潮味苑

營業中

休息中

早幾日去長沙灣個邊做野，突然聞到好香既滷水味，望下邊度傳出黎先，見到一間掛住一隻隻肥美既鵝，隻隻都好有光澤。再望望又有一隻隻冚住鹽既烏頭，我個肚打鼓啦。望入鋪頭，明明時間尚早，先6點零，但已經好多食客，又有d 係等外賣嘅。心諗甘旺場，一定好好味，好彩同朋友兩個等一陣就有位坐。入黎之前我地都有兩目標架啦，鵝片、烏頭。雖然鋪頭人多，但老闆娘好好人，有推介，烏頭本身諗住叫熱食，但老問娘建議凍食既會比較鮮甜原味。另外再推介我地食蠔仔粥，樣樣都真心好味。凍食烏頭唔單止係所講既鮮甜原味，而且肉質嫩滑，再流出黃油，入口魚香四溢，唔點醬都好正。而嗰碗鎮店蠔仔粥，大大碗份量十足，而蠔仔粒粒飽滿粒粒鮮味。粥裹面配料亦相當豐富，有肉碎，魚仔，蔥花，莞茜等。鵝片拼生腸，鵝片肥瘦適中，滷得相當入味，啖啖肉，而生腸爽口彈牙。鐘意食咸蛋黃既我，仲買左包咸蛋黃魚皮食，魚皮脆咸蛋黃香。👍

滷水鵝片拼紅腸($108)👻鵝片份量真係好驚人，勁多而且超足料！！鵝肉肉質軟嫩，咬落啖啖肉，入口鵝味香濃，肥瘦適中，滷水汁非常入味，仲有滷水滑豆腐、芽菜、花生墊底。·韮菜豬紅($52)打冷必點菜式之一，豬紅新鮮無腥味，口感煙韌；配搭鮮嫩無渣韮菜，再加埋辣油真係無得頂🥳！·椒鹽九肚魚($98)標榜用獨門古法配方製成，即叫即炸炸至金黃色，熱辣辣之餘仲要香脆可口😋，九肚魚肉質滑嫩，椒鹽炮製非常惹味！

好少同朋友們食飯食中式野😊😊今次試下潮州野～間野地點好近mtr好易去👍🏿👍🏿我地叫左5樣野，都覺得ok🤓🤓包括左滷味拼盤 叫左個大既$19x，有好多款！推介👍🏿👍🏿👍🏿菜蒲炒蛋、炸蠔餅，都好大份，食到好飽，味道都ok~炸九肚魚 睇落普通 但味道有驚喜😍😍最普通就個芥蘭，切得太碎，感覺食極都無幾條，份量少😖😖個環境都比較難入同地下好滑😨😨次所都好難開門，同有d濕😨😨

以前中學喺石硤尾讀書，放學之後都會成日過黎深水埗行街，深水埗就有好多好野食，而且價錢亦較好平民。好耐冇過黎呢邊，今次就去左一間喺西九龍中心對面既潮州菜餐廳食晚餐。店面小小，但晚市真係好多人啊！呢度有好各種各樣既潮州菜，而且價錢都好大眾化。去食潮州菜當然要食滷水啦，我地點左雙拼鵝腸同埋鵝腎，份量好大。鵝腸爽口彈牙，鵝腎就好爽脆！我地仲點左呢個鎮店蠔仔粥，好香芫茜味！仲有呢個惹味既椒鹽鮮魷！一邊食潮州菜，一邊飲啤酒，一邊同朋友把酒談心，人生一大樂事也！埋單$288，幾抵食！

