漢年茶餐廳

營業中

休息中

來到大圍吃早餐, 自不然會想起漢年, 雖然四周選擇不少, 亦有老是常出現的快餐店和茶餐廳, 但是偏好漢年的簡單平實。一入漢年, 顧客與店員早晨前早晨後的互動, 是這個年代少有的人情味。漢年門面雖然有年代感, 但內裡環境乾淨企理, 冷氣充足, 座位全是中式圓枱, 即使要搭枱也沒有壓迫感。看了看餐牌, 最後選了常餐, 雖然常餐已很豐富, 如可加少少錢追加煎蛋和多士, 這個早餐便更完美了。常餐1) 豬扒五香肉丁麵 $392) 凍阿華田 $3豬扒五香肉丁麵有豬扒2件, 兩件均肉厚, 表面煎得香口, 肉質不柴。五香肉丁肉質較柴, 但微辣惹味。菜心有1條, 新鮮爽口。光身麵麵質不錯, 泡久了也不會變腍。凍阿華田甜度適中, 冰量剛好, 接近喝完, 一粒冰也沒剩下來, 味道也沒變淡。

踩單車之前梗係要食飽個肚啦 喺租單車嗰條街就有一間出名鹽焗雞飯嘅漢年茶餐廳叫咗個🩵鹽焗雞炒飯底會跟一個沙薑汁🥴個雞都算滑唔算好肥都好嫩，會有少少雞油滲落個飯度點埋個沙薑汁撈飯一流啊🙂‍↕️不過個炒飯就略嫌有少少濕濕地🙊叫咗一碟都夠兩個人share～如果大圍嘅話有更加好嘅選擇既特登嚟食就會有啲浪費quota 🥲另外跟餐叫咗個檸檬茶走甜，茶底嘅質素都唔錯😗不過呢度人情味好好🙂‍↕️侍應好有禮貌同埋好多熟客仔

今天的午餐我選擇了大圍積福街上的漢年茶餐廳，這裡以金牌鹽焗雞飯聞名。今天我應邀到沙田區的學校分享，順便把握機會享用美食！我點了鹽焗雞蛋炒飯，份量大而且味道極佳！雞皮金黃酥脆，雞肉鮮嫩多汁，搭配炒得香噴噴的蛋炒飯，讓人一試成主顧！飯旁還有一大條清爽的碧綠菜心，為整體增添了色彩和口感。重點是那個沙薑醬，真的是畫龍點睛，無論是配雞還是配飯，都非常合適，讓味道更加出色。金牌鹽焗雞飯的價格是$54，炒底加$12，而紅豆冰的優惠價是$15。最後埋單總共$81，性價比非常高。整體來說，這頓午餐不僅美味，還讓我感受到漢年茶餐廳的魅力，下次一定會再來！

每位潮友對「碟頭飯的浪漫」嘅定義都唔同，未必係豆腐火腩，但就一定要係去茶記食先有 feel囉。呢間隱世茶餐廳，感覺就好似係元氣加油站咁，PND去食嘅當日見到有好多司機大哥都喺到開餐，以為都係賣普通野啦，食落先知係有啲啲驚喜嘅！見到每枱都有一碟，PND唔執輸即刻叫返個金牌鹽焗雞飯仲加左＄10轉炒底。飯粒9成沾有蛋漿，炒到粒粒分明，好乾身。雖然無醬汁撈飯，但係一啖食落去已經包含左少少雞油同鹽焗味，唔會乾爭爭口淡淡！再食埋件主角鹽焗雞先！雞皮爽口唔肥膩，鹽味已經完全滲進肉同骨中間，咸味濃度啱啱好！肉質嫩滑多汁，「雞有雞味」嘅要求呢到絕對做到。想要提升口感層次就一定要點埋佢地個秘製沙薑醬，完美！

今日慕名專程入大圍漢年食鹽焗雞飯（炒底）配熱可立克（$75）、椒鹽豬扒飯（炒底）配罐裝可樂（$77）。星期六提早大約5:30pm 入到去（因為知道佢收7:30pm )。 咁早當然不用等位，但有好多人叫外賣，有一位穿黑色唐裝衫男士一個人買咗2 0盒鹽焗雞飯外賣，証明年食鹽焗雞飯乃該店名物無疑。坦白講，鹽焗雞同埋椒鹽豬扒味道是不俗，價錢尚算合理，性價比屬屬可接受範圍。 但食食吓見到其他人都多數係叫鹽焗雞飯同埋椒鹽豬扒飯，發覺不知道點解我哋兩碟飯和餸的份量比其他人少咗差唔多一半！ 可能見我哋生面口，不是街坊就偷鷄減料，伙記係衰，但背後一定係老板吩咐咁做，呢間嘢咁做生意真係影衰香港的飲食業。真心奉勸大家，如果想幫襯呢間「小店」前真係要三思，又或者有街坊陪住先好冒險入去！

