漁小館 (已結業)

因長輩中了六合彩，請了我們一班後輩去食飯，並訂了漁小館。這間食肆，我來過大約6至7次，除了一次訂位，被安排了去後門轉彎另一個坐得又迫又窄既廳的不愉快經歷外，基本上，他們的食物都唔錯的。叫菜時，大家都異口同聲說，記得唔好再叫炸牛腩，因對上兩次叫都偏肥。今次叫了一班兩食(蒸及炒西蘭花)，拔絲咕嚕肉(今次拔唔起絲，之前都拔得起的)，手撕雞(冇以前咁麻，唔知係咪花椒油落得輕手咗，但仍是好食的)，手拍青瓜(應是手切，不是手拍的，因看不出有拍扁過的痕跡，兩者分別，手拍會較入味)，椒鹽鮮魷(炸得很酥脆，味道都唔錯)，墨魚餅(屬小食，做得不錯，次次都必叫的)，炸豬手(我唔食豬的，但以往的同事及今次同行的家人都話好食)，淮山唔知炒甚麼(忘記個名堂，但清得嚟好味的)，另叫了豬肺湯(忘記影相，他們說豬肺洗得好乾淨，冇腥味)。總括，漁小館的食物比起出面的小菜館嚟講，漁小館仍是出色的。我們9個人，連酒水，埋單1500幾，抵食也好食。

突然好想食海鮮，又聽聞大角咀漁小館的海鮮籠仔蒸飯很不錯，於是轉登和友人一齊去品嚐。今次點了龍𧄌海鮮蒸飯同芝士焗蝦伊麵。龍躉海鮮蒸飯蒜香味濃，海鮮亦算足料，我們都吃得很滿足。芝士焗蝦伊麵則尚有改善空間，味道尚可，但也只是一碟很普通，沒有驚喜的伊麵。

🍚吃住家飯的感覺一定是美好幸福的。但不是家家都有個藍帶老婆，或是有一個識煮識買餸的無敵工人，呢個時候唯有一家大細一齊出街食，尋找幸福。位於大角咀這間小店坐位不多，有心人記得早點致電留座。門面整潔企理，環境感覺像私房菜餐廳的這裡特色小菜有很多選擇拔絲咕嚕肉酥炸脆皮牛坑腩鹹蛋黃金沙骨芥末脆皮豬手下次一定要續一試試今次試了我最喜愛的蘢仔蒸蟹飯蟹膏蟹味好香好香，如果飯裡少油一點，我更喜愛。大大隻厚肉帶子新鮮到不得了，大愛❤雜菌菜，很清甜足8兩的雞燉翅，4個人食剛剛好砂煲上，可以保持上菜時還熱騰騰的。大大塊的魚翅，感覺非常滿足！無論從服務到食物都可以感受到這位餐廳對客人的細心，再加上價錢非常公道，絕對是家庭開飯之選！

今日約咗老友兩公婆一齊去睇美女與野獸,然後就到奧海城附近的食中菜小炒， 行下行下見到呢間招牌幾吸引，於是我哋四個決定入去試一試……見到個招牌雞煲翅幾吸引，於是即刻叫咗，另外見到晚飯孖寶又幾啱食，所以都叫埋啦…… 而我哋決定唔叫白飯叫埋個蟹肉蒸飯， 四人份量咁就啱啱好啦……先講晚飯孖寶， 分量不少四個人剛剛好, 粉絲蒸帶子好味到不得了,絕不馬虎! 帶子新鮮,蒜容好香撈飯一絕。 至於雲耳雜菌泡菜苗亦都唔錯,菜清香鮮甜,湯可以飲兩啖,清清哋ok!至於蟹膏蒸飯又係四人份量啱啱好,蒜蓉夠多,所以都夠香而成隻蟹擺落去亦都有蟹肉!!!只不過可能用蒜太多的關係，略嫌少少多油！呢度唯一問題就係上菜次序， 我哋食完飯餸後至上個雞煲次次序有點不合邏輯, 不過見雞煲翅咁足料咁就原諒佢啦， 祝八両翅又有一隻雞，講份量真係冇得彈,不過就鹹咗少少。

