漁小館 (已結業)

晏宙黎大角嘴搵食，發現呢間好正嘅漁小館。 見到出面多人排，決定入黎試下。午巿精選好大個飯。燉湯都係加6蚊，掋飲。入面有雞腳，塊山，好味無咩味精。叫咗個鮮龍䠢飯同粉絲煲，好香好掋食。魚肉係新鮮有咬口。蝦都好味，蒜香好足。粉絲好有鍋氣，稍嫌唔夠料。68 同58 蚊only, 有大排檔feel. 港式食物。掋食街坊小食，值得一試。

漁小館 @ 大角咀想分享下呢間漁小館…以午餐黎講…無論價錢到食物質素都唔錯, 而且份量都好夠。我地一行5人點左5個餐:海味粉絲煲▪成煲野都幾香…粉絲好乾身同一d都唔油…蒸蝦龍躉飯▪呢個真係好足料, $68真係好抵滑蛋蝦米粉▪蝦都算大隻…煎米粉底。我就覺得唔錯…同事覺得淡味D雞粒炒紅米▪炒飯粒粒分明👍椒鹽豬扒飯▪呢個最驚喜係個白飯…好香米味同夠乾身😋😋 呢度lunch既消費由$48-$68咁上下…係求其入一間茶記都要$50+一個餐既時候, 呢度真係算抵食。或者搵次黎試下晚飯

很久沒有到過大角咀了，朋友介紹我大角咀有好好食的龍躉蒸飯，我今日決定來試一試😊這個蒸飯的飯底是用了很多蛋去抄，龍躉和蝦的鮮味落了去飯中，所以令蛋飯更香甜！如果飯上面再多一些葱就更好了，龍躉肉非常滑口😀蝦雖然比較細隻但很爽口！這個蒸飯只需$68，性價比較高👍🏻

好小行到中匯街街尾朋友介紹呢一間籠仔好好食午市有優惠餐叫咗一個原籠荷香蒸鮮蝦龍躉飯午市價錢 $68@ 有蒜香味蝦新鮮呀 龍躉好鮮味 肉白滑裝修乾淨企理下次晚市再泥食想食冰鎮鮑魚

員工態度很差，完全遊雲，一個唔想做生意既樣。要你等半個鐘一句唔該都無話漏左無叫。要你無了期咁等，完全無安排，千祈唔好去。其實你地唔想做生意可以直接講，無謂浪費人地時間，仲講咩有人黎唔會留枱，垃圾食肆！

生日飯，七個人黎食，早幾個月嚟過一次，試過冰鎮鮑魚同蒸蟶子都一般，所以今次冇叫海鮮淨係叫小菜，打開菜牌發現比上次黎小菜價格普遍加了兩成，加價都加得幾快脆皮豬手$138: 上次都食過今次再嗌，豬手皮炸得夠脆又鬆化，肉亦不會過鹹，配芥辣味沙律醬，好吃芥蘭安格斯牛柳粒$128: 芥蘭爽脆有蝦醬香味，可惜牛柳粒經過化學處理而且極鹹，幾乎不能入口黃金鮮魷$128: 炸得乾身夠脆，沒有過油，鹹蛋黃夠鹹香味而且魷魚亦算新鮮，不錯撈起手撕雞$138: 雞肉算滑，撈雞嘅醬汁有啲花椒嘅麻香味，算幾有特色拔絲咕嚕肉$118: 冇拔絲嘅效果，不過肉粒炸得鬆脆，醬汁亦都唔錯，合格龍仔斑腩蒸飯$178: 飯係有炒底嘅，但係太濕太爛，斑腩蒸得太老好鞋，連加一要成二百蚊實在搵笨感覺呢間野處理海鮮方面係比較弱，上次食個蟶子同斑腩飯又係蒸到好老平心而論佢嘅小菜係可以嘅，但係相比起同區類似嘅食肆價格就有少少離地，絕大部份嘅小菜都索價過百，而且仲收加一，難怪假期嘅晚上生意都一般

1）招牌豬手$138小size的，皮脆，肉無味，芥末醬不夠香濃，相對價格：不值2）牛坑腩煲 $148呢道菜才是驚人之作，無色無味，冇爐仔煲住，就咁一鍋上，蘿蔔都還未諗！！$148 除了夠薑也要夠狠，才敢收這價3）瑤柱蛋白海鮮炒飯$98怎找也找不出一條瑤柱絲出來，飯不夠乾身，零鍋氣，食不出一點這是炒飯的感覺4）炒辣蟹（1隻）$178一隻小蟹，隻碟同隻蟹完全不成正比，唉！無肉無糕，$178果然夠狠5）杏汁燉官燕 $88如其名：但只有杏汁及蛋白，可能只落了一錢冰糖所以，連熱杏霜都好飲D*一句講晒，比酒家還貴的價錢，出品一些比茶餐廳還差的食物，真的能在市場上生存嗎？？

Had a very bad experience tonight with their rice cold and waited for long long time! Most importantly, the lamb meat was fake, like plastic and artificial! The girl in-charge claimed it is real lamb meat and tried to ignore this and refused to cancel without apology.......we will never go again!!!

