漢京樓 (已結業)

超差! 味精多，油多! 服務差!冇影相，因為賣相唔吸引，食完頭盤已經覺得中伏!海蜇得麻油味，鐵板牛肉D牛肉lar到冇晒質感同肉味，最慘係隻填鴨一D都唔香，仲肥淋淋。D味精太勁，食完好唔舒服。唯一好少少係素餃，唔怪得只係做到遊客生意啦!

平日成日揸車經過尖沙咀天文台道，但係一直都留意唔到 Audi Showroom 左近有間京菜館。早兩日屋企人講開有朋人成日去漢京樓，諗起片皮鴨就去試試。漢京樓嘅裝修有啲"懷舊", 但係乾淨光猛，枱與枱之間都好闊落。經理、侍應都係上咗年紀嘅人士，好好笑容，經理伯伯仲有啲似卡通片人物，幾 cute! 仲有另一個特式就係好多好多日本旅客，唔知仲以為自己去咗日本嘅中菜館。一路睇餐牌一路食枱上面嘅前菜，酸菜酸甜度剛好，令人好開胃。甜合桃一貫嘅好味，依家好似越嚟越少中菜館有喇。我哋全部女仔加一個小朋支，比較細食，所以只叫咗幾樣嘢：1. 冬菇烤夫：手撕嘅烤夫，加冬菇鮮甜好味；2. 糖酷小排骨：依樣有啲乾同硬...；3. 片皮鴨兩食：片嘅方法係比較多肉，我比較鍾意皮多肉少既片法。不過鴨肉味唔錯，之後用嚟做生菜包仲好食；4. 炒四季豆：家常餸，唔記得影相；5. 蒸銀絲卷：好鬆軟，好味。生果有西瓜同哈蜜瓜，送嘅，嘻嘻。甜品我叫咗杏仁豆腐，個人偏愛。漢京樓俾我嘅整體感覺就好似以前喺外國住時嘅中菜館：傳統、無花巧、未必最好食但間唔中又會想去。又或者我哋細食，下次人多提早打電話去訂啲招牌菜再試，可能又唔一樣

跟同事黎食lunch, 5個人叫個$168 4人點心套餐(3個小碟, 3個點心, 1個小菜), 免4個人茶芥, 要加一, 算係抵啦。3個小碟1) 冬菇烤夫, 味道好淡, d 烤夫已經唔係切到一粒粒, 賣相唔得, 以前好好多。2) 青瓜粉皮, 味道ok, 青瓜爽脆, 粉皮夠滑3) 燻魚, 好味3個點心1) 小籠包, 一樣同以前咁皮簿, 但舊肉細左, 無咁多汁, 同點解咁淡, 無咩味。2) 煎鍋貼, 比以前細隻左好多, 好多油, 無食。3) 上湯娃娃菜, 基本上係灼菜一樣, 無味。一個小菜1)炒年糕, 味道ok, 年糕軟硬適中最後送一人一碗豆腐花, 超滑, 好味!總括黎講,d 野貴左唔在講, 味道比以前的確差左好多, 我諗有一排都唔會再黎。

昨天約咗幾個朋友聚會, 最後決定去漢京樓食京菜, 因為好耐冇食過京菜第一次到漢京樓, 地方好大, 坐得好舒服. 我哋 (4個人) 叫咗山東燒雞一隻 $120, 肉質嫩滑, 隻雞又大, 超級好味.冷盤: 蒜泥白肉, 拍黃瓜 ($30)芝麻蝦 ($80) : 一啲都唔油膩, 鬆軟得來香脆素菜飽: 一客5個, 非常好味蒸銀絲卷1條: 一般高力豆沙香蕉: 一客6個, 非常出色, 放咗15分鐘都唔會縮小, 我食咗2個總結: 每人食咗$120, 由1點坐到3點半, 雖然服務一般, 但環境舒適, 食物一流, 以後會再去.

I go to this restaurant from time to time. Food is consistent and service is good. I enjoy very much the appetizers.

今次去了老尖食, 因為地點方便些不是第一次去啦, 已經食過幾次, 5個人叫了8個菜…超飽..( 未計甜品添…><)香蔥皮旦豆腐…皮旦是糖心, 加上芫荽, 香蔥, 麻油…我的至愛鎮江肴肉….. 還是冷盤…存統上海菜…. 別忘記食時加點薑絲和醋就very good啦雞絲粉皮….. 要放芥辣同醋一齊食先好味北京填鴨….. 隻鴨肥過我.蔥燒蝦………其它就無時間影相啦…. 因為沒有人等我了..><蔥油伴麵-….. 我是蔥狂, 就算蔥油伴白飯我都可以當一餐。這個涼麵好有蔥味…就好似用蒸魚豉油送飯一樣的感覺..good ai.雲吞雞湯…. 全餐唯一有菜食的餸><酒糟蒸鱔……鱔夠哂肥美唉!! ....又是快樂的一餐......