提早同屋企人做冬👨‍👩‍👦‍👦👨‍👩‍👧‍👦👨‍👩‍👧 2016年就嚟完啦，總算係今年完之前同屋企人齊齊整整一齊食飯，呢間餐廳裝修都算唔錯，而且佢都幾親民，唔收茶介、開瓶費同埋切餅費今次就揀咗係大角咀嘅中菜館，其實佢都幾多款式，佢哋最出名嘅就係酥炸脆皮牛坑腩，咁當然我哋都點左一個，佢可以做到外脆內軟，而且老人家都可以咬到，仲好入味，個個都好鍾意💕蜜椒脆雞翼係我地叫嘅小食，雞翼表面都有味道，但肉質就麻麻地，亦唔夠入味，旁邊亦有三色椒，顏色睇落去都吸引，但就唔算太特別之後我哋都叫左個呢度嘅招牌菜，撈起手撕雞一隻，佢嘅調味都唔錯，雖然旁邊有附送醬汁，但唔使用佢嘅醬汁，味道亦好夠，而且係手撕雞嘅底，有青瓜同埋紮肉，而且都係夠凍既，份量都好大份蜑家籠仔海鮮蒸飯亦係佢哋呢間餐廳比較特別嘅菜式，用一個蒸籠去煮飯，飯係底表面係有蝦、蜆、魚、雲耳等，其實食落去都有鮮味既，但份量較為少，而且都差少少調味😌海味粉絲什菜煲就係個湯比較好，感覺唔會太多味精唔會太鹹，裏面嘅嘢就都係雜菜，平時係外面嘅餐廳食嘅差唔多😚

這間位於大角嘴的餐廳，開業3年，見這區選擇不多，途經見內裡裝修頗企理光猛，主打廣東小菜, 便膽粗粗決定一試！前菜點了「撈喜手撕雞」，似是店內招牌之一，半隻雞份量夾雜了不少越南扎肉，但缺乏了平時最佳配搭的海蜇，味道稍微少了層次感沒有爽口感覺，只食到好多「肉」，麻油味重，食得多口都變「Wher」。之後的椒鹽牛仔骨，更加是非常失色，完全沒有椒鹽，伴碟的反而是炸米通，質地濕潤，沒有想一件食一件的衝動！同樣味精頗多食完有點口渴。最後點了另一店內招牌金蒜蝦蒸焗飯，這個飯等了20分鐘，味道均衡，蒜味重，蝦新鮮，飯沒有過軟，這個算是最滿意。這間小菜適合附近街坊一試，但未至於要刻意來這裡，味道有待改進。希望所有餸可以少點味精便好。

同事話想吃呢間，咪陪下佢囉。我叫左個海蔘絲伊面。一上桌時，好鬼香，但吃落去時，太油了。海蔘絲唔算多，看圖就知唔係好覺有幾多海蔘。可能我自己唔太喜歡海鮮，啲海蔘似乎有啲腥。同事叫了個龍躉飯，材料豐富，份量幾大，係幾吸引的。而且很香，好有酒樓蒸飯的味道 ! 魚又幾滑。環境乾淨企理，服務也不錯。我們不小心打翻了水，問服務員攞毛巾，她見狀，不單立即拎毛巾來，仲幫我們抹乾淨。但一兩個人來吃可能就唔太抵，多啲人來吃，一起 share ，試不同菜色，除返開來亦會抵啲。 喜歡海鮮的人可以試下。

今個星期二去魚小館晚餐，帶來海鮮煮都無問題！叫他們的招牌菜一個差過一個，煮東西都咸！可惜他們老闆沒有在場，想投訴沒有，最衰話事女仔，甚麼都不理，我見幾枱退了菜！我希望魚小館老闆！不是伙記會搞砸你們建立的品質！祝生意興隆

本月20晚原來約好幾位朋友到灣仔宵夜，但友人突然改變建議買外賣回家食，寫個程式訂電話賺點外快，但原本買了3隻羔蟹要找店代煮，及買幾味送酒菜加粉麵。想起平日光顧買外賣此店，店內牆上告示歡迎自來海鮮，之前已問店員外賣是否照做，價錢多少，當時答案是外賣做的，每斤60元加工費。故到此店代煮及買小菜粉麵，將3隻羔蟹交一名黑衫男店員，請代為薑蔥炒，再揀其他菜。但他回覆3隻蟹代煮收費$450，詢問之下他記代煮費用是$80一斤，但3隻蟹買也只是三斤，怎會收$450？？他補充說「廚房大佬話外賣要收$450」即時著他把蟹取回，不煮走人。此間店可以不理自己報價隨意更改，當是$80一斤代煮費，三斤是$240，但外賣隨意隨時改收$450，合理嗎？

埃華街附近有間中菜店，開業不到一年，供應海鮮小炒，周未總是高朋滿座，多是家庭聚會，今天我們為食三人組來試試師傅的手勢吧。首先點個前菜客家鹽焗雞腳，雞腳明顯經冰鎮處理，爽口夠味，不會令人有黐立立、黏黏的感覺。 西蘭花炒魷魚的魷魚很鮮味，剛熟嫩口，加上茶樹菇、秀珍菇，菇味炒得鮮香，三色椒令口感豐富，而且賣相更色彩繽紛。 薑蔥霸王雞半隻，薑蔥味香濃，目測以為太熟，入口卻很嫩滑。 紅燒豆腐斑頭腩煲，煲仔上枱還熱騰騰，煲內有多件魚腩，炆煮火候得宜，魚肉緊置而粉漿不厚，白菜仔炒後放煲底，但不會似坊間煮得過腍及過油，基本上不用再點炒菜了。 店主明顯為服務客人為先，見牆上放上溫馨提示，不收切餅費、不收茶位費、不收開瓶費、歡迎自帶海鮮加工，真是有心的小店。有質素，有水準，值得再來幫襯。

