸軟骨(1串)】HK$32口感爽脆, 加上孜然粉調味, 非常惹味, 超推介!!【雞軟骨(2串)】HK$32 口感同樣爽脆, 加咗少少鹽調味, 同樣係美味推介。【牛舌芯】HK$58牛舌芯表面帶有油光, 灑上了些少海鹽調味, 口感爽彈又juicy。【雞翼】HK$28 雞翼表面燒得帶

筲箕灣東大街有食街之稱，但在東大街天后廟旁的一條行仔，亦都有一間新開的日式居酒屋，餐廳主打日式料理，估不到在筲箕灣也有一間高質又平食的日式料理，今晚就同老公去品嘗一下先🤭美食推介：💛唐揚炸雞：炸雞皮脆肉嫩，炸雞的粉漿是特別調製，吃一口脆卜卜，肉汁仍鎖在雞肉內，再沾上廚師自家製醬汁，味道豐富👍🏻💛雞軟骨：雞軟骨串燒每份有兩串，而且每串份量也大大粒的，非常滿足，吃前加上少許檸檬汁點綴，非常香口😋💛安格斯封門柳：封門柳熟成度剛剛好，肉質鮮嫩，濃濃的牛肉味道配上特調的芥末醬，非常出色👍🏻💛新鮮鱈魚鍋（二人份）：凍冰冰天氣，歎一鍋暖笠笠的鍋品，非常暖身🤭鱈魚是由加拿大直送到香港，肉質鮮甜，鍋品除了鱈魚肉，還有生日本生蠔、什菌、魚肉豆腐、蒟蒻及什菜，份量相足料，湯底非常鮮甜，真的非常滿足😌💛炸蓮藕雞肉餅：新鮮蓮藕包著雞肉餅炸脆，口感豐富外脆內嫩，而且不會很油膩，非常喜愛蓮藕與雞肉之配搭，口感不會很乾👍🏻是晚兩位侍應的招呼非常好，每上一次食物都會逐一介紹給你。非常親切🫶🏻*座位非常舒服*食物質素非常高

最近去咗一間日式料理餐廳，餐廳在筲箕灣東大街，天后古廟附近，位置方便又易認。餐廳擺放左一個大魚缸，好吸睛。客人可以點即叫即製菜式，視乎當日有既海鮮，同一般嘅日本餐廳好唔同，好特別。自家製免治雞肉棒餐前的自家製免治雞肉棒無疑是個精彩的開端。雞肉鮮嫩多汁，搭配新鮮蛋汁，讓人一口接一口，欲罷不能。牛肩胛小排牛肩胛小排令人驚艷，肉質軟嫩，油花分布均勻，香氣四溢。搭配簡單的調味，讓牛肉的自然風味得以充分展現，食咗一客後都忍唔住要再encore。露筍牛肉卷新鮮的露筍被牛肉包裹，既有肉的濃郁，又有蔬菜的清新，完美平衡。略帶煙燻味的烹調方式，使這道菜更添層次感，令人驚喜。雞翼雞翼是聚餐的必備，這裡的雞翼外脆內嫩，醬汁濃郁卻不膩。搭配一杯冰啤酒，實在是絕配。椎茸天婦羅外層的天婦羅麵糊輕盈酥脆，與椎茸的柔軟口感形成鮮明對比。每一口都能感受到椎茸的鮮美和天婦羅的香脆。加拿大鱈魚鍋來到加拿大鱈魚鍋，鱈魚鍋熱辣辣的上枱。湯底清淡卻鮮香，充滿魚既鮮味。鱈魚片鮮嫩滑口，蔬菜的清甜與魚的鮮味相得益彰，讓人感受到溫暖與舒適，令人感覺好滿足。青檸蜜糖梳打與Suntory啤酒青檸蜜糖梳打，清新的口感讓人耳目一新，而Sunt

