漢年茶餐廳

營業中

休息中

星期六午飯時間經過，都幾多人，等咗一陣就搵到位坐低。叫咗碟鹽焗雞髀飯+一碗雞髀米+凍檸茶，食咗咁多年，都仲係覺得佢個鹽焗雞飯真係幾好味。係坐得迫啲，不過食茶記係咁㗎啦🤣

成日心思思想食嘅漢年，而家演變到同朋友lunch都想食☺️ 無他 大大碟大大啖塞落口度都幾滿足今日我哋三個女仔叫咗三碟外賣，其實係食唔晒，不過都要叫😋三個人可試多d椒鹽豬扒炒底 必食 鬆軟豬扒配炒飯 成個口長到不得了！不過都咸嫁！好怕咸嘅人可能就未必啱 不過久唔久一次就so food!星洲炒米 配料很足 每一啖都有 不過佢個咖喱味略淡 其實食落幾似普通炒米乾炒牛河 炒得非常香又鑊氣！而且盒底冇太多油，而且牛肉份量都好多 加埋辣椒醬食好正啊

𝙨𝙖𝙡𝙩 𝙖𝙣𝙙 𝙥𝙚𝙥𝙥𝙚𝙧 𝙥𝙤𝙧𝙠 𝙘𝙝𝙤𝙥𝙨 𝙞𝙨 𝙙𝙚𝙛𝙞𝙣𝙞𝙩𝙚𝙡𝙮 𝙤𝙣𝙚 𝙤𝙛 𝙩𝙝𝙚 𝙩𝙤𝙥 𝙛𝙞𝙫𝙚 𝙛𝙖𝙫𝙤𝙧𝙞𝙩𝙚 𝙙𝙞𝙨𝙝𝙚𝙨 𝙤𝙛 𝙝𝙤𝙣𝙜𝙠𝙤𝙣𝙜𝙚𝙧😋 𝙖𝙣𝙙 𝙬𝙝𝙚𝙧𝙚 𝙩𝙤 𝙛𝙞𝙣𝙙 𝙩𝙝𝙚𝙢? 𝙘𝙝𝙖 𝙘𝙝𝙖𝙖𝙣 𝙩𝙚𝙣𝙜 𝙝𝙖𝙨 𝙩𝙝𝙚 𝙢𝙤𝙨𝙩 𝙖𝙪𝙩𝙝𝙚𝙣𝙩𝙞𝙘 𝙤𝙣𝙚𝙨!.講起大圍名物除左手撕雞腸粉、生煎肉餅飯，最老字號應該都係漢年鹽焗雞飯，份量多到兩個人都夠食🥵 雞件應該係例牌份量，肥膏較多，點埋沙薑醬撈飯食，成口充滿雞油香；椒鹽豬扒又係肥膏偏多同埋有少少過淋，不過精粹係佢啲炸蒜，相當惹味！不過可能太耐冇食過碟頭飯，真係幾油膩，間唔中一次都okay既～

飲唔到咖啡，不經不覺又到了午飯時間，間間食肆或多或少都有人龍在外面等候。前面不遠有間舊舊哋嘅茶記，只得有一個人等位，嗰肚又開始打鼓🥁咁我就跟著排隊好快就有位了。坐低周圍望吓，每檯最少都有一位係食雞飯，再打開餐牌先知道呢度嘅招牌菜係鹽焗雞飯 ，所以立即叫一個試吓。果然名不虛傳 👍🏼，雞胸肉唔算瘦，而且又唔鞋，仲有少少juice ，最重要係鷄皮下面冇咗嗰層水晶肥膏，可以放膽食埋塊鷄皮 ☺️ 雖然鷄皮同鷄肉已經入哂味，佢哋仲會另上一碟沙薑醬，正呀 😋l後來見到隔離枱碟椒鹽豬扒飯及鹽焗雞飯炒底都好鬼正。椒鹽豬扒有四，五塊曡起成座山咁高，而且D椒鹽味好香，一陣陣咁飄過嚟。鷄飯D炒飯底粒粒金黃色，遠望成碟都炒得好均勻，師傅D手勢都幾好喎！估唔到亂打亂撞竟然係大圍食到一個咁正嘅鷄飯，一定要搵日再嚟試吓其他嘢。