同事帶路由奧海城急步行十分鐘終於到達漁小館，十二點幾已經有幾張枱既客人，由於時間趕急，嚟唔澈食同事推介既原籠荷香精蒸鮮蝦龍躉飯，因為寫明要等候20分鐘龍蝦湯海鮮勝瓜肉碎泡飯，可選稻庭烏冬或者河粉，龍蝦湯味濃不過又唔同西湯既忌質感，有兩隻彈牙中蝦同三片魷魚，勝瓜唔會煮到過軟，河粉同湯分開上，唔怕食到一半河粉已經索晒湯汁瑤柱蛋白海皇炒飯（$58）炒飯粒粒分明夠乾身，瑤柱帶子蝦仁份量足夠餐廳位置偏遠，但食飯時間都爆滿，牆身貼滿招牌菜式，諗起都流口水，我會再嚟試下晚餐再寫報告架!

係中菜得嚟又有少少茶餐廳嘅感覺， 但係抵食又好 食喎。 一個鹹蛋金沙骨， 啱啱炸起拎上枱， 燙熱嘅鹹蛋喺外邊， 豬肉都好爽彈， 而且份量都唔細， 所以一定要趁熱食， 唔好等， 如果唔係真係會食唔曬。一樣都係熱氣嘢， 但係都值得叫， 抵食在佢都真係好大份。 佢係跟芥末醬上嘅， 芥末係一邊嘅白色，好似沙律醬咁嘅物體。 畢竟因為太大碟， 要食好多塊， 如果食到有啲悶， 點一點醬， 感覺又好似有啲新嘅味道衝極下。 最後一個賽螃蟹伊麵， 同之前兩個比起上嚟， 口味會比較淡。

經常路過這小店見門外展示菜式頗為吸引，但大多數時間都滿座或已 fully booked. 數天前剛巧行過可能時間尚早仍可以有位於是正好光顧。先叫了一客招牌手撕雞。 這菜色做得很特色， 雞肉很嫩滑， 買太多肥肉 雞骨亦去得很清， 加上調味汁這個菜十分好食。 再叫一客脆皮酥炸牛坑腩， 這個莱亦做得很特色， 脆皮做得很好 ，不太厚， 牛肉不太韌， 調味汁亦調教得很好， 分量兩個人已足夠。再加一友啤酒佐饍真是十分完美。再次一定到來试其他菜式。

好食到無得彈既午餐今次因爲要farewell 同事，所以就去左尼間餐廳食野，因為地方大，所以約左係到食又係因為約左食晏怕多人，所以今次叫朋友早d去，同叫定佢個招牌菜，蒸龍躉鮮蝦飯，尼個飯簡直係好食到無得彈，蒸完之後，魚同蝦既鮮味，直接落入飯入面，無得彈呀！另外，仲叫左清湯腩配烏冬，尼個下次一定要配飯，因為個烏冬一早整好，到食既時候個烏冬就有d淋，但個清湯腩完全無得彈加椒鹽焗肉排，配飯一流下次決定要食晚飯時間，食禁多無得彈既野食！

大角咀呢頭真係好多小店好野食～今次黎左漁小館嗌左原籠荷香蒸鮮蝦龍登飯～香噴噴既蒜味啊 海鮮份量依個價錢合理 三個人都有一舊龍登同海蝦！飯底係蛋炒飯 炒飯既精粹就是蛋 haha以$68依個價錢，性價比不錯，會再食！另外還叫左芝士海蝦伊面($58)，味道不過不失，蝦又大大隻 三個人食依兩樣好似岩岩好～

一入去以為平平無奇既飯店，充滿驚喜！原籠荷葉香蒸鮮蝦龍躉飯 HKD 68 （推薦）份量十足，2個可以3個人食！大大籠，超足料！飯底以香蒜處理加蛋花悉心炒過，香！濃！龍躉肉厚，蒸得剛好，每口啖啖魚香！（魚重多過飯！）鮮蝦開邊，乾淨脆口！好味到我連食幾日！

舊同學話想見面吹水，佢係大角咀返工，話想同我地去食好西！大角咀係遠左少少，但為食好野，老遠都去既店內裝修都幾舒服，位置唔多，但每枱與每枱之間唔太迫！同學早到就點左野食先，怕有D 招牌菜冇得叫，明智！嘻嘻！古法蝦子扣柚皮，唔係度度都會食到，扣得好入味，食落有蝦子味，味鮮！酥炸脆皮牛坑腩，呢個就比想像中遜色，牛坑腩偏肥，炸得乾身左。撈起手撕雞半隻，必叫！極快清碟，雞味重，肉又嫩，仲有埋扎肉，好有咬口，又有麻油香味，正！黃金焗海中蝦，咸蛋黃好重手，正到暈，蝦肉彈牙，用料新鮮！籠仔金蒜蒸蟹飯，香到震，蟹都好新鮮，但細隻左少少，荷葉飯味好香，好好食！每人平均都係200蚊左右，好抵食！