漢記海鮮酒家

營業中

休息中

未試過食飯食到一肚氣1. 12人一圍 只給10人份量海鮮 但價錢收足了12人 2.服務極度惡劣 亂收費用 客人投訴 收錢呀姐全程黑口黑面仍然話客人問題 推卸責任 3. 沒有提前講加人數 會計人頭收費 係咪都要預先同客人講聲 還要最後發現海鮮份量沒有多2人份量4.食物質素只係一般 當客人水魚 以後不會再幫襯！

漢記海鮮酒家（鯉魚門）由於公司位於觀塘，每逢有客戶到港，尤其是第一次來香港的客戶，必定會安排香港熱門打卡點鯉魚門食海鮮，而鯉魚門的漢記海鮮酒家是指定餐廳。聽老闆林生講，餐廳在近年已經沒有自己入貨海鮮，都係同隔離的海鮮檔攞貨，只係專心做好「加工」環節。漢記有兩層，樓下大概6張大枱可以坐8-10人，和幾張幾枱。本人超中意食海鮮，呢度道道海鮮都煮得好好味，食到舔舔脷。今天5個人，點左象拔蚌刺身，水煮螺，椒鹽賴尿蝦，胡椒蟹，辣炒花甲，辣煮海螺浸米粉，腐乳炒通心菜，仲有一扎西瓜汁，4個椰王燉奶，木瓜芒果生果盤，埋單接近$4800。呢個價錢在鯉魚門算是好公道了！如果中意食辣，一定要點辣煮海螺浸米粉，生鐵鍋放在gas爐煮，啲辣汁越煮越辣，但米粉煮得耐會變糊，所以我地是米粉另上，要食果陣再加落去煮，越食越惹味。另外推介嘅是呢度的椰王燉奶，是即叫即燉，成日會賣斷，所以想食嘅話就要趁早落叫老闆留俾你。椰汁的清香和奶香完全融合一齊，啲奶又燉到岩岩好，勁香勁滑，超正，

電話訂枱佢話燒鵝熱辣辣，皮又脆，鮑魚又入味，好好食，連六隻鮑魚都係七百幾蚊好抵食，結果只有微溫，皮唔脆，鮑魚好鹹，我問佢點解唔係熱辣辣佢話解決方法只係可以加個火盤喺下面興返熱！😤跟住豉椒炒蜆 鹹到入唔到口，佢試完味都話好鹹，最搞笑解決方法只係用水溝淡再炒返畀我食，最後成碟放喺度冇食過，我是來料加工，食材浪費了😡最後總結服務態度極差！浪費了我們的食材一些歉意都沒有，錢收足。係我去鯉魚門試過最差的一間，服務差😡味道差😡環境差😡價錢貴😡

幾年冇去過鯉魚門食海鮮、今次老細請食飯一於食好西！鯉魚門食海鮮以前好多遊客、疫情後只做本地人生意、冇以前咁熱鬧！不過海鮮仲係咁靚咁肥美😋😋嚟鯉魚門食海鮮梗係自己海鮮自己楝、邊樣靚買邊樣！每次入嚟我都係幫襯街口「宏利海鮮」、老闆娘雯姐好熱情、靚嘅好嘅先介紹、唔會劏客、仲會幫手同酒樓打點、特別貼心😘😘蒜蓉粉絲蒸扇貝扇貝真係好大隻、粒帶子成隻豉油碟咁大、又厚肉😋 火喉啱啱好唔會靱、正👍🏻薑蔥焗鮑魚南非鮑魚勁大隻、仲好厚肉、未煑時成隻手掌✋咁大！第一次食薑蔥燒焗，好惹味堅好食🤤花鵰蛋白蒸加拿大肉蟹一隻大概兩斤重、蟹膏好甘香、肉質鮮甜、唔差得過皇帝蟹、價錢又平好多、性價比超高👏🏻又讃下廚房，花雕酒味道啱啱好唔會太嗆、蛋白超嫩滑上湯焗龍蝦煎米粉底澳龍兩斤幾、啖啖肉😋😋味道啱啱好、個汁收得唔錯唔太杰又唔會水水、最讃係個煎米底、煎得脆身兼唔油膩、食完又唔痴牙！超高水準👍🏻👍🏻👍🏻豉椒炒蟶子皇食咗咁多嘢哩個有少少意見、明明可以一人一隻、但係廚房切開咗、雖然未至於碎上、但係始終一人一揪咁食開心好多囉！味道方面都好好、火喉適中、入口爽脆、不過點都扣少少分！仲有椒盬鮮魷、椒鹽瀨尿蝦、炒菜、海鮮湯、生炒臘味糯米

前幾日又同屋企人去漢記食飯，今次試新菜式一一燒鵝釀鮑魚🦆🦆🦆真係冇諗過燒鵝同鮑魚可以咁樣fusion！啲鮑魚炆得好淋，而且吸收左燒鵝香味，而燒鵝外皮燒得好脆，又吸收到鮑魚嘅肉汁，真係超好味😋😋😋😍😍😍！！！大廚真係好勁，每次嚟都有新菜式～個個食到舔舔脷😋😋😋

