潮丸 (已結業)

今天早上又來這邊上成長課，完結後到中午時間，與同行好友來到東大街覓食，看到尖沙咀分店有不少好評，便決定來試一試。食物款式選擇不少，主打的湯麵類除選擇主菜式，還可自選粉麵，配料，並追加其他菜式；店內更有不少小食，價錢不高，看似吸引。我們三人行決定叫兩碗麵和兩款小食試試，因我也不太肚餓。好友點來招牌牛爽腩河 ($60)，大食的他點上了所有配料xp 一碗大大碗! 可見牛爽腩仍保留油脂部分，看著也動人。牛爽腩味道頗濃郁，肉質有嚼勁，加上其面層的油分使能保持一定軟腍度而不會太乾。湯的味道剛剛好，不會太濃太鹹，也不會清淡無味。除芽菜外，其他配料都分開一小碟另上，按自己需要而加，也頗為貼心。另一款是潮州魚三鮮米粉 ($55)包括魚蛋，魚片頭和魚皮餃) 配料要了冬菜，蔥花和芽菜。這碗相對較清，每款都有兩件，份量不算多，但以足夠的。魚蛋和魚片頭有魚味之餘，口感相當彈牙，魚皮餃的粉皮不過厚，整體味道也不錯，是清淡之選。小食方面點了滷水拼盤 ($75)有豬手，五花腩，豆腐，份量比我們想像中少! 但味道朋友都表示不錯，弄得頗為份味，豬水更是滿滿的骨膠原呢!炸牛丸 ($28)我們一致認為最好吃! 牛肉味香濃，外

魚蛋粉除咗加腩汁，仲有潮式湯底呢個選擇。裝修潮啲，座位闊落舒適，食物放喺木托盤上，比起傳統粉麵檔精緻一啲，所以價位亦高啲。潮丸其中一個特別地方就係自家製嘅潮式湯底，menu寫住湯底用咗40斤鮮豬骨同鮮雞熬製，似乎幾重本。湯底可能因為用豬骨熬嘅緣故，湯面泛住油光，而且唔落調味都夠晒鹹。舖頭有唔少配料同醬料可以加，個人嚟講就鍾意加啲芫茜葱，為鹹味湯底加啲清新感覺。豬三鮮有豬肉丸、腩肉同扎肉，同丸類粉麵同價，但就試到三個餸，係唔少人嘅選擇。腩肉肥油幾出，豬皮部分黏韌彈牙。豬手亦唔係所有粉麵檔都有嘅餸，難得呢度有得食。呢度肉整得夠腍，豬皮亦入味。小食試埋佢哋嘅招牌炸牛丸，牛丸炸完都唔乾，牛味幾濃幾香，亦幾彈牙多汁。套餐包熱飲，水吧水準唔錯，完全係港式味道~如果食腩汁悶嘅話，潮式粉一試亦無妨~

喺筲箕灣想食碗魚蛋粉一啲都唔難，呢間潮丸點解會喺度開舖？我諗係想憑靚裝修同較少有嘅潮式湯底行另類路線。大門口鋪懷舊地磚、金色熊仔配街市價錢牌，新舊結合，就係佢想行嘅路線。我呢碗嘅牛爽腩好腍，筋位爽口，不過都有啲肥肉，係好係壞就睇個人口味喇。牛腩份量幾多，而且睇得出係同一塊肉度切出嚟，唔會比啲碎腩人。朋友食嘅撈麵都睇得出係比較彈牙嗰種，上面嘅鹼水味如果加湯食就唔會太重。份量超多，男人都食唔晒。小食方面試咗炸鯪魚球同墨魚丸，新鮮炸好夠脆夠香。比較鍾意墨丸，真係有墨魚粒，而且唔粉，幾彈牙。本身以為呢種新式麵店水吧唔會太到位，估唔到杯鴛鴦沖得唔錯，有咖啡香又唔酸，甜度啱啱好。一大班人想坐耐少少食碗粉，又想食得乾淨企理，可以試吓呢間另類粉麵—潮丸。

