潮城魚蛋粉 (已結業)

📍潮城魚蛋粉 - 灣仔灣仔lunch有時想食得冇咁heavy嘅話，我會揀哩間潮城魚蛋粉👍🏻因為堂食人流好快，而且價錢喺灣仔地區嚟講，算係平啦！魚蛋河 $37我認為一間粉麵店嘅水準好唔好，在於魚蛋河好唔好味道！如果連基本食物都唔好，咁間餐廳都好極有限🤔所以我都係叫左碗魚蛋河！魚蛋同魚片係彈牙同埋隱隱約約食得出有魚味！要讚一讚佢嘅河粉，食到尾都冇發到肥晒！一條條分明唔會痴埋一pat pat👍🏻我鐘意落紅醋食，酸酸地幾開胃😋灣仔地區lunch味道唔錯，而且四十蚊有找算係咁！有時lunch唔想食太飽下午恰眼瞓嘅話，哩間都係唔錯嘅選擇👍🏻

夜晚要OT，快快趣吃完返去繼續工作，在灣仔區的晚上想不到有什麼好吃的，又想有熱食落肚，最後入左呢間魚蛋粉店，估唔到入到去有粥餐牌，叫左碗肉碎粥，有點咸，本身不抱太大期望，還算可以啦～

今日午市walk in 成條街其他食肆都要排隊 淨係呢間唔洗排⋯唉 為左拿拿聲食完拿拿聲番工 就入左去搭檯⋯🥲🥲🥲🥲😁叫左個午市飯餐 南乳豬手飯+凍檸茶 （$58+2）個飯好快就黎到 望落去都幾大碟 仲有好多白飯 食落先知中伏 豬手全部都係骨頭同皮 完全冇肉既 果幾條菜就更加唔洗講 個汁又怪怪地 想要黎撈白飯都唔ok….其實我本身對食已經冇乜要求 但呢個價錢比碟咁既飯真係有d過份⋯餐具又好污糟 好多綠色既污積⋯雖然食野前 自己洗下d餐具係基本操作 但都冇諗過會咁過份😂😂😂😂所以唔洗排隊真係有原因架⋯⋯⋯⋯慎入

去灣仔區做事，經過這一間潮州小店。即管入去試試，40元一大碗潮洲魚蛋河加凍檸茶做早餐算唔錯。中環簡直唔可以找到價廉物美的魚蛋河了。好懷念這些小店，好味又大碗，河粉十分滑又大碗。下次來灣仔區，一定再食。

黃昏時分想食個快餐，不想太飽因為約左朋友做運動，最好就是食碗麵，唔會太飽但又頂到下肚。一出灣仔地鐵站，在馬克克道出口就見對面有檔雲吞麵，二話不說就入去整碗試下先。是次點了魚蛋麵，上菜超快，坐下兩分鐘即有得食。當時客人不多，可能六點半時間尚早。食物方面魚蛋彈牙，湯底美味，魚片就比較咸。麵質爽口，無碱水味，份量都幾足下。餐廳不大，但都光猛衛生企理，觀察所見好多國內人士來食，聽見超過一半的食客都是操普通話的，可能大家都是在灣仔觀光之後食個下午茶吧~也有些是入來行左個圈就走左的，可見呢區都好多大陸人，而大家都對港式的粉麵有些興趣，都來整留碗食下。的確，我由細都大都成日食雲吞麵，真的是香港地道又有特色的快靚正食物之一，希望從事餐飲的人士，可以好好保留呢個獨特的香港味道。魚蛋麵$36除了粉麵，都有其他食物可選擇。

灣仔區，時常都有很多白領人士加班，收夜，而經常要加班的我，消夜或晚飯總是喜歡吃粉麵，附近地方除了大家都認識的南記之外，這間魚蛋粉確實很好吃。平時除了會去買他們的魚蛋粉之外，我還時常喜歡吃他們出品的雲吞麵，他們的雲吞做的食尺寸是一口即食的這款，味道調配也很合我口味，我在裏面的蝦真的是很爽口，絕對不是出邊另一些鋪頭爽口，而雲吞麵另一個主角當然係麵底，他們的麵底亦是我喜歡的小小爽，不太硬也不太軟的這一種。

星期六來到灣仔想食個快的午餐，最後決定自己食個牛腩麵，行下冇咩選擇，就揀左潮城。店裏環境好黑，照片調光左幾度先可以咁光😂😂牛腩麵牛腩份量幾多，半肥瘦，而且夠Lum。麵的煙en度剛好唔會太硬。可是店舖環境還要改善下，比人感覺不太乾淨。

今日中午我們去咗灣仔駱克道嘅「潮城魚蛋粉」食中午飯！我們叫咗艇仔粥嘅粥底煲得好綿，免治牛肉碎好鮮嫩，豬皮亦好爽滑！魚蛋河粉嘅魚蛋好鮮味彈牙，河粉嘅麵質好軟滑！豉油皇炒麵炒得都幾乾身，味道唔會好鹹！魚腩粥嘅粥底味道好鮮甜，魚腩嘅肉質好新鮮嫩滑！黑椒牛丸米粉嘅牛丸相當爽口彈牙，香辣嘅黑椒味，令到味道更加惹味！即蒸鮮魚片腸粉嘅腸粉好軟滑薄身，魚片好大塊同份量超多，真係幾抵食！