今日下午過佐大角咀，緊係周圍搵下有咩好食啦。行佐一陣，最後揀佐呢間餐廳，主要係比佢個餐牌吸引佐！籠仔蒸頭腩！仲要係$48! 完全冇唔試既理由啦！燉湯就加$6，某公司員工可以免費再送飲品，咁我緊係加埋湯啦，試下係堅燉定係假燉先！個湯黎到，係堅燉既，仲要冇味精，抵飲，好味而個飯亦都係堅大「籠」，頭腩有好多塊，好爽口，飯唔係用白飯，係用有味飯既，混合蒸出黎既魚汁絕對係perfect match。難得既用心制作小店，值得一讚

早前本來打算到車品品晚餐、但可能晚了一點來、門外巳排滿長龍、如第一輪入不到、第二輪不知道要等多久、最後決定另找地方食。門外見店內很多人客、心想應該不會太差吧、就決定這間。因不是太肚餓、看完餐牌後、決定叫：海苔脆皮墨魚餅、杭州拔絲鎮江骨及油鹽水龍鬚浸西洋菜。 海苔脆皮墨魚餅 ～ 見到這菜名立時聯想起在「神廚館」舊舖時嚐過的海苔燒墨魚餅，雖然事隔很遠，那份滿滿的墨魚鮮甜味配上面頭的海苔絲，至今仍在美味的回憶資料庫中儲存着。而這裡的墨魚餅外層加了漿粉，入口鬆脆、海苔則是釀進了肉中，不知是否這個組合的原故，嚐起來有陣微微的苦味。 杭州拔絲鎮江骨 ～ 叫這個菜是好奇它會是怎麽個拔絲法？難道是像拔絲香蕉、蘋果那樣一夾起來有一絲絲脆糖漿黏著，欲斷難斷的樣子嗎？卻原來是用了生炒骨的做法，醬汁則仍然用了鎮江醋，因着外皮有層漿粉；所以更能「掛汁」，無奈肉質偏硬、肉味欠奉！ 油鹽水龍鬚浸西洋菜～ 這西洋菜也太老了吧，想瘦面的話不坊常常吃；包保面部有足夠的運動呢。

午餐食龍躉，好似好誇張，但其實價錢合理嘅話，絕對一試！蒜蓉蝦龍躉飯，帶有一啲中西混合嘅感覺，因為佢飯底用荷葉墊底，令到飯充滿荷葉的香味，有啲似臘味飯嘅感覺；而蝦係主角，感覺上似食西餐，所以似是中西合壁。飯上鋪滿蒜蓉，增加香味之餘，更可以辟去海鮮腥味。蝦係開邊上，大約有三隻中蝦，蝦身爽口又冇腥味。龍躉魚大約有三至四塊，冇腥味，魚肉好實，唔會一夾就散，魚皮跟魚肉亦冇散開；魚味甚濃，非好好食。而且入面又有雪耳，好清新，食完可以帶走海鮮以及蒜蓉嘅濃味，唔怕口臭。

今晚一行9人聚集大角咀邊行邊搵食見到哩間餐廳外觀光亮整齊 就決定入去一試我哋總共叫咗8個菜式:1. 撈喜手撕雞 手撕雞一隻份量十足，配有扎肉和青瓜條墊底，幾清新雞肉嫩滑並帶有麻辣的麻味，但一啲都唔辣 2. 芥末脆皮豬手 名乎其實，皮夠脆的豬手，肉嫩有適當鹹香但食唔出芥末味，旁邊的醬味道係沙律醬，如果芥末味係來自醬料，應該要放多啲芥末了~事實上豬手唔沾醬已夠好食！3. 拔絲咕嚕肉咕嚕肉的味道可以，肉質脂肪均勻，不會鞋又不會油膩可能用了拔絲的方法處理，加上豬肉係條狀，外皮比平時的咕嚕肉硬一點，我個人比較喜歡平時的外表口感~4. 籠仔金蒜蒸斑球飯 魚肉滑嘟嘟，個飯吸收晒上面材料嘅精華，入晒味，真係無得彈！5. 鹹魚香煎手剁肉餅6. 生啫芥蘭炒安格斯牛仔粒煲哩個菜最適合鍾意食濃口味嘅人~ 7. 海味粉絲雜菜煲 家人非常欣賞蝦乾8. 漁館小炒皇哩個小炒皇只有蝦乾、腰果和菜段和我心目中的有頗大分別，缺少了魷魚、蝦仔、紅羅蔔等材料有啲失望呢 今晚招待我哋嘅侍應姨姨人很好而且大部份菜式都有質素、有水準絶對可以再去試其他小菜！