演藝食坊

營業中

休息中

知道演藝學院一直都有三餸飯同呢間西餐廳. 但實在唔知呢間西餐廳叫咩名. 見到張單先知原來同三餸飯個間係同名. 不過佢就係樓上. 三餸飯個間係另一邊上. 兩間同樣都係自助式. 呢間西餐廳價錢會貴少少. 不過主菜會有人拎比你. 屬半自助式. 睇岩食咩先去買票比錢. 拎左餐飲. 餐湯同埋餐包後. 自己拎埋食具. 就可以等人送主菜.雖然價錢唔平, 但係若果係演藝的學生或者員工. 佢地出示證件係可以有折扣.不過佢同三餸飯一樣, 坐位係無人帶位, 要自己搵位或者搭枱. 講返個餐. 首先佢個餐包就係好普通的餐包. 要牛油的話, 可以係收銀個度問埋佢拎. 湯係西蘭花湯.  不過因為一早放定出黎. 所以唔算熱只係暖. 但都算係有料, 因為會見到d西蘭花蓉.至於佢杯唔駛加錢的飲品係百香果茶. 凍熱都唔駛加錢, 反而飲其他飲品要加$5個百香果茶好香. 亦唔算好甜. 唔駛錢值得一試.茶裡面重有一片薄橙附上. 主菜叫左香煎魚柳配薯菜, 薯菜其實係薯蓉. 無咁熱氣. 放左係魚的下面. 魚的份量都唔少. 但有少少咸. 重有兩隻大蝦. 蝦好爽口. 但好似剛剛熟, 什至有某d部位重有少少透明. 菜係有輕輕煮過. 所以唔

今日有事要去演藝學院，剛好是中午時分，便去飯堂吃過午餐。這個飯堂的選擇不及一般快餐店多，主要是一些兩餸飯、粉麵類。以前曾經到過這間飯堂，記起以前比較多選擇，可能因為選擇太少的緣故，就算是午餐時段，飯堂的客人也不多。我叫了一個普通常餐，有火腿公仔麵，特意問職員可否轉米粉 ，職員也禮貌地表示可以。常餐配有炒蛋和香腸，米粉份量頗多, 火腿的數量正正常常, 炒蛋也算滑溜, 香腸是車仔麵那種水煮的香腸, 正合我心意，因煎香腸太油膩。朋友叫了燒雞飯，非常大隻，燒雞個外皮金黃，腿肉夠嫩，朋友說很美味常餐$39，燒雞餐$55，均包括餐飲，在灣仔吃過午餐也不便宜，這個飯堂午餐性價比算不錯！

前2日貪得意就再去演藝學院Canteen食天tea，呢間Canteen係美心集團旗下自助形式校園餐廳。未食前期望其實都唔係太大，所以都評分係Ok，就算無乜特別。先講環境，唔會太dirty，自己食完要把盤放方去收集位，都有姐姐抹下枱。Tea 時段人亦唔太多，但門口有貼告示，12點半前， 由於座位有限 ，非校內人士要離坐， 讓校內的同學可以有座位食中午。（非校內的Walkin 客要注意啦）講返我個日個Tea set，豬頸肉肉燥撈麵配汽水或者茶 (29蚊)，味道唔差，普通快餐店水準。價錢方面，佢地有分2個價錢，學生同訪客不同價錢，訪客價錢其實同大家樂/或者 大快活嘅下午茶差唔多價錢。

canteen間間大學都有，但呢度好可能係全香港最有藝術氣質的canteen。就算脫離了學生時代已久，享受不了學生價，正價也比街價便宜。美美的下午茶，環境又寧靜，夫復何求。

身為一個無飯遊民, 真係公司附近咩地方有野食都要去試下~如果唔係食黎食去個幾間, 好快就會悶~今日跟同事去左灣仔演藝入面既CANTEEN食LUNCH, 雖然我地唔係演藝既學生或者職員, 但係佢都係歡迎我地去幫親~不過價錢方面就有頗大既分別~學生職員價真係好抵啊!!好羡慕啊!一心諗住求其四寶飯搞掂, 點知佢賣晒~唯有叫左個燒味套餐~可以揀2款燒味~跟住佢就會送是日餐湯同埋中國名茶茶包熱茶~燒味我揀左叉燒同油雞~唔知點解餐牌係冇叉燒, 但姐姐又比我點架~哈哈!我叫左少飯~正常飯係我個碗既一倍~叉燒肥瘦適中, 雞就真係肥左小小同埋瘦左小小~XD 即係肥膏多肉少~哈!燒味下面放左小小菜, 但真係太油!!反而個湯又幾好飲, 今日係蓮藕發才湯~仲有幾舊蓮藕係入面, 湯又夠熱~係咸左小小~$39 有2餸燒味有湯有茶, 真係算唔錯!!

