潮州人 (已搬遷) 新店位置

今次獎勵自己食個花膠撈米（HKD68），原條花膠成把18cm咁上下長，仲幾腸厚吓！配幼滑新竹米粉真係一流！湯頭無味精都幾濃味，啱重口味人士。手切肥牛湯米（HKD53）用牛頸脊肉，味道幾濃同爽口，都唔錯喎！貴妃蚌（HKD56）一份得兩隻好似少咗啲，不過好大隻吓，仲意外地鮮甜爽口，交足料！酒釀糖心蛋（HKD18隻）就比想像中清香，酒味唔算濃，但蛋味夠香，還可以啦。PS. 男士食一碗麵未必夠飽，因為米粉點都冇咁肥，加底就要HKD8。美咪指數：8.5/10抵食指數：7/10

之前黎過食花膠湯米粉，花膠夠大夠厚，今日黎試新野，牛柳邊米粉，牛柳邊唔同普通牛肉，味度鮮甜，有口感，可以一試，仲食埋上次都有食既醉雞翼，一樣咁好味！比上次多左位置坐！

老實說，我是專程拜訪這間小店的，因為我不喜歡香港大集團橫行，希望盡點力去支持一下小店，而當今天香港，不知何解，突然花膠當道，充斥各區，又花膠雞湯、又花膠車仔麵，好似咩都落片花膠就是新鮮事，要做招牌菜似的這間潮洲人其中兩大主打是花膠米粉同清酒大蜆米粉，我當然2個都有叫，花膠煮得過淋，米粉是幼身，好似銀絲米粉咁，味道還可以，但我始終認為，花膠只適宜做噱頭，如果咁樣一碗花膠米粉實在過於欺騙觀眾了；另外清酒蜆還可以，蜆仔咬落去有口爆感覺，但有輕微腥味

呢間舖頭個名叫潮州人，我覺得各位一世人點都要試一次，因為你有無試過食嘢食到好似畀錢呃嘅滋味未，有無試過食野有打喪屍既刺激感未，如果未試過又想試一次，呢間嘢值得你去擁有今日行經此處，有點肚餓，突然有個靚仔好殷勤咁拎住菜單同我介紹有咩食，我望一望價錢平均50至60蚊一碗米粉，唔算平亦都唔算貴， 有點心動打算食一碗，誰不知一時錯誤嘅決定，會帶來令人一生難忘嘅經驗， 舖頭沒有舖面，靚仔說轉灣有位坐， 當然是坐街大排檔形式，我作為香港人當然駕輕就熟， 但想不到衛生環境差到連自問連見慣大場面的我也嚇怕，座位隔離幾步已經是一個坑渠，坑渠附近有一灘污水，雖然有點抗拒，但也照樣叫了一個清酒大蜆米粉， 轉眼間來到， 看著有莫名的親切感， 因為買相跟自己在家煮的即食米粉一模一樣，分量也相差無幾，輕嚐一啖果然驚為天人，原來連味道也一模一樣， 還有嘗到少許淡淡的酒味，此時突然驚覺自己叫是清酒大蜆米粉，那大蜆呢，趕忙撥開米粉，發現整碗米粉有_四隻， 而且還有一隻是未煮開口的， 當我沉醉在這震驚的感受時，突然有一個男人飛奔經過， 踏中在坑渠旁的污水，頃刻污水四濺甚至有些 凌空飛到我正在用膳的枱面，我即時眼明手快移開

上網見到食物款式幾吸引，加上係附近，所以夜晚黎左試試，叫了花膠湯米同清酒大蜆湯米，整體極度普通，湯米像公仔米粉，價錢不算便宜，總共$101，環境也不太好，應該不會再去了

今日經過此小店，見到張相寫住牛魔王手切肥牛米，咁就入內試試好唔好味，價錢$53碗，唔算太貴亦唔算平，老闆話牛係用牛柳邊黎整，食落好用口感，個湯底亦好好味，我第一次食米粉面呢類會飲哂成碗湯，食完我仲叫左兩款招牌小食，酒釀糖心蛋，同埋醉雞翼，兩款小食都好夠酒味，但又唔會話食得多會醉果隻，小朋友都岩食，特別要讚一讚個酒釀糖心蛋，半熟既糖黃漿上面加上酒香既味道，簡直係入口有種幸福既感覺，哈哈，值得介紹朋友黎試！

路邊小店，位於太子較偏位置，經網上介紹特登黎試下去個花膠米粉同清酒大蜆米粉，米粉用幼身台灣新竹米粉，花膠夠厚夠多，值回價錢，清酒大蜆米，酒咪濃香，但就得3隻，份量較為不足，老闆推介新食品，酒釀糖心蛋，酒味香甜，但價錢就見人見至，$18隻蛋，但我個人認為都唔算太貴，因我係日本餐廳食過就$20隻，但就呢間好食好多，路邊小食較為有另一番風味，但你唔鍾意有車塵就唔建議你黎食，此小店仲有每日老火靚湯推介，環境我唔介意坐路邊我覺得無咩問題，食物質素覺得幾好，可以介紹朋友！

