漢年茶餐廳

營業中

休息中

今次又係見到openrice入面好多人推薦係大圍既呢間漢年茶餐廳，就決定去試一試啦。入到去，都唔小人食緊tea，格局就同普通舊式茶餐廳無咩分別啦，圓枱一圍圍咁。黎得呢到緊係食返碟大家都好推薦既豬扒飯（$48）啦！賣相其實都一般架，但食落又有驚喜！炸蒜配豬扒整得好好食，兩者都好香脆又惹味咁。豬扒又唔會話太肥太油，配咁大碟飯食岩岩好！西多士（$35）就一般啦！叫碟頭飯抵啲！檸茶係跟西多士既下午茶餐既。佢用紅茶底又幾香wor今次少甜個味岩岩好！總搭黎講，呢間舊式茶餐廳不過不失啦！

漢年茶餐廳 #大圍金牌鹽焗雞飯 每碟 $50 (每碗$47)呢間茶餐廳對大圍人來講應該都唔陌生，幾次行過都好多人，而且喺OpenRice嘅評價都好高，今次終於有機會試，不過就有啲失望。見到佢有得揀碗或者碟，諗住揀碟會有多啲雞，點知原來只係多啲飯，而且啲雞亦都唔係好多肉，所謂嘅鹽焗亦都只係比普通嘅雞鹹少少，連我阿媽係屋企用啲鹽焗雞粉煮都好似惹味過佢。不過啲雞肉都幾嫩嘅，而且個味道亦都絕對唔難食，只係一啲都唔特別。另外，佢好似可以加$12轉炒底，可能炒底會好味啲嘅，有機會再試。味道:3.5/5性價比: 3.3/5西多士 ~$30相反我覺得個西多士仲好味過佢嘅招牌飯，個麵包有一半索咗啲蛋漿，蛋香味濃，而且入面揸咗花生醬，唔錯。味道:3.7/5性價比: 3.5/5

食到貼地嘅平民茶記真係買少見少，而家多數都係一啲新開嘅仿懷舊冰室茶餐廳🍴，要食返要有歷史嘅味道絕對要識得捐窿捐罅😌.呢間開業至今仍然人山人海一定有絕世武功，無錯就係佢哋招牌菜「鹽焗🐔雞飯🍚」— 好運地俾咗🐔雞髀，好入味，連骨都入哂味，仲好可以配上🍚炒飯底，真係顆粒分明，更加好食😌。對於著重一兩款嘅食物嘅小店絕對是要給予崇高致意👍🏻.希望能繼續好好的經營下去，保留僅存的一點點香港特色😌

一直都聽聞過大圍有間食鹽焗雞好出名嘅，今次一場黎到大圍，梗係要試下啦！週末午飯時間去，都要排一陣隊，但啲人食完都好快走，所以唔洗等好耐。佢依到嘅鹽焗雞飯有得揀一碗或者一碟，見佢碗已經好大，所以就叫左碗，男仔應該要嗌碟！另外仲有得加錢轉炒飯底。不過我就麻麻地炒飯無叫，但都見好多人轉個雞係真係好正！雞夠嫩滑，而且好入味，點埋個沙薑汁真係好好食連個飯都吸左好多雞油，雖然好邪惡但係又係好好食，不自覺都食多左飯。不過依到嘅份量都真係幾大，依碗飯係壓實哂，最後都係食唔哂！雖然環境就比較逼坐得唔太舒服，但真係值得一試！

weekend訓到12 點先落街食早餐 差不多1點到 都已經好多人 等左5分鐘就有位第一次食同女朋友食當然叫個出名既鹽焗雞飯 白飯底 然後叫左個是椒班南炒河粉 一杯凍0茶少甜 鹽焗雞飯最出名 唔洗介紹啦 雞夠滑又入味 d汁好食 加上個白飯底溝埋d汁 是椒班南炒河非常多餸 大碟抵食 好有wok氣 凍0茶都好重茶味 非常一流環境就比較迫 因為比較細同多人價錢都唔平 同港島既茶餐廳差不多價錢 2個人食左110 左右 下次想試咸魚雞粒炒飯 見人地幾香 可以一試