蘿蔔雞翼魚肉春卷米粉配飲品，三餸都係$33，真係抵到爛，外面一餸都要$30，味道方面就不過不失，雞翼最好味，蘿蔔都好甜，份量都十足，而且唔算太迫，坐得都舒服既。

今晚在演藝學院看表演，於是就決定一試演藝canteen。canteen 在UG 層，不容易找到。還以爲會有些很健康，營養豐富的餐，始終有舞蹈學院嘛。原來也是幾餸飯或小菜等。我見到有黃金脆魚塊，就點了三餸飯。還選了時菜和火腿蒸蛋。餸的款色都有六款可選。黃金魚塊其實是粟米魚塊，魚塊不脆，應該放久了變硬了，而且很咸☹️粟米汁很少粟米，蛋花也很少，無乜味。時菜幾好，不會很油，也不會很無味。蒸蛋不過不失，味道有少少豉油的咸香，也頗滑的。訪客價三十頭(忘記了😓)，學生價才25元，都不過不失。

黎到大會既第2日，今日Lunch時既時間長DD，加上屈小姐尋晚同賴生屋企人出左去食飯既關係，賴生準備唔到今日既Lunchbox，所以我地就決定出去覓食啦！本來仲諗緊食魚湯米，Pho定Salad好，但當我地出到會場，就撞到我地熟悉既一班面孔啦出發緊去演藝學院食Lunch，我地就跟埋去一齊食啦！長征左十分鐘之後，我地終於黎到演藝學院，行樓梯上一層就到左目的地啦：《演藝坊》！《演藝坊》係一間好大既餐廳，全部野都採用自助形式，包括拎水拎餐具同搵位，不過勝在夠大，都唔難搵到位！當賴生同屈小姐排隊望下食咩果陣，發現原來《演藝坊》其實即係美心MX! 今日居然有屈小姐之前想食既泰式椰香燒雞飯，而賴生就一早睇中左三餸飯，因為有菜！屈小姐之選：泰式椰香燒雞飯：3.5⭐️所謂既燒雞飯，係一塊好厚好厚既大大燒雞扒，冇骨！岩晒我地D懶人！不過如果係健康既小朋友，建議你地起左塊皮先食，因為塊雞扒雖然大，但皮下既脂肪都好多，要清清佢先好食！不過件雞係好滑好厚嫁！佢面頭淋左椰漿，加上少少辣同好香，都確實營造到一點泰式風味既！而白飯又淋上左椰漿，啖啖椰子甜味，都幾好不過有2個弊病：1）放原條辣椒係面，係裝飾定係想人食辛辣

灣仔區食碟叉雞飯要幾錢？可以話你知最平都要三四十蚊，貴既$50-60都有，今日痴朋友到演藝學院食個學生飯，廿幾蚊有個雙併叉雞飯再加杯凍檸茶，無睇錯，係雙拼，抵到爛，講真味道真係不過不失，唔算好食但唔會難食，呢個價錢，我個人認為質素不錯，性價比高。

同事帶我到演藝學院食中午, 第一次來到演藝學院,感覺很特別, 回想讀書時期的我曾經考慮過讀傳理系,只是最後我選擇了讀電腦。驀然回首, 難得我來到這個演藝界的搖籃, 當然周圍行下, 順便醫肚,   我點了一個 set lunch, 我點的是香草燒雞配意粉,  隨餐奉送餐湯, 餐包,甜品和熱飲,  六十幾蚊, 如果有學生或者員工證更有優惠, 看起來都幾抵食。餐包和羅素湯都可以, 羅素湯不會太辣, 味精不算太重。 香草燒雞配意粉, 意粉OK, 燒雞肉有質感, 而且有香草芳香, 但不夠juicy, 有點乾, 燒汁不夠濃味, 如果濃一點會更好。 甜品方面是三紅豆糕 (分別是紅豆, 眉豆和綠豆), 感覺不太甜, 幾健康, 只是我不太喜歡豆類食物, 覺得味道一般。整體食物的味道都可以, 價錢合理, 但如果有學生或者員工證會更抵食。

