漢堡王 (已結業)

在香港，一提起漢堡包，敢問大部份人只會第一時間諗起麥記。尋常漢堡包店要凸圍真的不易，我還很懷念哈迪斯，現在Burger King先來一個漂亮反擊戰。買小華堡餐送新地，小華堡餐原價$25.5，新地原價要$7.5，所以話真係好抵下，前提係你當然要食得落咁多野啦。Burger King之前有食過，但小華堡今次仲係第一次，跟麥記standard漢堡包相比，小華堡明顯多汁，配菜仲有蕃茄生菜洋蔥，跟茄汁沙律醬配會得很好，雖然洋蔥生了點，但仍然是比麥記出色，平價當做廣告費，戰術絕對正確。薯條又熱又脆，也是很不錯，怪不得同事們會到麥記用$1買shake shake粉+紙袋配Burger King薯條，果然識食。新地有三種口味，士多啤梨、朱古力、杏桃，我點了士多啤梨，士多啤梨醬似查麵包的果jam，雖然也不錯但這一方面好像麥記好ｄ，而且麥記仲多個麥旋風揀下。不過同事話杏桃不錯，而且只此一家，下次會試下。執筆之時，那邊廂麥記又剛出了優惠coupon打對台，看來有福的應該是廣大食客了。

今日午餐唔知食咩, 好想食漢堡包, 但麥記真係每況愈下, 就算依家推出 $20 一個餐, 都唔係幾想食, 行過灣仔見到 Burger King, 唔駛諗啦, 去滿足下個肚仔先! 一去到, 咦, 好少人咋喎, 而且好寧靜, 可以慢慢坐低一邊傾計一邊食啦~食評如下 ~ 燒烤煙肉漢堡餐 ($31.5) ~ 包括一個包, 一包薯條, 一杯汽水, 當你食第一啖後, 就會覺得同麥記無得比, 就算要 $40 一份餐都係值! 個包好足料, 漢堡牛肉上面夾有2條煙肉, 濃淡適中, 薯條無麥記咁咸咁多粗鹽粒, 亦無咁多油, 好食好多, 汽水就差唔多味, 無咩分別, 總括黎講, YUMMY!磨菇芝味烤雞堡餐 ($31.5) ~ 都係一樣, 有一個包, 一包薯條, 一杯汽水, 磨菇汁好香, 雞係原隻雞脾, 配有生菜, 好味! 絕對滿足到漢堡包迷~2條雞柳 + 6個洋蔥圈 ($8) ~ 買餐加 $8 就可以加配啦! 雞柳無咩特別, 都係乾乾的, 洋蔥圈好細, 食完同無食過差唔多, 不過 $8 都 OK 囉!總括黎講, 真係想叫大家唔駛成日食麥記啦, 試試黎 Burger King 食啦, 真係好食得多架!服務方

和朋友吃完飯，想到 Burger King 吃包包， 本來想吃華堡餐，但見到依家有 Promotion 烤雞堡，套餐係 $31.5 平過小華堡就試下. BBQ 惹味烤雞堡套餐：$31.5 再加錢加大BBQ 惹味烤雞堡：Size 同小華堡差唔多， BBQ 汁好美味，烤雞都幾滑幾好，不過朋友話好多雞皮，雞皮真係略嫌太多了　 薯條：啱啱薯條用哂，店員再新鮮炸！好正！好開心！我先拎咗其他，店員再俾返薯條我，薯條好脆，個心好綿綿有咬口，正！ 雀濘 Promotion 朱古力新地 $6 可能差唔多 9PM 先嚟到，Burger King 無咩人，我同朋友坐得好舒服，嗰喥又寧靜，環境很好，食得開心.唔鍾意行樓梯落地庫， 仲可以坐電梯上返地下添~

Tried the mushroom swiss, which is a nice adaptation of the beef version.It was a really good match of juicy grilled chicken with melted cheese and thinly sliced mushrooms.The fries and onion rings tasted how it should be.

呢日要香港做野，咁就呢度食個飯先。是日所見，度食既人真係唔多。坐就坐得好舒服。芝士華堡牛肉真係好有燒烤既味道，燒過既牛肉真係好食架。而半溶既芝士加上新鮮既配料，個味道真係好正。可以咁講既，來者不拒。洋蔥圈都唔錯既，素來都有洋蔥味。炸粉唔太重，只嫌份量太小啦，食唔飽。個餐都唔錯，雖然要四十幾個大洋。但我既心目中，都算係咁啦。

見到有 $19 既漢堡包廣告，心郁郁入左去食但最後受唔住引誘食左全個餐.....食左磨菇芝士仲加 8蚊買左洋蔥圈 + 雞柳磨菇芝士不過不失，只係包一個，冇乜特別你可以想像一下 kfc 倒左d 磨菇飯既汁上去漢堡包既感覺係點.......洋蔥圈好難食，因為 d 洋蔥根本一d 味都好有如食緊一舊炸左既麵包糠咁下次都係食返小華堡算數灣仔店好靜.....連埋店員不過10人，所以坐得好舒服

