漢堡王 (已結業)

今次出遊在 T2 辦登機手續，順理成章在這邊吃早餐。翔天廊大部份食肆都有早餐供應，但始終 Burger King 是較合心水的。晨早流流食個大 burger 似乎有些過份，又為免在行前錢包產生太多散銀於是吃了可以齊頭找 $5 的豬柳牛角包早餐（$25），連飲品，要了咖啡。牛角包沒有太多酥皮層的效果，也不太有牛油香，真是比較像一個麵包。一片（漢堡用）芝士半融，跟豬柳的組合本來吃慣吃熟，但它倆搭上牛角包又給人一種新鮮感。咖啡居然不太水，而且有少許咖啡香味，快餐咖啡來說也是收貨了。不過喝橙汁可能會好一些。墊枱紙上所列的分店只有三數家，包括這家，就知道這裡跟市區的分店是由不同公司營運的了。

我聽聞山頂同機場的 burger king 同市區的唔係同一個老闆. 我都唔知係唔係, 不過有 d　promotion, lee度真係無．突然心血來潮想食 burger king. 又無特價餐喎, 咁是但啦.隨一句問下機場員工有冇折, 心諗快餐都唔會有. 點知有八折喎...咁就覺得抵食左 anyway, 個包真係好食過麥記 o既... 不過我唔中意 d 茄汁, 所以覺得薯條無咁好食.

在上機之前,先在T2內找點東西,皆因我乘搭的是廉價航空,什麼也沒有,唯有吃飽才上機,結果便選擇Burger King.由低調回歸到機場,直到今日已有多間分店,昔日的距離感已消失.變成隨手可得,再無須去到外地,也要專程吃個BK來惦念一下.鮮魚堡加洋荵圈,魚柳大塊香脆肉質嫩,麵包身鬆軟得來有生命力,不如老麥的一篤就留下手指印,洋荵圈即炸當然好吃.如今四圍都有分店,來到BK的心態亦隨之改變,只為填肚,不為追憶,連剩餘的感覺也失去,已變得不再浪漫了.(嘩,食個漢堡包都要咁感性?你無*野下話?)

第一次在terminal2上機, 但也要盡一盡上機前的儀式, 食個漢堡王其實都自己覺得有d obsessional....咦, 有angus, 就叫一個試試, 同大豬share 喇~其實食咁激宵夜, 上機仲有餐, 都幾肥...同一般whopper 比較真係食唔出有咩分別.可能已碎晒d肉了, 質感已大打折扣.但薯條仍舊好食爽脆. 飲口可樂, 正呀.但食完, 大豬女友竟未夠喉, 再要加料先上機??!?

出外旅遊來到機場，早上十時許，往領隊報到後，離入閘時間尚早，先吃個早餐。來到 T2 的 潮樓門前，見有 $18 的一份早餐，一碗粥加一款點心，算抵食，但見人多，為免誤事，改過對面 Burger King ，貪其人少少，地方確是不錯，偌大的用餐區，祇得三數檯人客。我選擇了豬柳蛋芝士牛角包跟咖啡，發覺咖啡與外面 Burger King 的不一樣，這裏是用 Mellita，而外面是用 Lavazza，味道明顯差一大截，加上牛角包雖是熱，可能是返熱，但包的質感變韌了，芝士曾溶過，但已凝固了，應是早前做好，存放了一段時間，有客要再返熱，連薯粒也不脆呢！還聽人說機場的 Burger King 較外面的好，可能早餐已近尾聲，我做了清道夫。

Its weird how Burger King had so many HK outlets in the past, like 20+ years ago then pulled out without warning 1 day, much like Jack in the Box and Hardee's. Nowadays, Burger King is back from the dead and even price to sell their burgers at 250% higher than McDonalds - a bold move. Their burgers aren't even good (though they have the best French Fries!), but with so many expats returning, the inevitable return of BurgerKing was always about the timing, isn't it? This 2nd coming trend

當1號客運大樓的Burger King 人山人海時,2號客運大樓的Burger King 卻空無一人,想靜的話,2號客運大樓的Burger King 是首選天椒華堡(大)比麥當當的至尊漢堡大一些,用料新鮮,起碼生菜啖啖爆脆,洋蔥勁爽帶出一點點辛辣味,配合燒烤過的牛肉漢堡又係超正,可惜是牛肉漢堡略為單溥一些,但味道及juicy道都OK天椒華堡並不是每一啖都有辣味，要食中天椒粒先有一陣辣味，酸瓜真係好酸，整体都算好食薯條就真係好得，外脆內軟，又不乾口，正2號客運大樓比1號客運大樓優勝之處是有85折優惠，但必須取得優惠券先，小弟是食完後才得知此優惠,因Burger King 門口的優惠券已派完，我要落一層樓先拿到...優惠券的85折優惠還包括多間2號客運大樓的食市,包括板前,餃子天下,清亭等但優惠券到6月30日到期相逄恨晚...

