漁米之鄉 (已結業)

同朋友經過入去嘗試自助火鍋, 價格128一位,加辣椒 (紅色很小的) 要另外加錢就坐後發現可選擇的東西不多, 最差勁是大部分的東西都沒有, 如水餃, 牛粨頁,玉米, 蝦, 冬菇, 魚片, 大部分的菜也沒有,自助的菜又不添加, 肥牛超肥, 基本上大部分的都沒有, 只有貢丸,魚蛋,炸魚片, 腸仔。論服務, 根本就沒有, 一進店沒有人說大部分的東西都沒有, 下單後一直等, 都等不到點了的東西, 追問了才說沒有。埋單兩個人共港元278。去大家樂好得多.

今日一行三人飲早茶,8Am 入座,叫左9樣野食,感到十分失望...牛肉球:極難食,入面吾熟蝦米腸:得幾粒蝦米,似齋腸分仲有其他都好差...ps:今餐另收$30 加一($18 茶介±$12 服務費),但本身正係食左$100 以為好平,點知收咁多附加費,有d昆人。而且店員勁古或,無提我地10：00 前埋單可平d ,如果吾係係隔離枱好心人提醒,一早比人搵笨吾會再黎幫襯!!!!!!!

過時過節, 一大班去食團年飯. 天氣凍凍地, 最開心係去打邊爐啦. 大時大節, 訂位食飯好困難, 但係諗唔到呢間漁米之鄉仲有可以訂到.之前睇過唔少朋友的食評, 話呢間野水準一般, 而且服務差. 但係難得訂到位, 都去試一試啦準時訂枱時間晚上七點正去到, 見到店內唔係好多客, 問經理要張睇到電視的枱, 緊係冇問題啦!!!半自助式火煱, 一些食品和醬料可以自由去取, 其他食物需入紙order. 叫了一個沙爹湯底, 味道都不差呀. 相比隔鄰的稻香, 還有一段的距離呀叫了的食物都好快送上來. 出面自助餐枱的食物中, 很多食物好明顯响凍箱拿出來, 但味道也算可以,啤酒, 汽水任食, 呢個都算抵番呀.同朋友邊傾計, 邊食, 我地由七點食到十點幾, 經理都唔趕人走, 都算好好人呀埋單每位108冇加一服務. 呢個價錢可以任食任坐, 雖然味道和食物質素一般, 已經算係超值之選

這間餐廳都去了幾年，但最近的食物及服務質素差到嚇死人。叫了點心，等足半小時都沒有，追阿姐都沒用，佢會話等吓啦沒咁快。後尾先知漏單，明明佢落單仲夠膽話唔知有張咁嘅單！好！再落過啦，成個鐘都冇得食。好啦阿姐唔知唯有追部長，個零鐘終於食到，該阿姐仲有說話俾我聽！佢竟然同隔籬枱講，話我好快走俾張大枱佢。如果我早啲睇到樓上個comment，我就唔會得登嚟貼$買難受！

是夜與很久沒見的大學同學聚會，一行八人，想在九龍灣吃飯，便到了淘大花園漁米之鄉打邊爐。本來一行人打算前往滔香，但是聽說這裡有任飲任食，就來探個虛實，冷不防一朝中伏。入席時間8:30pm，單上寫明是可以坐三小時，人均消費基本$98，坐下了一會就點菜開始吃上菜的速道還不錯，只是沙爹湯底完全無味，反而有些花生醬的味道。另外所謂"加水"，顯而只是真的加水，令湯底愈吃愈淡，食之無味。菜式方面還是很普通，點了的海蝦都沒來，來的都是平價貨品，丸類和餃子等等醬油方面完全無味，調了大量的辣椒鼓油一點都沒辣味，鼓油反而是甜的但想到一分錢一分貨，這裡一是"金牌"，都沒甚麼要求。食物方面除了芝士腸外我們都沒有甚麼不敢吃，因為芝士腸的腸身呈現多種顏色，由略橙到略黃色都有，所以我們都沒有吃。酒樓於服務態度方面仍有待改善，入席時部長對我們說可以坐三小時不料整個晚上都沒有太多客人，人愈吃愈少，兩小時後就last order我們想加一碟魷魚，就問侍應可否替我們加一碟，不致浪費一張點心紙可是侍應的回應卻是:"叫野食唔係同我講既，你寫紙啦，你叫我我都幫唔到你"說時遲那時快員工已經開始收拾食物和飲料，想吃都沒有了，時間還不到

今日媽媽妹妹同傻BB去健康院後相約飲茶,這裡裝修後還是第一次來,環境當然比之前好,地方乾淨企理,食物水準也進步了,唯一未能改善是人手問題,要叫人落單及加水都要等一陣,值得鼓舞的是下午茶時段由1:45pm就開始了.我們點了叉燒包,芝士蝦春卷,燒賣,叉燒腸粉,雞扎,豉汁鳳爪,潮州粉果2籠,點心水準好平均,不過雞扎好大卷,各樣材料好大件,芋頭好粉,叉燒腸又係好多餡料,媽媽話粉果好味,所以最後多加1籠.