🍢🍲筲箕灣漁家私房菜—超正日式小菜同串燒 今晚去咗筲箕灣 漁家私房菜食飯，真係好滿足！呢度以日式小菜同串燒為主，食材新鮮、味道夠惹味，完全停唔到口！店主好好人，知我地咳特登送咗杯止咳熱柚子蜜比我地🥺🥺❤️❤️🍲 三文魚頭鍋呢鍋湯係整晚嘅主角！湯底濃郁又帶三文魚嘅鮮甜味，仲有豆腐、菜等配料，飲落去特別暖胃，好啱冬天！三文魚頭啲肉嫩滑，帶少少魚油香，真係一啖又一啖，呢個一定要試！ 🥗 日式韮菜炒砂肝呢道菜真係好正！砂肝炒得好香，爽口彈牙，加埋韮菜嘅香氣同洋蔥嘅甜味，味道濃郁到啱啱好。配埋白飯一齊食，簡直係完美搭配！超啱鐘意啲重口味嘅朋友～ 🍢 串燒系列：1. 雞胸軟骨串 軟骨串燒到外脆內嫩，雞胸肉仲保持住啲肉汁，咬落去脆卜卜，鹽味簡單但好出色，非常滿分！ 2. 蔥雞串 雞肉配埋蔥段，燒到微焦，外皮香香脆脆，雞肉都好嫩滑，仲有少少蔥嘅清甜，味道真係好夾！ 3. 露筍牛肉卷 呢個真係不得了！露筍脆嫩，牛肉包住燒到啱啱好，外層有少少焦香，牛肉仲帶啲少少油脂，入口有層次，超正！ 4. 豚肉帶子卷 帶子超鮮甜，豚肉鹹香又Juicy，兩樣一齊食，真係入口即化，呢個係我最愛嘅串

相信好多人都知道筲箕灣嘅東大街整條街餐廳美食林立，今日就比我發掘到喺街嘅盡頭轉角位有一間新開嘅隱世日本料理。食物水準滿有驚喜，而家新張期內仲做緊好多推廣優惠。餐廳環境舒適，牆壁上佈滿了漁船碼頭嘅照片，就像置身於日本碼頭魚市場享用嘅感覺。燒馬友一夜干 $128經過鹽漬處理，魚肉質緊實，魚皮燒焦脆卜卜，鹹香味十足，最適合下酒嘆番杯。安格斯封門柳 $228肉質細嫩，口感極佳。燒至5成熟，外邊帶有炭香味，內面肉汁豐富，滲出濃郁的牛肉香味，配上芥末醬回味。牛油清酒煮沙白 $98沙白嘅鮮甜美味配搭牛油與清酒的濃香，連湯都想飲埋🥰串燒全部即叫即燒送到熱辣辣好惹味串燒豆腐串 $28雞皮 $34/2 串豚肉茄子串$32第一次試這個配搭，頗有驚喜店員嘅細心服務，亦都值得讚賞👍

東大街覓食之旅，先被街頭小食小店吸引，到左正餐決定試新店！漁家~門口有魚缸，養活魚做刺身，有誠意！🍲新鮮鱈魚鍋$228- 鱈魚係新鮮加拿大直送，魚好香滑，魚湯鮮甜香濃。冬天暖笠笠首選！🍜蟹肉明太子烏冬 $148- 蟹肉多，烏冬掛滿汁，明太子同蒜味夾埋好香，好味！🦪照燒蠔 $88- 睇見隔離檯食得好滋味，的確冇令我哋失望，蠔煮得啱啱好，醬汁夠惹味！🍢串燒 - 雞軟骨，芒果雞卷，露荀牛肉卷，翠肉瓜串燒好多款選擇，仲有燒魚添㗎！值得一試！

️京都之遊意猶未盡，返黎繼續食日本野！ 呢晚黎到筲箕灣東大街食漁家，內裡裝修充滿漁市場、居酒屋風情🚤油甘魚刺身 ($68)、鲷魚刺身($58)每款一切三片🐟油甘魚尤其肥厚，魚肉軟綿魚香濃。 🐟鯛魚薄切帶嚼勁，爽脆甘香，紋理細緻透亮，好新鮮！ 點了4款燒鳥🍢雞心 $22 /串🍢雞皮 $34/2串🍢雞肝 $28/串即燒有炭火香，入口熱燙大串，特別係雞肝，回彈口感，加幾滴檸汁提鮮，味道媲美日本居酒屋🏮 紫蘇蘇梅醬雞 $32/串 紫蘇葉加梅醬雞肉串，肉質嫩滑面層，酸酸甜甜醬香、葱花，食起更可口！ 新鮮鱈魚鍋$220天寒地凍最適合食鍋物，鳕魚由加拿大直送。鳕魚鍋即席加熱，魚肉綿滑鮮甜帶皮，配料除了野菜，仲有肥美大蜆、魔芋、魚糕。奶白色既魚湯，加入薑、胡椒，暖胃飽肚！ 牛油果蝦沙律$68薄脆片上面放上厚厚香滑牛油果蓉，伴上蝦肉，外掛意大利陳醋口感豐富滋味，上碟精緻用心，蒜蓉燒台山蠔（6隻）燒台山蠔好有驚喜！ 蠔肉珍寶級大隻肥美，蒜蓉份量調味控制得宜，唔會遮掩原有蠔味，帶子位爽脆，蠔肉多汁燒得juicy 鮮味！