今日黎呢到食lunch.9個人叫左2個$158套餐。1個套餐有3個前菜, 3個小食, 1個菜同1碟粉/飯, d 份量好足, 最後係食唔晒嫁。我地叫左2個餐姐係有6 個前菜, 6個小食, 2碟菜, 2碟粉麵/飯。前菜1) 2碟冬菇烤夫, 呢到d烤夫好好味嫁, 好入味，冬菇大大隻。2) 素雞, 呢個普通, 無咩味3) 燻魚, 好味, 但可惜太凍4) 牛展, 太薄, 唔太入味5) 糖醋排骨, 好味, 好淋。小食1) 2籠小籠包, 皮厚左d, 唔多汁, 要熱lala食, 唔係就好快凍晒。2) 煎素菜包, 好味, 入面好多菜, 感覺好健康3) 煎餃, 無食, 俾唔到意見, 但眼見煎得ok既4) 蒸菜餃, 又係多菜既, i like, 不過皮厚左d 5) 春卷, 好食哦, 入面係9黃, 唔多肉, 無咁膩菜1)波菜, 普通2) 上湯翠肉瓜, 好食, 好淋, 仲有雲e, 正。飯/麵1) 炒飯, 好香, 個樣炒得好好, 但食落無咩味2) 炒年糕, 我至愛, 炒得岩岩好, 年糕好咬口, $158個餐真係好抵食嫁啦!個到環境又比較靜!食我地lunch 開飯之選!

因為朋友聚會，有緣到此品嚐京菜，可惜失望而回。片皮鴨：普通一般的水準，比較像燒臘檔的燒鴨素菜包：餡料還可以，本人覺得全晚最好食的一樣東西高力豆沙：普通咸肉雙疏：完全無咸肉的甘香味，生粉芡加菜加鹽，普通糖醋魚：一般水準．．．．．．．．．．．．其實重有其他，不過，全都是一般的水準，未至於難食，但不能稱得上好吃；但以此收費水平，完全不值！！而且，服務一般，更甚的是和一般食肆有同一個問題，就是不潔的洗手間！！要改善的地方多的是，包括食物及服務態度！！

一家人10舍黎食晚飯,媽媽是常客.揀左個套餐,冷盆有拍青瓜,雞絲粉皮,茶燻素鵝,上海燻魚都有一貫水準片皮鴨:肥瘦適中,幾好賽傍蟹:清清地唔錯,又有鮮味酸甜蝦,蝦炸過仍然彈牙.醬爆牛肉:滿意火腿津白:滿意北京水餃:有D北方FEEL,幾滿意高力豆沙,豆沙唔太多,蛋白夠彈牙另外媽媽叫左熟人送左個碗豆蛋,太正

母親節菜單 (自選)冷盆 : 茶燻素鵝 - 普通上海燻魚 - 普通冬菇烤伕- 普通鎮江餚肉 - 太鹹1. 京燒羊肉 - 羊肉太肥2. 片皮鴨 - 細隻, 味道一般3. 鍋塌豆腐 - 豆腐唔滑, 味道怪怪4. 宮爆明蝦 - 炸料太厚, 蝦肉實, 無味道, 差差差!5. 糖醋鳳梨魚 - 一般6. 富貴雞 - 見到都唔想食7. 煨牛尾 - 肥到嚇壞人, 要了加大, 來的竟然是一大大舊的8. 咸肉扒雙疏 -咸肉真的很咸, 不過已算是好味的了9. 菜 - 忘記是什麼, 不過也算不錯10.甜品尚算可以值得一提的是那個全程無笑容的waitress, 漏單竟然說沒叫, 我的天!連母親大人也說差, 一定唔會再去!

今日下午同老闆farewell, 一行8 人去0左漢京樓吃 lunch. 同事叫0左個餐, 加一隻片皮鴨及大餅. 先上甜品, 因為呢度0的豆腐花係送0既, 通常lunch hour 0黎就好快冇, 所以一坐低就叫佢攞0黎先. 糖水加0左姜汁, 太甜. 但唔駛錢, 算!餐前小食: 豬耳- 幾爽口, 老水得幾好味. 拍青瓜: 唔太夠蒜泥, 但都OK, 夠凍, 青瓜都新鮮爽口. 糖醋骨: 一睇就知色素好勁, 但都可以. 好似酸甜骨咁. 跟住春卷, 好似係蘿蔔絲咁, 0的餡都幾滑, 外皮都脆. 炒白菜: 普通炒菜, 唔係特別好食或難食. 上海粗炒: 勝在唔太多油, 唔似其他店咁 “立立令”, 都偏淡. 片皮鴨: 呢度招牌菜0既其中之一, 但係個人覺得鴨肉鞋口, 唔香, 好似吃緊烚豬肉咁, 皮都OK脆, 好在醬夠多, 因為0係其他店吃, 通常未吃完0的醬已經俾人吃晒, 但陪菜唔夠多. 最後只係麵包包鴨肉. 葱油大餅: 真係好鬼大個, 但係, 唔好味, 好油, 冇葱0既香味. 同以前係新港中心0既老上海差好遠!!素菜包&素菜餃: 餡料一樣, 都係白菜冇肉, 清清地, 但夠味, 算係咁多樣餸中無咁多