牛頭角漁米之鄉簡直係垃圾之中 ge 垃圾今朝 (星期日) 十點半去到, 點咗幾個點心, 結果等到十一點都無點心到, 老公咪同個阿姐講啦, 例牌果句同你卓卓啦, 最後等到十一點四都仲係無點心到, 咁我咪搵個部長囉, 結果佢居然答我, 無落過單喎............咁我咪同老公即刻臘野走人囉, 呢間野都得嫁啦, 佢見我地臘野走人, 唔好意思都無一句, 又留到唔留你, 仲拿拿聲將我地之前用過 ge 杯碗即刻執走哂, 唔怪得連星期日呢個場都可以冷冷清清啦, d 服務差到咁......................

星期六，走左去打邊爐！過份的............我地所有杯、碗也是佈滿灰塵的..........出去拎紅豆沙食，幾辛苦先搵到一個碗係乾淨的，其他果D居然會係有幾粒飯係度.......衛生激差.........但食物質素及種類也可以..........希望佢地會關注下衛生方面...............

呢幾日成日落大雨，出街食都好麻煩，咁岩呢間漁米又在我家樓下，為左貪方便同埋唔使被雨淋就落左去食任食火煱！我地都算熟客，部長伙記都叫做認得我地；坐下來，諗住涼涼地，唔想飲佢地ｄ冰凍啤酒同埋汽水，因為一向佢地都有供應菊花茶或者係酸梅湯，但係呢晚就乜都冇！咁冇呢ｄ野都應該開番壺中國茶丫，都欠奉！個男部長開頭都話入去睇睇，後來出來話唔好意思，冇整到喎！咁冇就唔使解決問題架？真係水都冇杯！到我地坐底叫左湯底之後，點左火煱料，等左好耐都未來！三催四請之下，黎左三碟野同埋四籃菜！不過我地係寫左十碟以上火煱料，好似雞片，豬紅，粟米，水餃等通通冇來！向部長反映，佢話同我跟跟，點知一轉頭有新客人入來，佢即時走左去招呼新客！咁．．．即係冇跟我ｄ火煱料喇！呢個時候隔離檯有一兩圍都係食打邊爐，但就著到好江湖大佬咁款，佢地就唔敢怠慢，我地叫左冇來既野，呢兩檯就有得來！好，我地係斯文人，忍你！繼續食野，唔好咁勞氣喇！點知個湯底滾到都冇哂水，爭ｄ黏哂底都冇人加水，之間有一兩個女樓面行過都唔理，真係闊佬懶理果隻！喂！唔使我下下叫你地先至識加水下話？其中一個阿姐，之前我地幫襯食晚飯時，佢見我地都算熟客，就笑哂口咁叫我地幫

新年前開始裝修，拆左卡位，改為全部圓枱。星期日早上去飲茶，都已經唔係多人，但班服務生嘅態度奇差。約10點到，但到近1025才發現有早市特價點心(至1030，以入單計)，諗住即剔即俾服務生，果時都係1027，個女部長望望錶，話無啦！十點半啦！我都算，點知佢轉頭仲要向我們說:「你地一早黎到又唔入紙。」，真係火到黎埋。明明果時都未到十點半，一係你收晒d點心紙啦！之後叫了幾碟點心，有幾碟都ok，但有些點了好耐仲未上枱(山竹牛肉同鴨腳扎)，幾經辛苦，終於有得食啦！(己等了超過25分鐘)，駛唔駛蒸咁耐呀！點知佢地真係高手，即叫即蒸可以蒸到上枱時無煙出，但內裡係熱的，都唔知蒸完放左廚房幾耐。問服務生取碟辣椒醬，叫了三次至有。好彩，係食點心，唔係食點心籠，其點心籠污漕無比。走時還聽到其他食客話碟點心有"味"，叫部長取消。真係無下一次。都未坐滿都已經係咁，坐滿都唔知點算(應該無可能會發生)

每位98蚊..仲有甜品飲食,雖然唔係咩糖水..只係jelly糖..但係都好味!!!野飲任飲..仲有啤油任飲..100蚊唔洗真係超抵囉!!

