潮味苑

營業中

休息中

爸爸最鐘意食打冷，上星期同佢經過呢頭，就黎左呢到食晚餐鹵水鵝片次次食潮州菜都必點鹵水鵝片！呢到既鵝片份量超足，塊塊鵝肉都好大塊又厚切，另外肉質鮮嫩，食落去好有咬感，肥瘦剛剛好。再配合鵝片醬汁，真係超正。魚蛋河魚蛋同魚片頭都好新鮮，非常彈牙。個湯底清清地但好鮮，天氣凍，好暖胃。$30咋，超抵！梅子蒸烏頭蒸得好有水準，梅子味好出，豐富了條魚的口感。條烏頭好大條，新鮮嫩滑。食完個鹵水鵝片再食番呢味魚頭，真係相得益彰。間餐廳唔大但生意超好，睇落都有唔少熟客。啲店員仲好nice！係令人窩心的小店

今次尼間食肆，當真是誤打誤撞，吃出美食來，本以為荼餐廳一間，坐低先發現有潮州菜食，環顧四周，每枱都食潮州菜，於是抱住一試無妨的心態， 就如店舖上貼住一位各人所寫的做為食鬼，一定要有個織熱的心，捐窿捐罅，乜都食，才有機會食出彩虹！潮州菜必食之品，鹵水鵝片，鵝肉又綿又軟，皮薄不油膩，點上蒜香味的白醋，吊出鵝味來，估不到這裏鵝肉質數可媲美高級潮州菜館，墨魚爽口彈牙，連伴碟的豆腐，花生，芽菜也很可口蘿白豬紅，其實因為隔離枱正在吃這個菜，見賣相不錯，叫來試試，果然做得出色，豬紅不是淡茂茂，咬落有煙韌感，點上自家製辣椒油，更好味，羅白不太甜，但炆得好淋，無渣！跟店員傾計，話鵝紅更好吃，下次一定要試蠔餅, 炸得脆卜卜，蠔仔大大粒，炸漿不厚不薄，剛好，點上魚露更好方魚肉碎粥$58碗，但份量很大，最少可以分六小碗，二个人吃有點負擔😅，材料豐富，湯底味道不錯，充滿大地魚香，灑上大量葱花，更加野味不得不讚，這裏的服務態度，一點也不像茶餐廳，客人內進，店員十分有禮地招待，有禮的程度拍得上高級餐廳！加上價格一點也不貴、真的值得光顧

去深水埗買完電話卡，順便周圍行下買平衫，經過這間潮味苑櫥窗掛滿了大大隻鵝， 非常吸引， 仲有好多人食， 必屬佳品，當然要試， 等了一陣才有位地方平民化， 沒有什麼特別豪華裝修，但這個一筆過鵝字， 平凡中帶出中國文化鵝件拼豬大腸 豬大腸好耐冇食， 雙拼都係108，唔貴。估唔到咁大碟， 豬大腸夠入味肥美，最緊要係洗得乾淨， 鵝件比了髀部位，特別好食， 肉質肥瘦 層次均勻，唔會有些地方特別肥，見到都怕怕， 自家密制鹵水汁味道好，可以在這區食到如此水準，真意外墊底的大豆芽菜和花生一樣好好味韭菜豬紅 48豬紅入口煙煙靭靭又大件， 韭菜浸到入哂味 香酥鴨侍應話係新菜式要我們試下， 果然冇介紹錯， 口感好似厚炸蘿蔔糕， 用川椒葉伴碟， 炸得異常鬆化，但 又唔覺肥膩，用桔油沾食，味道甜甜地好襯，碎鵝肉和其他配料做餡，食過不停牛三寶麵三寶有牛筋、牛腩、 牛肚， 全部炆到好腍 蘿蔔豬皮 蘿蔔大件索味， 豬皮腍度適中，有咬口感， 咖哩汁唔會太辣 門口仲有鹵水汁、花椒油、 糖桂花……外賣終於忍唔住，買了包蛋黃炸魚皮，這餐食得愜意，有機會要再試