今晚去了筲箕灣吃晚飯，在街道上看見門口光猛又整潔的餐店，我們毫不猶豫便走進去了。「潮丸」除了粉麵之外，還有飯可以點選的。店鋪內的環境也算寬敞和整齊。落菜單點菜的餐牌是循環再用的，環保♻️和盡社會責任（加分）👍在剔選菜式時，有一欄是可以選要蔥花，冬菜（這些配料）。若果要走蔥既話，咁你就可以唔使剔喇。特級墨丸米粉$55 我選擇了墨丸米粉再追加咗3粒牛丸，追加牛丸要加多$15。但是店鋪職員極力推薦牛丸，那麼就點來試試看。未想到這家粉麵的「丸」十分彈牙，牛丸好爽口，好重牛肉味。我還是喜歡吃墨魚丸，大大粒又彈牙，墨丸味道製得非常好。自家牛三鮮河粉$55小店除了牛三鮮之外，還有豬三鮮和魚三鮮選擇。我們今次點了牛三鮮，主要想試吓這裡的牛筋夠唔夠淋。測試到喇，牛筋是軟淋淋的，證明肴製時間充足點埋辣椒油，超正啊😍！清湯蘿蔔$28白蘿蔔味道清甜，用來送粉麵的佳餚。不用每次都是配油菜這三樽調味料分別是：海南燈籠椒醬（超級勁辣，吃不到辣的朋友勿試！喜歡吃辣的朋友一定要試！）辣椒醬和辣椒油（由左至右）睇開我個blog既朋友仔都會知我十分喜歡吃🌶，昨日我試把燈籠椒醬加辣椒油混在一起，用來點丸！簡直是十個讚啊！話梅柚

潮丸係尖沙咀區都食過，估不到最近係筲箕灣東大街，也加入這食店，同媽媽講開，她竟然話就今晚去食唔想煮，佢叫到更係無所謂的。兩母女七點行過去，約10mins就到達，裝修簡單但就同尖沙咀店同一系列，最緊要讓客人舒適開揚。套餐特價飲品好抵加$8 就可揀鹹檸柚子蜜雪碧啦 夏天行到濕晒飲口清涼雪碧即刻爽晒！媽媽就揀左梳打，無咁甜，啱晒佢又開胃。牛三鮮湯河$55有金錢肚，牛根同爽腩，先試口湯惹味，金錢肚煮得較淋身，牛根夠舔口重膠質，牛腩瘦中帶肥邊，兩種口感味香濃！潮式滷水豬手撈麵(可選粗 or幼麵底) $65豬手滷得入味，食落豬皮同根位非常煙韌，亦係天然嘅膠質對女士非常好！附送清湯炸牛丸 $28外皮香脆，牛肉內還好多汁，正呀 醮點甜酸醬更增加層似感！ 是日油菜$28多種菜選擇，當然選最正氣菜心，大大份量，軟淋醮蠔油更好味！人均$96 差不多啦 除開都可以接受，另外佢地還設有生嘅牛肉，墨魚丸，魚蛋同魚皮餃 $160 一斤，下次家中火鍋可買回家嘆！

個friend搬屋，幫佢搬啲唔要嘅野捐去救世軍。諗住是但食啲野，然後再搬過。東大街大把野食，唔憂無野食。不過，想食啲好食快手又簡單嘅，朋友佢話食潮州粉麵，我當然ok啦。到左發現原來係新餐廳，主打潮州牛丸墨魚丸外，仲有牛三鮮及豬三鮮。裝修文青feel，牆上價錢仍用以前嘅花碼，都幾有趣。跟食車仔麵一樣，客人自己在點菜紙中選擇。店內標榜手打牛丸，用牛後腿肉，打出呢嘅牛丸特別彈牙。我點左牛丸王河粉, 朋友要左牛三鮮米粉; 飲品就要左鹹檸梳打。正當選擇小食時，店員介紹左我地滷水豬耳, 同埋期間限定嘅鹵水雞翼。鹹檸梳打，用泰國獅子牌梳打，夠氣唔甜, 唔係7up扮梳打。牛丸王河粉，配料冬菜、蔥花、芫茜分開上，牛丸咬落，清脆不起渣，口感脆爽，有彈性，牛味恰到好處。河粉順滑，質感細緻。牛三鮮米粉，牛肚、牛腩、同埋牛筋。牛肚好腍入味，牛腩淋味道唔算濃，牛筋很軟滑煙靱，配米粉一流。由於用豬骨雞熬湯底，湯非常鮮味，我連湯都飲埋，食完都唔覺口渴。滷水豬耳，入口香脆柔韌，味道鮮香不膩。滷水雞翼，滷水入味又滑嫩。下次一定要試下豬三鮮。