一家人去食團年飯, 早一個禮拜前預訂, 好多間都無位, 唯有試吓依間.環境k食物:叫咗個餐另加炒麵炒飯最記得碟四季豆 - 唔知係咪炒燶咗, 怪怪地!!其他餸菜味道一般.服務:話說叫咗碟炒飯好耐都未黎, 席上又有小朋友想食飯, 咁我就問吓個高級女待應幫我哋跟吓啦(我諗依個女待應係高級啲, 因為見佢著西裝褸其他無) 點知依個女待應跟都無跟, 第一時間就答我......"碟飯已經落咗單, 厨房整緊嫁嘞!!"我當時被佢吹脹, 鬼唔知落咗單咩!! 我係想知碟飯可唔可以快啲黎姐, 點知佢唔跟不但止重用啲咁嘅廢話答我........埋單二千五,唔值 !!!

原本係諗住試泰豊廔架,但真係好誇張,早一日訂位都full晒!(可能星期六啦!)所以簡左黎依間食,我地有四個人,叫左個四人餐+片皮鴨(無計啦,個餐又無片皮鴨,但我地又想食,唯有另外叫)賽傍蟹:淡左小小,都唔錯!(伴飯好味)炒牛肉:一般!粉皮k,但同出面食果啲唔大分別!酸甜炸蝦(唔知叫乜):個汁酸酸甜甜,好好味,我鍾意!片皮鴨:我都係第一次食,覺得都ok!豆沙窩餅:嘩,等左好耐先到,同埋可能食得太飽,覺得普通!個餐重有其他野食架,但我已經忘記左!整體上只可以話中規中矩..因為個豆沙窩餅真係等左好耐,服務上會扣小小分!

昨天一行8人去慶祝父親節. 爸爸想吃京菜, 本來book "鹿嗚春", 不過full晒, 媽媽提議去呢度.一坐下就好開心見到個"前菜", 係蜜糖合桃, 我好鐘意食呢個合桃, 而家唔係好多地方有得食!! 所以食呢個"前菜"已經食左好多! 跟住8個人叫左個6人餐, 另加一個叉子燒餅如雞煲翅. 唔記得所有食品, 只記得以下:口水雞 - 雞好滑, 好多花生醬, 如果唔食辣可以唔點d 醬, 我唔食辣, 點花生醬已經好味叉子燒餅 - 我家人覺得"鹿嗚春"d 料好味d雞煲翅 - 都幾大煲, d湯好味, 不過我諗味精都唔少, 因為我食完好口渴回鍋肉 - 一般, 無特別干扁四季豆 - 一般炒麵 - ok八寶飯 - 呢個好好味, 係紫米, 加d 甜的桂花味汁, 裡面仲有d 蓮蓉, 唔太甜, 飽都要食多dd埋單約$1,500, 但因為我地叫左雞煲翅, 但個6人餐份糧其實都好多, 都係$6xx, 我地好多野都食唔晒, 唯有打包. 總括而言, 水準ok, 跟"鹿嗚春"有得fight, 而且唔洗咁迫, 會再同d friend 去, 又唔太貴!!

今日係美女既生日，我地同俊男、兩個耆英以及表哥去食飯。呢間都食左好耐，水準依然可以保持，實在太好啦，我地叫左幾多野食，野食如下。雞絲粉皮呢個唔錯架，粉皮好滑。而且雞絲好新鮮，配上青瓜食真係幾爽口。宮爆明蝦幾乎次次都食既，蝦球炸粉唔太多，蝦算幾新鮮。個汁就小小酸同小小辣，好開胃。賽旁蟹呢個幾好食，蛋白夠滑。雞絲煨麵個湯好有雞味，除左呢個就無乜特別。醬爆牛肉真係醬爆架，牛肉好淋，而且好有肉味。算唔錯既。鍋塌豆腐個豆腐好滑，個汁唔錯。個味又好夠，食得過。津白好新鮮，個汁又唔太鹹。相當滿意。紅油炒手呢個好唔得，個汁唔夠辣。而且炒手既皮太厚，唔係咁好食。小籠包皮薄多汁，有料到。素餃平時食都唔錯既，唔知點解今日食就好鹹。高力豆沙我最期待既，今次都無令我失望。個豆沙又唔算甜，仲有香蕉裡面。個豆沙加上砂糖，真係個好有特式既甜品。呢度既食物質素唔錯。而且服務態度好好，好有禮貌。難怪美女既生日飯局食得咁開心。實有下次既，因為高力豆沙太正啦。