因為趕時間去仁安又想搵茶餐廳快食！就誤打誤撞入左黎好近馬鐵。老公不嬲鍾意食雞一定叫雞飯（叫左最貴的雞脾飯）飯有雞油！！好食呀 係干左少少可能煲得干左少少。坐低冇耐，見到大部份客人都係食雞飯，都係熟客。原來佢哋啲雞真係幾好食，唔怪得知個個一入嚟都係點雞飯。同埋啲雞皮特別香，唔會好肥，啲肉都好嫩我就食雞湯米。個湯都飲得出係唔係普通湯，我覺得有雞味。而且啲雞肉唔係表面有鹹味，係裏面都係有鹹味最後講杯檸檬茶，因為我老公對於檸檬茶嘅要求好高。但係佢話呢間茶餐廳啲檸檬茶好有水準。檸檬新鮮，茶嘅濃度又夠！冰塊都冇臭味。不過要加11蚊飲就有啲貴啦！地點方便，一定會成日再返嚟食。價錢尚可，可能下次食一碗就夠，平少少

漢年出名係食雞飯，我以為其他都能夠保持水準，於是下午茶想食個菠蘿麵包，飲杯熱咖啡，都選擇去漢年😅可惜可惜...我完全估錯，菠蘿包唔係新鮮出爐，包點一點無口感，包面唔趣口😓⋯⋯哎，價格唔平民，早知咁樣，我去另一處食好過

好耐冇幫趁過，之前兩三次都係食鹽焗雞飯炒底。落單時店員提醒炒底+$12。炒底不熱，溫呑吞，明顯炒定的，這方面我認為係欺客。雞好食，味足、皮爽、肉有咬口。向收銀靚太反映炒底不熱，獲得禮貌回應，話當時可以叫再炒一碟，答：呢d唔使叫，你地咁出名。

【招牌鹽焗雞飯🐥】我成日都會係大圍食飯,今次竟然係我老豆帶我嚟食,呢間餐廳最出名嘅係鹽焗雞飯🐤超級正！通常我都會叫抄底🔥,因為太多人排隊💦終到我😂 我都係叫翻鹽焗雞飯同肉丁叉燒抄飯🥰鹽焗雞啲肉質都算滑，重點係佢地個沙薑醬，通常我都會撈埋啲飯一齊食,真係一個好食之選☝🏻招牌既鹽焗雞唔會太鹹但好入味，但記得沙薑啲油走緊啲，如果唔係都好肥膩🐽肉丁叉燒抄飯，肉丁味一般唔算太濃，不過都好惹味，鹹香小小辣口，加埋一杯奶茶一流。其實依間餐廳我食過好多次，佢啲抄飯有一定嘅水準，雖然今次冇食到椒鹽豬扒飯，不過佢都係好食推介👍🏻👍🏻 有機會大家都可以試吓🤤

<久違既鹽焗雞飯🐤>平時工作同住都好少經大圍 今日入開沙田嗰邊 經過大圍 特登出閘食左好耐冇食過既漢年 大家記得佢7pm就關門 , 要我突登出閘食 梗係有番甘上下la🤣 10 年前間中經過都會食過 佢既豬扒飯 鹽焗雞飯都好出色 希望甘耐冇食過既我唔會失望😈🍴金牌鹽焗雞飯 50 蚊🐤🍚大大碟雞飯 d飯有兩三碗白飯甘多 飯係有 d雞香味 唔係普通白飯 佢既質地有 d淋 應該似係落左雞油 所以濕度偏高😈 食落好香 欣賞佢有條好長既新鮮芥蘭🌿 唔會齋得肉同飯 主角既雞冇得輸 雞皮厚度適 中 連雞肉都彈牙嫩滑 🐤温度暖暖地 骨同肉中間有 d筋位好彈口 . 點埋佢沙薑汁 味道香濃 撈埋落飯同雞度食 冇得輸 😈甘多年冇食 都冇退步 正 !#鹽焗雞 #雞飯 #鹽焗雞飯 Score 平均分 <7.8/10>Taste 味道：👍🏻👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#漢年茶餐廳沙田大圍積福街100 號地