回想對上一次食burger king都有年幾兩年前在山頂分店吃,那時還未有那麼多分店.妹妹常說好食. 所以昨天再戰burger king,看看有幾好味先~~雙層芝士華堡餐 ($5x) - 幾大個呀~~- 可惜塊漢堡煎得有點過火雙層煙肉漢堡餐 ($4x) - 一打開, "咁細個嘅!" (同麥噹噹個雙層漢堡size差不多,但價錢就相差....)- 芝士味幾濃,漢堡有點乾不太juicy. 未食前見咁細個以為會唔夠飽, 但原來食完整個之後會滯住左,其實蠻肥膩.薯條 - 條條脹卜卜,外脆內軟. 真係好好食.汽水 - 點了可樂 and coke light, 好唔掂. 唔夠氣,好似飲唔曬放入雪櫃雪兩天再番飲似的.妹妹說burger king好食過麥噹噹,我就覺得味道差不多. 但以呢個價錢又真係不太值....比多少少$, 我還是喜歡triple o 多一點,

早排參團去旅行，當天是坐下午機，出門口巳先吃了點東西，午飯時候左右巳在機場集合，先放低行李寄艙，在上機前有段空檔便去了客運大廈內的 Burger King 吃飽些。在排隊看着燈箱上的餐牌，不停盤算要吃那款包，由於之從已吃了些食物，便叫了個 Whooper Jr SET，包一個細華堡、一客薯條及一栋杯汽水，細華堡的大少跟麥記的漢堡包差不多，只是塊牛肉較厚身、有肉汁而且夠軟熟，包内的Dressing 不少，牛肉上面的沙律醬及茄醬夠厚，夾着大大片新鮮的蕃茄、洋葱絲、醃青瓜片及西生菜，整體用料、份量和味道都比麥記的好，但好像缺少了以前那種烤肉的香味。 薯條方面不是用粗身的，但夠熱度及飽脹，沒有像老麥那樣落太多鹽而偏鹹，味道稍勝一籌。不過一分錢一分貨，雖然用料比老麥好，但一客細華堡餐也要索價超過三十元，普通華堡更收四十多元一客，但份量及味道又不如 Freshness Burger 或 Triple O 那些級數，以如此份量又不夠廿七元的至尊漢堡平宜，其實 Burger King 都不算好抵食，但間中轉下口味食吓也無妨。

雖然burger king在市區已經開左好多分店，但有burger係機場或者山頂先有既。我今日食既天椒華堡餐就係其中一個，雖然係十二點幾，附近食野既地方都人頭湧湧，但呢度都唔算多人，都顯得有小小靜。天椒華堡個天椒只係一小小酸既辣椒汁，都唔算太辣既。而牛肉就好好食，好juicy又有肉味。同M記既差得遠。個包又幾多料，有酸瓜、洋蔥、生菜等。而洋蔥都好爽口，爽得黎又好脆，而果陣既生洋蔥味就令我好深刻。真係好難用文字去形容。整體上，機場既包點都係好食過市區食果。薯條其實同M記果一樣，但無乜邊條係淋。好多條都好脆口，yummy。再加上黑胡椒碎就更一流。香港第一次食burger king就係呢度，都差唔多兩年啦。我記得以前既汽水無加大都22oz，加大之後仲有32oz。不過而家已經無左啦，但都無乜所謂，食物質素都可以保持就好好架啦。機場同山頂既BK特許經營同市區既有唔同，因此食物質素都有分別。有BK度，終於明白M記機場無立錐之地既原因。香港亦可能係世界上小數無M記機場既地方。

