潮州人 (已結業)

今日lunch同同事去左食這間新開的麵食小店，佢的主打係米粉同埋冇味精湯。個人認為佢的用料係用比較貴價的食材的，因為佢的米粉食落有質感，相當彈牙，而且個湯係真係飲得出冇落味精，因為啲味唔會太假，亦唔會過咸。叧外，佢的雞翼、牛肉、大蜆都係有質素的。蜆係新鮮，牛肉食得到個鮮味，而雞肉嫩滑，不過略為失色的係酒味唔夠濃。不過要彈佢的位係以佢的價錢，份量真係偏小，就算係女生食量相對小都唔夠食，而我雖然轉左湯飯，食完都唔夠飽。

由於想到附近的網紅店購買它的流心千層蛋榚，所以經過此地，記得曾經也有媒體介紹過這間餐廳的米粉，因此便進舖光顧。到達店舖時大概6時半，餐廳就只有我一位顧客，坐下後，點了一份小食及主食。先上枱的是花雕雞翼，雞翼有淡淡的花雕酒香，夠入味，皮內的雞肉也有酒香，可惜略嫌淡味。然後主食也上枱了-清酒大蜆湯米，先映入眼簾的是較大身的蜆肉，以48元來說，有4塊這個份大細的蜆肉，有點驚喜。先喝了一口湯，湯帶有淡淡的酒香、海鮮的鮮甜和油香，喝得出它的Style絕不是走強烈路線，走的是清新路線。蜆肉吃得出是新鮮的，而米粉如髮絲般幼，口感軟綿温柔，很有治癒的感覺☺️☺️自己是一位重口味之人，一般重口味才能夠滿足我，在等菜期間，我已找定枱面的辣椒油，若然不夠味，便預備拿來使用，但吃這碗米粉，我一滴辣油也沒有滴過，也吃得很享受很滿足。食物好吃與否，並不是由它味道重不重而決定，能夠吃得出食物本身的味道，便已足夠。

從以上負評一樣 , 價錢實在太貴. 食物質素一般 , 一碗普通米粉 , 只有幾塊花膠是$60. 面對隔離左右的競爭.毫無疑問，感覺很差, 唔會再去.食市難做.店主還懵然...

小店一間，有家既味道，比佢既雞湯同花膠吸引左。清酒大蜆湯米💓👍🏻（$48）雖然得3隻蜆，但真係好大隻，好鮮味，有小小咸鮮加酒香👍🏻而雞湯味好重，感覺湯底十分有誠意，再有小小酒香👍🏻另外值得讚既係佢既米粉超級幼身，好沾湯，唔會又漲又淋。推介🌟蠔皇花膠撈米（$68）花膠份量算好多，呢個價錢好抵👍🏻花膠煮到好軟加埋鮑汁撈埋一起，幾好味，而米粉唔算多，女仔份量剛剛好，值得一試👍🏻🥰

耐嚟唔耐就有個食牛的衝動，咁啱行開太子見到呢間就試試！午市時間一個客人都無，太靜了吧。點了手切牛米粉同刺身牛米粉2款。手切牛米粉牛味一流！又好咬口，不會太鞋，但價錢偏貴，50多元一少碗，我自問細食都唔夠飽另一碗刺身牛米粉，玩味感強，上枱時是生的牛肉片鋪在米粉上，再在客人面前倒上熱熱的雞湯。看著牛肉變半生熟就可以吃了。滿心期待的放入口，口感卻比較便宜的手切牛差，有點失望吧。題外話，每次點餐後老闆入廚房制米粉時，必定會聽到他開即食米粉包裝袋的聲音忽然間發現原來開餐廳很簡單哦

週未經過太子見到呢間小店吸引就入去試下啦。蠔皇花膠撈米米粉較幼身，而且比較長。花膠炆得淋身。雞湯味較濃，飲完好易口渴。廣島蠔湯飯廣島蠔煮熟後仍然滑及飽滿，蠔身夠嫰。湯飯夠熱而不爛，湯味亦重，不過不失。餐廳整體真係一般。

兩個人去食，點了兩個牛肉米粉，一個手切牛肉米粉，一個刺身牛肉米粉。份量完全唔夠，得幾塊牛肉，普通米粉，味精湯底，完全唔理解點解值五十幾蚊！刺身牛肉米粉係你面前倒一下熱湯，淥熟d牛肉，就變左70幾蚊碗！食物質素完全對唔起個價錢！牛肉係新鮮牛肉，但就無咩牛味，認真一般！米粉，普通超市幾蚊包，極幼身，完全無口感可言！湯，大家都知食粉面最重要係個湯，但完全食唔出個湯落左咩心機，得個咸字。總結，食物質素完全對唔起個價錢！無下次！

呢日去食左一個5成飽既午餐🤪真係無陰公，呢個手切肥牛湯米，我完全唔明點解要咁貴？雖然話係手切肥牛，不過只係得5-6舊咋，仲要個碗細細碗，完全唔會食得飽，完全無下次🤦‍♀️

今日行經太子界限街，見到有間新鋪裝修幾靚，個老闆行左出黎話今日有新野可以試下，刺身牛肉新竹米粉，我聽到心諗刺身牛肉再加米粉唔會好怪咩，咁佢講到新野右好似幾好食咁就試下佢咩料啦，一黎到牛肉真係好生但睇得出幾新鮮，佢一落滾湯落去唔洗一陣就變左半熟牛，我即刻起筷啦，堅好食，估唔到刺身牛加米粉真係咁鬼正，再飲埋老闆推介龍眼花旗蔘蜜甜就甜左D但有蔘味好好飲，估唔到呢間唔太起眼既小店有咁特別既刺身牛食，正，下次再黎！