#潮味苑 (深水埗)前排睇電視📺節目介紹香港鹹蛋魚皮👀就係呢間潮州菜館製作。一心想黎買個鹹蛋魚皮，但黎到見到門口一大堆人等緊位🚶🏼‍♂️證明係好野👄咁就一於試埋佢既潮洲菜。#滷水鵝大併 $198果然大碟🍽，每款潮州滷味都有點。整體滷水調味剛剛好唔會太咸同時亦好夠味。滷水鵝好正宗。每一舊都帶點鵝脂肪，鵝🦢味香滷得入味。🤩而且肉質鮮嫩帶，筋膜位置爽口。鵝腸超級爽口彈牙😆去左肥膏所以唔肥膩。豬腸洗得好乾淨無異味，滷得好腍。墨魚🦑爽口彈牙。#鎮店蠔仔粥 $52/碗大大碗。米粒粒分明，有點似食泡飯🍚。豪仔大大粒，每粒都好飽滿，無腥味之餘還幾有鮮味。💁🏻‍♀️加上蔥、豬肉碎同魚乾碎，好香口好美味。#韭菜豬紅 $52又係大大碗。👍🏼韭菜翠綠爽口。豬紅比較實淨而且滑身。☺️配上辣椒油更加惹味。最後仲比我買埋最後一包鹹蛋魚皮返屋企做零食。魚皮好脆口但鹹蛋味有啲失色。

今日行完深水埗，等過馬路途中，見對面有間潮州菜館噤啱又有d肚餓，而且好耐冇食過潮州菜，突然癮起就衝左入去坐低尋食止吓癮先睇餐牌除左潮州打冷、小菜，還有碟頭飯和麵，選緊嘢食時老闆好熱情走埋來招呼我，問我想食乜、介紹我邊d好食，最後我選左：炸蠔餅、滷水鵝件和滷水（鮮）鵝腸，在等待美食期間，老闆好好人送左碟潮州小食俾我食坐左一陣美食終於送上，每樣賣相好吸引炸蠔餅，大大碟，炸到金黃色，入口脆咯咯，唔覺油膩，而且好多蠔仔，隻隻肥美嫩滑滷水鵝件，本來想叫鵝片，貪佢啖啖肉唔使趙骨，但最終想試吓佢d鵝是否好好肉，因為好多地方叫鵝件，通常都係得骨冇乜肉冇囗感，想睇佢是否真材實料，送到來見到件件都好厚肉，而且有好多件，肉質嫩滑美味，其他配菜（芽菜、花生、豆腐）都好正滷水（鮮）鵝腸，味道真係同雪藏差好遠，入口彈牙爽口、甘香肥美，老闆叫點d辣椒油食更正，即管試吓先，又真係惹味好多，因辣椒油唔係辣到蓋過左個鵝腸既味，祗係減少左佢既肥膩我讚老闆d嘢好食，跟住佢同我講，鵝係用貴d既貨，所以好食，而點鵝既酸醋唔同其他地方用醋精，係用汕頭米醋，老闆又話我知米芝蓮推介北角既潮樂園係總店，深水埗呢間係分店，而譚詠麟係北角店

好耐無食過打冷，一入到去店員已經好好笑容同招呼，遞上茶水叫我地慢慢睇，當我地諗好落單，佢地又好快咁回應我地，其實真係好難得。因為依家出去食餐飯，成日舉手舉到手軟，D人又粗聲粗氣咁落單，所以難得大排檔有咁既服務真係值得讚賞。講返d野食， 滷水拼盤份量十足，豬耳好冧多肉，滷水味濃，豬腸同大腸洗得乾淨，好好味蠔餅唔算多粉，蠔既份量都好足，抵食蘿蔔豬紅有入味，尤其蘿蔔好冧，好juicy蒜蓉炒通菜好夠鑊氣，又香又爽口，呢d味真係唔係度度食到係久違同好地道既打冷風味，下次一定會再黎食