筲箕灣麵食真不少，可是作為湯粉麵癡的我，嘴巴吃著老是那兩、三家！ 早陣子，竟有新發現！那個「潮」不管是代表潮式或新派，「潮丸」打破筲箕灣麵食的悶局！ 光是裝潢，個人覺得真的「好潮」，像文青風的 Cafe 多一點吧！ 隨手可拍到 Moody 的相片，跟傳統麵店的形象確實大不同！ 自家牛三鮮米線 HK$48 我跟老媽來過三遍了，試過好幾款不同麵食，包括老媽大愛的雲吞和招牌的自家牛三鮮，牛三鮮包括牛腩、牛筋和牛肚。 自家牛三鮮米線 灑上冬菜、蔥花和芫荽，湯粉麵的靈魂便跑出來了！ 自家牛三鮮米線 牛三鮮雖不弱，但最具賣點的好戲還在後頭。順便一提，「潮丸」的米線滑溜又帶點筋性，坊間通常都是軟乎乎的，口感不佳！ 進食第一步是要在餐牌剔上心頭好，做法既簡單方便又環保，一個字 — 「潮」！ 特級牛丸王米粉 HK$48 究竟我的必然推介是什麼？正是大大粒的特級牛丸也！ 特級牛丸王米粉 港女們走東走西的厭煩情況不會在「潮丸」出現，皆因餐牌上已預先列明冬菜、蔥花、芫荽和芽菜的選項，而且用小碟獨立盛載，要不要、下多少都由自己決定，耳根清靜得多了，潮得有道理！ 大愛的我當然什麼配菜都要，效果夠香夠爽，識食是也

東大街開左間粉麵店，即刻同同事去左試。佢同普通粉麵店吾同，呢間行新派路線，裝修有講究，岩哂OL，整齊乾淨坐得舒服。我叫左潮州魚三鮮河粉，有魚旦魚皮同魚皮餃。魚旦同魚片都十分彈牙，賣相非常吸引，好大碗，河粉都好滑。佢D配料係放係個小兜都另上，吾錯，可以自己調較份量。店舖除左提供一般的辣椒油，還有黃燈籠椒醬和紅燈籠椒醬。另外，朋友叫左雲吞米粉，雲吞新鮮同大大粒，蝦同豬肉比例平均。兩碗麵既湯底都用魚湯，十分清甜。我地仲叫左個油菜，有生菜同菜心選擇，菜心都好大碟，菜軟十分林，佢既蠔油都係分開上。

筲箕灣新店第一次試招牌牛丸河牛丸多汁彈牙 無雪藏味 幾好湯底比較一般 無乜特別仲叫左炸雞翼 雞翼麻麻地本來想試魯水雞翼 但售罄試埋魯水豆腐夠入味新鮮既 無擺得耐豆腐變酸既味 唔錯

最近成日嚟筲箕灣，難得見到一間裝修時尚嘅潮州粉麵舖，咪去試吓囉。一入到去，環境唔錯，夠光猛。老闆即刻問 : 你哋嚟過呢到未㗎？我答 : 未。老闆又即刻 sell 佢哋嘅牛丸同牛三鮮，最後決定要牛三鮮同豬三鮮河粉。豬三鮮河粉登場！ 三鮮分別係豬腩肉，扎肉同埋。湯底嘅味道幾好，好香 ; 河粉索咗湯嘅味道，仲好滑。 逐樣餸講下啦！豬腩肉 OK 啦，唔係我最鐘意嘅餸，但係咁大塊，一定抵過譚 X 嗰 D。豬肉丸幾彈牙，味道唔錯。 扎肉係我嘅至愛，因為佢索曬湯嘅味，好好味。呢個係媽咪嗌嘅牛三鮮河粉，分別有牛腩牛筋牛肚。佢話幾好食，但係始終唔係我食，所以我就唔可以評論到幾多，自己去試啦！飲品！普普通通囉，柚子密會奉送檸檬一片。整體嚟講，有 B+ 至 A- 嘅等級。最令我印象深刻嘅，係木製餐具。一來，木筷子好好用 ; 二來，望落去有好舒服嘅感覺。最衰價錢好貴，唔係嘅話，攞到 A 㗎啦。