昨晚係我第二次去鯉魚門漢記海鮮酒家食飯，約咗一班家長，本來都唔知食乜嘢好，老闆好好人，介紹咗我哋食佢哋洒家的燒鵝鮑魚。燒鵝上枱時熱辣辣，外面脆皮，油香十足😋👍 鮑魚就更加正，鮑魚有燒鵝汁，好好味😋🥳當然仲有我最愛食的豉椒聖子煎米粉底，同埋椰皇燉奶，咁好味，下次一定要再嚟啦🥳🥳

今晚又去漢記晚餐🥣，今次主要嘗試老闆介紹的黑毛豬叉燒和鮑魚燒鵝，另外再要海皇湯、招牌菜生炒骨及豆醬唐生菜，最後再加上甜品椰皇蛋白，完美👍🏻。一碟黑毛豬叉燒中包有全瘦及半肥瘦，肉質鮮嫩多汁，聽老闆講是用頗長時間去慢煮先有如此效果😋。另一個好食到飛起的鮑魚燒鵝是先將鮑魚放入鵝的肚入面，再慢火燒，所以鮑魚中充滿🦢的香味，燒鵝皮脆肉嫩😋，但記住呢兩個菜要預先定的。招牌菜生炒骨及椰皇蛋白水準一如以往👍🏻👍🏻。

昨晚，相約好友到鯉魚門漢記食晚飯，漢記佈置環境清雅，非一般海鮮酒樓裝修。晚飯品嚐四道菜～花雕蛋白蒸蟹蛋白香滑似豆腐，蟹肉鮮甜～ 椒鹽瀨尿蝦椒鹽味好香、瀨尿蝦好大隻～ 薑蔥鮑魚鮑魚好新鮮～豉椒炒聖子夠晒鑊氣飯後必食甜品 ， 北海道鮮奶燉椰皇朋友對飯局，非常滿意

久唔久就會想食下海鮮餐，朋友介紹鯉魚門漢記，一於帶家人去試吓啦！食完之後真係有驚喜，味道唔會好似出邊酒樓咁有味精味，睇得出師傅用心製作。每一道菜都有驚喜，食到最嘅甜品，係椰皇鮮奶燉蛋白，雖然個肚已經飽到撐，但依然要食清光😆😆家人個個食到舔舔脷，決定要再嚟幫襯！

今日去咗朋友介紹的海鮮酒家，與家人一起品嚐美食，去到緊係吓椒鹽賴尿蝦（一定要試)、燒鵝 (原來燒鵝都好好食，好入味) ，招牌咕嚕肉 (小朋友喜歡)、海斑兩味、龍蝦刺身、芝士焗龍蝦、最尾試埋老闆介紹的椰皇燉奶，非常好吃呢😋😋、原汁原味 (我下次會記得早啲預訂，甜品非常搶手，差點沒法品嚐)，我唔肯定這家跟西貢漢記是否分店，但這間坐落於鯉魚門的海鮮和炒餸菜一流，老闆都好健談，好黑重視客人的意見，下次再去，值得推介。😋😋😋😋

漢記換管理後，再試水準! 黃皮老虎炒球仍維持高水平，皮爽肉嫩！南非鮑起片羌蔥入味！小食花生雞腳不錯，叉燒仍有改善空間，用料應用梅頭，不然會韌，可以再試其它，下次訂海景房

遊船河之後!三家邨落船,個個都有攰又肚餓,直奔朋友推介的漢記食晚飯!大人當然食海鮮,細路唔啱海鮮就食小菜,終於喺鯉魚門搵到好食的小菜俾小朋友食,各有各happy!正呀

必食椰皇燉鮮奶同埋芝士焗龍蝦！海鮮好新鮮,龍蝦肉好彈牙,個汁係好似有啲葡汁咁嘅味 ,加埋個伊麵底真係夠晒味 ,啲面條條都掛哂汁真係舔舔脷 。據椰皇燉鮮奶好夠奶味同埋椰汁味,口感好滑口味唔會太甜 ,非常推薦 !服務同環境都好好 , 伙記態度都非常友善，整體食物好食,雖口味偏濃 ,但質素唔錯 !

話說朋友係附近行完山，落山醫肚，經過鯉魚門漢記酒家，抱着試一試心態坐吓，點知老板娘熱情款待，招呼我們坐係一線海景房，望住海景食住由親力親為老板挑選的生猛海鮮，真係享受，老板話讓顧客感到食物新鮮，價錢公道，佢哋個甜品燉椰皇一試難忘，以後聚會就來這啦！

試過幾間鯉魚門酒樓 呢間一定係no.1 ！而且位置方便 行幾步就到 我屋企啲老人家都話唔怕行到好遠！性價比高，唔會呃秤 如果多人食 同埋三五知己老婆仔女 一定要提早預約VIP房 望住個海同埋船仔食晚餐 簡直人生最大樂事！招牌咕嚕肉真係超超超好食 每次嚟到必點！外脆內軟 菠蘿又甜 其他地方肯定食唔到呢個質素呀！介紹咗好多朋友嚟食 個個都話正！ 仲有必食椰皇蛋白 大人同細路哥都好鍾意 唔會話特別甜 ，超香椰味，我通常都會食完之後再打包幾個返屋企第二日食，因為實在太正啦！