今日又去灣仔做Gym，肚餓搞野食，行嚟行去唔知食乜好，見倒眼前鋪 頭有粥品早餐，醒起好耐冇食過粥，咁就是是但但走入去坐低左。叫左個豬紅艇仔粥+炸兩 (HK$30)豬紅艇仔粥叫左唔夠5分鐘，野食到齊，食艇仔粥我會先攪一攪起碗底嘅牛肉碎，等一等佢熟，然後先食，粥料只有豬紅、魷魚、生菜、花生及碎牛，喂少料左啲喎！艇仔粥基本材料應有碎牛、瘦肉糸、水魷魚、豬皮、菜糸、炸魚片糸、鯇魚片及花生等等，每間唔同嘅粥鋪都會選擇其中五至六種材料放入粥裏頭，但呢個粥就只有其中四款材料，實在太少料！而粥底好淡，亦都冇米香。炸兩從賣相一睇已經知道係一早做定，食一啖，豉油較得Ok 嘅，油炸鬼預左凍、靭同唔脆，果然全中，腸粉做得一啲都唔挺身！總結: HK$30 蚊一個早餐，其實真係唔應該有要求，但食肆係咪就可以做得咁冇誠意呢？其實碗粥用料加多啲啲炸魚片及豬皮糸，粥底用多少少雞粉調味，可能成碗粥已經唔同哂，要做到呢個效果唔使HK$1蚊成本！而腸粉只要加多少少馬蹄粉或者粟粉就可以挺身啦！付出多少少去改善早餐嘅味道都唔願，就係大部份香港提供平價早餐鋪頭嘅特性，唔怪得去完台灣嘅朋友都同我講佢地嘅早餐做得有誠意過香港好多。

今日過灣仔做野, 度度都好多人隨便搵間食個LUNCH便算了本身以為呢間餐廳只有粉麵食, 原來有飯食有ABCD餐, 選了咕嚕雞球飯午餐連一杯飲品好多汁,酸甜好開胃, 而雞球炸到皮好脆, 而內軟雞肉應該是雞胸條一件件炸的所以唔滑,比較''鞋'', 勝在汁唔算太多或太少, 但如果汁係分開上, 會更好45蚊灣仔區, 質素屬一般

一到夏天就想食D濕濕地口的野，今日一條友，當然要簡間自己中意的餐廳啦，一出地鐵心里已打算吃蠔仔粥，入來坐低見環境乾淨企理，位同位之間的距離又遠，好舒服。點左個蠔仔粥，粥底好香好好味，D蠔仔大大只，漲卜卜，入口D好滑，又新鮮，冬菇片又夠大又夠香，加埋肉碎真是好美味。

十二月中旬‧晴我吃東西真的是一時時，有一陣子很喜歡吃海南雞飯，有時又找柱候豬手來吃。這一陣子，吃了不少炸醬撈麵，包括這裡的。炸醬本身不甜不辣，反而有點酸酸的。味道上好像是茄汁的酸味，感覺怪怪的。肉絲不太軟腍，而麵條就夠硬身，都好吃。沒人叫我在魚蛋粉店吃炸醬的，我明。

天氣驟涼，有同事想食粥，於是便去了潮城，這是有粉麵也有粥食的地方。大家二話不說，第一時間叫了粥吃，而我這天對粥品興趣不大，要碗雙丸河算了。河粉稱不上爽滑，雙丸是牛丸和魚旦，前者雖不很彈牙，至少有點肉味；後者則是軟熟，同樣帶點魚味。整體來說，雖沒太大驚喜，起碼穩穩陣陣。聽說粥是可以，下次要驗証一下。

有事做來到灣仔，聽說這間潮城魚蛋粉很有名，於是進來試試。店頗大，有點暗，只有幾枱客，大概三點幾這鐘數不是進餐時間吧。牛雜魚蛋河，牛雜軟腍入味，魚蛋爽口，河粉一般。水餃粗麵，水餃很大隻，多料，可是不知為什麼很苦……但又不是變壞的味道。粗麵很糊口，不夠湯，加了大量醋去調味才能把它吃完。夥計全程企係你背後，吃得很不自在。廿六蚊單併，三十二蚊雙併，一般價位，味道有待改進。

今日同左女友去左呢間店食晏,可能太早既關係所以唔太多人,間店都算乾淨,d小二都算有禮貌.我就叫左個牛腩墨丸麵,一上枱果陣真係好香,佢d牛腩係清湯腩,佢煮得淋得來又一d爽口,牛味好濃,正呀,佢d麵煮得剛好,而且都算彈牙,佢d墨魚丸都ok,雖唔係成粒都係墨魚,但都算有咬口,不過一碗麵要$37,都算幾貴.