依間鋪真係由中學時代食到而家女都生咗兩個，每次都會叫既鹽焗雞胸湯飯，真係食咁多次，水準都冇變！老公叫左鹽焗雞髀炒飯，真係勁野味！個飯抵炒得好出色！飯堂彈粒粒分明，個雞非常嫩滑唯獨就係比較多人排隊，下次可能要預多少少時間！

呢度既鹽焗雞一向都好出名。今日就黎食啦！餐廳位置係大圍。基本上地鐵站一出，過條馬路，下個街口就到。都有唔少人渣車黎食，不過應該都有機會被抄牌。因為聽到餐廳員工會提Ｄ客人既。呢到環境就係一間茶餐廳咁。但望落去都乾爽既，Ｄ餐具都唔會話立痴痴，當然，用之前都最好沖洗一下啦。叫左一個鹽焗雞脾飯，另外叫左個鹽焗雞米。睇相好明顯會見到雞脾肉比著通雞肉滑嫰滑。重點係Ｄ沙薑呀！一定要蘸黎食呀～我覺得個份量都幾夠大。建議唔係食得好多既，可以嗌少飯，或少米。食完都好飽。本身想叫個西多士都食唔落了，下次再黎食！哈哈😄

屋企人講先知呢度既椒鹽骨飯同雞湯米好好味偶然試過一試果然名不虛傳晚飯時間外賣都多人因為收1930唔可以太晏過去首先本人本身唔特別好椒鹽骨但見呢間咁出名就試下呀~椒鹽骨飯份量絕不欺場哈哈一個男人都應該夠飽的椒鹽骨不會好干頗入味的用D蒜容撈飯食一流真係飯都食多左呀~雞湯米(可以轉湯飯/白飯)D雞好重鹽焗味真係超級入味我食果次雞肉都唔會話好鞋口份量又係算多湯佢會自動另上咁就唔會浸淋晒D米粉上湯唔會好淡或好咸算剛好果種以茶餐廳黎講真係水準以上值得一試呀

Recommend by a friend and travel all the way there from city center.Chicken asa advertise so yummy, so tasty and juicy. 80 % of customer in the shop asks for their specialized dish. I tired also the pork chop with black bean source. Amazing !!!! Setting, lighting , tidiness are average cha chan ting. A little pushy on getting seats returned but that’s fine Recommend to visit

弄鹽焗雞其實不難，但市場上少人賣，主因是要花心機。自己獨門家傳秘方是這樣做的：清潔新鮮雞隻，熱水收皮，再放熱水煲內關蓋浸廿多分鐘，視乎雞隻大細，千萬不要開火，拿出後浸冰水降溫，切件即成。浸雞湯水可以隨自己心意加些花椒八角粗鹽入味。吃時雞件嫩滑，雞皮雞肉夾層間之雞油凝涸成淺黃啫喱，骨骼帶微微鮮紅血絲，再伴以鹽焗雞醬，美味極了。鹽焗雞醬，糧油店五蚊以內一包，回家倒在汁醬碟上淋滾油攪拌即可食用。漢年茶餐廳名菜鹽焗雞飯，相同做法大同小異。門面經年不吸引，是香港九十年代茶餐廳格局，與時代脫節，感覺是傳統餐牌，早餐賣沙爹牛肉麵、午餐賣扒飯、下午茶做西多的氣氛。但不知那來竟走來一道招牌菜「鹽焗雞」呢。內裡佈置適合電影取景，每磚每瓦冷氣出風糟，檯椅燈光都是黑社會打鬧場面背景。侍應見我拍了這張照片，立時很機警，即過來下單及即收回餐牌，擔心商業秘密外洩般。鹽焗雞醬是靈魂！！如我做法一樣，但廚師可以更進一步花點心思，令客人感到這裡與別不同。我們做餐飲最怕招牌菜式被人抄襲，如何將這平平無奇的鹽焗雞醬做得更好：我建議每次出餐時才淋油，熱騰騰地上菜，客人會吃得出的。鹽焗雞過熟！可惜可惜！！雞肉粗糙，雞件也斬得一蹋

本身茶餐廳就冇乜嘢好需要介紹嘅, 但係呢一間咁舊式嘅茶餐廳, 佢本身就出名食雞飯, 但就唔係我杯茶, 我每次嚟親都係食椒鹽豬扒飯炒底, 今次亦都唔例外, 今次係特登冇食早餐嘅情況底下嚟食嘅, 原因係佢嘅份量真係好大, 我次次都食唔曬今次好想挑戰成功, 所以我就連早餐都冇食直接就嚟食咗呢啲飯, 嚴格嚟講我都叫挑戰成功嘅, 食淨一兩啖飯啫。佢嘅椒鹽豬扒份量真係可以share兩個人食 , 如果兩個女仔嚟食我建議兩個人嗌一碟飯, 在叫一碟菜。而呢個椒鹽豬扒飯炒底佢嘅椒鹽就唔係乾到不得了嘅係有少少汁嘅感覺, 總之就係好好食啦