我住筲箕灣，東大街基本是我們的食堂，多數食物都要有咁上下水準才可企定。但試過潮丸後敢說這是我吃過最難吃的粉面，叫了一碗魚旦河和牛筋河，真心難吃過我自己煮，白而無味，唯有狂落桌面的魚露，希望能盡快吃完免得浪費食物。湯像是水加鹽，魚旦沒有特別之處。最大分別是煮得特別難吃。相反價錢貴到無朋友，真心物非所值。坐我隔離個阿叔一路食一路擰頭，我都覺得係上當了。好有衝動問下點解可以咁難食有心做，應該要煮得好吃一點，難道所有的職員都是無味神探？無下次，不提議去，無可能做到街坊生意。

今晚來到筲箕灣覓食，見到這間新開的餐廳，人不算太多，就來試一試。餐廳地方不大但乾淨企理，坐得很舒服，印象不錯。拿起紅筆就可以直接在餐牌上剔格仔點單，幾方便。特級墨魚丸米 $55 自家雲吞王 $55 兩碗份量都不多，女仔來吃完整整一碗都未必夠飽。味道中規中矩，墨魚丸彈牙雲吞皮薄夠味，不錯！價錢不算相宜算合理。勝在環境舒服，食得開心。餐廳名叫潮丸，粒丸有幾潮？今次我們試不出，抬頭見到有新出的極上大牛丸可能要試那些丸才知道有多潮。

一直以來，潮洲粉麵給我感覺都是比較地道、快餐、簡單的感覺。這次「潮丸」令我對「牛腩河」改觀了。在筲箕灣東大街，餐廳燈光明亮，裝修新穎，真的很「潮」！點了我最愛的牛腩河-招牌崩沙腩，說實話，我不知道牛腩和崩沙腩的分別。大約等了10分鐘，店員竟然用上木盤把河粉送上，還以為自己在吃日式料理！味道方面，牛腩肥瘦平均，有咬口，不會很散，湯頭清甜，不會過咸。河粉不會煮得過火，十分爽口，個人認為十分出色。潮洲粉麵都可以有這樣的轉變，也愈來愈進步，厲害！

筲箕灣東大街又有新對手！它位於東威大廈第1座地下，裝修似足越式STYLE，起初仲以為自己食越南菜，不過睇下餐牌都見到係食河粉，加上門口侍應極力推薦咪試下law環境寬敞舒服，冷氣夠勁，在炎炎夏日是避暑食飯的好地方。價格約$50-70不等，偏貴，但不要緊，人生怎樣也要試一次。服務倒是很不錯，坐下來時，侍應立即幫忙倒水(仲要係檸檬水，任飲唔嬲)，介紹餐飲，態度積極有禮。牛三鮮河粉$60牛三鮮包括牛筋、金錢肚及牛腩，是有水準，牛筋是QQ而煙韌，牛腩軟腍入味，金錢肚爽口，湯底清甜，內有冬菜、慕花及芽菜，可令口感更為豐富。要比較同街粉麵店的話，除了環境及服務優勝外，其他地方沒有很特別強的地方。手打墨魚丸王 $15雖吃得出手打墨魚丸，彈牙可口，鮮味突出，絲絲處處，不過實在有點貴，+$15得2粒！埋單$70，抵唔抵見人見智我覺得用$70買一個體驗都可以。

港島區東大街是筲箕灣必到之選，行山過也急不及待需要醫肚。吃粉麵便最好不過。快快吃個快麵，途徑「潮丸」還記得是在尖沙咀的那一間，莫非是分店嗎？下午茶的關係，奉上飲品。餐牌的種類比較多元化，有飯、粉麵、小食等等，包羅萬有令人花多眼亂。最特別的，莫過於牛三鮮、豬三鮮和魚三鮮等等，非常吸引。牛三鮮麵以牛腩、牛肚、牛筋，自家製牛腩肉質軟腍，牛肚爽口彈牙，牛筋的筋部煙韌；麵質吸收牛湯的精華愈吃愈滋味。簡單一碗麵，令下午茶時光過得特別滿足。