在筲箕灣東大街搵餐廳食晚飯，行到古廟旁見店員派傳單，原來轉入旁邊巷仔有一間新開的居酒屋，新張期間還有九折。餐廳名稱叫漁家，英文名是Fishmart，門口又有一個大魚缸養殖游水海鮮和龍蝦，坐下見牆上貼滿一張張日本魚產、碼頭、漁船等照片。看來是主打海鮮，於是我們就點了一個魚鍋和一些燒物。新餐廳環境和服務都不錯，價錢也合理。🏅鱈魚鍋（$228） 以加拿大直送鱈魚為主角，質感嫩滑，入口即化，魚味濃郁。奶白魚湯香濃順滑又鮮甜，搭配娃娃菜、姑姑、鱈魚豆腐、沙白等，層次豐富。還有蒟蒻麵吸收湯底精華，口感爽彈，是一個溫暖又滿足的選擇。🏅鹽燒馬友一夜乾（$128） 馬友魚經一夜乾處理，魚肉緊實且油脂豐富，魚皮微焦帶脆，帶有炭香，鹹淡適中，非常下酒。🏅法式羊架（$78）～ 肉質柔軟細嫩🏅原條去皮茄子（$48）～ 茄子去皮後口感更加細膩，入口綿密。🏅芒果雞肉卷（$34）～ 芒果清甜，雞肉嫩滑，帶點熱帶風味，酸甜開胃。🏅蘆筍牛肉卷（$40）～ 蘆筍爽口多汁，牛肉微焦帶香，好味道。🏅豆腐（$40）～ 豆腐外層酥香，內裏細滑，搭配輕鹹的醬汁，突出豆香。

東大街出名多美食，今次試咗間新日本菜，喺天后古廟旁邊，而且幾近地鐵站出口，位置都算方便。餐廳唔算好大間，但勝在夠清幽，幾個朋友嚟食餐飯傾吓偈都唔錯。👑鱈魚鍋 $228加拿大新鮮空運到港，一鍋二人份量，鱈魚肉質鮮美嫩滑，厚切幾大件，無骨啖啖都係肉🤭 另外仲有蒟蒻、娃娃菜、豆腐、蜆肉、菇等等，材料都幾豐富，天氣涼涼地食熱鍋就啱哂👍🏻✨牛舌芯 $58切件牛舌有啲厚度，咬落爽口彈牙😋✨羊肉 $34肉質嫩滑Juicy，燒完都唔會乾爭爭👍🏻✨露筍牛肉卷 $40牛肉加埋醬汁好香，露筍爽脆，配牛肉一齊食唔會膩。✨鮮冬菇 $28冬菇冇草青味，燒過更香更惹味🤤🔍整體感覺：環境乾淨企理，餐廳門口位置更自設魚缸，保證食到新鮮海鮮🤭 食物味道及質素都唔錯，性價比頗高，適合聚會食好西😆

以前有嚟食過呢間前身係私房菜，而家就轉咗做居酒屋，以前就一定要屋企大班人一齊食飯先至食到，依家轉左居酒屋兩個人都可以隨時嚟食lu 😉-雖然個名冇轉到，但係入到嚟都有濃濃嘅居酒屋感覺🏮入邊嘅店員都好親切，會細心介紹Menu，或者廚師推介～好有人情味🥰-鱈魚鍋 $228我本身都好鍾意食魚鍋所以見到呢度有鱈魚鍋即刻落單一嚟到當然就飲咗個魚湯先啦魚湯非常鮮甜仲有少少奶香味魚肉超滑好香魚油味娃娃菜仲要吸晒啲魚湯精華超推薦！最後仲食到一滴不淨😂-牛舌芯 $58呢度燒既串燒都非常之有質素牛舌芯好彈牙口感好爽脆牛味重 油花香😋-牛油清酒煮沙白 $98沙白鮮甜又冇沙牛油清酒夠惹味🍶沙白夠厚肉又大大隻😍-燒馬友一夜干 $128非常有驚喜！外皮好脆好香口🥹肉質軟滑有肉汁豐富魚油🥰呢度既燒物同魚真係一流不能錯過🥹-Suntory 黑啤380ML $48@1配串燒燒物必點😌

揸車去筲箕灣東大街搵食，無意中比我發現一間新開嘅小店，佢唔算喺東大街入面，喺內街行入少少，不過小店永遠都可以令我有驚喜，見到佢新張開幕有八折，價錢都合理，所以一家三口去試吓。我哋入去先點咗幾串串燒，厚燒牛脷，燒雞翼燒雞腎，全部都燒到好香口，好好味，用嚟送啤酒一流。另外叫咗個魚鍋，係二人份量，好大鍋，非常有驚喜，魚肉好滑，入面仲有生蠔，有好多蔬菜同埋姑姑，最正係個湯底好濃郁，魚湯好鮮甜，我哋三個完完全全將所有魚湯飲晒，證明真係非常好飲。最後點左碟蟹肉明太子撈烏冬，好有驚喜，稻庭烏冬配明太子，醬汁夠濃郁，小朋友食到停唔到口，真係好好味，而且份量好足好大碟，三個人食咁多嘢買單都係五百幾蚊左右，真係好抵食，趁佢仲有八折要嚟多幾次先。