中秋佳節，原先去左隔離既明星～一早都知呢間人多，要等，咁我就由７點１５分等到８點１５分，又無乜人等等到好多人等，其間也有好多食飽既客人離開，但係佢都唔肯比我入座，原因佢竟然話係無中枱（我地６人），所以４－５個有得入，８－１２都有得入，唯獨係我等成個鐘都無得入～一肚氣之下，決定都其他酒樓食飯！估唔到既係呢間唔洗等位，招呼亦唔錯，六人叫左六個餸，包括蝦球伊面，三蝦菜煲，脆皮雞，沙拉骨，花枝炒甜豆，同埋椒鹽九肚魚，逐樣評價一下．蝦球伊面－蝦球都幾爽口，ｄ芝士汁都幾夠，碟野都幾大碟，不過如果可以再多ｄ蝦球會好ｄ～三蝦菜煲－麻麻地，咸得濟脆皮雞－唔錯，皮夠脆，肉都夠嫩，美中不足係ｄ骨見紅，阿媽見到唔敢食沙拉骨－幾香口，但係幾肥，一咬ｄ油”ｂｉ”哂出來，如果唔怕肥都ｏｋ花枝炒甜豆－味道普通啦．．．花枝好少椒鹽九肚魚－同出面果ｄ都差唔多．六人食左５百蚊左右，食物同價錢都係一般酒樓既水準，但係呢度唔洗等位，服務都ｏｋ（我地係度食冰皮月餅都無人話我地，茶水叫野食又幾快應），仲有糖水送，都算唔錯架啦～

有日晚上一行十幾個fds一齊黎"幫一個fd farewell~我地係食九點之後果場..好似會平廿蚊定幾多,唔記得"呢間野其實冇咩客"d位又唔迫,坐得幾舒服"D野食都係D任飲任食果D野喇"D汽水,啤酒任飲"最正係有埋糖水任食"仲有紫米!我食左幾碗最後.. 好好食"仲有蒸糯米飯同埋D包,真係意想唔到"服務方面都幾好"唔知係咪少人喇"所以一叫即有人黎",而且主動話幫我地影相"又幾搞笑果個人"食得都好開心...由於唔洗我地俾錢"有個FD既MAMI俾左錢價錢好似係68掛,,,

個人都食左6碟包括:棉花雞, 牛肉球, 再有上湯鮮竹卷; 莧菜餃(這2個都唔錯特別係上湯鮮竹卷, 一般酒樓既鮮竹卷都係打一個好大既蠔油汁唔多好味又油, 不過宜家佢用上湯沒就好清啦唔會太油; 至於個餃都好正d蝦都好多吓最後就係湯餃及椒鹽九肚魚(個湯餃係老闆特別要叫當然就係特別佢自己食啦...味道唔知道...至於個九肚魚我就自己一個人清曬咁食到我幾鬼飽呀..不過當然味道一流我先會食咁多..這碟九肚魚只係$22真係十分極之抵食啦份量又足..老闆話佢食左4件..真係有點令人懷疑唔通我食左成十幾20件..最後埋單$96抵抵抵

去年在牛頭角淘大一酒樓試過任食火鍋,感覺不錯。當今年(在十一月份)想再去時,發現該酒樓已由"明星"取代。由於去任食火鍋, 所以隨便入了這間漁米。從門口看進,都頗多人。可惜，唉~ 這間是我近幾年食過的任食火鍋店中最差的一間。我明白任食火鍋不能有太高要求，但是一些基本的食物質素竟然如此惡劣─我只係想在自助bar 中找些蔬菜來食，當中最新鮮的只有菠菜；白菜帶有黑點那種(若在家中洗菜時, 被我看到這些菜, 定必掉進垃圾箱了！)；不見黃芽白及西洋菜的蹤影(唉~這麼普通的蔬菜都冇！)。點了羊肉二次，等了很久都冇~追問之下先知冇貨~父親問有沒有蠔，當然沒有了。鱔片可以稱得上是"一口鱔片"；炸魚皮是不脆的~ 豬腰沒有供應，但豬肝又不新鮮~ oh no~總括來說，整晚食得不高興！好似食左好多垃圾入肚裡令自己覺得飽肚。或許這裡合適飲啤酒的人仕，可是，我不喝啤酒呢！埋單三人共約三百元！唉~食稻香或到下村食大排當好過~ 決定馬上back list 此店~並要告知大家千萬不要進這家食店啊~ (翌個禮拜，到新蒲崗"富臨"任食火鍋，質素真係好得多啊~)