最近天氣都係涼涼地，依家呢個天氣最啱就係去打冷或者打邊爐，由於近排都有去過打邊爐嘅關係所以就去咗食打冷。搵過食飯網或者食飯Apps抄過好多間打冷鋪頭，出名嗰啲發覺好多都係比較貴，好唔好食就見仁見智本來其實諗住會揀大圍嗰間生晶不過真係好貴，所以最後都係揀咗呢間係深水埗嘅酒地理位置來講都幾方便。本來睇佢個menu嗰個冰鎮墨魚好似好好食，最終去到都係忙，其實我地得兩個人去但係其實好多想食：例如蠔仔粥、炸蠔餅、鹵水拼盤、烏頭、糖醋麵等等........最後都係揀咗黃油烏頭，滷水拼盤，嘢食既質素就中上，要批評既話就黃油唔算多，滷水拼盤唔夠熱......不過睇相個樣好好味、份量都多。兩個人最後埋單300都算合理

一直都想食潮州打冷，但係香港嘅潮州打冷都略嫌有啲貴，我同朋友搵到一間係深水埗，價錢唔算話好貴嘅潮州打冷，終於都可以喺香港品嚐到啦😝滷水鵝拼盤（$198）我想講呢一碟野真係份量十足，(兩個人食，個份量係驚人) ，兩個人真係食唔晒😂滷水鵝嘅滷水汁好入味，整得好好味😋😋豬耳、墨魚丸、鵝腎彈牙爽口，每一種彈牙都係唔同嘅層次。豬腸、鵝腸、生腸洗得好乾淨唔會過肥。仲有好多種食物，數之不盡......請看圖我食得真係十分之滿足鎮店蠔仔粥，真係唔係浪得虛名🤩 $52一碗，勁足料，起碼有10幾20粒蠔仔，脹卜卜，夠鮮甜味美😋😋😋熱辣辣嘅泡飯裏面仲有好多肉碎😚😚仲有啲脆脆粒同香葱，食落唔會太單調！味道啱啱好，必點！🤩😚😚豆醬通菜☺🥬（$58），炒得超級入味嘅新鮮通菜，調味幾好，豆醬鹹香濃郁得來又唔會搶咗通菜嘅味道😋整體來講呢間鋪頭裝修同普通茶餐廳差唔多，但啲嘢就唔只係茶餐廳嘅質素，高質啊而且我覺得老闆同店員都好友善，會主動向我哋介紹唔同嘅食物👍👍附上menu:

想不到這間擁有簡單裝修的潮味苑居然有這麼多人來吃！相信菜式的味道應該很不錯吧～首先來個頭盤開開胃～糖心皮蛋還是頭一次吃！蛋黃果然是流心～很新奇～不過多吃幾顆會覺得膩，所以夾著酸薑一起吃就剛剛好，還能稍微將皮蛋的濃烈味道減低～酸酸甜甜很美味！本以為蠔仔粥的份量很少，怎知道原來大大碗～而裡面的材料也很多，尤其是蠔仔漲卜卜大大粒～因為蠔仔粥的蠔仔太美味，所以忍不住又點了個煎蠔餅！這個蠔餅絕不欺場！裡面藏著很多鮮甜蠔仔～最後我們因爲見到每枱都點個還小炒王來吃～所以我們也跟風點了客。味道稍濃的小炒王超夠穫氣！魚仔乾很酥脆～這碟真的很適合當下酒菜，可惜我們當晚已經吃到很撐～連啤酒也喝不下，不然一定會覺得更好味！

放工夜左，同同事揾野食，見到深水埗潮味苑好多人幫襯，停下來望左下餐牌，好多潮式的菜式好誘人😍排隊等位時望住滷水鵝滴口水...等左一陣終於有得入。小菜價錢經濟實惠，有打冷也有炒菜，我地就好潮州特色菜特別感興趣，可惜來晚了，水瓜酪賣晒...于是點左蠔餅。炸至金黃色的蠔餅好香吖！酥脆可口，蠔份量不俗，充滿海水味，好好食。來一碗潮州粥，粥底鮮甜，口感好好。滷水鵝片，超級夠味，基本枱枱都有食，真系好經典！甜品要左潮式芋泥，口感綿密，甜而不膩，白果好糯，一份量足夠兩人食！超抵！