呢間茶記都算有啲年代，難得入面保持到乾淨整潔。唔好睇佢門面唔起眼，入面真係座無虛席，係實力嘅表現😂佢最出名係鹽焗雞，普通碟頭飯聞到都幾香，整體食物質素👍🏻👍🏻👍🏻鹽焗雞髀飯（碗）HKD64女仔食碗分量都足夠。以為無炒底啲飯無味道，估佢唔到啲飯吸哂啲雞油香味，啲雞例牌好味又滑又夠味，雞皮都好薄，食得！鹽焗雞胸飯炒底（碟）HKD68碟比碗分量大，炒底飯原來係美極炒蛋飯🤤雞胸係無雞髀咁滑，不過實係有營之選。📭叫咗杯檬茶茶底唔澀夠香，下次奶茶可試📭留意店鋪營業時間0700-1900💁🏻‍♀️

嚟到大圍新商場，食飯時間間間舖頭都排隊，想唔使排隊又有好嘢食？梗係要去返附近嘅餐廳發掘一下啦。呢間茶餐廳喺大圍火車站行過去大約兩至3分鐘，餐廳嘅人流非常之多，但係因為每個人都嚟到食完就走，所以都唔需要等位。餐廳最出名嘅就係鹽焗雞飯，可以選擇雞胸，雞髀，或者雞翼等等部位，碟頭飯一碟大大碟，嫩滑嘅雞肉加埋鹽焗雞醬，配合得非常之好。因為碟頭飯非常大碟嘅關係，所以餐廳都有唔少大隻哥哥過嚟食㗎。另一個餐廳招牌菜，就係椒鹽豬扒飯，椒鹽非常香口，豬排大大件，飯底可以選擇炒底，炒底飯粒粒炒到金黃，非常特別。留意番，餐廳夜晚7:30就會閂門，所以想食嘅話就要早少少過嚟或者午市過嚟食啦。

呢間係大圍屹立左好多年既茶餐廳，無論平日定假日，午餐時間人流都唔少！主打鹽焗雞，不過都有每日唔同既經濟飯餐。1. 鹽焗雞飯$53呢個雞飯都算唔錯，雞味都重，雞肉咸香，肉質好鮮嫩，雞既份量一啲都唔少，而且仲有配沙薑汁醮雞，性價比幾高。另外，仲可以指定要雞既唔同部位，例如雞髀、雞翼、雞胸等，或者白飯轉炒底又得！不過價錢就有少少出入啦！餐廳內點鹽焗雞飯既人都幾多！2. 福建炒飯 57呢個炒飯就…一般般啦！炒飯既餡料算幾多，不過…個炒飯唔熱😢成碟飯就扣晒分lu，始終炒飯來講，鑊氣係好重要！

🍽漢年茶餐廳鹽焗雞飯個兜沙薑好味到暈😜撈飯點雞都係一流～唔指明咩部位就交俾廚師揀～雞肉好嫩滑唔會好嚡～撈埋個沙薑汁邪惡到一個點～唔多講黎漢年試個雞飯就明👍盛惠$5x💰💰💰💰💰好味指數🫵 5️⃣最佳🍻🍻🍻🍻🍻☻非專業食評·純個人口味☻🗣️仲有咩想講一路都想會一會碟雞飯～原來仲可以配粉配飯～仲見應該熟客仔先識叫炒飯底～好似好邪惡😈咁下次黎會一會佢😜不過成日都多人～店員好快手所以都忙架🙂大家俾耐性等一等😉聽聞椒鹽豬扒都😈😍

入嚟大圍，支持下地道小店，今次去咗一間「漢年茶餐廳」叫咗個鹽焗雞飯，碟上，見個個都轉炒底，我就+$12轉炒底飯，姐姐遞上枱一刻驚艷，好大碟，足料！炒底飯乾身，粒粒分明；雞肉肉質嫩滑成個人即刻䁔笠笠，好滿足

中午到大圍食飯時間都算人多，不過唔洗等位，搭枱，環境算迫，衛生情況正常叫左個盬焗雞炒底飯，雞夠味同埋夠滑，，餐廳會另外比左個沙羞汁，不過雞本身都夠味道，唔點都可以飯都夠乾身，但飯底唔算好熱，可能係炒左好耐