14了14了,還有好多的食評要補完呀...食這間的早餐是因為那天要在附近睇醫生呀,食得太多吧,嗯不過醫生竟然還未上班啊,所以只好在附近找個地方坐時間了,嗯本來是想去M記的,不過太多人了,所以只好來這兒了這兒其實真的不貴啊,和M記都是差不多啊,不過人們都去哂M記呢這個餐我沒記錯是20蚊,不過我可能太肚餓了,所以叮完都有點肚餓啊....那個只是牛角包+芝士...有點少過頭了.....唯一說的是那個奶茶好好味啊,M記那個真的不知所謂啊,嗯

上次食過早餐麻麻地選擇又小又貴個蛋1d都吾好食咬左2啖冇食喇今次同朋友去食小華堡比m記既好得多我食既系熟洋蔥果個包1見到入面有生菜有d怕..驚生菜太淋吾好食點知1咬 個口就一聲..好爽脆d汁都好惹味!講真小華堡餐$28貴m記小小但好味多多吾怪得之m記依家成日要推出特價..比其他快餐店狂搶生意

某日下午，跟某人瞓醒無咩特別想做就行下，見到單張話有ANGRY WHOOPER做PROMOTION加大份，又有TEA SET就試下啦~話明係ANGRY一定食到人辣架啦~原來佢用左jalapeno，味道同JUICY既燒PATTY好夾，新鮮既TOMATO同埋洋蔥比起M記既BIG N NASTY當然有過之而無不及。仲送左雞比仔，熱食好香，唔係一咬就得返舊骨既~味道有少少辣同M記既熱氣雞比仔比，LE個健康同味道甜D~勁大份既汽水。超飽~佢要左個MINI SET，味道當然有保證，下次我都係食TEA SET唔會飽死呀~最開心係有電腦雜誌同埋飲食周刊，加埋個飲左成個鐘既大汽水，張櫈又舒服，又人唔多唔嘈呀，真係可以HEA一日呀~

以前...要機場至有既burger king, 後黎要去到TST先有, 依家愈開愈多很好呀我真係好欣賞佢地塊漢堡, 燒出黎, 肉質真係唔同d!!上水大約幾個月前開左之後, 我都成日去前>v<!!重試過佢地加３蚊既雪糕汽水, 都好正, 好襯個包!佢既下午茶真係好抵食, 有時比較肚餓就可以加３蚊要一款薯條、洋蔥圈或者雞搥我已經每款都試過嚕! 都係覺得薯條最好味!burger king 既薯條一向都又脆又爽嘻真係好鍾意食burger king呀

因為很久也沒有吃過快餐,所以破誡一次.今次的選擇:蘑菇漢堡餐,小雞腿.蘑菇漢堡的牛肉很juicy,蘑菇汁令我有種在喝蘑菇忌廉湯的錯覺,飽也鬆軟.薯條十分好吃,比起其它快餐店更粗切,即使冷了,仍然脆.汽水有汽,不是沒有汽的糖水.小雞腿味道很吸引,有一點點黑椒味,惹味,肉質也滑.

Thanks to the typhoon, I finally got a chance to try Burger King's breakfast.I got the sausage croissant with egg and tea, there were other croissants too, all very tempting, egg and ham, egg and bacon!The croissant was not the real butter croissant, but a half bun, half croissant version to make it easier to eat without flaking everywhere.The egg was rather bland, and the sausage patty had a strong sage taste, however there where bits of tendons and ungrounded bits. I should have got the ham in

知道漢堡王的名字，就是某年的一次上山頂，那時驚覺原來飽可以咁貴。到了北角開分店，自己又剛剛離開這個地區，之後灣仔開幕，有想過做第一個食客，但等很久也未開，沒經過時它又靜靜地開幕。所以過了很久很久之後，才自己買了一個包回公司吃。未入去知道是set 會幾貴，所以今次只要了一個包，也花了二十七元 - 平日的一個快餐價了。如此索價，值不值，真的要試過才會知。包的面積比平日吃老麥的大很多，牛肉也很大塊，中間的牛堡不乾身，但一點也不 juicy ，不過都算有牛味，與茄汁一向配合，另外，也加上的蕃茄和蔬菜。對它是有期待過，可惜又不覺得特別好吃，只是特別飽肚吧。這個包的確比足三兩好一點，我對王者要求高些，這個包，未去到這個價位，所以只是ok 吧。

今日係第二次食鱈魚堡, 評價同第一次的一樣, 好麻麻件魚柳好深色, 炸得過左火. 第一口咬落去好鹹, 都唔知係件魚本身鹹定係片芝士鹹.沙津醬的味道我鐘意mcdonald的多啲(雖然我都覺得mcdonald 的魚柳包好唔得!).生菜都好求其, 唔及freshness burger or mos burger 的lettuce的多和fresh.片芝士仲係好保持原狀, 唔溶的. 唔溶的芝士會好味嗎?下次都係唔好貪方便! 唔好食就唔好再幫襯.

burger king走回到鬧市，這是一個天大的好消息，不要再上山頂或機場先有得食美味的漢堡包了！公司附近有一間，我都多去食，因為其實唔多人，可能啲人認為burger king係快餐中偏貴的一間啦，我今日叫了個bbq tender grill chicken set,都要$35.00.味道好好，雞好嫰，同埋我最欣賞係那一塊超級鮮紅的蕃茄，好鮮甜呀，配塊雞扒剛剛好！$35同去茶餐廳差不多，我都會選去burger king.