聞名已久的餐廳，不過一直未有機會來試，終於找到個星期日中午來試下佢既招牌雞飯。星期日中午十二時多，一來到見門外企左好多人，原來都是等外賣的顧客，只見店內都已坐滿了人，是香港地道舊式茶記的格局，都是搭枱安安靜靜地用餐的。店內人手好多，大家都好有魄力的感覺，做野快手得來又不失禮貌。姐姐好快為我地安排左2人座位，地方是窄D，不過好有細個同父母去食早餐既茶記風味。依家如果有小朋友既人，可能就未必喜歡呢類型既食肆了。食物選擇好多，眼見好多人都食盬焗雞飯，好大碟又靚仔，我地見有湯飯所以叫左一個食，另外再叫一個午餐。粟米斑塊午餐$48，包熱飲，超級大碟，女生的2人食一個應該好足夠。招牌雞湯飯，雞肉大大件，份量好足，味道都好好。坐正在廚房對出，見到廚師們手不停地預備，侍應姐姐不斷來回上菜，好似睇緊真人版OVERCOOKED咁，好有趣。見到新鮮的食物送出來，又大碟又好睇，內心有D感動。覺得小店的生命力真是好有朝氣，而且都有自己獨一既招牌菜，同時區內食客街坊咩年齡都有，覺得一家小店可以服務到社會上不同的人，這就是我喜歡地道小店的原因，希望漢年可以越做越好。

好歹是首篇食評 必推大圍必食漢年（有見有食評嫌貴/嫌一般）鹽焗雞飯！炒底係無敵 （但食完會好‘漏’）但價錢偏高 （香港物價 算係咁啦）過隔壁連鎖d既茶記 咪又係咁既價 我就打死都唔食🤷🏿‍♂️另外粟米雞粒飯都係會食上癮之選 比雞飯有過之而無不及！！！！！算係隱藏餐單之一🙆🏻‍♂️🙆🏻‍♂️🙆🏻‍♂️少有高質小店 點都要支持 註：每周必食 穩定好食之選

年紀漸大, 以前成碟雞飯炒底一次過吃下的氣量也沒有了, 由碟變成碗, 再由新鮮雞變成冰鮮雞, 不變的是蛋炒飯底正是鹽焗雞的好拍檔, 這可說是港式的親子丼吧! 炒飯乾身而且粒粒層次分明, 畢竟這𥚃依然有一大部份做港人以至是街坊生意, 他們可不是因為餐廳的名氣而賣賬呢! 當新鮮雞一步一步被冰鮮雞取代, 廚師的問題就是要如何除雪味, 以及令其肉質維持嫰滑, 而雞胸最能反映廚師如何處理問題, 雪味解決了, 但可惜是肉質就是回不了去, 唉!

上網睇到介紹話呢到既雞飯好出名，呢一日即刻約埋男朋友特登入大圍試！唔洗等位，好快就入去有得坐～街坊茶餐廳，價錢就唔算街坊價啦，加埋野飲都要成六十幾蚊！碗同碟都係大同細既分別，大家可以自己簡返岩自己既分量！【雞脾飯炒底】（碗）【雞飯炒底】（碟）上網見到介紹都係叫炒底哈哈所以我地叫咗炒底。講一講個雞，都真係幾唔錯，幾滑幾重雞味，雞唔會太肥，皮唔會痴住好多油，加埋個沙薑醬，so good！可惜既係，個炒底麻麻地，可能用即日煲既飯炒，想夾硬炒乾d飯，令到d飯粒好碎。總結，如果我住係大圍，我應該會成日去食，但唔洗特登入大圍食～同埋想去試既朋友，唔洗特登叫炒底啦～

係大圍踩單車前🚴‍♀️ 要食返個lunch先🤤經過路過看見門口有幾多人排隊wor🤷🏻‍♀️望落店門 原來係主打鹽焗雞飯🐔於是咪進去試下 係咪真係咁有魅力先💁🏻‍♂️距有兩個Size 分別係碗同碟碗比較少$46 碟比較多$49 👏🏻仲有指定雞髀飯要$62💁🏻‍♀️我叫左呢個碗飯 鹽焗雞飯 但啲雞肉係雞翅 😐冇乜肉lor 但都好食既 不過當中衛生就有目共睹la舊菜入面呢藏有泡沫一舊 🤦🏻‍♂️🤦🏻‍♂️我好彩眼利姐 如果食落肚就死🉐️啦😡總體來講 係好食既 但價錢好貴 雞肉唔夠多衛生情況不足 有小小離譜🤧🤧希望會改變下當我下次再去既時候😍