又再黎享用晚餐了今次帶同媽媽一齊黎，隨便點左幾個小菜食，上菜速度都幾快，好快已經上齊晒所有食物。蠔仔粥必點之一，蠔仔依然夠晒大隻，粥入味得很腌獅蚶$68獅蚶雖然唔算太大隻，但份量十足，一啖一口，十分美味椒鹽九肚魚$88九肚魚香滑，入口脆卜卜椒鹽味濃厚，炸完連骨食落肚都可以！！韭菜蜆肉$50媽媽特別點黎放落粥食，炒過既蜆肉特別惹味！！綠豆爽$25食完正餐再點個糖水食下，去下油膩感同時又可以清下熱一舉兩得😆😆😆

2019年1月21日。晴。深水埗。放工約咗朋友喺深水埗食飯～想食打冷，見到附近有呢間潮菜館，即管試下睇得出主要做街坊生意，但食落發現不得了！簡直係禾桿冚珍珠！去到都8點幾，但係餐廳都坐滿晒咁滯好彩都仲安排到近門口嘅卡位畀我哋坐呢日店員推介凍蟹，$100一隻，$180兩隻大大隻，睇落都好吸引，不過唔想蟹咁麻煩，所以就叫其他凍魚烏頭，$108其他凍魚選擇仲有牙帶、大眼雞同筍殼，視乎當日有咩魚烏頭大大條，只有大條骨，唔驚會哽親魚尾仲掛住個本地元朗出產認證牌，保證食得放心～烏頭肉質實淨唔霉，鹹鮮味十足，魚皮嗰面仲見到鹽粒，醃得非常入味～就咁食得，仲有麵豉醬沾醬，夾埋一齊食食味道更濃郁牛三寶麵，$36朋友點嘅牛三寶麵，$36大大碗，抵食！三寶係牛腩、牛肚同牛筋食咗一舊牛肚，軟腍入味生菜，$18份量好多，食極都仲有冰鎮墨魚，$88最大驚喜係佢！一上枱已經畀佢個造型吸引住，擺盤勁靚，同日式墨魚刺身有得揮再加埋個wasabi豉油，九成相似食落更加驚為天人！！！墨魚肉爽滑彈牙，有咬口但唔會韌超級好味！！！！！大推！鎮店蠔仔粥，$52$52一碗勁滿嘅蠔仔粥，雖然蠔仔唔大粒，但勝在數量多差唔多每啖都會食到非

獨自到深水埗黃金商場買些電腦配件，路經潮味苑，突然很想吃潮州菜，目測這店都應該不錯，那就坐下來吃個晚餐。座無虛席，應該質素不遜吧！😎點了喜愛的鵝片，去骨大大片，啖啖肉，那有不愛之理 😍😍。加上豆腐墊底，油菜都可以省回 😉👌糖心子薑皮蛋，又是另一至愛。中環X記都是這些貨色，明乎其實，街坊價錢，中環味道。沙嗲炒牛河，牛肉大大片，有芥蘭作伴，沙嗲汁濃，明知是眼寬肚窄也忍不住點了一碟，任性得很。😅😅凍杏霜豐盛尤甚的一餐，成為2百大元，可謂超實惠😎臨離開之際，還買了一包金沙蛋黃魚皮回家成宵夜，肥是有原因的 😂😂😂

試左四樣野(蠔餅$78，鵝片飯 $68，蠔粥 $52，鱔皮 $20)蠔餅：好重手，全個都係蠔肉，粒粒都好飽滿炸粉係岩岩好黏成餅型，無多餘既粉，而且炸粉超級超級脆。真係好脆好香，炸野就一定有油架喇，但算偏少！鵝片飯：份量都不少，重跟碗老火湯。鵝肉有D煙韌，不過滷水味洽到好處，加返分。蠔粥：米唔會煮到好爛，口感似泡飯！粥入晒蠔味好香，而且粥入面重有D魷魚乾,鹹魚粒，好香口。鱔皮：夠平夠大包，可以問店員拎碗湯浸黎食，脆就夠脆，可惜太油。