鋪頭入面叔叔好親切 好搞笑(＞人＜;) 見到我地係度諗梗點樣擺會靚啲既時侯 仲好細心幫我地排好碟 俾我地影相 好可愛哈哈(¬_¬)鎮店蠔仔粥(碗) $52首先係鋪頭好出名既蠔仔粥 份量都好大 同埋好足料 有好多飽滿既蠔仔 魚仔 肉碎 芫茜 蔥粥亦都好綿滑好鮮甜 口感好豐富唯一有遺憾既係 食到有小小蠔殻碎 (＞人＜;)滷水細併 $128滷水小拼盤同樣好足料 非常豐富有豬頸肉 豬耳 豬大腸 鵝腸 雞腎 墨魚 滷水蛋 豆腐 紅腸 花生雖然種類多但滷水味略嫌不足 唔係話太入味 不過值得一讚既係 食落唔會覺得未處理乾淨 唔會有內臟個啲臭味(´-ω-`)招牌炸蠔餅 $78睇落顏色唔錯 但係已經攤凍咗佢脆口但係過硬 應該係番炸 所以唔係話特別好食 一般可以讚一讚既係 蠔餅都好重手 都落左好多蠔仔 唔會話淨係全部都係粉漿

深水埗真的有十分多價廉味美的食店，幾十元價錢已經可以吃得飽飽。在長沙灣道有一家潮州食店，店名是潮味苑，店內除了掛満滷水食物，還掛滿很多老闆和明星的合照。牛丸河粉$30 - 牛丸總共有五粒，牛丸頂部𠝹了花，還有兩大件清湯蘿蔔。蘿蔔大大件，好入味，亦煑得夠淋。牛丸十分爽彈，牛肉味亦很濃。河粉幼滑，湯底亦很清甜，加埋葱粒、冬菜和芫茜，味道就更香。以三十元一碗牛丸河粉，份量足夠，價錢都算十分合理。檸水-加$6有一杯涷檸水，味道一般，沒有任何特別，但解渴降溫都可以。

時不時都會試吓潮州菜，今日呢間喺深水埗長沙灣道，交通方便，離地鐵2、3分鐘時間。以前成條街都係布行，成衣批發舖，今時今日唔同喇，多咗藥行，電器鋪頭仔，韓，日食品鋪，仲有就係一啲食肆。大大隻字同埋舖面的鵝係潮菜好明顯概標誌。啲鵝整齊列隊好似迎接客人到來。呢度除咗堂食亦歡迎外賣。我哋點咗鹵水細拼，雖然話細拼，但D嘢都唔少，數啲畀你知，面頭有豬大腸，豬耳，生腸，鵝肉，鵝腎，鵝腸，墨魚片，紅腸，鹵蛋，底就有鹵水豆腐，大豆芽和花生，全部都鹵得入味，但又不會太鹹，特別一提係豬大腸，平時我唔多吃，但今日呢D好乾淨，入味又唔油膩，又腍，好蠔烙試得多，今日試試另一特色菜，鮮蝦水瓜烙，賣相靚，清清淡淡又带少少香口，唔錯。牛三寶麵，平，靚，正。牛筋够腍够味，牛腩，牛肚也不輸蝕。芋泥，熱辣辣，軟綿綿，好吃。但個人略嫌少少甜，如果淡啲就perfect喇。

冇食過咁好食嘅潮州菜，真係好抵！呢間除咗味道好之外，個份量都好大。特別係嗰個蠔仔粥，超級大碗，夠曬兩個人食，但係呢碗粥只係58蚊。。。入面有蠔，講真，咁嘅價錢邊度搵？下面就係蠔仔粥。你望下杯茶同粥個大細比例就會明，真係好抵。而且食到嗰啲蠔好鮮甜，每一啖粥都有嗰種鮮甜味，好好。個蠔餅都好好，食到好多蠔。 而家食啲蠔餅成日都得啲麵粉，反而蠔好少。 呢間似返舊時嗰啲蠔餅，每一啖都有肉，好滿意。呢個豆醬炒通菜勁有鑊氣。重點係佢唔會好油。以前食嗰啲油菜，碟一下面會有一層油， 呢個係冇嘅，又係勁滿意 > <叫咗一碟飯，叫鵝片飯。我係第一次食呢味餸，都係第一次聽。 認真，又真係幾好食。 嗰啲肉煮得好冧，好惹味，加埋啲醬汁，真係可以食兩碗飯嗰種程度 > <有圖有真相，望下個價錢，抵到喊。 我哋今次真係叫咗好多嘢，食到好飽。下次經過都會再嚟食嘢 > <