今日嚟到呢間餐廳，第一時間就點咗個“著名金牌鹽焗雞”嘅雞髀飯炒底💥，一上桌，香氣撲鼻，即刻令我食指大動！飯粒嘅口感幾得意，不單止有嚼勁，每一啖都包裏住鹽焗嘅醇香，真係幾正😋！雞髀肉質柔嫩，入口即化，鹽焗味恰到好處，唔會太鹹，香中帶勁，好吸引！當然，炒得乾爽嘅飯底，配上雞肉，嗚哇，真係絕配！食物之中，如果要揀出一個小小嘅遺憾，可能就係雞胸啦。感覺上比雞髀嘅肉質就無咁彈牙，可能冰鮮嘅處理手法仲可以再提升吓。但係，總體嚟講，呢啲小瑕疵都影響唔到全體，食物質素真係算高👍！啲飯雞味正到不得了，真係一試難忘，香港街頭美食嘅地道風味，食到最後連碗底都想舔晒嚟瞓😂。對我嚟講，呢啲就係「真材實料」嘅好滋味，簡直係口感同味道嘅雙重享受。下次朋友問我大圍邊間茶餐廳值得一去，我一定毫不猶豫推介呢間！👌

近期不知何故, 總是想吃中式炒粉麵飯或小炒, 想吃那種鑊氣和風味。早上10:30來到漢年, 即使還在供應早餐, 也忍不住要點炒粉麵飯, 撫慰一下心靈。漢年環境乾淨企理, 座位全是中式圓枱, 有中菜館的感覺, 店員親切, 富有人情味。招牌菜有鹽焗雞飯和椒鹽豬扒飯, 是日目標清晰, 點了干炒椒鹽豬扒意粉。1) 干炒椒鹽豬扒意粉 $642) 熱檸檬茶 $11 干炒椒鹽豬扒意粉份量不少, 2人享用剛好, 上菜時意粉和豬扒混在一起, 把豬扒抽出, 驚訝竟有6件以上的豬扒, 啖啖肉, 只有2件連骨。豬扒肉厚不柴但有咬口, 椒鹽微香, 如蒜粒多些更添惹味。意粉有洋蔥芽菜同炒, 醬油掛色均勻, 不會過鹹, 入口微辣, 吃著吃著, 竟把整碟吃完。由於事前已要求少油, 故碟底沒有太多多餘油份。熱檸檬茶有檸檬3片, 茶色深, 香而不澀, 不用加糖, 味道剛好。

好耐無去過呢檔茶記，今次又掛住佢哋嘅招牌菜，味道已經在腦海中，一食入口已經知道會係點。舊式茶餐廳就係「人情味」同埋師傅嘅烹調味道，好唔好食見仁見智，最主要係啱唔啱口味，只要滿足到個胃最重要❗️———————————————————————————.🍜招牌鹽焗雞米粉 $50 🐔💬一份豐富嘅招牌鹽焗雞，可以配粉、麵、飯，唔係話配咗湯麵🍜啲雞又會少咗，同樣係一樣咁多件咁重份量，十件八件走唔甩，無乜要求揀咩部位當然係廚師👨🏻‍🍳發辦，切到咩就俾咩位，一樣係鹽焗味香濃又夠嫩滑；如果想扮識食又比較食量大嘅話，可以試下配飯炒底，食完就知道點解🤓

鹽焗雞脾飯是漢年茶餐廳的招牌美食之一，今次我加錢改成雞脾, 肉質感覺更好。鹽焗雞飯是漢年茶餐廳的特色之一，備受食客喜愛。這道菜品以嫩滑的雞脾為主要食材，並且配以特製的鹽焗調味，讓味道更加突出。評價中提到，鹽焗雞脾的調味剛好，既能夠保持雞肉的鮮嫩口感，又能夠使其充滿豐富的風味。鹽焗的方法使雞脾的肉質更加嫩滑多汁，入口即化。而且，雞脾的肉質搭配鹽焗的調味，讓整道菜品的味道更加均衡和美味。除了鹽焗雞脾，漢年茶餐廳還有其他豐富的選擇。從參考資料中可以看出，餐廳的菜單包含了多種港式經典美食，例如燒鵝、燒鴨、蜜汁叉燒等等，滿足了不同食客的口味需求。這些菜品都以優質的食材和獨特的烹飪方法製作而成，保證了口感的豐富和美味。值得一提的是，餐廳的裝潢風格簡潔舒適，氛圍愉悅。這樣的用餐環境讓人感到放鬆，能夠更好地享受美食。而且，餐廳的服務態度也受到了食客的好評，服務員親切友好，讓用餐體驗更加愉快。漢年茶餐廳的鹽焗雞脾飯的確是一道令人回味的美食。嫩滑的雞脾搭配特製的鹽焗調味，味道鮮美均衡。無論您是港式美食愛好者，還是想要品嚐正宗香港風味的人，漢年茶餐廳絕對值得一試。