搬左新舖有冷氣，唔洗再食到身水身汗，花膠撈米第三次黎食，依然保持水準，值得推介，試飲埋個髮菜蠔鼓煲冬菇湯，超正，如果凍天黎飲就會更加正，之前未試過飲佢地自加製既龍眼花旗參蜜，今日飲過好好飲，花旗參味唔會太苦有龍眼既甜中和返係幾好飲，新舖入左室內就唔洗再驚食塵，但本身我自己就唔多介意室外，因為有特別唔同既風味，但始終食米粉飲湯就有冷氣舒服D既，裝修都幾靚，坐都坐得舒服，聽老闆講原址會由朋友做糖水舖，都幾好附近無咩糖水舖下次會試下！

其實係咁岩排隊等甜品，就係附近行行下發現呢間話有花膠扒撈麵食既小店，佢既環境都好新潮，地方都好企理乾淨，唔同一般既粉麵店，行過後面仲有張高櫈同bar 枱，岩哂而家食野加影相打卡🙊。咁坐低後就梗係叫蠔皇花膠撈米啦，話哂都係被佢吸引黎呢度食，雖然呢間既價錢都唔算平，不過唔係成日食都可接受呀，跟住就埋佢既鮮牛頸脊湯米同花雕雞翼，見佢加錢有自制既龍眼花旗蔘蜜就試試佢啦！蠔皇花膠撈米 - 花膠都夠厚，唔算差喎，加上個汁配少少自制雞湯，其實呢個價錢都中規中矩呀龍眼花旗蔘蜜 - 蔘蜜味好重，飲唔出有龍眼味，不過整體既味道係好飲既鮮牛頸脊湯米 - 牛頸脊半生熟加銀絲米，好有住家 feel，唔錯花雕雞翼(3隻) - 略嫌無汁，如果上碟個時加少少花雕浸住，味道應該會更好整體黎講，雖然價錢唔算平，不過佢地既服務同質素係唔錯的，繼續努力啦！

何謂垃圾，何謂冇心，大家去D間就體驗到牛肉米粉   -------    一包包果D既米粉加埋味粉再加幾件肉件；多謝53蚊。 睇返之前D食評話D湯好用心冇味精同有幾好味。對唔住，果D可能係之前既評價，而家係一碗味粉湯米粉。咁都有機會個老闆好唔得閒，我見到佢快手快腳煮完就忙住佢既工作 - 打緊機, FIFA19。最後D句同老闆講，比心機做野啦"米粉廚神"

1. 蠔皇花膠撈米（＄68)花膠又長又厚，本身已經燘得好入味又軟腍😍加埋蠔油同細滑嘅新竹米粉真係好惹味，隔天個湯又冇味精之餘又濃味👍🏻👍🏻👍🏻彤樂評分：8.5/102. 鮮牛頸脊湯米（＄53)牛頸脊係出面真係好少食到，食落好爽口，唔會韌，湯底好鮮甜，不過個人更愛撈米😂😂😂彤樂評分：8/103. 甘香醉蝦（＄48)用湯燙熟蝦，已經令蝦肉更鮮甜，不過加埋酒，就再多一層香味😋彤樂評分：7/104. 酒釀糖心蛋（＄18)糖心蛋做到半漏黃，用酒釀過令多係鹹味當中慢慢慘出甘苦味道，幾特別😁彤樂評分：7.5/105. 龍眼花旗蔘蜜（＄16)一向怕飲苦嘅花旗蔘蜜，估唔到加左龍眼，本身嘅甜份中和左，先有甜，黎有甘，再加上冰涼嘅關係，好舒服☺️彤樂評分：8.5/10

太子原來真係有唔少好嘢食，見到雜誌介紹呢間潮州人嘅米粉係冇味精，而且湯底好足料，所以今晚經過就黎睇下佢究竟係龍定係鳳因為細鋪嘅關係，所以有幾張枱已經搬到街外面，係深夜嘅街頭靈舍別具風味。一場嚟到梗係要試吓網上d人重點推介嘅花膠湯米啦，點知可能太夜嘅關係，店主話唔夠一份花膠，問我介唔介意要半份蜆代替，咁一個價錢可以試晒兩樣野，就梗係冇問題啦。一上枱已經見到兩隻好大嘅蜆，食落冇沙，而且好新鮮，所以要讚下！我最鍾意佢嘅米粉，並唔係茶餐廳米份，佢係用台灣新竹米粉，成個口感即刻唔同晒男朋友話養顏野就交比女士啦，所以佢就叫咗個大蜆湯米。總括黎講味道的確係唔錯，但份量以呢個價錢就比較少，作為晚餐可能就唔係好夠食喇🙊

專程去試。店比想像中小，只有幾張枱，而且大部分在店外行人路上，主要是兩人枱，但很干淨，環境可以。睌上約6.30 去，靚湯和糖心蛋中午已賣完。失望。酒煮貴妃蚌很好，蚌新鮮，味道清甜。花膠炆米- 花膠份量足，腍，入味，但对我來説稍微偏甜了一點。酒煑蝦肉很鮮甜，不過酒味沒有完全入到蝦肉內。蒸小蟶子也很不錯。由於只有老闆一個人煑菜，所以上菜速度較慢，但正好讓我們慢慢品嚐。招呼服務也挺不錯。总的來説，用料新鮮上乘，煑功用心，性價比高，值得一試。