下午和同事到了演藝內的廉價學生餐廳用餐。價錢分學生價和訪客價。 訪客價大概比學生價貴幾蚊。 但在金鐘來說算很低消費。 而且搵位容易。這款是雞絲扎肉河粉。 配料青檸檬辣椒蔥， 可自由隨意加上。這碗河粉， 可能是加了越式配料的關係， 很有越式風味。 真的很想再吃。 湯底試不到加了什麼， 但味精不重，很香，很越式。如果不加进很多辣椒的話其實不太辣。連我這個不太吃得辣的人也能吃得下口。伊麵的分量很多， 不用怕不夠飽。 冬天吃的話份量也很足夠。

下午會議議程頻繁，午餐簡單在公司附近速吃。演藝食坊在演藝學院內，筆者也是首次到訪。餐廳由美心集團以快餐型式經營，購票後自助取餐。作為院校飯堂的一員，教職員及學生皆有優惠。一客三餸飯 $32.5，相較附近餐廳定價相宜。餸款約有八款，賣相合理沒有特別驚喜。蒸水蛋蛋香稍弱，實身而滑感不足。肉餅同樣實身，幸好當中混少量入馬碲整體口感有所改善。咖哩雞咖哩味道不俗，雞件薯仔普通。連凍檸茶一杯約四十元結賬，作為快餐落腳點都 OK 喇！

今日lunch過左黎演藝. 雖然呢度等位有點麻煩. 但因為食物唔差, 所以間唔中都會過下黎食.每日都有幾款不同的餐供客人選擇. 有些會包甜品, 今日食呢個無包.羅宋湯料就好足, 可惜味比較淡包係普通的餐包, 配牛油, 不過不失. 亦算鬆軟主食 : 燒春雞配意粉. 熱辣辣. 切開重有煙出. 雞的份量唔算大. 配埋意粉剛剛好.切開時還有油滲出, 雖然係咁但一d都唔油, 反而令隻雞燒完無咁乾. 肉質嫩滑. 調味也剛剛好. 簡直食到唔想停. (推介)呢個餐一d都唔貴. $57 包埋熱飲. 望下張單家下先知原來佢係某大集團的. 溫馨提示. 同事們話呢度唯一唔好試係牛. 同事異口同聲話食過一次就夠了.  希望日後會有進步吧. 

朕今日要去演藝學院欣賞雨中歡唱(Singing in the rain),但因為工務繁忙，令到朕本來有既三小時晚餐時間變成了半個小時，朕為了唔想錯過任何既精彩畫面，朕決定去最近既地方食飯－演藝食坊。朕入到去，見到都有幾多選擇，但係佢有分訪客價同埋教職員／學生價，咁朕當然就係訪客價啦，不過差距都係在十元之內。朕叫了今期推介－韓式炸雞配咖喱牛腩飯，等左唔夠五分鐘，已經有得食喇，呢個飯配埋杯凍飲好似都係大約四十幾蚊，同出面差不多價錢，不過價錢唔係重點，最緊要快！當朕一口咬落件炸雞度，差啲咬唔入，因為佢啲炸漿比較厚硬，同埋閒置時間太久，啲肉比較乾身同埋實，中間既炒蛋就係即炒，鮮香嫩滑，咖喱牛腩唔辣亦無咖喱味，最緊要佢地可能知道朕趕時間驚朕盪口，竟然連啲飯都只係（暖）既啫！真貼心，知大家都趕時間！！！－－－－－完－－－－－

放工便飛奔到演藝,為的是7:30PM開場的舞台劇. 到達演藝已是7:00PM了. 別無選擇下,便到演藝飯堂晚餐. 要了個燒鴨肉燥豆腐飯+凍檸水.燒鴨肉燥豆腐飯--唔知點解D鴨骨多過肉, 肉燥醬很糊, 豆腐就好滑好大塊.凍檸水--- 一般啦.訪客無優惠,埋單$34. 時間許可的話,都係到灣仔醫肚先.