上周六有要事到機場一趟, 午飯時段光顧Burger King. 記得第一次光顧Burger King是中學時期, 光顧的目的並不是為要嚐它的漢堡飽; 也不是因為匆忙趕吃快餐而來, 而是為了醫治好我的貧血. 醫生建議我吃多些牛扒來吸收豐富的鐵質. 那段時期,每天吃著Burger King的Cheese Burger,現在回想起,真的不知自己吃下多少反式脂肪呢! 很久沒有光顧了,漢堡種類多了選擇, 叫來一個芝士脆洋蔥烤牛仔肉漢堡(不太肯定其漢堡名稱是否這個),而洋蔥圈是跟餐上的.洋蔥圈: 不要說洋蔥是否新鮮,單是說到洋蔥味也欠奉. 感覺如吃下一堆脆口的炸粉漿物體一樣.芝士脆洋蔥烤牛仔肉漢堡: 烤牛仔肉扒很有BBQ的味道,肉汁及肉味當然不能跟五成熟的五星級扒房相比,始終一分錢一分貨嘛! 火烤漢堡牛肉結實而不韌,亦沒時新快餐店般多油,肉汁還是有的,而夾著的脆洋蔥與洋蔥圈的口感及味道是一樣的.溶掉的周打芝士配上烤牛肉彷彿是快餐店的一條漢堡飽的方程式製法,到處的快餐店也受用. 至於那塊牛仔肉扒,吃時真的分辨出與牛扒有何分別. 略嫌三十五塊錢以這個漢堡的體積份量來說,的確是貴了一點.

機場沒了麥記,早餐只好去Burger King招牌華堡好好吃,麵包烤得好香,burger也是好juicy烤得好香,tomato鮮甜爽脆多汁,生菜林了點但還算OK,不過華堡作早餐來說真的但比較貴阿($40)早餐的豬柳蛋牛角包就不抵了,和麥記的豬柳蛋一樣味道,但價錢貴很多,還是吃招牌華堡吧,起碼比較好吃

每次出外旅遊,老公都指定要食Burger King ,剛好在2號客運大樓辦理登機手續,而且2號客運大樓都開了一間,就不用回去一號大樓,可以節省時間~~~叫了*雙層燒烤培根漢堡飽餐,等了數分鐘後就有囉~~~熱呼呼.至愛它的芝士味夠濃,加上煙肉好香脆,真係最佳組合,炸薯條都係新鮮,卜卜脆,正~~~嘆完美味早餐,就開始向長灘島出發~~~

要去機場做功課,入到去唔知食咩好加上勁肚餓,見到有間burger king,於是就即刻入去食喇呢間既選擇比尖沙咀果間既少無我食開既照燒牛肉飽,所以叫左個double cheese burger set見到個飽好似好細咁一打開見到勁多芝士,好足料啊咬一啖,啖啖肉同芝士,勁正真係同mclonglong果d真係無得比另外同朋友share左個雞柳同mclonglong果d真係差勁遠呢d先係真正既雞　食到雞味mclonglong果d得個嫩字,都無雞味既,都唔知搵乜黎做短期內都唔會去食mclonglong...burger　真係好好味

好奇怪點解呢間連一個劣評都冇, 會唔會係大家經常將佢同M記比講真d野食唔係好好, 又話姐我只係試左一兩樣唔應該咁快下定論有機會我會去食多幾樣唔同既野呢日我係去T2買$99既夏日激玩證, 4D電影真係垃圾, 好悶4D超動感歷程幾好玩, 單買都只係$30, 抵!i-Sports冇咩野玩, 星光無限影相都好, 遊戲啱小朋友玩講返食物, 我地叫左個鱈魚堡餐同小華堡餐, 有人係都加左個洋蔥圈係, 我叫小華堡係因為佢送新地, 個新地好食, 有香草味同其他雪糕好唔同, 溶溶地唔會好快變水, 下次一定會再食個小華堡唔錯, 份量一般, 我期望塊番茄更厚的, 酸瓜係酸左d,不過夾埋個包就啱哂, 仲有塊扒juicy, 幾好跟住講過鱈魚堡, 我個fd話魚柳比M記差.....我未試過唔敢講我地一致認為薯條比MOS Burger好, 份量就係一大問題有人遭警誡下都要試洋蔥圈, 結果係完全唔知係咩黎, 成舊油炸麵粉, 食評真係信得過, 送俾我都唔想再食整體黎講只係ok, 希望下次有驚喜