首次幫襯呢一間小店，入到去個裝修好似普通茶餐廳，座位都較為逼夾！當日我們在晚上的時間七點開始吃餐，越坐越旺，人數越來越多！當晚我地點左多美的潮州菜滷水鵝超淋甜好味、新鮮鵝腸夠肥丶其次滷水的食物也很不錯👍🏻！於明白點解咁多人來到這裏吃！

近排好耐無食中菜，但夜媽媽得2個人，想簡簡單單食一餐畀我地搵到間食潮洲野既小店，一試真係不得了剩係個蠔餅，已然足夠叫我地下次再黎😋______________________________🔹蠔餅$78好重手，全個都係蠔肉，粒粒都好飽滿炸粉係岩岩好黏成餅型，無多餘既粉，而且炸粉超級超級脆真係好脆好香炸野就一定有油架喇，但算偏少.🔹鵝片飯 $68份量都不少，重跟碗老火湯鵝肉有啲煙韌，不過滷水味洽到好處，加返分.🔹蠔粥 $52米唔會煮到好爛，口感似泡飯粥入晒蠔味好香，而且粥入面重有啲魷魚乾,鹹魚粒，好香口.🔹鱔皮 $20夠平夠大包，可以問店員拎碗湯浸黎食脆就夠脆，可惜太油

《潮味苑》 #食在深水埗📍深水埗長沙灣道254-258號亞洲大廈地下A舖-開張接近一年 一直經過都想試下 咁岩同朋友黎 入去食下潮州野 -🔸鵝片併生腸 $118滷水汁味道濃而不咸 嚐出有五香八角的味道鵝片薄片切成 位置不會有太多肥膏 適中生腸略嫌不太凍 但很入味配菜方面會有小許花生 豆腐 大豆芽🔸蠔仔粥 $98蠔仔都幾大隻 米飯唔會煲到爛哂粥底鮮味較濃郁 有小許XO瑤柱上面鋪滿大量蔥花 提升粥底的香味🔸炸蠔餅 $78蠔餅有分炸同煎 我地選炸份量都幾大份 幾抵食 炸到金黃色脆卜卜蠔仔好大隻 配上魚露 🔸醃獅蚶 $68獅蚶唔係周圍都有得食 呢到既獅蚶醃製過再以蒜頭 辣椒 以及特製醬料浸水 獅蚶比較鮮甜-整體食物質素算是不錯 店鋪員工好熱情招呼環境方面 外觀像茶餐廳 但感到很衛生間中都會見到員工清潔地面 -題外話 : 🔸辣椒醬 店鋪的辣椒醬是獨家自制的以瑤柱XO醬配制的 辣度方而不是太辣但會嚐到辣椒的香味 有興趣可以購買回家🍴9/10

講到香港人最喜歡既菜式，我就認為係潮州打冷...無論係男女老少，都唔會拒絕既地道風味菜，我自己就最鐘意成班朋友聚一聚，個種自由自在，不拘小節既感覺。記得以前喺冬菇亭大排檔食住打冷，再同成班朋友嘆住啤酒，傾下計，真係好享受。.但隨住冬菇亭被式微，我都有好一段時間無食過潮州打冷，好多地道既打冷店都越變越少，直到遇上位於深水埗長沙灣道既【潮味苑】，連少食打冷嘅朋友都話好得。係深水涉站D2出口附近，長沙灣政府合署對面，店面前有一條馬路，店舖唔算太大，大概容納到四五十人左右吧，望入去異常地多人，環境整潔舒服，餐廳裏面既員工都好熱情有禮貌，有講有笑，淨係呢一點宜家已經好難得。呢到比我個感覺道無具噱頭而美味的菜式不須太多，一兩道菜已經可以留住客人的胃。但佢有好多菜式都好吸引啊真係...✨潮州凍烏頭 $108首先叫既第一道菜係我每次都會食既潮州凍烏頭，咁多樣潮州菜入面我最喜歡就係凍烏頭，烏頭既肉質不但更結實，而且鮮甜味更濃，厚實既魚皮將烏頭特有既黃油完全封鎖係魚肉間，口感正爆。烏頭另一樣誘人之處係魚骨唔多，而且魚肉仲好多，開邊既凍烏頭好似自動起肉一樣，夾起既每一下都係豐富既魚肉，再沾小小豆醬味道就更加