今日途經太子呢間位於角位既小店，本身都未肚餓無諗住食野，但就比陣超香椰子味吸引到我，行埋去一望真係今日有椰子煲雞湯，見門前有位坐就拿拿林叫老闆整碗湯黎試下，勁香椰子味，飲得出真材實料，唔係流野，飲完湯見佢門口貼哂相話招牌菜係花膠湯米粉，見佢碗湯咁好飲就叫老闆整碗花膠湯米黎試下佢有無咁堅，一黎到花膠好厚好大塊，米粉問老闆話係台灣米粉黎，偏幼身，花膠好夠咪淋度適中，但我就覺得個湯底偏淡，但整體黎講花膠都係好食，都值得去一試！

之前黎食過一次但只係試過大蜆湯米粉，因為附近返工關係所以再黎幫親多一次，上次同老闆傾過計都幾好人幾nice,岩岩今日老闆就推介左個新野就係蠔皇花膠撈米粉，試左花膠好大塊夠汁，仲跟埋一碗湯比你，怕太乾身可以比你淋落去，食完仲叫左個湯飲，其實未叫一坐低已經有陣椰子味，原來真係椰子雞湯，椰子老闆話係用印度椰子，勁甜勁香椰子味，下次黎再食多次撈米，但大男人我覺得一碗未必夠飽,可能要再叫其他少食先夠，值得推介。。。。。。

上網見到空手道教練開左間潮州人，我自己學開空手道就緊係過黎撐下場先啦，黎到等左一陣左右，坐低就叫左碗花膠米同醉雞翼，花膠米份量足夠夠大塊花膠，雞翼好有清甜酒味，食完仲叫左碗招牌靚湯飲，我唔記得左係咩湯底，但飲得出無味精，非常好飲，我坐低食緊果時，都有人黎左要等，眼見得十個坐位左右，所以食完都唔好意思坐咁耐讓位比人坐，但睇得出用心小店一間，可以再黎支持一下。花膠湯米醉雞翼值得一試，等耐少少都值得。。

今日同女朋友經過見到呢間野有幾個人排緊隊，咁岩搵緊野食就過黎排埋一份，等左差唔多20分鐘，到我地坐低就叫左一碗大蜆米一碗花膠米一份醉雞翼，大蜆米有三隻，好大隻，勁香清酒味，花膠米勁大塊花膠，勁入味，醉雞翼都好香酒味但一份得三隻少左d，這間鋪坐位不多，所以都要等下位，出菜略慢但總括黎講我覺得值得等既，同埋見佢人手又唔多下次我會再試下佢d住家無味精湯同埋佢個豬雜米，今日本身都想試豬雜，可惜佢無哂，可能時間比較夜

上網見到介紹即刻去試下，小店一間，位置唔大，坐到3-4張台左右，叫左碗招牌花膠湯米同埋醉雞翼花膠湯米超夠味，花膠超大隻，唔算貴，湯亦好入味，我成碗飲哂！醉雞翼超有酒味，睇得出要浸好耐酒先咁有味，我食完仲再叫左份，份量雖少得3隻但真係好食！佢仲有招牌靚湯，但我飲完佢成碗花膠湯成肚湯水唯有下次再黎試下小店一間好味，值得推介！環境雖少但裝修感覺整潔令人食得放心！但位置較唔近大街，出地鐵站都要搵左少少時間！

經過各大報章宣傳，好在去到嘅時候都唔算多人..坐係街邊食亦另有一番風味！選擇唔算多有五大款~💁‍♀️ 即叫即整都要等一下先有得食清酒大蜆湯米,一飲個湯😅味道好清淡,同想像中確實有幾大出入🙈米粉亦用咗台灣新竹嗰款幼米粉⋯一個字：淡！大蜆共四隻，望落都幾大隻，但有一兩隻帶有沙🤦‍♀️ 養顏花膠湯米黎講就比較可取，花膠幾大塊，偏稔身🙂不過不失啦！食物質素來講就真係一般般🙈唯一唔錯嘅就係服務態度🙂

味道一般，食材一般，任何一間茶餐廳都應該好味過佢！所謂嘅湯底不知所謂，大蜆有沙，醉雞翼沒有酒香味，醉蝦都係一樣，米粉食落有陣怪味，而且唔夠爽囗，福米仲好味過佢，唉，一個字形容～差！成間舖得四張細枱，仲要係坐街，一係等，一係外賣，如果好味一切都唔係問題！但係味道真的好一般！試完一次，令人唔會再想食第二次！

今日經過太子，見到有間小店門口好多人排隊，我即刻去八卦下，原來係新開左一間賣湯米粉嘅店舖，佢有幾款湯底揀，我就叫左清酒大蜆湯米同埋養顏花膠湯米。因為佢係即叫即整嘅關係，都等左幾耐下，等左15分鐘左右，個米粉終於到喇！ 賣相一般但香噴噴的。 不過食落去先知係龍與鳳。食完有d失望，因為個米粉太鞋累事！d湯亦都好一般飲完口乾既，好失望，真冇乜特別。唯一可讚既係花膠好味個d蜆都唔錯，不過得3隻咋！ 個米粉令佢大打折扣