大圍出名最多茶餐廳，而大部份茶餐廳我都已經有試過。由於我由細到大都好鍾意食雞，講到最出名食雞的茶餐廳一定係呢一間 - 漢年茶餐廳鹽焗雞飯一定係呢一間餐廳最出名，可以選擇一碗或一碟，但女仔黎講通常要一碗鹽焗雞飯。雖然係一碗，但份量一啲都唔小，一碗鹽焗雞飯價錢係$47，一碟$50。今日星期六比較多人排隊，於是我叫了一個外賣搭的士番屋企食，叫鹽焗雞飯仲會有沙彊。搭的士番到屋企，雖然已經15分鐘，但個飯仲好熱。雞好嫩滑，每一啖飯再加上沙彊簡直完美！

試咗最出名嘅「鹽焗雞飯」同「椒鹽豬扒飯」。鹽焗雞︰有啲未如所料，唔太有鮮味之餘亦唔太夠鹽焗味，但都比一般茶餐廳好，可能只係本身太高期望。椒鹽豬扒︰朋友都讚好食，豬扒大份厚身，啖啖肉，花椒好香口，勁夾！兩碟飯都加咗炒飯底，飯多都食唔晒，細食嘅朋友，兩個人嗌一碟都夠。（ps急住食唔記得影椒鹽豬扒）

鹽焗雞髀飯$60，雞肉夠嫩滑，啖啖肉唔馬虎，咸味剛剛好，點晒成碟砂薑汁，一碗份量對我黎講啱啱好。朋友中意食雞胸，姐姐落單嗰陣幫佢註明要雞胸。問左好多次，呢度無賣例湯架。成餐飯我地都好滿意。另溫馨提示，晚市偏早打烊，需注意到店時間。

今日老闆話想食漢年茶餐廳，佢話好耐冇食喎，咁冇計啦，老闆大曬，老闆話事，一定要聽老闆話，咁一到Lunch，即刻look落去，費事冇位，冇得食，好彩我地早一步到，跟著之後勁多人排隊呀，我地入到去當然一定要食最出名椒鹽豬扒飯，嘩佢D豬扒勁脆勁香口，好鬼惹味，我最鍾意香口野。跟著叫左個鹽焗雞髀飯炒底，D雞非常之嫩滑，又大隻，配埋個炒飯底，簡直一流，好好味呀。最後我地每人叫左2杯奶茶，好好飲，好有茶味，好滑。

日期：10月6日人數：2人行完獅子山，當然要醫下肚啦。喺大圍紅梅谷/ 世界花園行返落嚟，就去返火車站附近嘅漢年食午飯。來到漢年，除非你係日日來，否則基本上都係叫兩個比較出名嘅飯，分別係鹽焗雞飯同埋椒鹽豬扒飯。我朋友叫咗鹽焗雞飯，咁我就叫椒鹽豬扒飯。另外，之前試過炒飯底，覺得係物有所值，所以就加咗$12轉炒飯底。先講鹽焗雞飯。可能係因為餐廳俾晒啲雞背脊同雞翼，所以今次就感覺麻麻地啦。肉質都算滑，起碼唔係啲急凍雪雞。配上沙薑醬，其實味道係唔錯嘅。至於椒鹽豬扒飯，質素就好好多了。份量非常大，有成5-6舊豬扒。豬扒都算新鮮炸出再整椒鹽，好香、好惹味得來又夠咸，又唔會好熱氣咁，食到個咀同牙齒都好熱。加上大大碟嘅雞蛋炒飯，非常飽肚，對於平時食飯食少飯嘅我，今日簡直係超晒標。枱裏面其他食客就選擇叫午餐，觀察所見份量都非常足夠，就算係男士都未必食得晒。其實餐廳都有供應各種炒粉麵飯，所以選擇都幾豐富。環境方面，舊式茶餐廳咁唔算好好，但起碼乾淨衛生。服務水準就一般般。價錢都算其實唔平，椒鹽豬扒飯加炒飯底加一杯凍檸茶要$72。