約左好耐無見既好友暢談 想搵個地方食下麻甩野 啤1啤🍻突然諗起呢間潮州打冷 平 靚1於帶埋佢過黎蠔仔粥(一大碗) 兩個人食都分左3個小碗份量雖然我唔多鐘意食蔥 但裡面既配料又好吸引我去克服滿滿既蔥同芫茜除左有飽滿既蠔仔 仲有柴魚碎, 魷魚乾 同豬肉碎而且成碗粥既口感好似我鍾意食既泡飯 蠔味仲滲入哂碗粥度炸蠔仔餅 每份蠔仔都係完整既1個餅形炸到勁脆卜卜 又唔油膩鵝片飯🦢 份量都唔少 塊塊都好大片 鹵水味岩岩好仲加埋碗 老火湯Tim!潮式墨魚🦑(例牌) 好彈牙 食唔停配埋枝啤酒🍺無得彈

今日去深水埗黃金買野，買完野搵間餐廳食下，行行下見到間食打冷的餐廳，自己都好耐冇食打冷了。門口掛上好多隻鵝，墨魚，雞等鹵味。滷水拼盆（細）有鵝腸好爽脆，豬耳又爽，大腸又不油膩，豬頸肉又夠味又嫩，墨魚片又彈牙，雞賢又有咬口，仲有紅腸，滷水蛋，豆腐，花生和芽菜都滷到好香。粥仔蠔一碗都好大碗又有超多蠔仔又大隻又鮮甜，又有魚乾絲，又有肉碎真是用料十足。煎蠔餅有好多蠔仔，蠔仔又大大隻煎到好香口，唔使點汁已好好味。沙嗲牛肉芥蘭，沙嗲牛肉嫩滑又入味，芥蘭好爽脆。

前幾個月來吃還很滿意😋小店生意真係吾好比佢旺場。。。一旺場好點生意就求其拿西🤦🏼‍♀️🤦🏼‍♀️🤦🏼‍♀️。。好夠膽賺💰。。其實賣完無貨咪出聲囉叫左三樣野。。。。。最差蠔仔粥。。吾新鮮。。好多都不完整。。腥🙊。。飛晒d蠔鵝片都吾可以話好伏。。通常我們見都是搭豆腐/花生/大豆芽。。。第一次係搭菜芯。。。芥蘭就無咩伏吾伏。。。灼熟晒先至加方魚。。68.00。。。早鬼知叫灼芥蘭平好多。。又有蠔油。。。。橫掂都不是炒。。

❤️行下行下想食潮州打冷🥘 💲價錢唔貴 選擇夠多元化😝 ====—====—====—====— 🍱鹵水細拼（$128） 2️⃣個人食點左個細拼份量🔟足🤩 鹵水汁鹵得非常入味😛好味👍🏻 👏🏻內臟洗得非常乾淨 絕無臭味😁 入面非常豐富，有豬腸🐷、鵝腸🦆、🐦生腸、👂🏻豬耳、🐙墨魚、🐽鹵肉、🍳鹵蛋、❤️紅腸，底下還有少許大豆芽🍃 🐟馬友魚（$128） 估唔到凍食都可以咁好味😛魚肉鹹鮮味十足👍🏻 肉質實淨🐟醃得非常入味👅重要是只有大條骨，唔識食魚嘅都岩食😜 🍲鎮店蠔仔粥（$52/碗） 蠔仔粒粒飽滿 😝 份量夠多， 配上方魚🐟、肉碎🐷、蔥花🍃、芫茜🌿等配料😛每啖吃到的都是鮮甜美味👅 ====—====—====—====—