經過東街，見到餐廳招牌幾吸睛。行近一睇，係一間新開業日本料理，餐廳門口有個魚缸有生猛海鮮，試業期間仲有9折優惠👍🏻餐廳裝修係日式居酒屋風格，牆上面有時令菜式推薦。另外仲有一系列前菜，主菜，串燒，刺身等。🐟鱈魚鍋真係冬天暖笠笠之選，加拿大直送鱈魚超肥美，肉質嫩滑魚油豐富😋有成五六舊大大舊👍🏻另外鍋底仲有大量娃娃菜，蒟蒻，玉子豆腐，蘆筍，韮菜等，湯底奶白超鮮味。🐟蒸馬友一夜干職員會問煮法想蒸定煎，第一次食蒸一夜干，超級驚艷😍魚肉會比較juicy ，魚油好豐富，簡單用薑蔥蒸更可以帶出鮮味。🐮安格斯封門柳外面燒得好香，熟度剛剛好，表面灑左少小鹽調味，內裡保持5成熟左右，肉味超濃好好食😋🐷豬肋排性價比好高，有兩大條，肉量幾多，油脂感都幾重，超滿足。⭐️值得支持的餐廳，下次會想試下生猛海鮮同刺身👍🏻

鴨鴨筷子托 好QQ 啊~忍唔住要同佢影幾張靚相~ (新口味) 日本青椒仔天婦羅 $68呢個店長推介, 話細細條 冇苦瓜嘅苦味的~平時唔食苦瓜嘅我, 即時心動了!好想試吓 希望可以食埋苦瓜, 均衡營養嘛…結果,嗯嗯, 我真係食到啊!!牛肩胛小排 $58/串軟林肉味濃, 好味呀, 我哋都想 encore佢~豚肉帶子卷 $78帶子啱啱好熟架, 層次味道都唔錯啊又~ 鹽燒鱈魚鮫 $128呢個意想不到, 香口得黎, 真係超級嫩滑!!!新鮮鱈魚鍋 (二人份) $228加拿大直送嘅鱈魚好滑嫩呢~ 完全冇骨, 啖啖肉, 食得好開心~呢個蠔鮮甜!完全冇腥味! 唔鍾意食蠔嘅佢都贊啊~白桃烏龍茶 $28青檸蜜糖梳打 $28

好友今晚帶我去位於筲箕灣廟東街9號百寧大廈地舖的漁家 Fishmart 食晚餐，環境舒適，坐得舒服。我地點左個 冬日暖笠笠之選：新鮮鱈魚鍋（加拿大直送、二人份）$228，串燒：芒果雞肉卷 $42，牛舌芯 $68，羊肉 $38，露筍牛肉卷 $78，豚肉帶子卷 $78，豚肉茄子卷 $42，雞胸軟骨 $32，牛肩胛小排 $58。整體黎講係高質素的食餚，材料豐富及新鮮，新鮮鱈魚鍋份量不少，鱈魚厚切，魚肉結實好好食；串燒係即叫即燒，上檯時新鮮熱辣，非常好味，新張期間有8折優惠添！

廟東街一向都好多美食，今日發現到呢間新開既居酒屋，試業期間仲有8折優惠😳即刻要黎食下🍲鱈魚鍋 $228整鍋都白雪雪，香濃魚湯味，鱈魚份量多又鮮甜，另外仲有生蠔、蝦仁、菇同白菜等配料🏮黄金芝士燒元貝 $78元貝厚身，新鮮又甜👍🏻芝士可以拉絲，推薦👏🏻🏮紫蘇蘇梅醬雞/串 $38🤩紫蘇香味配上蘇梅醬夠惹味🏮豆腐/串 $28外脆內軟🏮豚肉帶子卷 $78豚肉多汁，仲加強到帶子口感🏮露筍牛肉卷 $68牛肉多汁配上露筍既脆口，感覺好清爽🏮雞軟骨/串 $24🏮牛舌芯/串 $68厚切又爽口🍵熱柚子蜜 $22甜度適中，暖入心🍹青檸蜜糖梳打 $28清新微糖環境舒適，店員都好細心，服務態度良好。食物質素都新鮮好味，刺身、串燒、鍋物、炸物都有得揀，價錢合理🤩